Медсестра ухаживает за пациентами в больнице

Доктори эронӣ: 85 дар сади гирифторони коронавирус бидуни табобат сиҳат мешаванд

1603
(Таҷдидшуда 18:10 07.05.2020)
15 фоизи баъдӣ ба 2 гурӯҳ тақсим мешаванд. 10 фоизи онҳо метавонанд нишонаҳои шадид пайдо кунанд ва 5 фоизи дигар бояд ба беморхона раванд, меафзояд Ораш Алоӣ

ДУШАНБЕ, 7 май — Sputnik. Ораш Алоӣ, пизишки эронитабори амрикоӣ, дар сӯҳбат бо  телевизиони "Ҷаҳоннамо"-и Тоҷикистон тавзеҳ додааст, ки дар эпидемияи коронавирус чигуна метавон наҷот ёфт.

Аз ҷумла, ӯ таъкид бар он кардаст, ки ба тамоми ваҳшате, ки имрӯзҳо дар бораи коронавирус дар ҷаҳон паҳн мешавад, нигоҳ накарда, беморони КОВИД - 19 будуни табобат ҳам сиҳат мешаванд.

Ба қавли Ораш Алоӣ, ба гурӯҳи чунин ашхос 85 дар сади гирифторони коронавирус дохил мешаванд.

"Бар асоси таҳқиқоти анҷомдодаи ҷаҳоние, ки мо медонем, 85 фоизи шахсони гирифтор ба COVID-19 бидуни табобат сиҳат мешаванд, ё тамоман аломат надоранд ё нишонаҳои хеле сабук доранд. 15 фоизи баъдӣ ба 2 гурӯҳ тақсим мешаванд", - қайд кардааст вай.

10 фоизи онҳо метавонанд нишонаҳои шадид пайдо кунанд ва 5 фоизи дигар бояд ба беморхона раванд. Аз 1 то 3 фоиз ва ё дар баъзе ҳолатҳо то 5 фоиз мефавтанд, афзудааст доктори эронӣ.

Ба гуфтаи Ораш Алоӣ, ҳолатҳое мешавад, ки миқдори ками вирус ба бадани бемор ворид мешавад ва маҳз дар ҳамин ҳолат аломатҳои гирифторӣ низ каманд ё умуман вуҷуд надоранд.

"Он механизме, ки боиси аломат мешавад, шиддати системаи иммунитет бар муқобили вирус аст. Дар касоне, ки миқдори ками вирус вориди баданашон мешавад, иммунитети бадан нисбатан мулоим ҷавоб медиҳад. Бо ин сабаб нишонаҳо дар онҳо кам мешаванд. Лекин, вирус дар бадани онҳо паҳн мешавад ва онҳо манбае ҳастанд, ки бо дигарон вирусро интиқол медиҳанд", - гуфтааст вай.

Доктор тавсия додааст, ки дар ҳолати нишонаҳои авалини коронавирус сулфа ва ҳарорат беморон дар хона монанд, аммо агар тасфашон аз 39 боло шавад ва нафаскашӣ дар як дақиқа аз 25 маротиба зиёд шавад, пас ба духтур муроҷиат кунанд.

Дар акси ҳол, бемор бояд оби гармро бисрат нӯшад ва баъди 2 ҳафта пурра сиҳат хоҳад шуд.

Доктор ба нафароне, ки бӯй ва маззаро гум кардаанд, мегӯяд, ки он метавонад баъди ҳафтаҳо ва ҳатто баъди моҳҳо баргардад ва аз ин набояд нигарон шуд.

"Аз замоне, ки  аломатҳо  пайдо  гардида, паст мешаванд, як  ҳафта баъд дигар  ин фард на худаш бемории вирусро дорад ва на ба  дигарон  вирусро  паҳн  мекунад, лекин  агар сулфа мезанад эҳтимол он чанд ҳафта тул кашад. Ҳастанд нафароне, ки мушкилоти  шуш ё буёӣ  доранд, чун дар касоне, ки ба COVID-19 гирифтор мешаванд, дар чанд  дарсадашон ҳисси буёӣ аз байн  меравад ва маззаро  хуб  эҳсос  намекунанд. Бинобар ин, бояд ба ташвиш наафтанд, чунки эҳтимол  он чанд ҳафта ё баъзан чанд моҳ тул мекашад. Муҳим  нест, ки  шумо  аломат  доред ё  надоред, муҳим он аст, ки  ду то се ҳафтаи оянда, ки  шуруи паҳншавии COVID-19 дар  Тоҷикистон ҳастанд, қоидаҳои гигиениро риоя кунед", - тавсия медиҳад Ораш Алоӣ.

1603
Человек в защитной маске в городе Душанбе

Эълони нави Вазорат: рӯзҳои охир касе нафавтид, 54% гирифторони COVID-19 шифо ёфтанд

877
(Таҷдидшуда 19:21 02.06.2020)
Вазорати тандурустии Тоҷикситон эълон кард, ки то соати 17:00 дақиқаи 2 июн дар ҷумҳурӣ 4100 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 2217 нафар ё 54% шифо ёфтаанд

ДУШАНБЕ, 2 июн - Sputnik. Тибқи иттилои Вазорати тандурустӣ, то соати 17:00 дақиқаи 2 июн дар мамлакат аз ин беморӣ 47 нафар фавтидаанд. Теъдоди фавтидагон тайи рӯзҳои охир бетағйир аст. 

Бино ба иттилои манбаъ, то 2 июн дар мамлакат 1612 нафар зери назорати табибон қарор дошта, дар як шабонарӯзи охир 393 нафар пас аз шифо ёфтан ба хонаҳояшон рухсат дода шудаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазир дар бораи як моҳи мубориза бо COVID-19 ва омори маргумир : “худро намебахшам”

Вазорати тандурустии Тоҷикистон дар лаҳзаҳои ҳассос аз тамоми сокинони кишвар даъват карданд, ки барои пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият гуфтаанд, табиби ҳар шахс худи ӯст.

877
Доктор в маске и защитном снаряжении

Фонди захиравии Президент ба 5256 пизишк иловапулӣ ихтисос дод

155
Феълан 4,2 миллион сомонӣ ба суратҳисобҳои сарраёсат ва раёсатҳои молия дар шаҳру ноҳияҳо ва муассисаҳои ҷумҳуриявии дахлдор гузаронида шуда, бояд саривақт ба пизишкон пардохт карда шавад

ДУШАНБЕ, 2 июн - Sputnik. Дар асоси фармоиши якҷояи Вазорати молия ва Вазорати тандурустӣ ва ҳифзи иҷтимоии аҳолӣ аз 21 майи соли 2020 ба 5256 нафар кормандони соҳаи тандурустӣ иловапулӣ дода мешавад, хабар медиҳад Вазорати молияи Тоҷикистон.

Ба иттилои манбаъ, иловапулӣ бояд ба 995 нафар духтур, 1833 корманди миёнаи тиб, 1547 корманди хурди тиб ва 881 нафар дигар кормандони соҳа пардохт карда шавад.

Феълан 4,2 миллион сомонӣ ба суратҳисобҳои сарраёсат ва раёсатҳои молия дар шаҳру ноҳияҳо ва муассисаҳои ҷумҳуриявии дахлдор гузаронида шуда, пардохти саривақтии он таҳти назорати ҷиддӣ қарор дорад.

Раҳмон маоши якмоҳаашро барои мубориза бо коронавирус дар Тоҷикистон таҳвил дод

Манбаъ тавзеҳ медиҳад, ки барои моҳҳои минбаъда пардохти иловапулии мазкур тибқи рӯйхати пешниҳоднамудаи Вазорати тандурустӣ ва ҳифзи иҷтимоии аҳолӣ ба роҳ монда мешавад.

Ёдовар мешавем, ки тибқи амри раисҷумҳури Тоҷикистон аз 1 майи соли 2020 аз ҳисоби Фонди захиравии Президент 12,4 миллион сомонӣ барои пардохти иловапулӣ дар ҳаҷми як маоши вазифавӣ ҳармоҳа ба музди меҳнати амалкунанда ба кормандони соҳаи тиб ихтисос дода шуд.

Иловапулӣ аслан ба он кормандони соҳаи тандурустӣ, ки бевосита дар раванди ташхис ва табобати сирояти COVID-19 дар муассисаҳои табобатӣ ва таҳти карантин қарорд доранд, пардохт карда мешавад.

155
Барчаспҳо:
маблағи иловагӣ, пизишкон, фонди захиравӣ
Мавзуҳо:
Пайомадҳои COVID-19 дар Тоҷикистон ва ҷаҳон

Омори 7 рӯзи охири баҳор дар Хуҷанд: тасфу “илтиҳоби шуш” кам шудааст

0
(Таҷдидшуда 21:36 02.06.2020)
Маркази ёрии таъҷилии тиббии шаҳри Хуҷанд, омори табъи баланду хуруҷи бемории “илтиҳоби шуш” дар охирин рӯзҳои фасли баҳорро ироа кард

ДУШАНБЕ, 2 июн – Sputnik. Мирзонабӣ Мирзоҳошимов, сартабиби Маркази ёрии таъҷилии тиббӣ дар шаҳри Хуҷанд гуфт, дар рӯзҳои охири фасли баҳор, мавридҳои баландшавии ҳарорати бадан ва хуруҷи “илтиҳоби шуш” дар миёни сокинон коҳиш ёфтааст.

"Давоми як ҳафта, яъне аз рӯзи 25 то 31 - уми май дар умум ба сатансияҳои Маркази ёрии таъҷилии тиббии шаҳри Хуҷанд 52 муроҷиати сокинон бо аломатҳои бемории "илтиҳоби шуш" ба қайд гирифта шудааст. Дар ин шумор занону мардон қариб, ки баробар буда, ҳамаи онҳо барои табобат ба беморхонаи клиникавии Суғд интиқол дода шудаанд", - гуфт Мирзоҳошимов.

Бино ба иттилои сартабиб, давоми ҳафт рӯзи охири баҳори имсол ҷамъан 746 сокин аз ду тарфи соҳили дарёи Сир дар Хуҷанд бо аломатҳои мухталифи беморӣ аз ҷумла фишорбаландӣ, шамолхӯрдагӣ ва бемориҳои қанду қалбӣ барои расонидани ёри фаврии тиббӣ ба онҳо муроҷиат кардаанд, ки аз ин шумор бештар аз 120 ҳолати нотобшавиҳо аз баландшавии табъ будааст.

Мирзонабӣ Мирзоҳошимов зикр намуд, ки аз рӯи муроҷиати сокинон, мушоҳида мешавад, ки дар рӯзҳои нахустини фасли тобистон суръати сироятёбӣ ба "илтиҳоби шуш" назар ба моҳҳои фасли баҳор хеле поён поён рафтааст.

"Рӯзҳои аввали моҳи май то 70 – 80 нафар муроҷиати сокинон танҳо бо ҳолати баландшавии тасф ва гирифторӣ ба бемории "илтиҳоби шуш" дар як шабонарӯз ба қайд гирифта мешуд. Хушбахтона дар оғози фасли тобистон сабти ин қабил маризӣ дар миёни сокинони шаҳр то ба 8 – 10 ҳолатӣ кам шудааст", - иброз намуд сартабиб.

Сартабиби Маркази ёрии таъҷилии тиббӣ мегӯяд, ба роҳ мондани табобати бемории илтиҳоби шуш дар марказҳои саломатӣ дар маҳалҳо ва ҳам гузаронидани корҳои тарғиботии пешгирии бемориҳои сироятӣ  ба коҳишёбии шиддати авҷи ин маризӣ таъсири амиқ расонидааст. Аммо табибон таъкид меварзанд, ки ки барои пурра нобуд шудани "илтиҳоби шуш" боз ҳам нақши сокинон муҳим ва  минбаъд ҳам набояд риояи гигиенаи тиббӣ сарфи назар шавад.

Маркази ёрии таъҷилии тиббии Хуҷанд ҳоло аз 15 бригада ва беш аз 80 табибу ҳамшираву ронанда иборат буда, онҳо ба аҳолии наздик ба 185 ҳазор нафараи маркази вилояти Суғд ёрии тиббӣ мерасонанд.

0
Барчаспҳо:
мошин, ёрии таъҷилӣ, Тоҷикистон