Омори COVID-19 дар шаҳру вилоятҳои Тоҷикистон: 2 фавт ва 61 мавриди ҷадид

© Sputnik / Пресс-служба ЦВОМагнитно-резонансная томография в 451-м военном госпитале в Таджикистане
Магнитно-резонансная томография в 451-м военном госпитале в Таджикистане - Sputnik Тоҷикистон
Обуна шудан
Вазорати тандурустӣ ва ҳифзи иҷтимоии аҳолии Тоҷикистон аз афзоиши теъдоди фавтидагон ва гирифторон ба маризии “вируси корона” ё COVID-19 дар як рӯзи ахир хабар дод

ДУШАНБЕ, 8 май – Sputnik. Дар иттилоияе, ки Маркази матбуоти Вазорат дар ихтиёри Sputnik Тоҷикистон қарор дод, то соати 17:00 – и имрӯз – 8 май теъдоди гирифторони “вируси корона” дар кишвар ба 522 нафар расид, ки аз ин шумора 61 мавриди ҷадид мебошад. 

Тақдими хонаҳо аз ҷониби соҳибкор Маҳмудҷон Муродов ба камбизоатон дар Душанбе - Sputnik Тоҷикистон
Муродов ба се оилаи камбизоат дар Душанбе хона дод-аксҳо

Манбаъ афзуд, шумораи онҳое, ки аз ин маризӣ ҷон додаанд, 2 нафар афзуд ва ба 14 нафар расид.

“Аз ин 522 нафар дар шаҳри Душанбе - 223, шаҳру ноҳияҳои тобеи ҷумҳурӣ - 83, ВМКБ - 18 нафар, Хатлон - 59 ва дар вилояти Суғд 139 нафар бо ташхиси “вируси корона” ошкор шудаанд”, - омадааст дар иттилоия.

Тибқи иттилои вазорати тандурустӣ ва ҳифзи иҷтимоии аҳолии Тоҷикистон, то бегоҳии 8 майи соли равон дар муассисаҳои табобатии кишвар ҳамагӣ 4286 нафар зери назорати табибон қарор дошта, тайи шабонарӯзи охир 420 нафар дар ҳолати қаноатбахш аз муассисаҳои табобатӣ ба хона ҷавоб дода шудаанд.

Лентаи хабарҳо
0