Жители города Душанбе в медицинских масках на улице

Аз воҳимаи беасос то нархи баланди доруворӣ: муроҷиати занони Хуҷанд ба мардуми Тоҷикистон

672
(Таҷдидшуда 17:06 09.05.2020)
Занони фаъоли шаҳри Хуҷанд ба мардуми Тоҷикистон дар робита ба паҳншавии коронавирус дар кишвар, муроҷиатнома ироа кардаанд

ДУШАНБЕ, 9 май — Sputnik. Бо муроҷиатномаи худ занони шаҳри Хуҷанд мардуми кишварро ба таҳаммулпазирӣ ва нотарсию ҳамдигарфаҳмӣ даъват кардаанд.

Дар муроҷиатномаи занону модарони шаҳри Хуҷанд, ки сухангӯи раиси шаҳр, Маъмур Юсуфов дар фейсбук нашр кардааст, аз ҷумла гуфта мешавад: "имрўзҳо Тоҷикистони азизи моро чун дигар мардуми тамоми сайёраи олам маризии ногаҳонӣ бо номи коронавирус «Ковид-19» фаро гирифта, ба ташвишу таҳлука овардааст. Ин мушкилоту муаммои танҳо як шахси алоҳида ва ё кишвари ҷудогона нест, балки имтиҳони сахту сангин дар назди ҷомеаи соири мамлакатҳои дунё мебошад.

Алалхусус, ин рӯзгори пурташвишу хавотиромез, изтироболуду ҳассос дили мо, бонувону модаронро, ки гармиву равшании хонадон бештар аз мо вобаста асту тансиҳатӣ, тинҷиву осудагӣ, офияти пайваста, лабханди ширини кўдакон ва саодати кулли фарзандони олам, орзую ормонҳои азаливу ҷовидонии ҳар яке мост, реш-реш месозад.

Мутаассифона, дар ин рўзҳои душвор душманони миллат аз вазъи ноустувору мураккаби рўҳиву равонии мардум истифода карда, миёни одамон иғво бармеангезанд, тавассути шабакаҳои иҷтимоӣ ҳар гуна овозаҳои бардурўғ ва ваҳмангезро паҳн месозанд ва ҷудоию парокандагӣ ба вуҷуд меоранд.

Зиёда аз ин, баъзе аз тоҷирон ва фурушандагон аз ҳадди инсоф гузашта, нархи маҳсулоти мавриди ниёзи мардум, дорувориҳои зидди зукомӣ ва зиддифуниро боло мебардоранд. Набояд, фаромўш кард, ки мо дар парокандагии эҳсосу амалу андеша наметавонем, ба муқобили ин вабои аср мубориза барем ва ғолиб оем.

Пири ҳакимони Машриқзамин Шайх Абўалӣ Ибни Сино ҳанўз дар замони худ гуфта буд, ки «Тарс дар муқобилат бо ин вирус ҷисми инсонро заифтар мегардонад». Бинобар ин, моро зарур аст, ки тарсу ваҳмро аз вуҷуди худ дур созем, зеро ин беморӣ муолиҷашаванда аст. Мо бояд аз ҳарвақта бештар бо ҳам меҳрубон бошем, дасти ҳам бигирем, кинаву адолат, бухлу ҳасад аз дилҳову қалбҳо зудуда созем.

Имону эътиқод, адлу инсоф, дўстиву муҳаббат, садоқату ҳақиқатро аз барномаи зиндагии худ ҳаргиз дур наандозем . Омили асосӣ ва нахустини тансиҳатии одам ин тозагии дастон, аъзои бадан, покии афкору андеша, озодагии манзилу истиқоматгоҳ, муҳити атроф ва ҳифзи он аст. Мақоли оддӣ ва ниҳоят соддаи «Тозагӣ- гарави саломатӣ», ки бардошт аз рўзғори чандинҳазорсолаи ниёгони мост, бояд шиори ҳамарўзаи мову Шумо ва фарзандони азизи мо бошад.

Мо, занону модарон дуохони ҳамаи табибон, ҳамшираҳову бародарони шафқат, оростакорону тозакорон, кулли кормандони қароргоҳи ёрии таъҷилӣ, муассисаҳои тандурустӣ мекунем, ки ба қасами худ содиқ монда, шабро шабу, рўзро рўз нагуфта, паи ҳифзи саломатии мардум ҷони худро ба хатар мегузоранду шуҷоату мардонагӣ нишон медиҳанд.

Ҳамчунин сипосу минатдории худро ба кулли соҳибкорону савобандўзон мерасонем, ки бо камоли инсонӣ амалҳои хайр анҷом медиҳанд, ба беморон шифои комил ва ба пайвандони онҳо, ки аз маризӣ даргузаштанд, сабри ҷамил металабем.

Имрўз вақти якдилӣ, ҳамдигарфаҳмӣ сабру таҳаммулу устуворӣ, вақти имтиҳону санҷиш аст. Боварии комил дорем, ки мардуми шарифи Тоҷикистон ин имтиҳони сангинӣ зиндагиро бо сарбаландӣ, бо умеду боварӣ паси сар мекунад ва боз камари ҳиммат баҳри ободиву созандагии кишвари азизамон мебанданд".

672
Барчаспҳо:
вируси нав, занон, Хуҷанд, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (487)
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

133
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

133
Барчаспҳо:
решакан шудани дарахтон, ронанда, Тоҷикистон
Две женщины на улице. архивное фото

Бедаракшавии Фотима, Сайёра ва Абдухолиқ: кумакхоҳии ВУД аз мардум-аксу видео

784
(Таҷдидшуда 14:53 04.06.2020)
Вазорати умури дохилии Тоҷикистон се нафар, аз ҷумла ҷавондухтаронеро меҷӯяд, ки моҳи май бадарак шудаанд

ДУШАНБЕ, 4 июн — Sputnik. Тибқи гузориши ВУД, яке аз ҷавондухтарҳои бедаракшуда Фотима Ҷалилова, соли таваллудаш 1997, истиқоматкунандаи шаҳри Турсунзода мебошад.

Фотима Ҷалилова 11 майи соли равон аз хона берун рафта, то ҳол бедарак мебошад, афзуд ВУД.

Инчунин дар шаҳри Турсунзода, Абдухолиқ Абдураҳмонов, сокини 60-солаи шаҳри мазкур бедарак шудааст. Манбаъ афзуд, ки аз 28 майи соли равон то ҳол дар бораи Абдураҳмонов хабаре нест.

Тибқи иттилои ВУД, нафари бедаракшудаи дигар Сайёра Абдусаломова, соли таваллудаш 2006, истиқоматкунандаи ноҳияи Рӯдакӣ мебошад, ки 2 майи соли равон аз хона баромада, то ҳол аз ӯ хабаре нест.

Вазорати умури дохилии Тоҷикистон бо нашри аксҳои афроди бедаракшуда дар гузориши видеоияш аз шаҳрвандон хоҳиш кардааст, ки дар сурати доштани маълумот дар бораи онҳо тариқи рақамҳои 221 21 21, 227 98 98 хабар диҳанд.

784
Барчаспҳо:
бедарак, акс, Тоҷикистон
Эмомалӣ Раҳмон, раисиҷумҳури Тоҷикистон ҳангоми додани мукофот ба соҳибкор Муҳиб Бобоҷонов

Бобоҷонов боз 1 миллион сомониро барои мубориза бо COVID - 19 дод

131
Соҳибкор Муҳиб Бобоҷонов барои мубориза бо COVID - 19 дар Тоҷикистон боз як миллион сомонӣ хайр кардааст

ДУШАНБЕ, 4 июн — Sputnik. Муҳиб Бобоҷонов нимаи моҳи май ба табибони Рашт 200 ҳазор сомонӣ ҳадя карда,  баъдтар боз  барои пешгирии бемории коронавирус 1 миллион сомонӣ тақдим кард, хабар дод нашрияи “Садои мардум”.

Пештар Бобоҷонов барои 400 табиби ноҳияи Рашт дар ҳаҷми 500 сомонӣ ба ҳар кадомашон тақсим карда буд.

Президенти кишвар Эмомалӣ Раҳмон  зимни ироаи паёми ахираш  ба Маҷлиси Олӣ аз корномаи ин соҳибкор  тавсиф намуда, гуфт, Муҳиб Бобоҷонов — сокини 80-солаи ноҳияи Рашт якҷо бо фарзандонаш соли гузашта 42 километр ва имсол 16 километр роҳро азнавсозӣ карда, толори варзиш, пул, чоҳҳои обкашӣ ва чор хонаи истиқоматӣ барои маъюбон ва оилаҳои камбизоат сохта, ҳоло ба масофаи 10 километр хатти оби нӯшокӣ кашида истодааст ва мақсад дорад, ки дар шаҳри Душанбе як корхонаи бузурги нассоҷӣ бунёд намояд.

Таъкид мешавад, Муҳиб Бобоҷонов ва писарони саховатпешааш Раҳимҷон, Шарафҷон ва Бегиҷон дар ҳалли мушкилоти мардуми ноҳия ва минтақаи Рашт пайваста кумак мекунанд.

Ахиран Раҳимҷон Бобоҷонов,  тоҷири тоҷики  муқими Русия ва писари Муҳиб Бобоҷонов  се миллион рублро ба муҳоҷирине, ки дар шароити пандемия бекор монда буданд, тақсим кард.

131
Барчаспҳо:
кумак, сомонӣ, миллион, Тоҷикистон