Мешки с мукой

Таъсири COVID -19 ба Тоҷикистон: арзиши газу бензин поин шуду қиммати орд боло

1052
(Таҷдидшуда 17:44 09.05.2020)
Хуруҷи бемории коронавирус ё COVID -19, ки гаштугузори сокинон ва мошинҳо дар роҳҳои Тоҷикистонро ба маротиб кам намудааст, ин ҳол ба коҳишёбии арзиши маводи сухт дар таъмингоҳҳои сӯзишвории нақлиёт бе таъсир намондааст

 ДУШАНБЕ, 9 май – Sputnik. Ҳоло мушоҳида мешавад, ки қиммати 1 литр гази моеъ дар нуқтаҳои таъмини сӯзишворӣ дар шаҳру навоҳии кишвар то ба 33 % поён рафта ба 2, 6 сомонӣ расидааст.

Арзиши ин навъ маводи сӯзишворӣ дар ду ҳафтаи пеш 3, 6 - 3, 7 рақам зада мешуд. Манобеъи Sputnik Тоҷикистон сабаби ба чунин андоза поён рафтани арзиши сузишвории нақлиётро ба маҳзи хуруҷи бемории COVID-19 дар кишвар арзёбӣ мекунанд.

Як корманди нуқтаи фурӯши сӯзишворӣ дар ноҳияи ба номи Бобоҷон Ғафуров гуфт, баъди расман эътироф шудани сабти бемории вируси корона дар кишвар, шумори гаштугузори мошинҳо ҳам дар роҳҳо аз аввали моҳи май ба ин тараф хеле кам ба назар мерасад.

Истеҳсоли орд бештар мешавад: таҷдиди бузургтарин корхонаи ордбарории Душанбе

"Вақте мошинҳо гашту гузор накунанд, кадом ронанда барои хариддории газу бензин ба нуқтаҳои фурӯши газу бензин меояд? Аз ҳамин хотир ҳоло талабот ба хариди сӯзишворӣ хеле кам шудааст. Вақте талабот, ки кам шуд табиист, ки арзиши молу маҳсулот дар бозор поён меравад. Аз ин хотир мо ҳам қиммати сӯзишвориро паст кардем то шумори хариддорон зиёд шавад", - гуфт ҳамсӯҳбати мо.

Комил аз шумори ронандаҳои таксӣ дар шаҳри Душанбе мегуяд, се сол боз зиндагиашро аз ҳисоби ҳамин шуғл таъмин мекунад. Вай афзуд, ҳамарӯза барои он, ки мусофиронро ба ҷое расонад, балони гази мошинашро бо 50 сомонӣ пур мекард.

Аммо, ҳоло аз ин, ки шумори мусофирону сокинон дар кӯчаҳо кам шудааст, ӯ ҳам ба қавле ба "рухсатӣ" баромада машғули кору бори хона аст.

"Бо сабаби хуруҷи вируси корона қариб, ки гаштугузори сокинон дар кӯчаҳои шаҳр дида намешавад. Дар ин ҳол ба кор баромадани мо ҳам зарурат надорад чун, ки талабот ба таксӣ кам шуд. Аз ин хотир машғули кору бори хона ҳастам", - зикр кард ӯ.

Ҳоло аксари воситаҳои нақлиёт дар Тоҷикистон аз ҳисоби гази моеъ ҳаракат мекунанд ва ба гуфтаи ронандаҳо ё соҳибони автомобилҳо ин ба вазъи иқтисодии онҳо бастагӣ дошта, чунин навъи маводи сухт назар ба бензин арзонтар будааст. Кишвари Тоҷикистон маводи сӯзишворӣ аз ҷумлаи гази моеъ ва бензину дизелро аз хориҷа, умдатан аз кишвари Русия ворид мекунад.

Дар соли гузаштаи 2019 бино ба маълумотҳои омории мақомоти гумрук бештар аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ворид шудааст. Аммо поинравии нархи сӯзишворӣ дар замони хуруҷи COVID -19 дар дар манотиқи кишвар дар ҳолест, ки қиммати маводи ғизоӣ баръакс тамоюли рӯ ба болоравӣ дорад.

Бар пояи иттилои хариддорони бозорҳо, арзиши як халта орди 50 килоӣ назар ба 170 сомонии як моҳи пеш ҳоло ба 230 сомонӣ дакка хурдааст. Дар ҳоле, ки коркарди ин навъи маҳсулоти ғизоӣ дар худи кишвар имконпазир аст ва мақомот дар бораи захираҳои кофии он ҳарф мезананд.

 

1052
Барчаспҳо:
орд, бензин, газ, арзиш, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (454)

Ҷашнҳои рӯзи 1 июн дар Тоҷикистон ва ҷаҳон

24
(Таҷдидшуда 23:23 31.05.2020)
Рӯзи якуми июн ҳамчун Рӯзи умумиҷаҳонии муҳофизати кӯдакон қайд мешавад. Ҳамчуниндар Тунис Рӯзи Конститутсия ва дар Муғулистон Рӯзи модару кӯдак таҷлил мешавад

Рӯзи 1 июн дар ҷаҳон чӣ рух дод

Соли 1862 дар саросари ИМА ғуломдорӣ манъ карда шуд.

Насилие, архивное фото
© CC0 / Pixabay
Насилие, архивное фото

Соли 1869 бақайдгирандаи электронии  овоздиҳӣ ихтироъ карда шуд.

Соли 1935 дар Англия барои гирифтани шаҳодатномаи ронандагӣ ва рақами автомобил имтиҳон ҷорӣ карда шуд.

Соли 1858 дар Канада аввалин танга истеҳсол карда шуд.

Соли 1938 аввалин шумораи маҷаллаи ҳаҷвии "Action Comics" нашр шуд.

Рӯзи 1 июн дар Тоҷикистон чӣ рух дод

Соли 2009 раисҷумҳури Тоҷикистон Эмомалӣ Раҳмон "Дар бораи таҷлили зодрӯзи Мавлоно Ҷалолиддини Балхӣ" фармон имзо карданд, ки пас аз он дар Ҷумҳурии Тоҷикистон ҳар сол 30 сентябр чун Рӯзи Мавлоно таҷлил карда мешавад.

День 31 мая
© Sputnik / Стас Этвеш / Вишнякова Мария

Соли 2012 сафари Эмомалӣ Раҳмон ба Ҷумҳурии Мардумии Чин аз музофоти Фуҷиан, ки дар ҷанубу шарқи ин кишвар қарор дорад, оғоз ёфт. Cоли 2014 Сарвари давлат  Эмомалӣ Раҳмон ба  боғи "15-солагии истиқлоли Тоҷикистон", ки бунёдаш 8 сол пеш, 18 феврали соли 2006 бо иштироки бевоситаи Сарвари давлат оғоз ёфта буд, ташриф оварданд. Ин боғи 450-гектара пурра ба ҳосил омада, соли дуюм аст, ки аз он ҳазорон нафар ризқи фарох ҳосил мекунанд.

Соли 2010 маросими ботантанаи ба истифода додани бинои нави Муассисаи давлатии "Маркази миллии тавонбахшии кӯдакони маъюб "Чорбоғ" дар ноҳияи Варзоб"  баргузор гардид. Барои бунёди бинои мазкур аз ҷониби Ҳукумати Ҷумҳурии Тоҷикистон 800 ҳазор сомонӣ ҷудо гардида буд.

Ҷашнҳои рӯзи 30 май дар Тоҷикистон ва ҷаҳон

Соли 2010 дар қароргоҳи Конфедератсияи футболи Осиё дар шаҳри Куала Лумпури Малайзия  рӯйхати дастаҳои футболе, ки дар бозиҳои олимпии Лондон-2012 иштирок мекарданд, ба тасвиб расид. Ба он  34 дастаи футболбозон, аз ҷумла, дастаи миллии Тоҷикистон низ шомил шуд.

Соли 2011 Парлумони Тоҷикистон лоиҳаи Қонуни ҶТ "Дар бораи Палатаи ҳисоби Ҷумҳурии Тоҷикистон"-ро ба тасвиб расонид.

Моли 2016 дар Филармонияи давлатии Тоҷикистон ба номи Акашариф Ҷӯраев ба муносибати 25-солагии Истиқлолияти давлатии Ҷумҳурии Тоҷикистон даври ниҳоии фестивал-озмуни чумҳуриявии "Тараннуми истиқлол" баргузор гардид.

Соли 2018 дар шаҳри Душанбе таҳти раёсати Сарвазири мамлакат Қоҳир Расулзода ҷаласаи Шўрои сарони ҳукуматҳо-сарвазирони кишварҳои аъзои ИДМ доир гардид

Ҷашнҳои рӯзи 1 июн

  • Рӯзи  умумиҷаҳонии муҳофизати  кӯдакон.
  • Дар Самоа —  Рӯзи истиқлолият.
  • Дар Тунис- иди умумимиллӣ- Рӯзи Консититутсия.
  • Дар Муғулистон — Рӯзи модару кӯдак.
  • Дар Ҷумҳурии Палау — Рӯзи президент
24
Барчаспҳо:
ҷашн, ҷаҳон, Тоҷикистон
Задержание, архивное фото

"Аттестат"-у диплом мефурӯхт: боздошти директори мактаб бо шариконаш

946
(Таҷдидшуда 17:15 31.05.2020)
Оҷонсии мубориза бо фасод як роҳбари мактаби миёнаро боздошт кардааст, ки дар фурӯши шаҳодатномаи хатм муттаҳам мешавад.

ДУШАНБЕ, 31 май — Sputnik. Бино ба иттилои дафтари матбуотии Оҷонсӣ Ҳусейн Қаюмов дар вазифаи Директори Муассисаи таҳсилоти миёнаи умумии №18-и ноҳияи Деваштич кор карда истода, бо маслиҳати пешакӣ бо омӯзгори МТМУ №2-и шаҳри Истаравшан Фатулло Маҷидов ва Нодир Бобоев ба ин кор даст задаанд.

Генерал-майор Сулаймон Султонзода, сардори Ожонси назорати давлатии молиявӣ ва мубориза бо фасоди Тоҷикистон
акс аз сомонаи Агентии мубориза бо коррупсияи Тоҷикистон

Ба иттилои манбаъ, номбурдагон моҳи феврали соли 2020 аз шаҳрванд Ҷуразода Ш.Ш. барои ба ӯ бидуни таҳсил омода кардани додани шаҳодатномаи хатми мактаби таҳсилоти миёнаи умумӣ, маблағи 5000 сомонӣ талаб карда гирифта, бар ивази он ба ӯ шаҳодатномаи қалбакиро додааст.

“Инчунин, Қаюмов Ҳ.А. дар якҷоягӣ бо Бобоев Н.П. бо тарзу усули болозикр моҳи феврали соли 2020 аз шаҳрванд Ҷуразода Ш.Ш. барои ба номи шиносаш - Ғаффоров Б.Б. омода кардани додани дипломи хатми Омӯзишгоҳи касбии шаҳри Исфара, маблағи 4000 сомонӣ талаб карда гирифта, тасарруф намудаанд”,- афзудааст манбаъ.

Манбаъ мегӯяд,вобаста ба ҳолатҳои мазкур нисбат ба Ҳусейн Қаюмов, Фатулло Маҷидов ва Нодир Бобоев бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

Ба иттилои Сулаймон Султонзода, раҳбари Оҷонсии зидди фасод, давоми соли гузашта 122 корманди Вазорати маориф ва илмро бо гумони даст доштан дар амалҳои коррупсионӣ боздошт карда буданд.

 

946