Эмомалӣ Раҳмон, раисиҷумҳури Тоҷикистон ҳангоми додани мукофот ба Шамсулло Соҳибов, соҳибкор

Кумаки Шамсулло Соҳибов ба мардуми Хатлон: 25 боркаш бо лавозимоти тиббӣ

2406
(Таҷдидшуда 20:27 09.05.2020)
Муассисаҳои тандурустии шаҳру навоҳии вилояти Хатлон бо доруворӣ, либосҳои тиббии муҳофизатӣ, айнакҳои тиббии муҳофизатӣ, дастпӯшакҳо, ниқобҳои тиббӣ, хилъатҳо, маводҳои антисептикӣ, маводҳои поккориву тамизкорӣ ва ғайра пурра ба тариқи ройгон таъмин карда мешаванд

ДУШАНБЕ, 9 май – Sputnik. Бо ибтикори соҳибкори ватанӣ Шамсулло Соҳибов, рӯзи 9 май корвони иборат аз 25 мошини борбар барои кумак ба сокинони вилояти Хатлон, ки дар муассисаҳои тиббӣ бистарӣ шудаанд, ба шаҳри Бохтар ворид гардид, хабар медиҳад Носирҷон Маъмурзода, сухангӯи дастгоҳи раиси вилояти Хатлон.

Гуфта мешавад, ки корвони мошинҳои ҳомили маводи доруворӣ ва лавозимоти тиббӣ ҳамин рӯз бо роҳбаладии намояндагони мақомоти вилояти Хатлон ба ҳамаи 25 шаҳру навоҳии вилоят сафарбар гардиданд.

Ба иттилои манбаъ, дар доираи ин иқдом, ки таҳти унвони "Шифо ва ҳамдилӣ" амалӣ мегардад, муассисаҳои тандурустии ҳамаи шаҳру ноҳияҳои вилояти Хатлон бо лавозимоти тиббӣ, аз ҷумла маводи гуногуни доруворӣ, либосҳои тиббии муҳофизатӣ, айнакҳои тиббии муҳофизатӣ, дастпӯшакҳо, ниқобҳои тиббӣ, хилъатҳо, маводҳои антисептикӣ, маводҳои поккориву тамизкорӣ ва ғайра пурра ба тариқи ройгон таъмин карда мешаванд. Кумакҳои мазкур дар маҷмӯъ зиёда аз дусад ҳазор бастаро ташкил медиҳад.

Раиси вилояти Хатлон Қурбон Ҳакимзода дар маросими қабули корвони лавозимоти тиббӣ зикр намудааст, ки ин ташаббуси соҳибкор Шамсулло Соҳибов аз дастури Президенти Ҷумҳурии Тоҷикистон муҳтарам Эмомалӣ Раҳмон сарчашма мегирад.

Ташаббуси инсондӯстона ва ватанпарастонаи соҳибкор дар шароити доман паҳн намудани бемории сироятии коронавирус дар миқёси олам ва эҳтиёҷоти воқеии соҳаи тандурустии вилоят заруру саривақтӣ буда, ин кумакҳо ба ниёзмандон, беморон ва табибон сарф мешавад.

Раиси вилоят аз номи мақомоти иҷроияи ҳокимияти давлатии вилояти Хатлон ба соҳибкор Соҳибов миннатдорӣ баён намуда, изҳори умедворӣ кардааст, ки дигар соҳибкорон низ ба чунин иқдомҳои хайрхоҳона ва башардӯстона, ки дар ин давру замон барои ҳар як бемору эҳтиёҷманд муҳим ва саривақтӣ арзёбӣ мегардад, пайравӣ мекунанд.

Ёдрас мешавем, ки имрӯз аз дар беморхонаи шаҳри Бохтар 110 бемори илтиҳоби шуш сиҳат гардида мураххас шуданд.

2406
Барчаспҳо:
соҳибкор, кумак, маводи доруворӣ, Хатлон
Мавзуҳо:
Пайомадҳои COVID-19 дар Тоҷикистон ва ҷаҳон (489)
Пробирки с биоматериалом в лабораторном комплексе

Роспотребнадзор гуфт, сохтани як ваксина барои COVID-19 ғайриимкон аст

0
Анна Попова, раҳбари Роспотребнадзор дар бораи омода кардани ваксина бар зидди коронавирус сухан гуфт

ДУШАНБЕ, 4  июн — Sputnik. Ваксинаи ягона барои коронавирус нахоҳад дошт, гуфт роҳбари Роспотребнадзор Анна Попова ҳангоми мубоҳисаи онлайн дар клуби “Валдай”.

Ба гуфтаи вай, дар Русия якбора якчанд доруҳои мухталифро барои табақаҳои гуногуни аҳолӣ истифода хоҳанд бурд.

"Бешубҳа, ин як дору нахоҳад буд. Як қатор ваксинаҳо ва доруҳои мухталиф мавҷуданд, ки барои гурӯҳҳои гуногун истифода хоҳанд шуд" - гуфт Попова.

Дар хусуси таъсири ваксинаҳои таҳияшудаи зидди коронавирус ҳанӯз барвақт гуфтан, изҳор дошт роҳбари Роспотребнадзор.

"Мӯҳлати эълон (таҳия намудани ваксина) умеди касе аст. Аммо ба назарам, имрӯз ҳоло умедвор кардан барвақт аст. Мо метавонем бигӯем, ки кай таҳия ва иҷрои ваксина аз ҷиҳати техникӣ имконпазир аст, аммо мо итминон надорем, ки он барои шахс то чӣ андоза самарабахш хоҳад буд",- гуфт Попова.

Вай афзуд, ки бар асари коронавирус, мутахассисон бояд фавран ваксинаҳои зукомро омода кунанд. Тибқи пешгӯии Роспотребнадзор, мавҷи дуюми ин беморӣ дар давраи афзоиши беморищои шадиди роҳи нафас метавонад рух диҳад.

Тахмин меравад, ки дар ин ҳолат як бемор манбаи паҳнсозии ҳарду вирус - ҳам зуком ва ҳам коронавирус мегардад.

Номбурда гуфтааст, рухдоди чунин вазъ раванди вазнин хоҳад буд ва ин комилан, ин моро водор мекунад, ки ваксина алайҳи зукомро ба даст орем ва миқдори онро зиёд бардорем ва кӯшиш кунем, ки шумораи зиёди шаҳрвандон эм карда шаванд.

0
Барчаспҳо:
истеҳсол, вирус, табобат, дору, Тоҷикистон
Женщина в защитной маске на улице города Душанбе

Афзоиши гирифторони COVID - 19 дар Тоҷикистон: ба 4,3 ҳазор наздик шуд

237
(Таҷдидшуда 19:31 04.06.2020)
Вазорати тандурустии Тоҷикистон омори нави мубталоёни коронавирус дар кишварро барои имрӯз  4 июн нашр кард

ДУШАНБЕ, 4  июн — Sputnik. Тибқи иттилои дафтари матбуотии Вазорати тандурустии кишвар давоми шабонарӯзи ахир 98 ҳолати нави гирифторони коронавирус ба қайд гирифта шудааст.

Тибқи маълумот  то имрӯз 4 июн, шумораи умумии беморони коронавирус дар ҷумҳурӣ ба 4289 нафар расид.

Ҳамзамон, дар давоми як рӯзи охир, табибон тавонистанд 54 беморро табобат кунанд.

Сар аз оғози эълони ин бемори дар кишвар то кунун  2 401 нафар шаҳрвандон шифо ёфтанд.

Инчунин то имрӯз, 1418 сокин дар беморхона таҳти назорати кормандони тиббӣ қарор доранд.

Вазорати тандурустӣ гуфтааст,  давоми шабонарӯзи охир аз коронавирус ҳеҷ кас нафавтидааст. Теъдоди қурбониён то имрӯз аз  ин беморӣ дар кишвар ба  48 нафар мерасад.

Ин ниҳод афзудааст, ки ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ мешаванд ва дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

237