Рейды по парикмахерским в Хатлоне

Мақомоти Душанбе фаъолияти тамоми кошонаҳои ҳусн ва сартарошхонаҳоро манъ кард

1198
(Таҷдидшуда 13:43 12.05.2020)
Мақомоти шаҳри Душанбе эълон кардааст, ки муваққатан фаъолияти кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо манъ карда мешавад

ДУШАНБЕ, 12 май – Sputnik. Мақомоти шаҳри Душанбе бо мақсади ҳифзи тандурустии сокинони пойтахт аз пешгирии бемории сироятии коронавирус (COVID-19) фаъолияти тамоми кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, то 31 майи соли 2020 манъ кард.

Дар ин бора дафтари матбуоти раиси шаҳри Душанбе иттилоъ додааст.

Бино бар иттилои манбаъ, сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд.

Ёдрас мешавем, ба ҳолати соати 17:30-и 11 май дар Тоҷикистон 49 ҳолати нави сироятёбӣ аз коронавируси навъи COVID-19 ба қайд гирифта шуд.

То соати 17:30-и 11 май дар Тоҷикистон 49 ҳолати нави сироятёбӣ аз коронавируси навъи COVID-19 ба қайд гирифта шуда, шумораи онҳо ба 661 нафар расид.

Ба иттилои манбаъ, ҳамчунин теъдоди ҳолатҳои фавти беморони мубтало ба ин вирус 1 нафар зиёд шуда, 21 касро ташкил медиҳад.

Қаблан шумораи сироятёфтагон 612 нафар ва фавтидагон 20 кас буд.

Вазорати тандурустӣ ва ҳифзи иҷтимоии аҳолии ҷумҳурӣ аз тамоми сокинони кишвар даъват карда, ки қоидаҳои беҳдошти шахсиро қатъиян риоя ва ҳамзамон дар ҳолати пайдо гардидани нишонаҳои ин беморӣ фавран ба табиби оилавии минтақаи хеш муроҷиат намоянд.

1198
Барчаспҳо:
автомобил, шустушӯ, сартарошхона, манъ, маҳдудият, Душанбе, мақомот, Тоҷикистон
Вакцина против COVID-19 Pfizer-Biontech

СММ ба тақсими ваксина алайҳи COVID - 19 шурӯъ кард: Тоҷикистон низ дар рӯйхат аст

2
(Таҷдидшуда 16:34 23.01.2021)
Қаблан Вазорати тандурустии Тоҷикистон хабар дод, ки ба Созмони милали муттаҳид барои дарёфти ваксина алайҳи коронавирус дархост ирсол намуданд

ДУШАНБЕ, 23 янв — Sputnik. Роҳбари СҶБ Тедрос Гребесесус аз имзо шудани шартнома дар мавриди хариди 40 миллион вояи ваксинаи PFizer-BioNTech’s хабар додааст.

Ба таъкиди ӯ, феълан барои интиқоли маҳсулоти AstraZeneca/Oxford созиш ба даст омадааст.

Раҳбари СҶБ мегӯяд, ин кор имкон медиҳад, ки дар доираи механизми COVAX то охири сол дар саросари ҷаҳон ду миллиард ваксина, аз ҷумла 1,3 миллиард ба кишварҳои аз ҷиҳати иқтисодӣ камдаромад тақсим карда шавад.

Ёдовар мешавем, ки механизми COVAX, ин ташаббуси беназир барои истеҳсол ва хариди мутамаркази ваксинаҳо бар зидди COVID-19 мебошад.

Тибқи он, ҳукуматҳо ва истеҳсолкунандагон якҷоя кор бурда, ҳам ба кишварҳои сарватманд ва ҳам ба кишварҳои аз лиҳози иқтисоди камдаромад ваксина тақсим карда мешавад.

Қирғизистон бо Русия барои воридоти ваксина алайҳи коронавирус гуфтушунид мекунад

Дақиқ шудааст, ки 150 миллион дозаи дигари ваксинаи таҷрибавии AstraZeneca/Oxford дар семоҳаи аввали соли равон дастрас хоҳад шуд. Феълан СҶБ барои тасдиқи ин дору барои истифода кор бурда истодааст.

Бояд гуфт, ки Вазорати тандурустӣ ва ҳифзи иҷтимоии аҳолии Тоҷикистон низ дар доираи ташаббуси COVAX барои 2 миллион воя ваксина аз коронавирус дархост пешниҳод кардааст.

2
Барчаспҳо:
СММ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Автомобильная дорога, ведущая к городу Душанбе

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

255
(Таҷдидшуда 16:03 23.01.2021)
Ронандаи 46 - сола аз шаҳри Хоруғ бо 5 мусофир дар самти Душанбе ҳаракат мекард, ки дар нимароҳ ба садамаи мудҳиш рӯбарӯ шуд

ДУШАНБЕ, 23 янв — Sputnik. Кумитаи ҳолатҳои фавқулода аз рух додани садамаи мудҳиши нақлиётӣ дар километри 277 - уми роҳи мошингарди Кӯлоб - Хоруғ хабар медиҳад.

Ба иттилои манбаъ, ҳодисаи нохуш рӯзи 22 январ рух додааст.

"Ронандаи 46 - солаи автомашинаи "Landcruser", аз шаҳри Хоруғ бо панҷ мусофир самти пойтахт ҳаракат мекард, ки дар нимароҳ ба садама дучор шудааст", - таъкид мешавад дар хабар.

Манбаъ меафзояд, аз сабаби барфрезӣ ва шамоли сахт ронанда аз ӯҳдаи идораи автомашина набаромада, ба ҷарии 40 метр сарозер шуд.

Дар натиҷа худи ронанда бо ду мусофири дигар дар ҷойи ҳодиса ҷон бохтанд.

Тӯйхона мотамхона шуд: мошини домод замони барои арӯс рафтан дучори садама шуд

Гуфта мешавад, мусофирони дигарро бо ҷароҳатҳои гуногун ба бемористони шаҳри Кӯлоби вилояти Хатлон интиқол доданд. Маълумоти бештар дар мавриди фавтидагону ҷароҳатбардоштагон рӯйи даст нест.

Кумитаи ҳолатҳои фақулода ҳамчунин гуфт, рӯзи гузашта аз сабаби боришоти зиёди барф роҳи Шуғнон - Ишкошими ВМКБ муваққатан масдуд буд.

255
Барчаспҳо:
садама, Хоруғ, Душанбе, роҳ, мошин