Медики транспортируют пациента с подозрением на коронавирусную инфекцию

Омори 4 рӯз дар Хуҷанд: “илтиҳоби шуш” кам шудааст

3845
(Таҷдидшуда 17:20 12.05.2020)
Маркази ёрии таъҷилии тиббии шаҳри Хуҷанд мегуяд, ки муроҷиати сокинон бобати гирифторӣ ба маризии “илтиҳоби шуш” давоми чор рӯзи охир коҳиш ёфтааст

ДУШАНБЕ, 12 май – Sputnik. Мирзонабӣ Мирзоҳошимов, сартабиби Маркази ёрии таъҷилии тиббӣ дар Хуҷанд дар суҳбат бо Sputnik Тоҷикистон дар бораи кам шудани омори беморшавии сокинон хабар дод.

Вай гуфт, давоми чор рӯзи охир ба зерстансияҳои Марказ дар соҳили рост ва чапи Сирдарё дар Хуҷанд ҷамъан 620 даъвати сокинон барои расонидани ёрии фаврии тиббӣ сапт шудааст, ки ин рақам назар ба рӯзҳои қаблӣ камтар будааст.

Аз воҳимаи беасос то нархи баланди доруворӣ: муроҷиати занони Хуҷанд ба мардуми Тоҷикистон

Сартабиб мегуяд, дар ин рӯзҳо шумори муроҷиатҳо бо орезаҳои баландшавии тасф, ки яке аз нишонаҳои хуруҷи бемории “илтиҳоби шуш” арзёбӣ мешавад, коҳиш ёфтааст.

“Санаи 8 ум май аз 170 муроҷиат – 98 маврид, рӯзи 9 ум аз 156 – 82 маврид, 10 ум аз 144 – 52 ва рӯзи 11 уми май аз 150 – 57 ҳолати баланд шудани тасф ба қайд гирифта шудааст. Ин рақамҳо назар ба рӯзҳои қабл аз 7 уми май то 30 – 40 ҳолат камтар шудани баландшавии ҳарорат ба ҳисоб мераванд. Ҳамаи онҳое, ки аз меъёри муқаррарӣ баланд будани тасфашон маълум мегардад, ба беморхонаи сироятӣ ва бемористони клиникавии Суғд барои муолиҷа интиқол дода мешаванд”, - зикр намуд Мирзоҳошимов.

Ин масъули Маркази ёрии таъҷилии тиббӣ мегуяд, ба роҳ мондани табобати бемории илтиҳоби шуш дар марказҳои саломатӣ дар маҳалҳо ва ҳам гузаронидани корҳои тарғиботии пешгирии бемориҳои сироятӣ дар гашту гузори хона ба хона, ки гуфта мешавад ҳама барои саломатӣ ба по хестанд, ба коҳишёбии шиддати авҷи ин маризӣ бе таъсир намондааст.

Мирзоҳошимов мегуяд, эҳтимол дорад аксари онҳое ҳам, ки бо нишонаҳои тасфи баланд ба бемористон интиқол дода шуданд, ташхиси бемориашон сабук арзёбӣ шуда, баъди се чор рӯзи табобат дар бемористон ба хонаҳояшон рухсат дода шаванд. Сардухтури ёрии таъҷилии тиббӣ мегуяд, ба ҳисоби илтиҳоби шуш, бемории гулӯ, баландшавии фишор, шамолхурдагӣ, баланшавии меъёри диабети қанд аз бемориҳое будаанд, ки сокинон дар ҳоли гирифториҳо, ба унвонии онҳо ба рақами телефони 03 муроҷиат кардаанд.

Мирзонабӣ Мирзоҳошимов чанде қабл дар суҳбат бо Sputnik Тоҷикистон омори муроҷиати сокинон дар рӯзҳои 5 ва 6-уми майро шарҳ дода гуфта буд, ки дар пайи 390 муроҷиати давоми 48 соати ин ду шабанорӯз сапт шуда, 150 нафар бо нишонаҳои хуруҷи бемории “илтиҳоби шуш” ба бемористони клиникавии Суғд интиқол дода шуданд.

 Наздики 240 нафари дигар ба далели сабук будани бемориашон бо ҷалби назорати духтурони оилавӣ ба муолиҷаи хонагӣ таъин карда шуд. Бино ба иттилоъи дарёфтӣ ҳоло дар Маркази ёрии таъҷилии тиббии Хуҷанд дар 15 бригада беш аз 80 табибу мутахассисони соҳа ба аҳолии наздик ба 185 ҳазор нафараи маркази вилояти Суғд кӯмаки аввалияи тиббӣ мерасонанд.

3845
Барчаспҳо:
гирифторон, коҳиш, муроҷиат, омор, Хуҷанд, Тоҷикистон
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

14
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

14
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

139
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

139
Барчаспҳо:
решакан шудани дарахтон, ронанда, Тоҷикистон