Пассажирский самолет, архивное фото

Ҳавопаймо бо кумакҳои пизишкии Эрон ба Тоҷикистон парвоз кард

2162
(Таҷдидшуда 16:50 12.05.2020)
Имрӯз аввалин парвози чартерӣ аз Машҳади Эрон ба самти Душанбе анҷом дода мешавад. Ширкати “Вориш” ба Тоҷикистон дар баробари таҷҳизоти пизишкӣ, шаҳрвандони ҷумҳуриро ба Ватан бармегардонад

ДУШАНБЕ, 12 май – Sputnik. Чанд дақиқа пеш, як ҳавопаймои ихтисосии ширкати эронии “Вориш” бо кумакҳои пизишкӣ ва беҳдоштии ин кишвар барои Тоҷикистон ба шаҳри Душанбе парвоз кард, иттилоъ додааст хабаргузории Форс.

Бино бар иттилои манбаъ, интиқоли аввалин маҳмулаи кумакҳои пизишкӣ ва беҳдоштии Эрон дар пайи гуфтугўи телефонии раисони ҷумҳури ду кишвари ҳамфарҳангу ҳамзабон Эмомалӣ Раҳмон ва Ҳасани Рўҳонӣ сурат гирифтааст.

Ба гузориши пойгоҳи иттилоърасонии сафорати Эрон дар Тоҷикистон, ин кумакҳо шомили 6 тонна дору ва маҳсулоти пизишкиву беҳдоштӣ, аз ҷумла ниқобҳои N95, ниқобҳои сеқабати тиббӣ, либосҳои тиббии ғайрисироятӣ, шишаҳои муҳофизатӣ барои рӯй ва ғайра мебошад.

 Бинобар иттилои мавҷуд, ҷамъоварии кумакҳо барои Тоҷикистон дар Эрон идома дошта, эҳтимолан пас азмуддате маҳмулаи дуввум низ фиристода хоҳад шуд.

ёдрас мешавем, ки чанде пеш сомонаи Фурудгоҳи Ҳошиминажоди Машҳад хабар дода буд, қарор аст бо ин парвоз, ки бо як ҳавопаймои модели Боингм- 737 мутааллиқ ба ширкати Вориш анҷом мешавад теъдоде аз шаҳрвандони Тоҷикистон ба ҷумҳурӣ мунтақил шаванд.

Ҳамчунин манбаъ зикр кардааст, ки бо ин парвоз таҷҳизоти пизишкӣ низ ирсол мешавад.

2162
Барчаспҳо:
ҳавопаймо, Ватан, кумак, пизишкӣ, таҷҳизот, Душанбе, Тоҷикистон, Эрон
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

52
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

52
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

154
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

154
Барчаспҳо:
решакан шудани дарахтон, ронанда, Тоҷикистон