Аптека в Таджикистане, архивное фото

Рейд ба дорухонаҳо: фурушанда як қути “Арбидол”-ро 250 сомонӣ мефурӯхтааст

381
(Таҷдидшуда 18:24 12.05.2020)
Кормандони Прокуратураи шаҳри Душанбе ҳамроҳ бо Агентии мубориза бо коррупсияи Тоҷикистон дар дорухонаҳои пойтахт барои беасос баланд бардоштани нархи дорувориҳо рейдҳо анҷом додааст

ДУШАНБЕ, 12 май – Sputnik. Прокуратураи шаҳри Душанбе дар якҷоягӣ бо кормандони Агентии мубориза бо коррупсияи Тоҷикистон дар шаҳри Душанбе ҳолатҳои ғайриқонунӣ ба муомилот баровардани маводи дорувории пастсифат ва қалбакӣ, ба таври сунъӣ баланд бардоштани нархи дорувориҳо ва лавозимоти тиббиро дар дорухонаҳои шаҳри Душанбе мавриди санҷиш қарор дод, иттилоъ додааст дафтари матбуоти Прокуратураи генералии Тоҷикистон.

Бино бар иттилои манбаъ, ҳангоми гузаронидани санҷиш дар шаҳри Душанбе муайян карда шуд, ки як зумра соҳибкорон ва шаҳрвандони алоҳида, бо истифода аз вазъи хуруҷи пандемияи ба вуқӯъомада бо роҳи фиреб кардани истеъмолкунандагон нархи доруҳои зиддивирусиро якчанд маротиба қимат намуда, ба шаҳрвандони алоҳида фурӯхтаанд.

Дар натиҷаи хариди санҷишӣ дар дорухонаи “Шифои Сино”, воқеъ дар кӯчаи Ҳилолӣ, 17 маълум карда шуд, ки шаҳрванд Таҷалов Исмоил Бобоназарович, бидуни маълумоти махсуси фармасевтӣ ба фурӯши маводи доруворӣ машғул шуда, 5 адад қуттии дорувории зиддивирусии “Арбидол”-ро, ки нархи як адади он 45-57 сомонӣ дар фурӯш муқаррар шудааст, ба харидори шартӣ бо нархи 250 сомонӣ, ҷамъ ба маблағи 1250 сомонӣ фурӯхта, даст ба фиреби истеъмолкунанда задааст.

Ҳамзамон дар натиҷаи азназаргузаронии ин дорухона 4 номгӯй маводи доруҳои муҳлати истеъмолашон гузашта дарёфт ва аз муомилот гирифта шуданд. Ё ин ки зимни гузаронидани санҷиш маълум гардид, ки шаҳрванд Саидов Абдурофеъ Абдумаликович, сокини шаҳри Душанбе, бидуни маълумоти махсуси фармасевтӣдар дохили мошини худ- тамғаи Тойота-Кемри 100 адад ниқобҳои тиббии махсус, 50 адад дорувории  “Левофлаксатсин”, 5 адад доруи  “Арбидол”, 5 адад доруи “Азитромитсин”, 5 адад доруи “Эргоферон”-ро берун аз дорухонаи худ, воқеъ дар хиёбони И.Сомонии ноҳияи Сино нигоҳ дошта, нархи онҳоро ба маротиб зиёд намуда, ба фурӯш гузоштааст.

Дар натиҷаи санҷиши дорухонаи мансуб ба Саидов А.А., инчунин 3 номгӯй доруҳои муҳлати истеъмолашон гузашта, 15 номгӯй доруҳои бе сертификат ва бе ҳуҷҷатҳои расмии воридотӣ дарёфт ва аз муомилот гирифта шуданд.

Ба ин монанд шаҳрванд Ёқубова Гулгунча Давроновна дар дохили мошини шахсияш- тамғаи Тойота-Кемри, ба шаҳрвандон молҳои тиббии махсусро, аз қабили 33 адад қуттии дастпӯшакҳо бо нархи як куттии он 180 сомонӣ, либоси махсуси тиббӣ (скафандр) 55 дона бо нархи 120 сомонӣ, айнакҳои муҳофизатӣ 80 дона ба маблағи 30 сомонӣ бидуни ҳуҷҷатҳои расмӣ ва иҷозати Вазорати тандурустии Тоҷикистон ба фурӯш баровардаааст.

Манбаъ зикр намудааст, ки нисбат ба шахсони дар боло зикршуда парвандаҳои маъмурӣ оғоз карда шуда, номбурдагон ба ҷавобгарӣ кашида шуданд ва маҳсулоти дорувории мазкур барои муолиҷаи беморон ба Раёсати тандурустии шаҳри Душанбе супорида шуданд.

Инчунин аз ҷониби гурӯҳи кории прокуратураи ноҳияи Шоҳмансур  дар ин самт санҷиши прокурорӣ амалӣ карда шуда, муайян гардид, ки шаҳрванд Исмоилов Сафарбек Ҳасанович, соли таваллудаш 1989, оиладор, соҳиби се фарзанд, дар дорухонаи воқеъ дар кӯчаи Н.Муҳаммад бинои 9, ба фурӯши доруворӣ машғул шуда, ба шаҳрвандон 10 қуттӣ доруи навъи “Арбидол”-ро ҳар кадомаш ба маблағи 185-сомонӣ, аз нархи муайяншуда қиматтар фурӯхта, аз он фоида ба даст овардааст.

Нисбати ӯ б парвандаи ҷиноятӣ оғоз карда, тафтиши пешакии он идома дорад.

381
Барчаспҳо:
рейд, маводи доруворӣ, беасос, баланд, Оҷонсии назорати давлатии молиявӣ ва мубориза бо корупсия, Прокуратура, прокуратураи генералӣ, Тоҷикистон
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

78
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

78
Барчаспҳо:
решакан шудани дарахтон, ронанда, Тоҷикистон
Две женщины на улице. архивное фото

Бедаракшавии Фотима, Сайёра ва Абдухолиқ: кумакхоҳии ВУД аз мардум-аксу видео

454
(Таҷдидшуда 14:53 04.06.2020)
Вазорати умури дохилии Тоҷикистон се нафар, аз ҷумла ҷавондухтаронеро меҷӯяд, ки моҳи май бадарак шудаанд

ДУШАНБЕ, 4 июн — Sputnik. Тибқи гузориши ВУД, яке аз ҷавондухтарҳои бедаракшуда Фотима Ҷалилова, соли таваллудаш 1997, истиқоматкунандаи шаҳри Турсунзода мебошад.

Фотима Ҷалилова 11 майи соли равон аз хона берун рафта, то ҳол бедарак мебошад, афзуд ВУД.

Инчунин дар шаҳри Турсунзода, Абдухолиқ Абдураҳмонов, сокини 60-солаи шаҳри мазкур бедарак шудааст. Манбаъ афзуд, ки аз 28 майи соли равон то ҳол дар бораи Абдураҳмонов хабаре нест.

Тибқи иттилои ВУД, нафари бедаракшудаи дигар Сайёра Абдусаломова, соли таваллудаш 2006, истиқоматкунандаи ноҳияи Рӯдакӣ мебошад, ки 2 майи соли равон аз хона баромада, то ҳол аз ӯ хабаре нест.

Вазорати умури дохилии Тоҷикистон бо нашри аксҳои афроди бедаракшуда дар гузориши видеоияш аз шаҳрвандон хоҳиш кардааст, ки дар сурати доштани маълумот дар бораи онҳо тариқи рақамҳои 221 21 21, 227 98 98 хабар диҳанд.

454
Барчаспҳо:
бедарак, акс, Тоҷикистон
Судебный молоток, архивное фото

Жураев 85 ҳазор сомонӣ ҷаримабандӣ шуд

0
(Таҷдидшуда 14:51 04.06.2020)
Додгоҳи ноҳияи Ёвон Нурмаҳмад Жураев, собиқ муҳандис-заминсози Ҷамоати шаҳраки Ҳаёти Нави ноҳияро дар содир намудани ҷинояти қаллобӣ ва ғайриқонунӣ додани қитъаи замин гунаҳкор дониста, 85 ҳазору 800 сомонӣ ҷарима баст

ДУШАНБЕ, 4 июн — Sputnik. Тибқи қарори додгоҳ, Жураев аз ҳуқуқи ишғоли мансабҳои хизмати давлатӣ дар соҳаи замин ба муҳлати 3 сол маҳрум шуд, хабар дод “Ҷумҳурият”.

Манбаъ афзуд, Жураев ба боварии шаҳрванд Уктамҷон Шамсиддинов, сокини ноҳия даромада бо роҳи фиреб барои ҷудо ва ҳуҷҷатгузорӣ кардани 0,16 гектар қитъаи замини наздиҳавлигӣ 5000 доллари ИМА талаб карда, 3500 долларро бо роҳи қаллобӣ гирифта, ба манфиати шахсиаш сарф кардааст.

Ба иттилои додгоҳ, Жураев моҳи феврали соли 2019 барои воқеан ҷудо карда додани қитъаи замини наздиҳавлигии ваъдакардааш аз Шамсиддинов боз 30 ҳазор сомонӣ гирифтааст.

“Ҳамчунин, моҳи марти соли 2019  Нурмаҳмад Жураев ғайриқонунӣ 0,08 гектар қитъаи замини тарҳи 56-и корами обии мансуб ба хоҷагии деҳқонии “Оғабек”-и ҷамоати зикршударо ба У. Шамсиддинов ҳамчун замини фонди наздиҳавлигӣ ҷудо кардааст, ки шаҳрванд дар он корҳои сохтмонии таҳкурсии иҳотавии атрофи заминро анҷом додааст”, - омадааст дар иттилоия.

Зикр шудаст, ки  Нурмаҳмад Жураев аз шаҳрванд Уктамҷон Шамсиддинов бо роҳи қаллобӣ беш аз 47 ҳазор сомонӣ гирифта, ба ӯ зарари калон расондааст.

Ин дар ҳолест, ки вазифаи хизматии Нурмаҳмад Жураев ҳамчун муҳандис-заминсоз назорати самараноки истифодаи қитъаи замини хоҷагиҳои деҳқонӣ, ҳоҷагиҳои ёрирасон ва заминҳои наздиҳавлигии ҳудуди ҷамоат буд, на заминфурӯшӣ.

Дар пайи шикояти Уктамҷон Шамсиддинов аз амалҳои фиребкорона ва ғайриқонунии муҳандис-заминсози ҷамоат Нурмаҳмад Жураев ба Ожонси назорати давлатии молиявӣ ва мубориза бо коррупсияи Тоҷикистон муроҷиат кардааст.

Таъкид шудааст, дар рафти баррасии ариза, Нурмаҳмад Жураев 3500 доллари ИМА, 30 000 сомонии барои ҷудо кардани қитъаи замин гирифтааш ва 7500 сомонии барои иҳотадевори атрофи замин сарфкардаашро ба ӯ пурра баргардондааст.

Додгоҳ бо назардошти ҳолатҳои кор ҷазоро дар намуди ҷарима ва бо маҳрум кардан аз ҳуқуқи ишғоли мансабҳои  муайян ё машғул шудан ба фаъолияти муайян таъйин кардаст.

0