Учения Центр-2019 в Таджикистане

Аз чархболҳо то 100 ҳазор сомонӣ: амалиёти артиши Тоҷикистон алайҳи “вируси корона”

2569
(Таҷдидшуда 09:50 14.05.2020)
Вазорати дифоъи Тоҷикистон 100 ҳазор сомонӣ ба суратҳисоби махсуси мубориза бо “вируси корона” ва 5 ҳазор ниқоби тиббӣ барои мардум таслим кардааст

ДУШАНБЕ, 14 май — Sputnik. Ориф Нозимиён, сухангӯи ин ниҳод ба Sputnik Тоҷикитон гуфт, ин ҳама аз иқдомҳои Ситоди махсуси мубориза бо “вируси корона” – и вазорати дифоъи Тоҷикистон таҳти раҳбарии вазир Шералӣ Мирзо буда, дар амал амалиёти вижае аз сӯи ин Ситод ҳудуди даҳ рӯз ба ин сӯ идома дорад.

“Мо неруҳои махсуси дифоъи ПКД (партавӣ, кимиёвӣ ва биологӣ) дорем, ки барои муҳофизат аз неруҳои мусаллаҳ, аҳолӣ ва иншооти ақибгоҳ ихтисос доранд. Ҳоло ин нерӯҳо дар ҳоли ҳозир бо мубориза алайҳи “вируси корона” машғуланд. Барои корҳои профилактикӣ ва зиддиуфунӣ кардани шаҳру навоҳии кишвар – шуруъ аз Душанбе то Бадахтону Суғду Хатлон дастаҳои махсуси се навъи қушун – хушкигард, мудофиаи зиддиҳавоӣ ва ҳам зудамал даст ба кор шудаанд”, - гуфт Ориф Нозимиён.

Дар гузашта ин овозаву шоеъот дар ҷомиа паҳн шуда буданд, ки барои зиддиуфунӣ кардани шаҳрҳо аз чархболу тайёраҳои вазорати дифоъи Тоҷикистон кор гирифта мешавад.

Ин нуктаро дар вазорати тандурустӣ ва ҳифзи иқтимоӣ ба Sputnik Тоҷикистон низ таъйид карданд, ки ин иқдом дар ҳоли зарурат гирифта хоҳад шуд ва вазорати дифоъ дар ин бобат аз Ситоди ҷумҳуриявии ҷилавгирӣ аз “вируси корона” ё COVID – 19 дастур гирифтааст.

Сухангӯи вазорати дифоъи Тоҷикистон дар таъйиди ин ахбор гуфт, воқеан, ҳар дастуре, ки Ситоди ҷумҳуриявӣ ба вазорати дифоъ додааст, бидуни чунучаро иҷро мешавад.

“Қисмҳои низомии Тоҷикистон бо тамоми техникаву таҷҳизоти худ, аз ҷумла чархболҳо, дар ҳолати омодабош қарор дода шудаанд. Худи неруҳо чандест, ки ба низоми казармавии хизмат гузаштаанд. Артиш фақат мунтазири фармон аст”, - гуфт Ориф Нозимиён.

Тоҷикистон рӯзи 30 апрел аввалин мавориди гирифторӣ ба “вируси корона” – ро эълон кард ва ба назар мерасад, аз он рӯз ба ин сӯ тамоми идораву мақомот, бахусус, мақомоти қудратиро сари по кардааст. Сайри суудии ин маризӣ дар Тоҷикистон идома дорад.

Тибқи охирин иттилооти расмӣ, то ба имрӯз дар кишвар 801 нафар ба ин маризӣ гирифтор шуда, 23 нафар ҷон ба ҷонофарин таслим кардаанд.

2569
Барчаспҳо:
таслим, мардум, тиббӣ, вирус, мубориза, сомонӣ, вазорати дифоъ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (489)
Женщина в защитной маске на улице города Душанбе

Бидуни фавт: вазорат омори нави гирифторони коронавирус дар Тоҷикистонро эълон кард

12
(Таҷдидшуда 19:08 04.06.2020)
Вазорати тандурустии Тоҷикистон омори нави мубталоёни коронавирус дар кишварро барои имрӯз  4 июн нашр кард

ДУШАНБЕ, 4  июн — Sputnik. Тибқи иттилои дафтари матбуотии Вазорати тандурустии кишвар давоми шабонарӯзи ахир 98 ҳолати нави коронавирус ба қайд гирифта шудааст.

Тибқи маълумот  то имрӯз 4 июн, шумораи умумии беморони коронавирус дар ҷумҳурӣ ба 4289 нафар расид.

Ҳамзамон, дар давоми як рӯзи охир, табибон тавонистанд 54 беморро табобат кунанд.

Сар аз оғози ълони ин бемори дар кишвар то кунун  2 401 нафар шаҳрвандон шифо ёфтанд.

Инчунин то имрӯз, 1418 сокин дар беморхона таҳти назорати кормандони тиббӣ қарор доранд.

Вазорати тандурустӣ илова гуфтааст,  давоми шабонарӯзи охир аз коронавирус ҳеҷ кас нафавтидааст. Теъдоди қурбониён то имрӯз аз  ин беморӣ дар кишвар ба  48 нафар мерасад.

Ин ниҳод афзудааст, ки ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ мешаванд ва дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

 

 

12
Открытие нового здания хирургии в районе Шахристан, архивное фото

Хушхабар: Пажӯҳишгоҳи гастроэнтерология дар Душанбе аз маризони COVID - 19 орӣ шуд

316
Тамоми маризони COVID -19, ки дар Пажӯҳишгоҳи гастроэнтерология дар шаҳри Душанбе бистарӣ буданд, шифо ёфта мураххас шуданд

ДУШАНБЕ, 4 июн — Sputnik. Вазорати тандурустии Тоҷикистон аз орӣ шудани Пажӯҳишгоҳи гастроэнтерология дар шаҳри Душанбе аз маризони коронавирус хабар дод.

Ба иттилои манбаъ, ҳамаи маризони коронавирус, ки дар ин беморхона бистарӣ буданд, шифо ёфта ба хонаҳои худ баргаштанд.  

Ду донишҷӯи тоҷик мубталои коронавирус шуда, ба бемористон бистарӣ шуданд

Зимнан, вазорат таъйид намудаст, ки дар чанд рӯзи ахир қисме аз муассисаҳои тандурустӣ, ки  муддати муайян дар онҳо беморони гирифтори коронавирус табобат мегирифтанд, ба фаъолияти муқаррарӣ баргаштанд.

"Муассисаи давлатии "Маркази ҷумҳуриявии клиникии бемориҳои дил" ва Маркази бемориҳои урологӣ, воқеъ дар Муассисаи давлатии Маркази миллии тиббии Тоҷикистон "Шифобахш" ва бахши таваллудхонаи Муассисаи давлатии Маҷмааи тандурустии "Истиқлол", ки ба муоинаву муолиҷаи гирифторони бемории коронавирус машғул буданд,  ба фаъолияти муқаррарии корӣ баргардонида шуданд", - таъкид мешавад дар хабар.

Манбаъ меафзояд, ҳоло  дар аксар минтақаҳои мамлакат, бахусус дар шаҳри Душанбе ҳолатҳои сироятёбии сокинон аз бемории  COVID-19 то андозае поён рафта, ҳамзамон муроҷиати шаҳрвандони мамлакат низ ба муассисаҳои тиббӣ бо нишонаҳои сироятёбӣ аз коронавирус кам шудааст.

Мутахассисони соҳаи тандурустӣ бар он назаранд, ки дар Ҷумҳурии Тоҷикистон давраи авҷи сироятёбии сокинон ба бемории COVID-19 паси сар шудааст.

316
Барчаспҳо:
маризон, бемористон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (489)

Путин аз беҳбуд шудани вазъи коронавирус дар Русия хабар дод

0
Раисҷумҳури Русия Владимир Путин мегӯяд, вазъияти феълӣ дар роибта ба авҷи маризии коронавирус, рӯ ба беҳбудӣ дорад

ДУШАНБЕ, 4  июн — Sputnik. Кишвардори Русия Владимир Путин мегӯяд, вазъият дар робита ба маризии коронавирус рӯ ба беҳбудӣ ниҳодааст.

Сомонаи Кремл хабар медиҳад, ки Владимир Путин бо аъзои Шӯрои Амнияти Федератсияи Русия дар бораи вазъи феълӣ мулоқот баргузор намудаст.

Ба гуфтаи Путин, бо вуҷуди беҳтар шудани вазъ, назорат дар ҳар минтақа бояд пурзӯр карда шавад "ва дар сурати мушоҳида кардани тағйироти кӯчак дар робита ба авҷи коронавирус фавран бояд чораҷӯӣ кард".

232 бемор: фавти рекордӣ аз коронавирус дар Русия давоми як рӯз

Зимнан, раисҷумҳури Русия аз афзоиши шумораи гирифторони коронавирус дар манотиқи Забайкал шадидан изҳори нигаронӣ кард.

Дар робита ба ин, Владимир Путин барои назорати вазъ дар ин манотиқ ба масъулини дахлдор дастуру супоришҳои нав дод.

Бар  тибқи тозатарин маълумотҳо, дар Федератсияи Русия ба ҳолати 4 - уми июн 441 ҳазор дардмандони маризии сироятии коронавирус ба қайд гирифта шудааст.

Аз ин маризӣ дар Русия 204 ҳазор бемор шифо ёфта, ҳамзамон 5384 нафар ҷон бохтанд.

0
Барчаспҳо:
маризон, вазъият, Владимир Путин, Русия
Мавзуҳо:
Пайомадҳои COVID-19 дар Тоҷикистон ва ҷаҳон (489)