Акция в память о погибших при взрывах в Брюсселе у посольства Бельгии в Москве

Абдуқаҳҳор Раҷабов, директори театри Камоли Хуҷандӣ даргузашт

2647
(Таҷдидшуда 18:20 14.05.2020)
Абдуқаҳҳор Раҷабов, ҳунарманди синамо ва театр, директори театри ба номи Камоли Хуҷандӣ бар асари беморӣ дар бемористон даргузашт

ДУШАНБЕ, 14 май – Sputnik. Мирзоумар Мирзоахмедов, аз ҳунармандони театр дар суҳбат бо Sputnik Тоҷикистон гуфт, марҳум Раҷабов дар паи тадовии беморӣ, рӯзи 12-уми май дар бемористони сироятии (инфекционный) Суғд воқеъ дар шаҳри Хуҷанд ҷон ба ҷонофарин супурд.

“Мутаасифона ин хабари нохушро, дирӯз ҷонишини директори театр ҳам тасдиқ карданд. Замоне, ки Абдуқаҳҳор дар беморхона буданд чанд маротиба телефонӣ суҳбат доштем, мегуфтанд, ки тасфашон ру ба поёнравӣ дорад. Он вақт таъбашон ҳам болида буду хеле шуху ба ғайратона ҳарф мезаданд. Худо раҳматашон кунад, пештар дар бораи фишорбаландӣ ва каме баланд шудани бемории қанд иброз мекарданд. Эҳтимол “вируси корона” дар авҷгирии бемориҳояшон боис шуда бошад”, - иброз намуд Мирзоахмедов.

Абдуқаҳҳор Раҷабов 13 уми апрели соли 1958 дар ноҳияи Бобоҷон Ғафуров таваллуд шуда, соли 1975 ба шуъбаи актёрии Донишгоҳи санъати Тоҷикистон дохил шудааст.

Лутфулло Давлатов, Муҳаммадҷон Шодӣ, Хурмо Ширинова аз шарикдарсони донишгоҳии Абдуқаҳҳор Раҷабов ба ҳисоб мераванд, ки он замон таҳсили ин гурӯҳ донишомӯзонро барои сафарбаршавӣ ба театри шаҳри Конибодом ташкил намудаанд.

Ин гурӯҳи донишҷӯён, зери устодии Тамара Абдушукурова маҳорати актёрӣ омӯхтаанд. Пас аз хатми донишгоҳ Абдуқаҳҳор Раҷабов барои кор ба театри шаҳри Конибодом фиристода шуда, муддате баъд, бо даъвати Одилҷон Назаров роҳбари он вақтаи театри Камоли Хуҷандӣ, ӯ ба кор ба Хуҷанд даъват карда мешавад.

Маҳорату лаёқати Раҷабовро ба назар гирифта дар соли таъсиси театри наврасон дар Хуҷанд, ӯро роҳбар таъин намуданд ва ҳудуди даҳ сол дар ин вазифаи басо пурмасъулият кор кардааст.

Дар моҳи январи соли 2019 Абдуқодир Раҷабов роҳбари таетри мазҳака мусиқавии Камолӣ Хуҷандӣ, аз бузургтарин театрҳои Суғд интихоб шудааст. Дар замони чиҳил соли фаъолияташ дар соҳаи театр Раҷабов дар чандин намоишномаҳои нақш иҷро кардааст.

Аз ҳисоби иҷрои нақши Темурмалик дар намоишномаи “Темурмалик” и театри Лоҳутӣ, дар намоишномаҳои “Свалка” (Муноҷот) аз рӯи асари Алексей Дударев, зери коргардонии Шавкат Халилов нақши “Авганец” ро иҷро карда, ҳамчунин дар чандин филҳо низ нақҳои ҷолибро ба иҷро расонидааст.

Мирзоумар Мирзоахмедов мегуяд, Абдуқаҳҳор аз зумраи ҳунармандоне серҷабҳае буданд, ки дар ҳама жанрҳои саҳнавӣ чи драмма ва чи мазҳакаю фоҷиа нақш офарида метавонистанд ва бидуни тардид ин ҳаётро тарк гуфтани ин ҳунарманд як фоҷиае барои соҳаи театр аст.

“Абдуқаҳҳор ба ҷуз ин, ки як ҳунарманди тавоно бошанд, инсони ба тақво ва саховатпеша буданд ва ҳама кормандони театрро чи аз лиҳози моддию маънавӣ пайваста дастгирӣ мекарданд. Хусусан кормандони оддии театр, аз ҷумла фаррошонро эҳтиром мегузоштанд ва таъкид менамуданд, ки ба қадри меҳнати инҳо бояд расем”, - гуфт Мирзоахмедов.

 Абдуқаҳҳор Раҷабов аз шумори дигар ҳунармандони соҳаи театр ва дар баробари олимони тоҷик аст, ки ба далели хуруҷи бемориҳои гуногун дунёи фониро тарк кардаанд.

Чанде қабл Савриниссо Сабзаалиева як ситораи синамо ва театр ҳам дар сини 72 солагӣ ва ба гуфаи пайвандонаш дар пайи хуруҷи “бемории сироятӣ” даргузашт.

Рӯзи 10-уми май низ аз даргузашти, ҳунарпешаи халқии Тоҷикистон Хайрӣ Назарова дар синни 90-солагӣ хабар расид ва гуфта мешуд, ки ин ҳунарманд дар вақтҳои охир аз бемории қалб ранҷ мекашид.

Рӯзи 12-ум, Зуҳур Ёров олим, геологи тоҷик дар сини 82 солагӣ моро тарк гуфт. Рӯзи гузашта, Баҳриддин Камолиддинов забоншиноси шинохтаи тоҷик, профессор дар синни 85 солагӣ аз ин дунё реҳлат кард.

Вазорати тандурустӣ ва ҳифзи иҷтимоии аҳолӣ рӯзи 30-уми апрел нахустин бор аз гирифтории 15 сокини кишвар ба коронавирус хабар дода буд.

 Бино ба оморе, ки дирӯз 13-уми май ин вазорат эълон кард, шумори мубталоёни беморӣ дар кишвар ба 801 нафар расида, то ин сана 21 тан фавтидаанд.

2647
Барчаспҳо:
бемористон, беморӣ, театр, ҳунарманд, Тоҷикистон, даргузашт
Строительство аквапарка в Варзобе

Ширкати чинӣ даст кашид: Ҳукумати Хуҷанд гуфт, сокинон то охири сол соҳиби хона мешаванд

80
(Таҷдидшуда 22:31 30.05.2020)
Ҳукумати шаҳри Хуҷанд сокинонеро, ки заминҳои наздиҳавлигиашон барои бунёди "Чайна тавн" тахриб шуда буд, муҳоҷирони экологӣ номида, гуфтааст, ки онҳо то охири соли равон соҳиби манзил мешаванд

ДУШАНБЕ, 30 мая — Sputnik. Шаҳрдории Хуҷанд дар пайи нашри гузориш дар бораи боз истодани сохтмони шаҳраки чинӣ дар Хуҷанд посухе навишта, ба сокинон ваъдаи манзил кардааст. 

Манбаъ, ин қазияро айби ширкати чинӣ хондаву сабабшро ин иқдоми ширкатро баланд будани сатҳи оби зеризаминии мавзеъ гуфтааст.

"Бояд қайд намоем, ки ин сохтмон на бо айби МИХД шаҳри Хуҷанд, балки дар асоси даст кашидани ширкати чинӣ аз оғози сохтмон рӯйи кор омадааст. Ширкати чинӣ омили асосии даст кашидани сохтмони шаҳракро бинобар баланд будани сатҳи оби зеризаминӣ дар мавзеъи сохтмон арзёбӣ карда, аз ҷиҳати иқтисодӣ идомаи онро зери суол қарор бурд", - омадааст дар изҳороти шаҳрдорӣ.

Манбаъ таъкид мекунад, кииҷорапулии сокинонро феълан шаҳрдорӣ пардохт мекунад.

Шаҳрдорӣ хабар медиҳад, ки баъди бекор намудани қарори вобастакунии замин ба ширкати "Ҳусноро1" ҳанӯз соли гузашта дар маҳалаи 18-уми шаҳри Хуҷанд ба сохтмони бинои истиқоматиии 9 ошёна барои мардуме, ки аз ширкати чинӣ ноумед шуданд, оғоз карда шуда, шаҳрдорӣ барои ин 27 миллион сомонӣ ҷудо кардааст.

"Бино бо маблағгузории Мақомоти иҷроияи ҳокимияти давлатии шаҳри Хуҷанд бунёд гардида, аз 9 ошёна ва таҳхона иборат мебошад. Дар умум 72 манзили истиқоматӣ иборат аз 1,2,3-хуҷрагӣ бунёд мегардад. Қисмати асосии бино бунёд шудааст. Интизор меравад, ки бинои мазкур соли ҷорӣ мавриди истифода қарор гирифта, шаҳрвандони номбурда соҳиби манзили истиқоматӣ хоҳанд шуд", - тавзеҳ медиҳад шаҳрдорӣ.

Гуфта мешавад, тибқи нақшаи генералии шаҳр, заминҳе, ки барои "Чайна тавн" ҷудо шуда буданд, ба ихтиёри шаҳрдорӣ гирифта шуда, дар зудтарин фурсат дар ин макон мавзеъи истироҳату фароғат ва дигар инфрасохтори шаҳрдорӣ бунёд карда мешавад.

Ваъдаҳои хушку интизории чорсола: чаро “China Town” дар Хуҷанд сохта нашуд?

80
Медицинские работники в госпитале COVID-19

Дурӯғ аст: пизишкони тоҷик қайчӣ шудани маошашонро такзиб карданд

141
Кормандони соҳаи тибби Тоҷикистон мактубе навишта, иддаоҳоеро, ки музди корашон қайчӣ мешавад, такзиб кардаанд

ДУШАНБЕ, 30 мая — Sputnik. Кормандони соҳаи тандурустии ноҳияи Айнӣ мактуби саркушодае навиштаву иддаоҳои бархе нафаронеро, ки худро пизишк муаррифӣ карда, аз кам шудани маошашон дар давраи пандемия хабар медоданд, такзиб кардаанд.

Пизишкон изҳор доштанд, ки маълумотҳо дар бораи ба 300 сомонӣ кам шудани маоши кормандони соҳаҳои тиб ки дар шабакаҳои иҷтимоӣ ва бархе аз расонаҳо паҳн мешавад, аз ҳақиқат дур аст. 

Ҳамчунин аз ҳисоби духтурону ҳамшираҳои шафқат дезинфексия шудани муассисаҳои тиббӣ ва харидории либоси муҳофизатиро дурӯғ гуфтаанд.

Олимзода: ба пизишкони вобасташуда маоши иловагӣ дода мешавад

Дар ин мактуб онҳо хабар додаанд, ки маоши кормандони тиб аз 840 то 1277 сомонӣ муқаррар карда шудааст.

Табибон афзудаанд, ки афзун бар ин, иловапулиҳо низ пардохт мешаванд.

Дар моҳи Рамазон бошад, аз ҷониби саховатмандон кӯмакҳои моддӣ расидааст.

141