Врач и пациенты в отделении реанимации и интенсивной терапии

Табибони ноҳияи Данғара 17 нафарро аз доми вируси корона наҷот доданд

1548
(Таҷдидшуда 10:12 16.05.2020)
Мақомоти вилояти Хатлон эълон карданд, ки бо талоши пизишкону кормандони миёнаи тиббии Беморхонаи марказии ноҳияи Данғара шумораи гирифторони бемориҳои сироятӣ, аз ҷумла илтиҳоби шуш коҳиш ёфта истодааст

ДУШАНБЕ, 16 май — Sputnik. Бино бар иттилои мақомоти вилояти Хатлон, то имрӯз аз беморхонаи марказии ноҳияи Данғара беш аз 90 нафар беморон пас аз табобати комил ба хонаҳояшон рухсат дода шуданд.

“Аз рӯзҳои аввали пайдоиши бемории нави COVID-19 дар беморхонаи марказии ноҳияи Данғара шароити мусоид барои ба табобат фаро гирифтани нафарони сироятёфта муҳайё буда, табибон бо фаъолияти шабонарузӣ тавонистанд аллакай як гурӯҳ шаҳрвандонеро, ки бо нишонаҳои ҳамин беморӣ бистарӣ шуда буданд, муолиҷа намоянд. Нахустин гурӯҳ бо шумораи 17 нафар баъди гирифтани табобати 14-рӯза ба ҳаёти муқаррарӣ баргардонида шуданд”, таъкид доштааст манбаъ.

Баъди дармон ёфтану ба ҳаёти муқаррарӣ гусел намудани нафарони бистаригардида, ҳамзамон ба онҳо тавсия медиҳанд, ки гигиенаи шахсӣ ва қоидаҳои беҳдоштиро ҳатман риоя намоянд.

Ҳамзамон мақомоти вилояти Хатлон зикр кардааст, ки аз ҷониби шахсони саховатпеша ба 54 нафар кормандони беморхона якхалтаӣ орд, равғану биринҷ, шакар ва сабзавоту полезӣ кумак карда шуд.

Ҳамчунин барои муолиҷаи беморон аз ҷониби Ҳукумати ҷумҳурӣ, МИҲД-и ноҳия ширкатҳои “НАХШ”, “Сифат-фарм” ва соҳибкор Шамсулло Соҳибов маводи доруворӣ ва дигар маҳсулоти зарурӣ ба беморхона ворид гардида, ин иқдом аз ҷониби шахсони саховатпеша идома дорад.

1548
Барчаспҳо:
бемориҳои сироятӣ, беморӣ, беморхона, Данғара, пизишкон, Хатлон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (487)
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

26
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

26
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

144
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

144
Барчаспҳо:
решакан шудани дарахтон, ронанда, Тоҷикистон