Президент Республики Таджикистан Эмомали Рахмон

Қарори Раҳмон: ташкили Хадамоти нав дар Ҳукумат

6200
(Таҷдидшуда 11:10 16.05.2020)
Субҳи имрӯз Эмомалӣ Раҳмон, раисҷуҳури Тоҷикистон қарори нав дар бораи ташкили Хадамоти назорати давлатии санитарию эпидемиологиро ба тасвиб расонд

ДУШАНБЕ, 16 май — Sputnik. Тибқи иттилои дафтари матбуоти расиҷумҳур, Президенти кишвар қарор дар бораи таъсиси Хадамоти назорати давлатии санитарию эпидемиологиро ба имзо расонд. Қаблан ин Хадамоти нав таъсис як сохтори  вазорати тандурустӣ ва ҳифзи иҷтимоии аҳолӣ буд.

Тибқи қарори мазкур Низомнома, сохтори дастгоҳи марказӣ, нақшаи идоракунӣ, номгӯи муассисаҳо ва ташкилотҳои системаи Хадамоти назорати давлатии санитарию эпидемиологӣ тасдиқ карда шудааст.

Ҳамчунин дар қарор шумораи ниҳоии кормандони Хадамоти ба миқдори 36 воҳид ва ду муовини сардор тасдиқ шудааст.

Инчунин ба Хадамоти назорати давлатии санитарию эпидемиологӣ лимити мошинҳои сабукрави хизматӣ ба миқдори 3 адад муқаррар шудааст.

Ҳамзамон дар қарор таъкид шудааст, ки маблағгузории Хадамот аз ҳисоби маблағҳои буҷети ҷумҳуриявӣ ва маблағҳои махсус дар мувофиқа бо Вазорати молияи Тоҷикистон анҷом дода мешавад.

Дар қарори мазкур гуфта шудааст, ки вазорати тандурустӣ ва ҳифзи иҷтимоии аҳолии Тоҷикистон якҷо бо Кумитаи давлатии сармоягузорӣ ва идораи амволи давлатии  Тоҷикистон мутобиқи тартиби муқарраргардида қабулу супоридани биноҳои маъмурӣ, воситаҳои нақлиёт ва дигар воситаҳои асосию гардони Хадамоти назорати давлатии санитарию эпидемиологиро таъмин намояд.

Вазорати тандурустӣ ва ҳифзи иҷтимоии аҳолии Тоҷикистон бояд тибқи тартиби муқарраргардида дар муҳлати ду моҳ санадҳои ҳуқуқии худро ба қарори мазкур мувофиқ намояд.

6200
Барчаспҳо:
тасвиб, хадамот, қарор, Эмомалӣ Раҳмон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (451)
Учения спасательного отряда в водоеме, архивное фото

Боди шадид духтари 11-соларо дар дарёи Сурхоб ғарқ кард

2
(Таҷдидшуда 16:49 30.05.2020)
Кумитаи ҳолатҳои фавқуллодаи Тоҷикистон аз ғарқ шавии ноболиғи 11-сола дар дарёи Сурхоб хабар медиҳад

ДУШАНБЕ, 30 мая — Sputnik. Ҷасади Зулайхои 11-сола, ки шаби 27-уми май аз хона баромада бедарак шуда буд, нисфирўзии дирўз дар соҳили дарёи Сурхоб, дар деҳаи Навободи поёни ҷамоати деҳоти Зафари ноҳияи Фархор пайдо шуд.

Баъди муайян кардани шахсияти ҷасад ўро ба волидонаш супурданд.

Маврид ба ёдоварист, ки шаби 27-уми май, тахминан соати 22:00, ки дар ноҳияи Восеъ боди шадид мевазид ва раъду барқ осмонро гоҳ рушану гоҳ торик мекард,  сокини 11-солаи ҷамоати деҳоти Гулистони ноҳия  аз хона баромад ва дигар касе намедонист ӯ куҷо рафтааст. Волидонаш ҳадс мезаданд, ки ӯ дар дарёи Сурхоб ғарқ шудааст. 

Ба ҷои ҳодиса гурӯҳи наҷотдиҳандагони Кумитаи ҳолатҳои фавқулодда дар минтақаи Кулоб дар ҳайати 12 нафар ҳамроҳ бо кормандони ШВКД-и ноҳия ва сокинони деҳа сафарбар шуда буданд ва ҷустуҷӯи ӯро оғоз карданд. Вале ин кофтуков он рўз натиҷа надо два дирўз аз сари субҳ кофтуков оғоз гардид ва ҳоло ҷасад ба волидонаш супурда шудааст.

2
Барчаспҳо:
ҷасад, пайдо, ғарқшавӣ, Тоҷикистон
Президент Республики Таджикистан Эмомали Рахмон

Раҳмон гуфт, дар даҳ сол барои рушди Хатлон чӣ қадар пул масраф шудааст

33
Раисҷумҳури Тоҷикистон ахиран дар ноҳияи Данғара дар муоқот бо сокинони вилояти Хатлон таъкид дошт, ки мақомот барои рушди иҷтимоиву иқтисодии вилоят дар давоми даҳ сол наздик ба 20 миллиард сомонӣ равона кардааст

ДУШАНБЕ, 30  май — Sputnik. Эмомалӣ Раҳмон, раисҷумҳури Тоҷикистон таъкид дошт, ки ҳукумати кишвар ба рушди соҳаҳои иҷтимоиву иқтисодии вилояти Хатлон ҳамчун яке аз минтақаҳои калонтарани саноатию кишоварзӣ ҳамеша таваҷҷуҳи хосса зоҳир мекунад, иттилоъ додааст дафтари матбуоти раисҷумҳур.

Вай афзуд, ки дар даҳ соли охир аз ҳамаи сарчашмаҳои маблағгузорӣ барои рушди иҷтимоиву иқтисодии вилоят қариб 20 миллиард сомонӣ равона шудааст, ки 80 фоизи он аз ҳисоби буҷети давлатӣ мебошад.

Раҳмон тасвиб кард: то 2021 дар тамоми шаҳру навоҳӣ беморхонаи сироятӣ бунёд мешавад

Инчунин вай афзуд, татбиқи барномаҳои пешбинишуда имкон додааст, ки сатҳи камбизоатӣ дар вилоят аз 50,2 дарсад соли 2009 ба 32,7 фоиз дар соли 2019 коҳиш дода шавад.

“Бо назардошти он ки иқтидорҳои мавҷуда дар вилояти Хатлон ҳанӯз ба таври кофӣ истифода нашуда истодааст”, - гуфт Эмомалӣ Раҳмон.

Дар ҳамин ҳол, раисҷумҳур роҳбарони вилоят ва шаҳру ноҳияҳои Хатлонро вазифадор намуд, ки якҷо бо вазорату идораҳои дахлдор дар асоси таҳлили ҳамаҷониба ва бо дарназардошти ҳадафҳои стратегии кишвар дар самти таҳияи барномаҳои рушди иҷтимоиву иқтисодӣ барои солҳои минбаъда тадбирҳои зарурӣ андешанд ва бо ҷалби сармояи мустақим сарчашмаҳои маблағгузории лоиҳаҳоро дар ҳамкорӣ бо шарикони рушд ва сармоягузорону соҳибкорони ватаниву хориҷӣ дарёфт намоянд.

Инчунин, Эмомалӣ Раҳмон таъкид дошт, ки дар даврони истиқлол дар вилоят 531 корхонаи нави саноатӣ бунёд гардида, аз 75 корхонаи саноатии соли 1991 ба 606 корхона дар соли 2020 расонида шудааст.

“Танҳо тайи шаш соли охир дар ҳудуди вилоят 291 корхонаву коргоҳҳои саноатии нав бо 6900 ҷойи нави корӣ таъсис дода шудааст”, қайд кард раисҷумҳур.

Вай афзуд, имрӯз шумораи кормандон дар корхонаҳои саноатии вилоят нисбат ба соли 1991 ду баробар зиёд мебошад, аммо ин нишондиҳанда ҳамагӣ 2,8 фоизи шумораи умумии аҳолии дар иқтисодиёт машғулбудаи вилоятро ташкил медиҳад.

Дар корхонаҳои саноатии вилоят танҳо 90 намуди маҳсулот истеҳсол мешавад, ки ҳанӯз қонеъкунанда нест.

33
Барчаспҳо:
Эмомалӣ Раҳмон, Раисҷумҳур, иҷтимоӣ, иқтисод, рушд, мақомот, Хатлон, Данғара, Тоҷикистон