Люди в защитных костюмах проводят церемонию погребения человека умершего от COVID-19

Қабрҳоро салафан напечед! Дастури Раёсати оромгоҳҳои Душанбе

2440
(Таҷдидшуда 01:18 17.05.2020)
Раёсати оромгоҳҳои Душанбе дастур додааст, ки аз ин ба баъд ба хотири рафъи бархе сӯитафоҳумҳо қабрҳоро салафанпӯш накунанд

ДУШАНБЕ, 16 май — Sputnik. Зайнулобиддин Назаров, сардори Раёсати оромгоҳҳои ҳукумати шаҳри Душанбе ба Sputnik Тоҷикистон гуфт, ба кормандон ин ниҳод дастур додаанд, ки аз ин ба баъд аз салафанпеч кардани қабрҳо дар қабристонҳои шаҳр худдорӣ кунанд.

“Аз ҳамон боре, ки барфи охирин зад ва дар пайи он боронҳои пайдарпай омаданд, иддае аз манозили қадимиву нав фурӯ рафтанд. Мо маҷбур шудем, ки барои барқарор кардани ин қабрҳо нерӯ сафарбар кунем. Сипас тасмим гирифта шуд, ки чун соли сербориш омад, қабрҳоро салафанпеч кунем”, - гуфт Зайнулобиддин Назаров.

Қаблан дар шабакаҳои иҷтимоӣ як қатор видеоҳое ба гардиш омаданд, ки бино ба онҳо, теъдоди қобили мулоҳизае аз қабрҳои як қабристон бо салафанҳо печида шудаанд.

Муаллифони ин наворҳои иддао мекарданд, ки ин ҳама қабрҳои афроди фавтида аз “вируси корона” аст. Дар шарҳи ин мавзуъ Кумитаи дин, танзими анъана ва ҷашну маросими назди ҳукумати Тоҷикистон ба Sputnik Тоҷикистон гуфт, ин навор дар қабристони “Сариосиё”-и шаҳри Душанбе сабт шуда, далели бо салафан рӯйпӯш кардани қабрҳо дар нишебӣ ва хоки нарм доштани мавзеъ аст.

Бино ба иттилои ин Кумита, қабри афроде ҳам, ки бо марги табиӣ фавтидаанд, бо салафан ё матои полиэтиленӣ рӯпӯш шудаанд. Ин Кумита дар як шарҳи дигар эълон кард, ки тибқи хулосаи мутахассисони Созмони ҷаҳонии тандурустӣ, ҷасад манбаи сироят намебошад, агар бо риояи қоидаҳои динӣ шуставу безарар ва кафан аз сӯи мутахассиси кафандӯз дӯхта шуда бошад.

Яке аз хешовандони Рустам Шарипов, сокини шаҳри Душанбе, ки бо ташхиси пневмония фавтидааст, ба Sputnik Тоҷикистон гуфт, пас аз фавти марҳум аз шифохонаи Қарияи Боло аҳвол доданд, ки омада майитро баранд.

 Вай афзуд, духтурон итминон доданд, ки майит пурра безарару бехатар шудааст ва фақат як ронандаву як корманди Кумитаи ҳолатҳои фавқулодда онҳоро то қабристони “Сариосиё” ҳамроҳӣ кардаанд.

“Худамон ба мошин бор кардем. Худамон пеши қабристон фаровардем ва ҷаноза хондем. Худамон то қабр бурдем ва шахсан худам ӯро дар лаҳад мондам. Мо ғамгин шудем, ки майити мо фақат салафанпеч аст, аммо дидем, ки аввал кафан шудааст, баъд салафан. Пас аз қабр кардан, кормандони қабристон ба мо гуфтанд, ки гӯрро ҳам бо салафан пӯшем, зеро эҳтимол дорад лаҳад кӯчад”, - гуфт ҳамсуҳбати мо.

 Дар ҳамин ҳол, оё тасмими Раёсати оромгоҳҳои Душанбе мӯҷиби тахриб ва ё кӯчидани қабрҳо нахоҳад шуд? Зайнулобиддин Назаров гуфт, тибқи пешгӯии ҳавосанҷон, то чанд рӯзи дигар дар Душанбе ҳаво офтобӣ ва гарм хоҳад шуд, аз ин хотир, умедворанд, ки кор то хароб шудани гӯрҳо нахоҳад кашид.

 “Афроде, ки ин овозаву дарвозаро миёни халқ мепарокананд, хайрхоҳи мардум нестанд. Ин маризие, ки имрӯз дар тамоми ҷаҳон пароканда шудааст, дар Тоҷикистони мо низ пайдо шуд. Ҳеҷ аҷобат надорад, ки дар миёни қабршудагон гирифторони маризии “вируси корона” бошанд. Аммо иттилоъ дар бораи маризии афроде, ки ба қабристонҳои шаҳр оварда мешаванд, бо мо дар миён гузошта намешавад ва ҳисобу китоби онҳо масъулияти ниҳодҳои дигар аст”, - гуфт сардори Раёсати оромгоҳҳои Душанбе.

Бино ба иттилои ӯ, дар ҳоли ҳозир 5 қабристони шаҳри Душанбе – “Сариосиё”, “Меҳробод”, “Лучоб”, “Қаротегин” ва Шоҳмансур - дар тавозуни ин раёсат қарор доранд.

2440
Барчаспҳо:
раёсат, вирус, қабр, дастур, душанбе, Тоҷикистон
В Душанбе созданы рабочие группе по борьбе с коронавирусом

Аз хона набароед: 45 гурӯҳи кории Рустами Эмомалӣ дар мубориза бо коронавирус

215
Гурӯҳи корӣ иборат аз намояндагони мақомот ва волонтёрон аз сокинон хоҳиш мекунад, ки безарурат ба кӯча набароянд, ниқоби тиббӣ пӯшанд ва фосиларо дар ҷойҳои ҷамъиятӣ нигоҳ доранд

ДУШАНБЕ, 3 июн - Sputnik. Бо дастури шаҳрдори Душанбе ҷиҳати пешгирӣ аз паҳншавии коронавирус 45 гурӯҳи корӣ ташкил гардид, хабар медиҳад шаҳрдории пойтахт.

Бино бар иттилои манбаъ, гурӯҳ аз намояндагони мақомот ва волонтёрон иборат аст. 

Гурӯҳ  миёни аҳолӣ - дар ҷойҳои ҷамъиятӣ, бозорҳо, боғҳои фарҳангию фароғатӣ, майдончаҳои варзишӣ ва бозии кӯдакона вобаста ба пешгирӣ аз паҳншавии сирояти ҳамагири коронавирус - COVID-19 ва истифодаи ниқобҳои яккарата, инчунин риояи фосилаи иҷтимоӣ ташвиқот мебарад.

Дар маҷмӯъ, дар чор ноҳияи шаҳри Душанбе 45 гурӯҳи таблиғотӣ-фаҳмондадиҳӣ иборат аз 235 нафар кормандони соҳаҳои гуногуни шаҳрдорӣ ташкил шуда, ба маҳаллҳои сернуфуз ва ҷойҳои ҷамъшавии одамон сафарбар гардидаанд.

Гуфта мешавад, дар рӯзи аввали кори гурӯҳҳои фаҳмондадиҳӣ дар чор ноҳияи пойтахт дар маҷмӯъ бо 1790 нафар аҳолӣ-намояндагони табақаҳои гуногуни ҷомеа, ки дар кӯчаву хиёбонҳои пойтахт ва бозору марказҳои савдо бе ниқобҳои яккарата гашту гузор мекарданд, ҷиҳати пешгирӣ аз сирояти ҳамагири коронавирус - COVID-19 корҳои таблиғотӣ-фаҳмондадиҳӣ сурат гирифт.

В Душанбе созданы рабочие группе по борьбе с коронавирусом
В Душанбе созданы рабочие группе по борьбе с коронавирусом

Ба онҳо оид ба риояи қоидаҳои гигиенаи шахсӣ дар ҷойҳои ҷамъиятӣ, истифодаи ниқобҳои муҳофизатӣ, роҳҳои пешгирӣ ва табобати беморон дар шароити хона ва дигар масъалаҳои марбут ба пешгирӣ аз сирояти коронавирус - COVID-19 маслиҳат дода шудааст.

Бояд тазаккур дод, ки аъзои гурӯҳ рӯзи нахустини фаъолият - 2 июни соли ҷорӣ дар доираи корҳои фаҳмондадиҳӣ ба 1790 нафар шаҳрвандон ниқобҳои муҳофизатии яккарата ва маводи таблиғотӣ - тавсияҳои Созмони Умумиҷаҳонии Тандурустӣ ва мутахассисони кишварро оид ба риояи қоидаҳои пешгирӣ аз паҳншавии сирояти ҳамагири коронавирус - COVID-19 тақдим карданд.  

Мақомоти иҷроияи ҳокимияти давлатии шаҳри Душанбе аз ҳамаи сокинон ва меҳмонони пойтахт эҳтиромона даъват ба амал меорад, ки масъалаҳои истифодаи ниқобҳои яккарата, маҳлулҳои безараркунанда (антисептик) ва фосилаи иҷтимоиро дар ҷойҳои ҷамъиятӣ риоя намуда, бе зарурат аз хона набароянд.

215
Нуриддин Каршибоев, архивное фото

Вируси корона ба вазъи молии журналистони тоҷик таъсир кардааст

118
(Таҷдидшуда 18:20 03.06.2020)
Нуриддин Қаршибоев, раиси Анҷумани миллии расонаҳои мустақили Тоҷикистон (НАНСМИТ) гуфт, вазъи буҳронии имрӯза натанҳо ба журналистон балки ба тамоми қишрҳои ҷомеъа таъсир расондааст

ДУШАНБЕ, 3 июн – Sputnik. Нуруддин Қаршибоев, раиси Анҷумани миллии расонаҳои мустақили Тоҷикистон иқдоми хубарнигорони қазоқ, ки дар пайи ҷаъмоварии кумак ба рӯзноманигорони тоҷик мебошандро як иқдоми ҳамраъӣ хонд ва гуфт, ки беҳтар мебуд маводи журналистони тоҷик дар расонаҳои кишварҳои ҳамсоя чоп мешуд во онҳо ба ҷои кумаки молӣ, ҳаққу заҳмат бигиранд.

“Маоши журналистони тоҷик нисбат ба ҳаққу заҳмати рӯзноманигорони қирғизу қазоқ хеле паст аст. Инро бояд эътироф кард. Ин тасмиме, ки аз ҷониби як гуруҳ журналистони қазоқ аз ҷумла Марат Содиков гирифта шудааст, як иқдоми дастгири ё ҳамрайъӣ  бо рӯзноманигорони тоҷик ба шумор меравад”, - гуфт ӯ.

Ҷаноби Қаршибоев илова кард, хуб мешуд барои журналистони тоҷик имконият медоданд то дар расонаҳои кишварҳои ҳамсоя ҳамкорӣ намоянд.

“Масалан хабаргузориҳои кишварҳои ҳамсоя аз журналистони тоҷик мавод бигиранд ва дар расонаҳои худ чоп кунан ва барои онҳо ҳаққу заҳмат диҳанд” ,– қайд кард Нуруддин Қаршибоев.

СУТ аз хатари воридшавии коронавирус аз хориҷ ба Тоҷикистон гуфт

Ба қавли раиси Анҷумани миллии расонаҳои мустақили Тоҷикистон вазъияти молиии журналистони тоҷик чандон бад нест, ки барои як бурида нон зор бошанд аммо онҳо ин иқдоми рзноманигорони қазоқро ҳамчун як иқдоми хайрия ва нишонаи ҳамраъӣ медонанд.

“Албата бархе аз рӯзноманигорони тоҷик инро қобили қабул намедонанд, аммо гурӯҳе ҳаст, ки ба ин кумакҳо эҳтиёҷманд бошанд. Ба ҳисоби миёна маоиши ҳар як рӯзноманигор  дар Тоҷикистон 100-120 долларро ташкил медиҳад. Вале дар ин миён, албата рӯзноманигороне ҳастанд, ки пули бештар мегиранд. Вале, аз ин кам шояд дар нашрияҳои ноҳиявӣ ва шаҳрӣ  гиранд. Вале ҳамҳзамон бояд як чизро ба назар гирифт, ки аксари журналистон бо ду се расона ҳамкорӣ мекунан ва барои таъмини оилаашон аз дигар сарчашмаҳо низ истифода мекунанд”, зикр кард Нуруддин Қаршибоев.

Раиси Анҷумани миллии расонаҳои мустақили Тоҷикистон таъкид дошт, ки вазъияти буҳронӣ ба тамоми соҳаҳои рекламаву тиҷорат таъсир гузоштааст. Ҳозир дар расонаҳои ҷой додани реклама хеле коҳиш ёфтааст ва ин боиси паст гардидани вазъи молиявии расонаҳо шудааст.

Ёдрас мешавем, ки ахиран дар сомонаи иҷтимоии Фейсбук як гурӯҳ рӯзноманигорони Қазоқистон эълон карданд, ки бино бар буҳрони шидиди молиявии журналистони тоҷик барои онҳо кумаки молӣ ҷамъоварӣ мекунанд. Ба қавли онҳо ҳудуди ин кумак бояд аз 15 доллари амрикоӣ кам набошад то онҳо тавонанд маводи ғиизоӣ бихаранд.

118
Барчаспҳо:
таъсир, журналист, буҳрон, расонаҳо, Тоҷикистон

Ду донишҷӯи тоҷик мубталои коронавирус шуда, ба бемористон бистарӣ шуданд

0
Ду донишҷӯи тоҷик дар шаҳри Рибински вилояти Ярослав дар пайи сироятёбӣ аз коронавирус зери табобати пизишкон фаро гирифта шуданд

ДУШАНБЕ, 3 июн — Sputnik. Ду донишҷӯи тоҷикистонӣ дар вилояти Ярослав пас аз натиҷаҳои мусбии тахшиси коронавирус дар беморхонаи шаҳрӣ зери назорати табибон қарор гирифтанд.

Дар ин бора нашрияи минтақавии Рибинск хабар медиҳад.

"Ду донишҷӯ, шаҳрвандони Тоҷикистон ба беморхона интиқол ёфтанд. Ташхиси коронавирус дар бадани онҳо мусбӣ будаст. Аммо нафаре аз онҳо ягон нишанаи бемориро надоштаанду феълан худро хуб ҳис мекунанд", - менависад нашрия.

Ҳарду донишҷӯ ҳам дар хобгоҳи донишгоҳ зиндагӣ мекарданд. Бино бар сабаби карантин ва баста шудани роҳҳо натавонистанд ба Тоҷикистон раванд.

Боқимонда донишҷӯёне, ки дар ҳамин хобгоҳ зиндагӣ мекарданд, аз ташхис гузаштанд. Онҳо зери назорати табибон қарор доранд.

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

 

133 донишҷӯи дигар ба карантини 14-рӯза фаро гирифта мешаванд.

 

0