Газета в руках, архивное фото

Ҳамбастагии нашрияи тоҷикии шаҳри Самарқанд бо мардуми Тоҷикситон

369
(Таҷдидшуда 02:38 18.05.2020)
Масъулони нашрияи тоҷикии шаҳри Самарқанд мавсум ба Овози Самарқанд бо интишори матлабе дар шароити густариши коронавирус бо мардуми Тоҷикистон ибрози ҳамбастагӣ карданд

ДУШАНБЕ, 18 май — Sputnik.  Дар сомонаи нашрияи Овози Самарқанд, Баҳодур Раҳмонов ва Неъмон Маҳмудӣ дар як паёме ба намояндагӣ аз мардуми Узбакистон ва тоҷикони Самарқанд дар шароити густариши коронавирус дар Тоҷикистон таъкид кардаанд, ки дар чунин рӯзҳои сахт дар канори мардуми тоҷик хоҳанд монд, иттилоъ додааст хабаргузории “Парстудей”.

Онон бо ишора ба ирсоли таҷҳизот, колоҳои беҳдоштӣ ва пизишкони мутахассис ба Тоҷикистон барои кумак ба тоҷикҳо, оғози сохти бемористони саҳроӣ ба дасти муҳандисони узбакистонӣ дар шаҳри Душанбе ба дастури Шавкат Мирзиёев, раиси ҷумҳури Узбакистон, ин иқдомро исботи амалии равобити дӯстона ва бародаронаи мардумони ин ду кишвар унвон кардаанд.

7 ҳолати нави гирифторшавӣ ба COVID-19 дар Ӯзбекистон: cе мариз аз Тоҷикистон ворид шуданд

Дар ин паём таъкид шудааст, ки дӯстии мардумони ду кишвар таърихӣ ва дерина мебошад ва дар шароити сахти густариши коронавирус дар Тоҷикистон, мақомот ва мардуми Узбакистон дар оянда низ кумакҳои бештаре ба тоҷикҳо хоҳанд расонд.

369
Барчаспҳо:
ҳамбастагӣ, Тоҷикистон, вирус, нашрия, тоҷикӣ, Самарқанд
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

126
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

126
Барчаспҳо:
решакан шудани дарахтон, ронанда, Тоҷикистон
Две женщины на улице. архивное фото

Бедаракшавии Фотима, Сайёра ва Абдухолиқ: кумакхоҳии ВУД аз мардум-аксу видео

744
(Таҷдидшуда 14:53 04.06.2020)
Вазорати умури дохилии Тоҷикистон се нафар, аз ҷумла ҷавондухтаронеро меҷӯяд, ки моҳи май бадарак шудаанд

ДУШАНБЕ, 4 июн — Sputnik. Тибқи гузориши ВУД, яке аз ҷавондухтарҳои бедаракшуда Фотима Ҷалилова, соли таваллудаш 1997, истиқоматкунандаи шаҳри Турсунзода мебошад.

Фотима Ҷалилова 11 майи соли равон аз хона берун рафта, то ҳол бедарак мебошад, афзуд ВУД.

Инчунин дар шаҳри Турсунзода, Абдухолиқ Абдураҳмонов, сокини 60-солаи шаҳри мазкур бедарак шудааст. Манбаъ афзуд, ки аз 28 майи соли равон то ҳол дар бораи Абдураҳмонов хабаре нест.

Тибқи иттилои ВУД, нафари бедаракшудаи дигар Сайёра Абдусаломова, соли таваллудаш 2006, истиқоматкунандаи ноҳияи Рӯдакӣ мебошад, ки 2 майи соли равон аз хона баромада, то ҳол аз ӯ хабаре нест.

Вазорати умури дохилии Тоҷикистон бо нашри аксҳои афроди бедаракшуда дар гузориши видеоияш аз шаҳрвандон хоҳиш кардааст, ки дар сурати доштани маълумот дар бораи онҳо тариқи рақамҳои 221 21 21, 227 98 98 хабар диҳанд.

744
Барчаспҳо:
бедарак, акс, Тоҷикистон
Эмомалӣ Раҳмон, раисиҷумҳури Тоҷикистон ҳангоми додани мукофот ба соҳибкор Муҳиб Бобоҷонов

Бобоҷонов боз 1 миллион сомониро барои мубориза бо COVID - 19 дод

0
Соҳибкор Муҳиб Бобоҷонов барои мубориза бо COVID - 19 дар Тоҷикистон боз як миллион сомонӣ хайр кардааст

ДУШАНБЕ, 4 июн — Sputnik. Муҳиб Бобоҷонов нимаи моҳи май ба табибони Рашт 200 ҳазор сомонӣ ҳадя карда,  баъдтар боз  барои пешгирии бемории коронавирус 1 миллион сомонӣ тақдим кард, хабар дод нашрияи “Садои мардум”.

Пештар Бобоҷонов барои 400 табиби ноҳияи Рашт дар ҳаҷми 500 сомонӣ ба ҳар кадомашон тақсим карда буд.

Президенти кишвар Эмомалӣ Раҳмон  зимни ироаи паёми ахираш  ба Маҷлиси Олӣ аз корномаи ин соҳибкор  тавсиф намуда, гуфт, Муҳиб Бобоҷонов — сокини 80-солаи ноҳияи Рашт якҷо бо фарзандонаш соли гузашта 42 километр ва имсол 16 километр роҳро азнавсозӣ карда, толори варзиш, пул, чоҳҳои обкашӣ ва чор хонаи истиқоматӣ барои маъюбон ва оилаҳои камбизоат сохта, ҳоло ба масофаи 10 километр хатти оби нӯшокӣ кашида истодааст ва мақсад дорад, ки дар шаҳри Душанбе як корхонаи бузурги нассоҷӣ бунёд намояд.

Таъкид мешавад, Муҳиб Бобоҷонов ва писарони саховатпешааш Раҳимҷон, Шарафҷон ва Бегиҷон дар ҳалли мушкилоти мардуми ноҳия ва минтақаи Рашт пайваста кумак мекунанд.

Ахиран Раҳимҷон Бобоҷонов,  тоҷири тоҷики  муқими Русия ва писари Муҳиб Бобоҷонов  се миллион рублро ба муҳоҷирине, ки дар шароити пандемия бекор монда буданд, тақсим кард.

0
Барчаспҳо:
кумак, сомонӣ, миллион, Тоҷикистон