Колонна медикаментов и средств защиты в Хатлонской области

Кумак расид: 140 мошин бо 900 тонна маводи озуқа ва доруворӣ вориди шаҳри Хуҷанд шуд

1379
(Таҷдидшуда 02:46 18.05.2020)
Мақомоти шаҳи Хуҷанд эълон кард, ки корвони иборат аз 140 мошини пурбор аз пойтахти Тоҷикистон ба вилояти Суғд расид

ДУШАНБЕ, 18 май — Sputnik.  Бино бар иттилои дафтари матбуоти мақомоти шаҳри Хуҷанд, бо супориши Эмомалӣ Раҳмон, раисҷумҳури Тоҷикистон бо мақсади дастгирии иҷтимоию иқтисодии табибони ҷумҳурӣ ва нафароне, ки ба бемории короновирус  гирифтор шудаанд, дар корвони иборат аз 140 мошини пурбор кумаки моддии аз пойтахти кишвар ба вилояти Суғд расида омад.

“Ба ҳамаи шахсони мубталои бемории вируси нав ва табибони 18 шаҳру навоҳии вилояти Суғд дар ҳаҷми 900 тонна маводи хӯрокворӣ бо маблағи қариб 6,5 миллион сомонӣ дастрас мегардад”, - таъкид доштааст манбаъ.

Манбаъ қайд кардааст, ки маводҳои озуқаворӣ асосан аз молҳои ниёзи аввал — орд, биринҷ, равған, шакар, картошка, сабзӣ, пиёз ва дигар хӯрокворӣ иборат аст.

Ҳамзамон мақомоти шаҳри Хуҷанд зикр кардааст, ки дар қатори мошинҳои маводи озуқаворӣ ба шаҳру ноҳияҳои вилояти Суғд инчунин маводи зарурии доруворӣ оварда шуда, ба шаҳру навоҳии вилоят тақсим гардид.

“Илова ба маводи доруворӣ ба табибони беморхонаҳои вилоят сару либоси тиббӣ, ниқоб, дастпӯшак, асбобҳои муҳофизатӣ, моддаҳои безараргардонии антисептикӣ ва дигар воситаҳои техникии тиббӣ кумак карда мешавад”, - таъкид дошт манбаъ.

Мақомоти шаҳри Хуҷанд афзудааст, ки кумаки зикршуда табибон ва тамоми беморони ба вируси корона мубталошудаи шаҳру навоҳии вилояти Суғдро фаро гирифта мегирад.

Инчунин мнабаъ зикр кардааст, ки бо мақсади ба таври шаффоф, мақсаднок ва суроғавӣ дастрас намудани маводи доруворӣ ва молу маҳсулоти хурокворӣ ба шаҳру ноҳияҳои ҷумҳурӣ аз ҳисоби аъзои Ҳукумати кишвар, кормандони масъули Дастгоҳи иҷроияи Президенти Тоҷикистон, Ситоди ҷумҳуриявӣ оид ба пешгирии паҳншавии бемории короновирус ва Вазорати тандурустӣ ва ҳифзи иҷтимоии аҳолии кишвар гурӯҳи корӣ таъсис дода шудааст.

1379
Барчаспҳо:
мақомот, Суғд, пойтахт, Корвон, Хуҷанд, Тоҷикистон
День 29 мая

Ҷашнҳои рӯзи 29 май дар Тоҷикистон ва ҷаҳон

0
(Таҷдидшуда 20:45 28.05.2020)
Рӯзи бисту нуҳуми май дар Ҷумҳурии Доминикан Рӯзи модар таҷлил мешавад. Ин рӯз ҳамчунин рӯзи автомобилронони ҳарбии Қувваҳои Мусаллаҳи Федератсияи Русия, буда дар Ҷумҳурии Қирғизистон Рӯзи Қувваҳои Мусаллаҳ мебошад

Рӯзи 29 май дар ҷаҳон чӣ рух дод

Соли 1923 Иттифоқи ҷамъиятҳои Салиби Сурх ва Ҳилоли Аҳмари Иттиҳоди Шӯравӣ таъсис ёфтааст.

День 28 мая
© Sputnik / Стас Этвеш / Вишнякова Мария

Соли 1964 Никита Хрушов эълон намуд, ки Иттиҳоди Шӯравӣ барои аксбардории ҳудуди ИМА аз спутник-ҷосус истифода мебарад.

Соли 2002 Ассамблеяи генералии СММ қатънома қабул намуд, ки тибқи он имрӯз дар тамоми ҷаҳон ҳамчун Рӯзи байналмилалии сулҳофарон ҷашн гирифта мешавад.

Рӯзи 29 май дар Тоҷикистон чӣ рух дод

Соли 1992 муносибатҳои дипломатии Тоҷикистон ва Озарбойҷон барқарор карда шуданд.

Соли 2009 дар шаҳри Душанбе вохӯрии навбатии Гуфтугӯи минтақавии сиёсӣ байни сегонаи Иттиҳоди Аврупо ва Осиёи Марказӣ бо иштироки вазирони корҳои хориҷии ин кишварҳо баргузор гардид.

Соли 2010 Президенти Тоҷикистон Эмомалӣ Раҳмон  дар робита ба садамаи қатораҳои мусофиркашон, ки муҷиби талафоти бузурги ҷониву хисороти бузурги молӣ гашт, ба Президенти Ҷумҳурии Ҳиндустон Пратибха Патил барқияи тасаллият ирсол намуданд.

Соли 2012 Эмомалӣ Раҳмон ба муносибати 20 – солагии барқарор гардидани муносибатҳои дипломатии байни ду кишвар ба Президенти Ҷумҳурии Озарбойҷон Илҳом Алиев барқияи табрикотӣ ирсол карданд.

Соли 2015 «Стратегияи рушди инноватсионии Ҷумҳурии Тоҷикистон барои давраи то соли 2020» қабул гардид.

Сли 2015 дар Варзишгоҳи марказии ҷумҳуриявии шаҳри Душанбе дастаҳои футболи «Истиқлол» ва «Регар-ТадАЗ» байни ҳам қувваозоӣ намуданд.

Соли 2018 дар шаҳри Душанбе Конференсияи шашуми ҳамкории минтақавии Русия ва Тоҷикистон доир шуд.

Ҷашнҳои рӯзи 29 май

  • Дар Ҷумҳурии Доминикан —  Рӯзи модар.
  • Рӯзи автомобилронони ҳарбии Қувваҳои Мусаллаҳи Федератсияи Русия.
  • Дар Ҷумҳурии Қирғизистон — Рӯзи Қувваҳои Мусаллаҳ.
0
Барчаспҳо:
таърих, ҷашн, Ҷаҳон, Тоҷикистон
Мавзуъ
Ҷашнҳои рӯзи 25 май дар Тоҷикистон ва ҷаҳон
Ҷашнҳои рӯзи 23 май дар Тоҷикистон ва ҷаҳон
Ҷашнҳои рӯзи 26 май дар Тоҷикистон ва ҷаҳон
Ҷашнҳои рӯзи 27 май дар Тоҷикистон ва ҷаҳон
Ҷашнҳои рӯзи 28 май дар Тоҷикистон ва ҷаҳон
Ҷашнҳои рӯзи 24 май дар Тоҷикистон ва ҷаҳон
Сотрудники пограничной службы на пункте пропуска Кен-Булун автодорожный на границе Кыргызстана и Казахстана. Архивное фото

Марзи Тоҷикистон ба рӯйи кадом ҳамсоягонашбоз мондааст?

285
(Таҷдидшуда 17:33 28.05.2020)
Тоҷикистон дар пайи таҳдиди паҳншавии коронавирус ҳанӯз аввалҳои моҳи апрел гузаргоҳҳои марзиро баста буд

ДУШАНБЕ, 28  май — Sputnik. Мудири идораи ҳамлу нақли заминии Вазорати ҳамлу нақли Тоҷикистон Фарух Неъматзода гуфтааст,  ба далели шуюи Корона фақат 7 гузаргоҳи ҳамлу нақли байналмилаллӣ дар ин кишвар бозаст.

Ба нақл аз сомонаи "Парс тудэй", Фарух Неъматзода ин матлабро дар нишасти видио канфронсии интиқоли байналмилаллии коло дар шароити густариши Корона эълон кард.

Вай дар ин нишаст,ки бо талоши Бонки рушд ва бозсозии Аврупо баргузор шуд гуфтааст, ки дар ҳоли ҳозир аз 19 гузаргоҳи марзии Тоҷикистон бо Узбакистон фақат 3 гузаргоҳ фаол аст.

"Ҳамчунин дар марзҳои Тоҷикистон ва Қирғизистон ду гузаргоҳ ва Тоҷикистон бо Чин ва Афғонистон ҳам як гузаргоҳ боз аст", - афзудааст вай.

Ин мақоми Вазорати ҳамлу нақли Тоҷикистон таъкид кард,ки аз тамоми ронандагони мошинҳои боркаш ҳангоми вуруд ба Тоҷикистон озмоиши Корона гирифта мешавад ва дар сурати доштани алоими бемори карантина мешаванд.

Тоҷикистон дар пайи таҳдиди паҳншавии коронавирус ҳанӯз аввалҳои моҳи апрел гузаргоҳҳои марзиро баста буд.

285