Глава Высшего экономического суда Таджикистана Мавлуда Каландарзода

Нухбагон дар набарди "пневмония": гирифтории раиси Суди олии иқтисодиву раиси дастгоҳаш

4683
(Таҷдидшуда 15:20 18.05.2020)
Овозаҳо дар бораи бистарӣ шудани Мавлуда Қаландарзода, раиси Суди Олии иқтисодии Тоҷикистонро як манбаъ дар ин ниҳод тасдиқ карда, афзуд, ба иттифоқи ӯ раиси дастгоҳаш Ҷамшед Файзуллозода низ бистарӣ шудааст

ДУШАНБЕ, 18 май — Sputnik. Бино ба гуфтаи ин манбаъ, раиси Суди Олии иқтисодӣ ва раиси дастгоҳаш ҷудо – ҷудо дар шифохонаҳои шаҳри Душанбе табобат мегиранд.

Вай афзуд, Мавлуда Қаландарзода, раиси Суди Олии иқтисодии Тоҷикистон дар Шифохонаи клиникии шаҳрии бемориҳои сироятии шаҳри Душанбе, маъруф ба “Инфексионний”, воқеъ дар маҳаллаи Зарафшон ва Ҷамшед Файзуллозода, раиси дастгоҳи ин ниҳод дар Маҷмааи тандурустии “Истиқлол” табобат мегиранд.

"Аз рӯи иттилое, ки мо дорем, хушбахтона, сиҳатии ҳарду рӯ ба беҳбудӣ овардаасту марҳалаи шадиди маризиро пушти сар кардаанд. Раиси Суди Олии иқтисодӣ бо ташхиси “пневмония” бистарӣ шудаанду ташхиси раиси дастгоҳ ба мо маълум нест", - гуфт ин манбаъ.

Дар лаҳзаҳои охирини омода шудани ин гузориш ба Sputnik Тоҷикистон ин имкон фароҳам омад, ки Ҷамшед Файзуллозода, раиси дастгоҳи Суди Олии иқтисодиро пайдо кунем. Вай гуфт, тақрибан 7 рӯзи қабл пас аз пайдо шудани аввалин алоими шабеҳ ба "вируси корона" ба духтур муроҷиат кард ва ӯро ба Шифохонаи "Истиқлол" интиқол доданд.

"Он ҷо ташхис доданд, ки роҳҳои нафасам шамол кашидаанд. Як муддат нафастангӣ ҳам доштам. Сипос аз пизишкон ва ҳамшираву тамизкорони шифохонаи “Истиқлол”, ки аз мо муроқибати хуб карданд ва як рӯзи қабл банда аз он ҷо рухсат шудам. Аз мардуми шарифи Тоҷикистон хоҳиш мекунам, ки тамоми қоидаҳои гигиенаро риоя кунанд ва мувозиби сиҳатии худ бошанд", - гуфт Ҷамшед Файзуллозода.

Мавлуда Сатторӣ Қаландарзода дар интихоботи парлумони соли 2015 аз ҳавзаи интихоботии Бобоҷон Ғафуров №14 – и вилояти Суғд вакили Маҷлиси намояндагони Маҷлиси Олии Тоҷикистон даъвати V интихоб шуда, 10 феврали соли 2017 ба курсии раиси Суди Олии иқтисодии Тоҷикистон такя задааст.

Дар ҳамин ҳол, мавсуф сеюмин мансабдори баландмақоми Тоҷикистон аст, ки бо маризии "пневмония" ё илтиҳоби шуш дар Шифохонаи маризиҳои сироятии шаҳри Душанбе бистарӣ мешавад.

Қаблан Юсуф Раҳмон, прокурори генералии Тоҷикистон пас аз як ҳафтаи табобат дар Маркази миллии илмии узв ва бофтаҳои инсон ба хона рухсат шуд.

Бино ба иттилои вазорати тандурустӣ ва ҳифзи иҷтимоии аҳолии Тоҷикистон, мавсуф шурӯъ аз 9 то 16 бо ташхиси илтиҳоби дутарафаи шушҳо дар ин марказ табобат гирифт.

Як рӯзи қабл ҳамин вазорат аз шифо ва русхсат ёфтани Маҳмадтоир Зокирзода, раиси Маҷлиси намояндагони Маҷлиси Олӣ, ба истилоҳ, шахси сеюми давлати Тоҷикистон, хабар дод.

Бино ба ин манбаъ, Маҳмадтоир Зокирзода аз 5 то 15 майи соли равон бо ташхиси илтиҳоби шуш дар Шифохонаи клиникии шаҳрии бемориҳои сироятии шаҳри Душанбе табобат гирифтааст.

Ин ду баландмақоми Тоҷикистон зимни паёми вижа, ки дар сомонаи вазорати тандурустӣ ва ҳифзи иҷтимоии аҳолӣ нашр шудааст, аз роҳбарияти вазорат ва сартабиби шифохонаи фавқуззикр - Хуршед Ҳабибзода изҳори сипос кардаанд.

Аммо дар вазорати тандурустӣ ва ҳифзи иҷтимоии аҳолии Тоҷикистон маризии Мавлуда Қаландарзода, раиси Суди Олии иқтисодии Тоҷикистонро таъйид ё такзиб накарданд. Ҳамоно интизор меравад, ки як сипосномаи дигаре низ аз номи ӯ пахш шавад.

4683
Барчаспҳо:
табобат, раис, вазир, беморӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (436)
День 29 мая

Ҷашнҳои рӯзи 29 май дар Тоҷикистон ва ҷаҳон

4
(Таҷдидшуда 20:45 28.05.2020)
Рӯзи бисту нуҳуми май дар Ҷумҳурии Доминикан Рӯзи модар таҷлил мешавад. Ин рӯз ҳамчунин рӯзи автомобилронони ҳарбии Қувваҳои Мусаллаҳи Федератсияи Русия, буда дар Ҷумҳурии Қирғизистон Рӯзи Қувваҳои Мусаллаҳ мебошад

Рӯзи 29 май дар ҷаҳон чӣ рух дод

Соли 1923 Иттифоқи ҷамъиятҳои Салиби Сурх ва Ҳилоли Аҳмари Иттиҳоди Шӯравӣ таъсис ёфтааст.

День 28 мая
© Sputnik / Стас Этвеш / Вишнякова Мария

Соли 1964 Никита Хрушов эълон намуд, ки Иттиҳоди Шӯравӣ барои аксбардории ҳудуди ИМА аз спутник-ҷосус истифода мебарад.

Соли 2002 Ассамблеяи генералии СММ қатънома қабул намуд, ки тибқи он имрӯз дар тамоми ҷаҳон ҳамчун Рӯзи байналмилалии сулҳофарон ҷашн гирифта мешавад.

Рӯзи 29 май дар Тоҷикистон чӣ рух дод

Соли 1992 муносибатҳои дипломатии Тоҷикистон ва Озарбойҷон барқарор карда шуданд.

Соли 2009 дар шаҳри Душанбе вохӯрии навбатии Гуфтугӯи минтақавии сиёсӣ байни сегонаи Иттиҳоди Аврупо ва Осиёи Марказӣ бо иштироки вазирони корҳои хориҷии ин кишварҳо баргузор гардид.

Соли 2010 Президенти Тоҷикистон Эмомалӣ Раҳмон  дар робита ба садамаи қатораҳои мусофиркашон, ки муҷиби талафоти бузурги ҷониву хисороти бузурги молӣ гашт, ба Президенти Ҷумҳурии Ҳиндустон Пратибха Патил барқияи тасаллият ирсол намуданд.

Соли 2012 Эмомалӣ Раҳмон ба муносибати 20 – солагии барқарор гардидани муносибатҳои дипломатии байни ду кишвар ба Президенти Ҷумҳурии Озарбойҷон Илҳом Алиев барқияи табрикотӣ ирсол карданд.

Соли 2015 «Стратегияи рушди инноватсионии Ҷумҳурии Тоҷикистон барои давраи то соли 2020» қабул гардид.

Сли 2015 дар Варзишгоҳи марказии ҷумҳуриявии шаҳри Душанбе дастаҳои футболи «Истиқлол» ва «Регар-ТадАЗ» байни ҳам қувваозоӣ намуданд.

Соли 2018 дар шаҳри Душанбе Конференсияи шашуми ҳамкории минтақавии Русия ва Тоҷикистон доир шуд.

Ҷашнҳои рӯзи 29 май

  • Дар Ҷумҳурии Доминикан —  Рӯзи модар.
  • Рӯзи автомобилронони ҳарбии Қувваҳои Мусаллаҳи Федератсияи Русия.
  • Дар Ҷумҳурии Қирғизистон — Рӯзи Қувваҳои Мусаллаҳ.
4
Барчаспҳо:
таърих, ҷашн, Ҷаҳон, Тоҷикистон
Мавзуъ
Ҷашнҳои рӯзи 25 май дар Тоҷикистон ва ҷаҳон
Ҷашнҳои рӯзи 23 май дар Тоҷикистон ва ҷаҳон
Ҷашнҳои рӯзи 26 май дар Тоҷикистон ва ҷаҳон
Ҷашнҳои рӯзи 27 май дар Тоҷикистон ва ҷаҳон
Ҷашнҳои рӯзи 28 май дар Тоҷикистон ва ҷаҳон
Ҷашнҳои рӯзи 24 май дар Тоҷикистон ва ҷаҳон
Сотрудники пограничной службы на пункте пропуска Кен-Булун автодорожный на границе Кыргызстана и Казахстана. Архивное фото

Марзи Тоҷикистон ба рӯйи кадом ҳамсоягонашбоз мондааст?

287
(Таҷдидшуда 17:33 28.05.2020)
Тоҷикистон дар пайи таҳдиди паҳншавии коронавирус ҳанӯз аввалҳои моҳи апрел гузаргоҳҳои марзиро баста буд

ДУШАНБЕ, 28  май — Sputnik. Мудири идораи ҳамлу нақли заминии Вазорати ҳамлу нақли Тоҷикистон Фарух Неъматзода гуфтааст,  ба далели шуюи Корона фақат 7 гузаргоҳи ҳамлу нақли байналмилаллӣ дар ин кишвар бозаст.

Ба нақл аз сомонаи "Парс тудэй", Фарух Неъматзода ин матлабро дар нишасти видио канфронсии интиқоли байналмилаллии коло дар шароити густариши Корона эълон кард.

Вай дар ин нишаст,ки бо талоши Бонки рушд ва бозсозии Аврупо баргузор шуд гуфтааст, ки дар ҳоли ҳозир аз 19 гузаргоҳи марзии Тоҷикистон бо Узбакистон фақат 3 гузаргоҳ фаол аст.

"Ҳамчунин дар марзҳои Тоҷикистон ва Қирғизистон ду гузаргоҳ ва Тоҷикистон бо Чин ва Афғонистон ҳам як гузаргоҳ боз аст", - афзудааст вай.

Ин мақоми Вазорати ҳамлу нақли Тоҷикистон таъкид кард,ки аз тамоми ронандагони мошинҳои боркаш ҳангоми вуруд ба Тоҷикистон озмоиши Корона гирифта мешавад ва дар сурати доштани алоими бемори карантина мешаванд.

Тоҷикистон дар пайи таҳдиди паҳншавии коронавирус ҳанӯз аввалҳои моҳи апрел гузаргоҳҳои марзиро баста буд.

287