Сотрудники милиции обеспечивают порядок мероприятия, архивное фото

Дархости вакили мудофеи рӯзноманигори латукӯбшуда аз ВКД барои таъмини амният

404
(Таҷдидшуда 16:26 18.05.2020)
Вакили мудофеи хабарнигори лату кубшудаи хабаргузории Азия-Плюс аз Вазорати корҳои дохилаи Тоҷикистон хост амнияти ҷонии муваккилашро таъмин кунад

ДУШАНБЕ, 18 май — Sputnik. Абдураҳмон Шарифов, вакили мудофеи  Абдуллоҳ Ғурбатӣ, хабарнигори 23 солаи Азия-Плюс, ки ахиран аз сӯи шахсони номаълум лутукӯб шуда буд, гуфтааст ҳеҷ тазмине вуҷуд надорад, ки ин ҳодиса такрор нашавад, зеро баррасии наворҳои камераҳои назоратӣ дар маҳалли ҳамла ба Абдуллоҳ Ғурбатӣ ҳамчунон идома дорад ва ҳамлагарон шиносоӣ нашудаанд, иттилоъ додааст сомонаи ТопТҶ.

Ба гуфтаи Шарифов, шароити идомаи таҳқиқот ба маънои озодона гаштани муҷримон аст.

Шомгоҳи 11 май ду нафар ношинос дар бозори Корвони шаҳри Душанбе ба Абдуллоҳ Ғурбатӣ- хабарнигори хабаргузории Азия-Плюс ҳамлавар шуданд ва ӯро захмӣ карданд.

Ғурбатӣ иллати ин ҳамларо фаолияти хабарнигории хеш ва иттилоърасонӣ дар бораи камбуди имконоти пизишкӣ ва беҳдоштӣ дар Тоҷикистон барои дармони беморони мубтало ба коронавирус медонад.

Созмони гузоришгарони бидуни марз (Reporters Without Borders) моҳи апрели имсол дар шохиси озодии матбуотӣ Тоҷикистонро дар ҷойгоҳи 161 ҷаҳонӣ қарор дода ва таъкид кардааст, ки фазои озодии сухан дар ин кишвар дар ду соли ахир бисёр маҳдуд шуда ва фишор ба хабарнигорон шиддат ёфтааст.

404
Барчаспҳо:
таъмини амният, амният, Вазорати корҳои дохила, латукӯб, хабарнигор, Тоҷикистон
В Душанбе созданы рабочие группе по борьбе с коронавирусом

Аз хона набароед: 45 гурӯҳи кории Рустами Эмомалӣ дар мубориза бо коронавирус

88
Гурӯҳи корӣ иборат аз намояндагони мақомот ва волонтёрон аз сокинон хоҳиш мекунад, ки безарурат ба кӯча набароянд, ниқоби тиббӣ пӯшанд ва фосиларо дар ҷойҳои ҷамъиятӣ нигоҳ доранд

ДУШАНБЕ, 3 июн - Sputnik. Бо дастури шаҳрдори Душанбе ҷиҳати пешгирӣ аз паҳншавии коронавирус 45 гурӯҳи корӣ ташкил гардид, хабар медиҳад шаҳрдории пойтахт.

Бино бар иттилои манбаъ, гурӯҳ аз намояндагони мақомот ва волонтёрон иборат аст. 

Гурӯҳ  миёни аҳолӣ - дар ҷойҳои ҷамъиятӣ, бозорҳо, боғҳои фарҳангию фароғатӣ, майдончаҳои варзишӣ ва бозии кӯдакона вобаста ба пешгирӣ аз паҳншавии сирояти ҳамагири коронавирус - COVID-19 ва истифодаи ниқобҳои яккарата, инчунин риояи фосилаи иҷтимоӣ ташвиқот мебарад.

Дар маҷмӯъ, дар чор ноҳияи шаҳри Душанбе 45 гурӯҳи таблиғотӣ-фаҳмондадиҳӣ иборат аз 235 нафар кормандони соҳаҳои гуногуни шаҳрдорӣ ташкил шуда, ба маҳаллҳои сернуфуз ва ҷойҳои ҷамъшавии одамон сафарбар гардидаанд.

Гуфта мешавад, дар рӯзи аввали кори гурӯҳҳои фаҳмондадиҳӣ дар чор ноҳияи пойтахт дар маҷмӯъ бо 1790 нафар аҳолӣ-намояндагони табақаҳои гуногуни ҷомеа, ки дар кӯчаву хиёбонҳои пойтахт ва бозору марказҳои савдо бе ниқобҳои яккарата гашту гузор мекарданд, ҷиҳати пешгирӣ аз сирояти ҳамагири коронавирус - COVID-19 корҳои таблиғотӣ-фаҳмондадиҳӣ сурат гирифт.

В Душанбе созданы рабочие группе по борьбе с коронавирусом
В Душанбе созданы рабочие группе по борьбе с коронавирусом

Ба онҳо оид ба риояи қоидаҳои гигиенаи шахсӣ дар ҷойҳои ҷамъиятӣ, истифодаи ниқобҳои муҳофизатӣ, роҳҳои пешгирӣ ва табобати беморон дар шароити хона ва дигар масъалаҳои марбут ба пешгирӣ аз сирояти коронавирус - COVID-19 маслиҳат дода шудааст.

Бояд тазаккур дод, ки аъзои гурӯҳ рӯзи нахустини фаъолият - 2 июни соли ҷорӣ дар доираи корҳои фаҳмондадиҳӣ ба 1790 нафар шаҳрвандон ниқобҳои муҳофизатии яккарата ва маводи таблиғотӣ - тавсияҳои Созмони Умумиҷаҳонии Тандурустӣ ва мутахассисони кишварро оид ба риояи қоидаҳои пешгирӣ аз паҳншавии сирояти ҳамагири коронавирус - COVID-19 тақдим карданд.  

Мақомоти иҷроияи ҳокимияти давлатии шаҳри Душанбе аз ҳамаи сокинон ва меҳмонони пойтахт эҳтиромона даъват ба амал меорад, ки масъалаҳои истифодаи ниқобҳои яккарата, маҳлулҳои безараркунанда (антисептик) ва фосилаи иҷтимоиро дар ҷойҳои ҷамъиятӣ риоя намуда, бе зарурат аз хона набароянд.

88
Нуриддин Каршибоев, архивное фото

Вируси корона ба вазъи молии журналистони тоҷик таъсир кардааст

74
(Таҷдидшуда 18:20 03.06.2020)
Нуриддин Қаршибоев, раиси Анҷумани миллии расонаҳои мустақили Тоҷикистон (НАНСМИТ) гуфт, вазъи буҳронии имрӯза натанҳо ба журналистон балки ба тамоми қишрҳои ҷомеъа таъсир расондааст

ДУШАНБЕ, 3 июн – Sputnik. Нуруддин Қаршибоев, раиси Анҷумани миллии расонаҳои мустақили Тоҷикистон иқдоми хубарнигорони қазоқ, ки дар пайи ҷаъмоварии кумак ба рӯзноманигорони тоҷик мебошандро як иқдоми ҳамраъӣ хонд ва гуфт, ки беҳтар мебуд маводи журналистони тоҷик дар расонаҳои кишварҳои ҳамсоя чоп мешуд во онҳо ба ҷои кумаки молӣ, ҳаққу заҳмат бигиранд.

“Маоши журналистони тоҷик нисбат ба ҳаққу заҳмати рӯзноманигорони қирғизу қазоқ хеле паст аст. Инро бояд эътироф кард. Ин тасмиме, ки аз ҷониби як гуруҳ журналистони қазоқ аз ҷумла Марат Содиков гирифта шудааст, як иқдоми дастгири ё ҳамрайъӣ  бо рӯзноманигорони тоҷик ба шумор меравад”, - гуфт ӯ.

Ҷаноби Қаршибоев илова кард, хуб мешуд барои журналистони тоҷик имконият медоданд то дар расонаҳои кишварҳои ҳамсоя ҳамкорӣ намоянд.

“Масалан хабаргузориҳои кишварҳои ҳамсоя аз журналистони тоҷик мавод бигиранд ва дар расонаҳои худ чоп кунан ва барои онҳо ҳаққу заҳмат диҳанд” ,– қайд кард Нуруддин Қаршибоев.

СУТ аз хатари воридшавии коронавирус аз хориҷ ба Тоҷикистон гуфт

Ба қавли раиси Анҷумани миллии расонаҳои мустақили Тоҷикистон вазъияти молиии журналистони тоҷик чандон бад нест, ки барои як бурида нон зор бошанд аммо онҳо ин иқдоми рзноманигорони қазоқро ҳамчун як иқдоми хайрия ва нишонаи ҳамраъӣ медонанд.

“Албата бархе аз рӯзноманигорони тоҷик инро қобили қабул намедонанд, аммо гурӯҳе ҳаст, ки ба ин кумакҳо эҳтиёҷманд бошанд. Ба ҳисоби миёна маоиши ҳар як рӯзноманигор  дар Тоҷикистон 100-120 долларро ташкил медиҳад. Вале дар ин миён, албата рӯзноманигороне ҳастанд, ки пули бештар мегиранд. Вале, аз ин кам шояд дар нашрияҳои ноҳиявӣ ва шаҳрӣ  гиранд. Вале ҳамҳзамон бояд як чизро ба назар гирифт, ки аксари журналистон бо ду се расона ҳамкорӣ мекунан ва барои таъмини оилаашон аз дигар сарчашмаҳо низ истифода мекунанд”, зикр кард Нуруддин Қаршибоев.

Раиси Анҷумани миллии расонаҳои мустақили Тоҷикистон таъкид дошт, ки вазъияти буҳронӣ ба тамоми соҳаҳои рекламаву тиҷорат таъсир гузоштааст. Ҳозир дар расонаҳои ҷой додани реклама хеле коҳиш ёфтааст ва ин боиси паст гардидани вазъи молиявии расонаҳо шудааст.

Ёдрас мешавем, ки ахиран дар сомонаи иҷтимоии Фейсбук як гурӯҳ рӯзноманигорони Қазоқистон эълон карданд, ки бино бар буҳрони шидиди молиявии журналистони тоҷик барои онҳо кумаки молӣ ҷамъоварӣ мекунанд. Ба қавли онҳо ҳудуди ин кумак бояд аз 15 доллари амрикоӣ кам набошад то онҳо тавонанд маводи ғиизоӣ бихаранд.

74
Барчаспҳо:
таъсир, журналист, буҳрон, расонаҳо, Тоҷикистон