Зебуниссо Рустамова ва модараш

Модари Зебинисо Рустамова даргузашт

2592
Комила Рустамова, модари камонвари маъруфи тоҷик Зебинисо Рустамова дар синни 93 солагӣ имрӯз дар шаҳри Душанбе аз олам чашм пушид

ДУШАНБЕ 18 май – Sputnik. Хабари даргузашти модарро худи Зебинисо Рустамова дар суҳбат бо Sputnik Тоҷикистон тасдиқ кард ва гуфт, “имрӯз рӯзи модари азизам буд шуд ва ҷон ба ҷонофарин супурд. Мо ҳама меҳмони ин дунёем ва рӯзе ба мисли модарам аз ҷаҳон меравем”.

Рустамова гуфт, модараш то ин муддат аз ҳеҷ беморие ранҷ намекашид, вале гоҳ - гоҳ баландшавии фишораш мушоҳида мешуд.

Комила Рустамова, 7 -уми ноябри соли 1927 дар шаҳри Хуҷанд дар оилаи деҳқон таваллуд шуда, омӯзишгоҳи педагогии занонаи шаҳри Душанберо бо ихтисоси химияву биология хатм кардааст.

Баъд аз хатми омӯзишгоҳ дар соли 1957 дар мактаби № 18 и шаҳри Душанбе ба кор шурӯъ намудааст. Баъдан дар вазифаҳои директори мактаби № 18, раиси иттифоқи касабаи маорифчиёни шаҳр ва баъдан ҳамчун мудири шуъбаи маорифи ноҳияи Исмоили Сомонӣ (собиқ райони Октябр) фаъолият бурдааст.

Дар замони ҷанги бузурги ватанӣ (1941-1945) дар қатори даҳҳо занони дигари тоҷик дар кори фронти ақибгоҳ истоода, дар расонидани маҳсулоти ниёзи аввал ба сарбозону афсарони дар ҷанг қарор доштаи тоҷик шуғл варзидааст.
Ба ин хотир ахиран дар арафаи 75 – солагии Иди Ғалаба дар қатори дигар иштирокчиёну собиқадорон ҷанг бо медали “75 - солагии Ғалаба дар Ҷанги бузурги ватанӣ 1941-1945 сол” и Федератсияи Русия сарфароз сарфароз гардонида шудааст.

Комила модари Зебинисо, Меҳринисо, Зулфинисо, Нуринисо ва Ҳомидҷон Рустамоваҳо мебошад, ки фарзандонаш ҳам ба мисли худаш дар зиндагӣ басо корномаҳои хуберо сапт кардаанд.

Аз ҷумла фарзандаш Зебинисо Рустамова, аз аввалин бонӯи камондори тоҷик аст, ки ҳанӯз дар 15 солагиаш барои сабқатҳо дар риштаи камонварӣ дар тими ҷавонони Шӯравӣ ширкат мекард ва дуруст замоне, ки 19 сола буд ба ҳайати асосии тими Иттиҳоди Шӯравӣ пазируфтанд.

Соли 1975 ин бонуи тоҷик дар нахустин иштирокаш дар мусобиқаи ҷаҳонӣ оид ба камонварӣ миёни занон, дар Интерлакени Швейтсария, ҳайати СССР ва ё собиқ Иттиҳоди Шӯравиро ба пирӯзӣ расонду рекорди ҷаҳониро бо номи худ асос гузошт.

Баъд аз ин ҳам дари комёбиҳо ба рӯи ин бонӯи тоҷик боз шуд ва шумори медал ва ҷоизаҳояш аз мусобиқоти ҷаҳонӣ афзудан гирифт.

Зебинисо Рустамова соли 1976 дар бозиҳои олимпии Монтреал пирӯз шуд ва медоли бринҷиро ба ҳамроҳ овард. Худи ҳамон сол буд, ки унвони “Қаҳрамони Аврупо” дар миёни занони камонварро ба номаш сапт кард. Пас аз он Зебинисо Рустамова ба дарёфти ҳашт рекорди ҷаҳонӣ дар ҷодаи камондории занон ва беш понздаҳ ҷоизаи “Қаҳрамони Шӯравӣ” мушарраф гардид ва аз зумраи маъруфтарин ва комгортарин варзишкорони шӯравӣ шинохта шуд.

Зебинисо Рустамова президенти Ассотсиатсияи олимпичиён ба истеъфо рафт

Қарор аст, пагоҳ маросими хоксупории Комила, модари Зебинисо Рустамова дар шаҳри Душанбе баргузор шавад.

2592
Меваю сабзавот дар бозор, акс аз бойгонӣ

Азми мақомоти Хатлон барои содироти 90 ҳазор тон меваю сабзавот ба хориҷа

91
(Таҷдидшуда 20:54 27.05.2020)
Мақомоти Хатлон мегӯянд, имрӯз, 27 май, аз вилоят ба Русия боз 50 тонна олу содир карда шуд. Соҳибкорони маҳаллӣ олуро аз ноҳияи Кӯшониён дар қуттиҳои махсус бор карда, тавассути мошинҳои борбар роҳии Санкт-Петербург намуданд

ДУШАНБЕ, 27  май — Sputnik. Тибқи иттилои мақомоти Хатлон, рӯзе пеш боғпарварони ноҳияи Ҷалолиддини Балхӣ низ бо мусоидати бахши намояндагии Агентии содироти назди Ҳукумати Ҷумҳурии Тоҷикистон дар вилоят ба хориҷи кишвар 51 тонна меваҷотро содир карда буданд.

Президент Эмомали Рахмон открыл спортивный комплекс в Ховалингском районе
© Официальная страница пресс-службы президента РТ в Facebook.

Манбаъ таъкид намудаст, ки имрӯз аз вилояти Хатлон, асосан навоҳии Ҷ. Балхӣ, Кӯшониён ва Ҷайҳун ба хориҷи мамлакат ҷамъан 139 тонна мева бо иловаи лимӯ содирот шудааст.

“Мавсими содироти меваҷот, тавре ки мутахассисон таъкид мекунанд, тоза шурӯъ шудааст. Имсол, тибқи дурнамо аз шаҳру навоҳии вилояти Хатлон ба мамолики хориҷи дуру наздик 90 ҳазор тонна меваю сабзавот содирот хоҳад шуд”, - омадааст дар иттилоия.

Мақомоти Хатлон мегӯянд, то 27 май ин нақша ба андозаи 40,5% иҷро гардида, ба хориҷа 36 ҳазору 429,1 тонна меваю сабзавот, аз ҷумла 36 ҳазору 255,2 тонна пиёз содир карда шудааст. Дар муқоиса бо ҳамин давраи соли 2019 ба хориҷи мамлакат ба андозаи қариб 15 ҳазор тонна маҳсулоти бештар содирот шудааст.

Манбаъ таъкид кардаст, ки маҳсулоти кишоварзии истеҳсоли вилояти Хатлон асосан ба Қазоқистон, Покистон, Афғонистон, Федератсияи Русия ва Қирғизистон равона гардидааст.

91
Мужчина в защитной маске

Омори хушҳолкунанда: бидуни фавт ва шифо ёфтани 1575 нафар аз коронавирус дар Тоҷикистон

1041
(Таҷдидшуда 18:16 27.05.2020)
Вазорати тандурустии Тоҷикистон хабар медиҳад, ки шабонарӯзи гузашта дар ҷумҳури аз маризии коронавирус ягон бемор нафавтид

ДУШАНБЕ, 27 май — Sputnik. То соати 17:30 дақиқаи 27 май дар кишвар 3424 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1575 нафар шифо ёфтаанд.

Ба иттилои котиботи Вазорати тандурустӣ, шабонарӯзи гузашта ягон мавриди фавт аз ин беморӣ сабт нагардидааст. Теъдоди қурбониён дар Тоҷикистон ҳамоно 47 нафар арзёбӣ мешавад.

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мегӯяд, то 27 майи соли равон дар мамлакат 2501 нафар зери назорати табибон қарор дошта, дар як шабонарӯзи охир 385 нафар пас аз шифо ёфтан ба хонаҳояшон рухсат дода шудаанд.

Вазорат аз шумораи дигари қурбониёни коронавирус дар Тоҷикистон хабар дод

Манбаъ тавзеҳ медиҳад, ки  имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд.

Ба ғайр аз ин дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

 

1041
Мавзуҳо:
Пайомадҳои COVID-19 дар Тоҷикистон ва ҷаҳон
Свеча

Мотам дар хонаводаи Сатторовҳо, соҳибкорони хайрхоҳи тоҷик-акс

2617
Шамсулло Сатторов, яке аз бародарон Сатторовҳо, ки ахиран барои хайрашон ба табибони Ҳисор дар сархати расонаҳо қарор гирифта буданд, даргузашт

ДУШАНБЕ, 27  май — Sputnik. Раёсати ҷамъияти миллӣ-фарҳангии тоҷикони вилояти Иркутск, аз марги Сатторов Шамсулло Ҳикматуллоевич, ки дар синни 47-солагӣ аз бемории саратон даргузашт, изҳори андуҳ кардааст.

Садбарг Боқиева, рӯзноманигор ва фаъоли ҷамъиятӣ, дар бораи марги Сатторов дар саҳифаи фейсбукияш хабар дода, ҳамдардии ҷамъияти тоҷикони Иркутскро ба хонаводааш баён доштааст.

Ахиран бародарон Сатторовҳо ба маркази саломатӣ дар Ҳисор 16500 кило орд, 1650 кило биринҷ, 1650 литр равған, 1650 кило шакар, 1650 кило макарон, 3300 дона собун ва 3000 дона ниқоби тиббӣ дастрас кардаанд.

Бародарон Давронҷон, Баҳромҷон, Убайдулло, Рустамҷон, Шамсулло ва Суҳробшо Сатторовҳо - соҳибкорони тоҷик, зодаҳои шаҳри Ҳисор мебошанд, ки дар Русия ба соҳибкорӣ машғуланд.

Давронҷон Сатторов, яке аз шаш бародарон  дар пайи хайри охирашон изҳор дошта буд, ки  "ману бародаронам ятим калон шудем ва дар тарбияи модарамон  Хосиятбону Азизова, рӯҳаш шод бод, бузург шудем. Аз ин рӯ хуб медонам, ки кӯдакони ятим ба чӣ ниёз доранд ва қалби кӯчакашон чӣ мехоҳад".

2617
Барчаспҳо:
хайрхоҳӣ, Русия, Тоҷикистон