Медицинские работники в защитных костюмах с термометрами

Тоҷикистон кумаки навбатӣ гирифт: ЮНИСЕФ ва ИА 13 тонна маводи тиббӣ ирсол карданд

256
(Таҷдидшуда 12:52 19.05.2020)
ЮНИСЕФ ва ИА ба хотири дастгирӣ намудани Тоҷикистон дар мубориза бо маризии коронавирус ҳудуди 13 тонна маводҳои тиббӣ ирсол намуданд

ДУШАНБЕ, 19 май — Sputnik. Кумаки ин ду созмонро Вазорати беҳдошти Тоҷикистон қабул намуд ва он асосан аз либосҳои муҳоҷизатӣ барои пизишкон ва дигар маводҳои зарурии тиббӣ иборат аст.

Ба Душанбе 13 тонна маводи дорувории лозима ворид шуд. Ин маводҳо таҷҳизоти муҳофизатии зарурии шахсӣ иборат буда, 36 ҳазор либоси муҳофизатӣ, 40 ҳазор ниқобҳои тиббии N95 ва 720 ҳароратсанҷро дар бар мегирад.

Тамоми мавод дар асоси ҳамкорӣ ва мувофиқа бо Вазорати тандурустӣ ва ҳифзи иҷтимоии Тоҷикистон  тартиб дода, харидорӣ шудаанд. ЮНИСЕФ Тоҷикистон маводҳоро мустақиман ба муассисаҳои интихобшудаи тиббии кишвар дастрас менамояд ва ҳамзамон механизми махсус барои арзёбии ниёзҳо ба маводҳои тибби ба ҷо гузошта мешавад.

Бо 1.3 миллион ЕВРО, 1,500 мутахассисони тиббӣ дар беморхонаҳо ва муассисаҳои карантинӣ бо таҷҳизотҳои зарурии муҳофизатии шахсӣ, аз ҷумла ниқобҳои тиббӣ/ҷарроҳӣ, респираторҳо, дастпӯшакҳо ва хилъатҳо ҷиҳозонида мешаванд, ки ин имконияти лозима барои нигоҳубини 40,000 беморони COVID-19 медиҳад.

Омори тозаи Вазорати тандурустӣ: 29 фавт ва 907 мубталои коронавирус дар Тоҷикистон

Чорраҳои ҳадди ақал барои татбиқи самароноки пешгирии сироят ва назорат дар муассиҳаои интихобшуда ба ҷо оварда мешаванд.

Ёдовар мешавем, ки қаблан системаҳои озмоишӣ ва доруворӣ ба Тоҷикистон аз Русия ворид мешуданд, ҳамагӣ чоряки кӯмаки башардӯстона ба Тоҷикистон аз Федератсияи Русия рост меояд.

Бо мақсади мубориза алайҳи бемории нави, Вазорати тандурустии Тоҷикистон тавассути ТУТ 23 ҳазор системаҳои санҷиширо аз Русия ворид кард.

256
Барчаспҳо:
Тоҷикистон, кумак, ИА, ЮНИСЕФ
Самолет авиакомпании Уральские авиалинии, архивное фото

Парвози махсуси ҳавопаймои ширкати русӣ: 162 муҳоҷир ба Ватан баргашт

2
(Таҷдидшуда 12:05 26.05.2020)
Вазорати умури хориҷаи Тоҷикистон хабар дод, ки субҳи имрӯз бо парвози махсуси ҳавопаймои ширкати “Уральские авиалинии” 162 муҳоҷири тоҷик аз Русия ба кишвар баргардонида шуд

ДУШАНБЕ, 26 май – Sputnik. Бино бар иттилои дафтари матбуоти вазорати умури хориҷаи Тоҷикистон, субҳи 26 май дар ҳамкорӣ бо ҷониби Русия 162 нафар шаҳрванди Тоҷикистон, ки тайи чанд моҳи охир дар марказҳои нигоҳдории муваққатии шаҳрвандони хориҷии Русия қарор доштанд, бо парвози махсуси ҳавопаймои ширкати “Уральские авиалинии” аз Екатеринбург ба Душанбе баргардонида шуданд.

 Манбаъ қайд кардааст, ки бо ин ҳавопаймо инчунин ду ҷасади муҳоҷири тоҷик барои хоксупорӣ баТоҷикистон интиқол дода шудааст.

Ёдрас мешавем, ки чанде пеш сафорати Тоҷикистон дар Русия хабар дод, ки аз ин кишвар дар марҳилаи аввал шаҳрвандони Тоҷикистон, ки дар марказҳои нигоҳдории муваққатии шаҳрвандони хориҷии (МНМШХ) Русия тайи се моҳи охир қарор доранд, ба Ватан баргардонида мешаванд.

Дар ин росто, тайи рӯзҳои охир ва давоми ҳафтаи ҷорӣ дар мувофиқа бо мақомоти Русия ҳамаи шаҳрвандони Тоҷикистон, ки дар марказҳои нигоҳдории муваққатӣ мондаанд, ба Ватан баргардонида мешаванд.

2
Барчаспҳо:
Русия, муҳоҷир, ҳавопаймо, парвоз, вазорати умури хориҷа, Тоҷикистон
Доставка гуманитарного груза медикаментов из Индии в Таджикистан

Ӯзбекистон ба Тоҷикистон 24 тонна маводи доруворӣ фиристод

11
(Таҷдидшуда 12:45 26.05.2020)
24 тонна маводи доруворӣ аллакай аз Ӯзбекистон фиристода шуд ва ба Раёсати тандурустии Тоҷикистон дастрас гардид

ДУШАНБЕ, 26 май – Sputnik. Ӯзбекистон ба Тоҷикистон кумаки башардӯстона равон кард, хабар медиҳад ожонсии Тоҷик.ТА.

Қайд мешавад, ки кишвари ҳамсоя ба Тоҷикистон 24 тонаа маводи доруворӣ фиристод.

Ин кумак аслан аз маводҳои доруворӣ аз ҷумла интибиотикҳо иборат аст.

"Кумаке, ки аз ҷониби Ҳукумати Ӯзбекистон ба Тоҷикистон расид аллакай дар ихтиёри Вазорати тандурустӣ ва ҳифзи иҷтимоӣ гузошта шуд", - омадааст дар хабарнома.

Пештар, Ӯзбекистон барои сохтани беморхонаи сайёр дар Душанбе, ба кишвар 120 контейнер кумак карда буд.

Ин табобатхона аллакай дар ҳудуди майдони "Бофанда" сохта шуда, ба қабули мазирони коронавирус омода аст.

Ҳамчунин рӯзи 8 май аз Ӯзбекистон ба Тоҷикистон ҳашт пизишк омаданд, ки барои ҳамтоёни тоҷики худ аз таҷрибаи андӯхтаи худ дар самти мубориза бар зидди коронавирус, нақл карданд.

Кумаки Тоҷикистон ба зарардидаҳои обхезӣ дар Ӯзбекистон: 51 қатораи боркаш

Дар навбати худ, Ҳукумати Ҷумҳурии Тоҷикистон барои зарардидагони офати таббиӣ ба вилояти Сирдарёи Ҷумҳурии Ӯзбекистон 51 қатораи масолеҳи сохтмонӣ кӯмак фиристод.

11
Барчаспҳо:
маводи доруворӣ, кумаки башардӯстона, Тоҷикистон, Ӯзбекистон