Самолет авиакомпании Таджик Эйр, архивное фото

Ҳавопаймои махсус: ширкати “Тоҷик Эйр” 220 муҳоҷири меҳнатиро ба Душанбе баргардонд

847
(Таҷдидшуда 13:03 20.05.2020)
Ҳавопаймои махсус аз фурудгоҳи шаҳри Маскав соати ҳафти шом парвоз карда, соати чаҳори субҳ дар шаҳри Душанбе фуруд омад

ДУШАНБЕ, 20 мая — Sputnik. Ахиран аз шаҳри Маскав бо як ҳавопаймои ширкати “Тоҷик Эйр” садҳо шаҳрванди Тоҷикистон, ки дар Русия ба хотири қарантина банд монда буданд ба Ватан баргаштанд, иттилоъ додааст сомонаи фурудгоҳи Домодедово.

Ҳавопаймо аз фурудгоҳи шаҳри Маскав соати ҳафти шом парвоз карда, аллакай соати чаҳори субҳ дар шаҳри Душанбе фуруд омад.

Бо ин парвози махсус шаҳрвандони Тоҷикистон, ки  аз Русия ихроҷ шуда ва дар Марказҳои нигаҳдории муваққатии Русия қарор доштанд, ба Душанбе баргардонда шуданд. Ҳамчунин бо ин ҳавопаймо ҷасади чанд муҳоҷири тоҷик низ ба Ватан баргардонида шуд.

Ёдрас мешавем, ки қаблан ба далели баста шудани марзҳои Русия ва қатъи парвозҳо бо Тоҷикистон, ҳазорҳо шаҳрванди Тоҷикистон, ки дар ин кишвар кору зиндагӣ мекунанд, натавонистанд ба Ватанашон баргарданд.
Садҳо шаҳрванди Тоҷикистон маҷбур шуданд дар фурудгоҳҳои шаҳри Маскав шабро рӯз кунанд.

Аммо тибқи иттилои Вазорати умури хориҷии Тоҷикистон, ҳоло дар ҷумҳурӣ барои баргардонидани шаҳрвандони кишвар чораҳои зарурӣ андешида истодаанд.
Бояд қайд кард, ки санаи 26 марти соли равон як ҳавопаймои махсуси ширкати “Тоҷик Эйр” аз Тоҷикистон 206 шаҳрванди Русияро ба шаҳри Маскав интиқол дод ва бо ҳамин ҳавопаймо беш аз 200 шаҳрванди Тоҷикистон ба Ватан баргаштанд.

847
Барчаспҳо:
баргардонд, Душанбе, парвоз, фурудгоҳ, Маскав, ҳавопаймо, Тоҷикистон
Тонущий человек, архивное фото

Ғарқшавии ду ҷавон дар Хатлону Ҳисор: ҷасади яке ёфт ва дигаре то ҳол бедарак аст

22
(Таҷдидшуда 16:04 04.06.2020)
Кумитаи ҳолатҳои фавқулодаи Тоҷикистон аз ду ҳодисаи ғарқшавии сокинони Хатлон ва Ҳисор хабар медиҳад

ДУШАНБЕ, 4 июн — Sputnik. Наҷотбахшони Кумитаи ҳолатҳои фавқулодаи Тоҷикистон давоми ду рӯз ҷасади дар об ғарқшудаи як сокини  23 - солаи деҳаи Пахтакори ноҳияи Кушониёнро меҷӯянд.

Ба иттилои котиботи КҲФ, Дониёр Азизов сокинои ноҳия Кушониён ҳангоми оббозӣ дар дарёи Вахш аз беэҳтиётӣ ғарқ шудааст.

"Хабари ғарқи дарё шудани ӯ ба Раёсати КҲФ дар Хатлон рӯзи 3-уми июн расид ва худи ҳамон лаҳза кормадони наҷот, ба ҷойи ҳодиса рафтанд ва то бегоҳ ҷасадро кофтанд. Вале ҷустуҷӯҳои рӯзи аввал натиҷа надод ва имрӯз, 4-уми июн корҳои кофтуков аз сар гирифта шуданд", - таъкид мешавад дар хабар.

Манбаъ аз ғарқшавии як ҷавони 18 - солаи дигар дар ноҳияи Ҳисор хабар медиҳад, ки баъди аз зуҳри рӯз 3 - уми май иттифоқ афтодааст.

Гуфта мешавад, сокини 18 - солаи деҳаи Мирзочӯли ноҳияи Рӯдакӣ ҳангоми оббозӣ дар канали калони Ҳисор ғарқ шуд.

Боқимондаҳои ҷасади сайёҳи рус, ки дар рӯди Хингоб ғарқ шуда буд, пайдо гардид

"Корҳои ҷустуҷӯи ҷасади ғарқшуда дирӯз то соати 20:05 дақиқа идома дошт, вале он бенатиҷа анҷомид", - омадааст дар хабар.

Зимнан, субҳи имрӯз, соати 03:00 сокинони деҳа ҷасадро тақрибан 70 метр поёнтар аз ҷойи ҳодиса мушоҳида карданд ва он аз об берун оварда шуда, ба пайвандонаш супурда шуд.

22
Парк Душанбе

Барқарор кард: боздошти ронандае, ки дар "Наврӯзгоҳ" дарахти "Каштанка" - ро шикаст

143
(Таҷдидшуда 13:45 04.06.2020)
Раёсати умури дохилии Тоҷикистон аз боздошти ронандае хабар медиҳад, ки аз беэҳтиётӣ дар назди боғи "Наврӯзгоҳ" дарахти "Каштанка" - ро шикаст

ДУШАНБЕ, 4  июн — Sputnik. Раҷабов Умарҷони 19 - сола ронандаи автомашинаи тамғаи Мерседе-Бенс 1 - адад дарахти ороишии бо номи "Каштанка" - ро шикастааст, хабар медиҳад котиботи Раёсати умури дохилӣ дар шаҳри Душанбе.

Ба иттилои манбаъ, номбурда санаи 30 - юми май ҳангоми ҳаракат тавассути кӯчаи Ҳофизи Шерозӣ дар назди боғи "Наврӯзгоҳ" аз ӯҳдаи идораи воситаи нақлиёт набаромада, дар қисми кабудизоршудаи канори роҳи автомобилгард 1-адад дарахтони ороиширо шакастааст.

Дастури Президент: вакилон тӯли панҷ сол 20 дарахт мешинонад

Зимнан, нисбати ӯ тибқи талаботи моддаи 334-и Кодекси ҳуқуқвайронкунии маъмурӣ протоколи маъмурӣ тартиб дода шуда, ҳамзамон номбурда зарари расонидашударо барқарор намудааст.

Раёсати ВКД дар шаҳри Душанбе ба иттилои шаҳрвандон ва ронандагони воситаҳои нақлиёт мерасонад, ки нисбати ободиву зебогиҳои кишвар арҷ гузоранд ва барои боз ҳам зебо гардонидани гулгашту хиёбон ва муҳити атроф саҳмгузор бошанд.

143
Барчаспҳо:
решакан шудани дарахтон, ронанда, Тоҷикистон