Верующий на намазе в мечети, архивное фото

Мусозода: “Рӯзи Иди Рамазон мардум дар хона ба тоату ибодат машғул шаванд”

1334
(Таҷдидшуда 23:25 20.05.2020)
Ҳоҷиҳусайн Мусозода, раиси Шӯрои уламои дини вилояти Суғд дар бораи рӯзи 24 уми май таъин шудани Иди Рамазон хабар дода, аммо гуфт, ки ба хотири пешгирӣ аз паҳншавии вируси корона хондани намози Иди Фитр дар масҷидҳои кишвар баргузор намешавад

ДУШАНБЕ, 20 май — Sputnik. Шӯрои уламои Маркази исломии Тоҷикистон, имрӯз 20 уми май ба баргузории як ҷаласа, ки ба таври онлайн доир шудааст, дар бораи санаи баргузории рӯзи Иди Рамазон қарор қабул кардааст.

Ҳоҷи Ҳусайн Мусозода, раиси уламои дини вилояти Суғд ва ҳамзамон муовини раиси Шӯрои уламои Маркази исломии Тоҷикистон аз иштирокдорони ин ҷаласаи онлайнӣ дар суҳбат ба Sputnik Тоҷикистон гуфт, 24-уми май, рӯзи Иди Рамазон дар кишвар эълон карда шуд.

11 супориши муҳлатноки Раҳмон ба Ҳукумат ва вазоратҳо барои пешгирии COVID - 19

Ӯ гуфт, ба хотири пешгирӣ аз паҳншавии бемории коронавирус ё COVID – 19 хондани намози Фитр дар масҷидҳо гузошта намешавад.

“Намози Ид хонда намешавад, вале ба мардум тавсия дода мешавад, ки дар вақти баргузории он, дар хонаҳояшон ба тоату ибодати зикри Худо машғул шаванд”, - таъкид намуд Мусозода.

Муовини раиси Шӯрои уламои Маркази исломии Тоҷикистон иттилоъ дод, ки имсол ҳаҷми нисоби закот 21 ҳазор сомонӣ муқаррар шуда, мусалмононро зарур аст, ки 2,5 дарсад ё 525 сомонӣ аз ин ҳисоб ҳамчун закот диҳанд. Садақаи Фитр ба мисли солҳои қаблӣ ба ҳисоби гандум 5 сомонӣ муқаррар карда шудааст.

Барои соҳибони узри шаръӣ, яъне пиронсолону беморон ва нафароне, ки бо сабаб рӯза дошта наметавонанд, фидяи савм ба миқдори 300 сомонӣ барои 30 рӯз, яъне ҳар рӯз 10 сомонӣ муайян карда шудааст.

Ҳоҷиҳусайн Мусозода иброз намуд, ки дар айни шуюъи бемории вируси корона, тавсияҳои Шурои маркази исломӣ дар бораи чи гуна таҷлил намудани Иди Рамазонро аз тариқи шабакаҳои телевизионии Суғд ба мардум эълон мекунанд.

1334
Барчаспҳо:
масҷид, Иди Фитр, вирус, пешгирӣ, ид, Рамазон, Суғд
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

27
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

27
Барчаспҳо:
баргузор, саноат, Душанбе, намоишгоҳ, Афғонистон
Карабиненко Александр

Коршинос сабаби нест шудани коронавирус дар Тоҷикистонро шарҳ дод

183
(Таҷдидшуда 20:44 16.01.2021)
Табиби хизматнишондодаи Русия, Александр Карабиненко маълумоти Вазорати тандурустии Тоҷикистонро дар бораи якбора коҳиш ёфтани ҳолатҳои нави сироятёбӣ аз коронавирус шарҳ дод

ДУШАНБЕ, 16 янв — Sputnik. Дар Тоҷикистон аз аввалҳои моҳи январ якбора шумораи ҳолатҳои нави гирифторӣ ба коронавирус коҳиш ёфт. Дар давоми ду ҳафта дар ҷумҳурӣ ҳамагӣ 12 ҳолати нави сироятёбӣ ба қайд гирифта шуд.

Зичии аҳолӣ дар Тоҷикистон, фарз кунем  нисбат ба вилояти Маскав хело кам аст. Маҳз ҳамин далел шароит фароҳам меоварад, ки паҳншавии вирус бозистад, мегӯяд коршинос.

Ҳамчунин, Карабиненко дар сӯҳбат бо Sputnik Тоҷикистон гуфт, ки шароити экологӣ ва климати кишвар метавонист боиси камшавии омори коронавирус шавад.

"Феълан ин масъала пажӯҳиш нашудааст, бояд солҳо мушоҳида кард ва он вақт метавон ҷавоби дақиқ дод", - меафзояд ӯ.

Ба гуфтаи табиби рус, бадани одамони гуногун иммунитетро гуногун коркард мекунад. Бархе нафарон умуман ба ин беморӣ антитела ҳосил намекунанд.

"Дар ин ҳолат эмгузаронӣ боиси ҳосил шудани иммунитет дар бадан мешавад ва дар ин ҳолат аз коронавирус антитела ҳосил мегардад", - таъкид кард Карабиненко.

Вазири тоҷик: табибони кишвар аз имтиҳони бузург дар самти пешгирӣ аз COVID-19 гузаштанд

Ба гуфтаи вай, ваксинаи зидди грипп низ кӯмак мекунад, ки бемории коронавирус сабуктар гузарад ва барои ҳамин бояд ҳама эм карда шаванд.

"Инфексияи коронавирус то абад дар бадани инсон мемонад. Аз вирус ҷои гурез нест ва ба он иммунитети коллективӣ пайдо мешавад", - тавзеҳ дод вай дар анҷом.

183