Праздничный намаз на Иди Курбон в Душанбе

Президент дар бораи бастани масоҷид, Хонаи Худо ва манъи ифтору таровеҳ-видео

1331
(Таҷдидшуда 21:05 21.05.2020)
Эмомалӣ Раҳмон, раисиҷумҳури Тоҷикистон, аҳамияти ҳифзи саломатиро таъкид кард, ки ба хотири он ҳатто Хонаи Худоро бастаанд

ДУШАНБЕ, 21 май — Sputnik. Раисиҷумҳури Тоҷикистон ахиран дар мулоқот бо кормандони тиб, гуфт бубинед имрӯз дар тамоми дунё, Хонаи Худоро бастанд, масҷидҳоро бастанд, ифтору таровеҳро манъ карданд.

“Ҳама ба хотири чӣ? Ба хотири амният, ба хотири солим нигоҳ доштани миллату халқҳои худашон”, - изҳор дошт Эмомалӣ Раҳмон.

Ӯ суол гузошт, ки ба масҷид кӣ меравад ва худаш посух дод, ки ба масҷид одами солим меравад.

Ин дар ҳолест, ки бо қарори Шӯрои уламои Тоҷикистон аз 18 апрели соли равон намозҳои ҷамоат - панҷвақта, ҷумъа ва таровеҳ дар масҷидҳои кишвар ва ҷамоатхонаҳо то беҳбуд ёфтани вазъият мамнӯъ эълон шуд. Дар қарори Шӯрои уламо омадааст, ки дар моҳи Рамазон  баргузор намудани ҳар гуна ҷамъомад - таровеҳ, ифтор, идгардак ва дигар маъракаҳо манъ карда шавад.

Инчунин Шӯрои уламои Маркази исломии Тоҷикистон рӯзи таҷлили иди саиди Фитрро дар Тоҷикистон - 24 май муқаррар кард.

Раҳмон гуфт, дар бархе ноҳияҳо коронавирус нест ва шарҳ дод чаро-видео

Ҷамолиддин Хомӯшов, масъули Раёсати фатво дар Тоҷикистон изҳор медорад, ки дар Қуръону суннат ва фиқҳи Имоми Аъзам ба ин тавсия дода нашудааст, ки дар рӯзи ид мардум хона ба хона гашта дуо кунанд. Метавонем аз хона дуо кунем, шарт нест, ки хона ба хона гардем.

Дар қарори Шӯрои уламо гуфта мешавад, вобаста ба шароити пешомада, ҳар як намозгузор дар вақти намози ид дар манзили худ ба зикру ниёиш ва дуруду дуо машғул шавад.

1331
Мавзуҳо:
Пайомадҳои COVID-19 дар Тоҷикистон ва ҷаҳон (469)
ДТП, архивное фото

Мақомот ҳалокати сардори шуҳбаи КҲФ дар Ванҷ ва писарашро зимни садамаи нақлиётӣ шаҳр дод

0
Кумитаи ҳолатҳои фавқулодаи Тоҷикистон садамаи маргбори рӯзи 31 майро ки дар пайи он Худоиев Аслншоҳ,  корманди ин ниҳод сардори бахши Раёсати Кумитаи ҳолатҳои фавқулода дар ноҳияи Ванҷ бо писараш фавтид, шарҳ дод

ДУШАНБЕ, 2 июн – Sputnik. Бино ба иттилои сомонаи расмии ин ниҳод, ҳодиса баъд аз зуҳри рӯзи  31-уми майи соли равон  дар километри 109 шоҳроҳи Душанбе – Дарвоз - Хоруғ, мавзеъи  Шаҳидони ҷамоати деҳоти Қалъаи Хумб рух дод.

Ба иттилои манбаъ, автомашинаи тамғаи “Опел Астра”, ки аз ҷониби сокини 51-солаи деҳаи Рохарви ҷамоати деҳоти М.Абдуллоеви ноҳияи Ванҷ Озод Қадамов идора мешуд, дучори садама шуд.

“Ин мошин аз ноҳияи Сангвор ба самти ноҳияи Дарвоз дар ҳоли ҳаракат буд ва сабаби садама маълум нест. Бино ба нақли шоҳидон он ба умқи тақрибан 80 метр ба дарёи Хумбов сарозер мешавад”,-афзудааст манбаъ.

Манбаъ мегӯяд, бар асари ин садамаи мудҳиш корманди ин ниҳод бо писараш ба ҳалокат расида, ду нафари дигар бо ҷароҳатҳои вазнин дар бемористони ноҳияи Дарвоз бистарӣ шуданд

Гуфта мешавад, ҷасади Худоиев Умари 9-сола – писари Худоиев Аслншоҳ дирӯз тақрибан 300 метр поёнтар аз ҷойи ҳодиса, дар соҳили дарё пайдо шуд.

0
Военный билет. Архивное фото

Боздошти ронандаи Комиссариати ҳарбӣ барои фурӯши билети ҳарбӣ

71
(Таҷдидшуда 12:09 02.06.2020)
Ожонси мубориза бо фасод дар Тоҷикистон аз боздошти Зубайдулло Ҳабибуллоев хабар медиҳад, ки дар фурӯши билети ҳарбӣ муттаҳам мешавад

ДУШАНБЕ, 2 июн – Sputnik. Бино ба иттилои дафтари матбуотии ин ниҳод, Зубайдулло Ҳабибуллоев ронандаи Комиссариати ҳарбии ноҳияи Бобоҷон Ғафурови вилояти Суғд дар фурӯши билети ҳарбӣ муттаҳам мешавад.

Солдат пограничник ГКНБ погранслужба
© Официальная страница пресс-службы президента РТ в Facebook.

Ба иттилои манбаъ, номбурда санаи 14 апрели соли 2020 бо роҳи фиреб ва суиистифодаи боварӣ аз шаҳрванд Матазимов А.С. барои ба номи писараш-Матазимов Р.А. омода карда додани билети ҳарбии номуносиб ба хизмати ҳарбӣ, маблағи 10000 сомонӣ талаб кардааст.

Манбаъ мегӯяд, Ҳабибуллоев ин маблағро дар ду маврид гирифта тасарруф намудааст.

Гуфта мешавад, дар ин асос нисбати Ҳабибуллоев З.С. бо моддаи 247 қисми 3 банди “а”  Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакӣ он идома дорад.

Қаблан ҳолатҳои фурӯши билети ҳарбӣ аз сӯи кормандони комиссариятҳои ҳарбӣ ошкор шуда буд, аммо ин нахустин ҳолат аст, ки аз ҷониби ронандаи комсарият сурат мегирад. 

 

71
Барчаспҳо:
боздошт, Оҷонсии мубориза зидди коррупсия, билети ҳарбӣ, Комиссариати ҳарбӣ, ноҳияи Бобоҷон Ғафуров, Тоҷикистон