Ахмадзода посетил родственников умерших от пневмонии

Таслияти Аҳмадзода ба ду хонавода, ки наздиконашон аз "илтиҳоби шуш” даргузаштанд

1876
(Таҷдидшуда 14:30 22.05.2020)
Раҷаббой Аҳмадзода, раиси вилояти Суғд, ҳангоми сафари кории худ дар шаҳри Панҷакент ба манзили ду сокини шаҳр ташриф оварда, бинобар даргузашти пайвандон аз бемории “илтиҳоби шуш” ба аҳли хонаводаҳо изҳори тасаллият арз намудааст

ДУШАНБЕ, 22 май – Sputnik. Сафари Аҳмадзода ба шаҳри Панҷакент рӯзи 21 -уми май сурат гирифтааст ва дар ин сана, ӯ ба манзили ду хонаводае рафта, аз даргузашти Хурсандой Гадоеваи 78 сола ва Робия Дӯстоваи 67 сола аз маризии “илтиҳоби шуш” ба аҳли хонадон изҳори ҳамдардӣ баён намуда, кӯмаки моддӣ дастрас кардааст.

Зимнан ин аввалин аёдат ва арзи таслияти роҳбарон нисбати хонаводаҳое ба ҳисоб меравад, ки дар пайи хуруҷи бемориҳои сироятӣ аз ҷумла “илтиҳоби шуш” наздиконашонро аз даст додаанд.

Ин иттифоқ ҳам баъди он сурат мегирад, ки ахиран раисиҷумҳур Эмомалӣ Раҳмон рӯзи 20 уми май дар як ҷаласаи Ситоди ҷумҳуриявӣ оид ба пешгирӣ ва мубориза бо бемори COVID – 19 иштирок намуда ба роҳбарон ва масъулини соҳаи тандурустии кишвар дастур дод, ки барои табобати босифати беморон ва раҳоӣ ёфтан аз вазъи ба вуҷуд омада бо масъулият бошанд.

Маҳмадмурод Сафаров сартабиби беморхонаи марказии шаҳри Панҷакент дар суҳбат бо Sputnik Тоҷикистон гуфт, Робия Дӯстова, сокини 63 солаи деҳаи Сӯҷина рӯзи 8-уми май аз хуруҷи бемории “илтиҳоби шуш” даргузашта, фавти Хурсандой Гадоеваи 78 сола, сокини кӯчаи ба номи О. Мӯъминова, №78 – и шаҳри Панҷакент аз ҳисоби шиддат гирифтани бемориҳои қанд ва фишорбаландӣ иттифоқ афтодааст.

Бино ба иттилоъи сартабиб ҳоло дар бемористони шаҳри Панҷакент 8 нафар ба иллати “илтиҳоби шуш” зери тадовии духтурон қарор доштаанд.

 “Айни замон вазъи саломатии ҳамаи беморон вазнини миёна арзёбӣ мешавад. Танҳо вазъи бемории 2 нафаре, ки аз шумори 8 нафар хеле вазнин буд, дар ду шабонарӯзи охир ру ба беҳбудшавӣ аст”, - гуфт Сафаров.

Сартабиби Панҷакент вазъи хуруҷи беморӣ дар шаҳрро муътадил арзёбӣ карда, афзуд, ки то имрӯз 78 мавриди бо нишонаҳои бемории “илтиҳоби шуш” бистарӣ шудани сокинон сабт шуда, аз ин шумор 66 нафар шифо ёфта ба манзилҳояшон рухсат шудаанд.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

Бино ба оморе, ки бегоҳии рӯзи 21-уми май ин Вазорат эълон кард, теъдоди умумии шифоёфтагон ба 1008 нафар баробар шуда, феълан 2350 бемор дар кишвар зери тадовии табибон қарор доранд.

Вазорати тандурустӣ теъдоди қурбониён аз ин бемориро 44 нафар арзёбӣ мекунад.

Ин вазорат аз тамоми сокинони кишвар даъват ба амал меорад, ки ҷиҳати пешгирии сирояти бемории мазкур пеш аз ҳама, қоидаҳои беҳдошти шахсиро қатъиян риоя намоянд.

1876
Барчаспҳо:
таслият, манзил, сокинон, даргузашт, Панҷакент, Суғд, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (469)
ДТП, архивное фото

Мақомот ҳалокати сардори шуъбаи КҲФ дар Ванҷ ва писарашро зимни садамаи нақлиётӣ шарҳ дод

50
Кумитаи ҳолатҳои фавқулодаи Тоҷикистон садамаи маргбори рӯзи 31 майро ки дар пайи он Худоиев Асланшоҳ, сардори шуъбаи ин ниҳод дар ноҳияи Ванҷ бо писараш фавтид, шарҳ дод

ДУШАНБЕ, 2 июн – Sputnik. Бино ба иттилои сомонаи расмии ин ниҳод, ҳодиса баъд аз зуҳри рӯзи  31-уми майи соли равон  дар километри 109 шоҳроҳи Душанбе – Дарвоз - Хоруғ, мавзеъи  Шаҳидони ҷамоати деҳоти Қалъаи Хумб рух дод.

Ба иттилои манбаъ, автомашинаи тамғаи “Опел Астра”, ки аз ҷониби сокини 51-солаи деҳаи Рохарви ҷамоати деҳоти М.Абдуллоеви ноҳияи Ванҷ Озод Қадамов идора мешуд, дучори садама шуд.

“Ин мошин аз ноҳияи Сангвор ба самти ноҳияи Дарвоз дар ҳоли ҳаракат буд ва сабаби садама маълум нест. Бино ба нақли шоҳидон он ба умқи тақрибан 80 метр ба дарёи Хумбов сарозер мешавад”,-афзудааст манбаъ.

Манбаъ мегӯяд, бар асари ин садамаи мудҳиш корманди ин ниҳод бо писараш ба ҳалокат расида, ду нафари дигар бо ҷароҳатҳои вазнин дар бемористони ноҳияи Дарвоз бистарӣ шуданд

Гуфта мешавад, ҷасади Худоиев Умари 9-сола – писари Худоиев Аслншоҳ дирӯз тақрибан 300 метр поёнтар аз ҷойи ҳодиса, дар соҳили дарё пайдо шуд.

50
Барчаспҳо:
фавт, КҲФ Тоҷикистон, Ванҷ, Тоҷикистон
Военный билет. Архивное фото

Боздошти ронандаи Комиссариати ҳарбӣ барои фурӯши билети ҳарбӣ

101
(Таҷдидшуда 12:09 02.06.2020)
Ожонси мубориза бо фасод дар Тоҷикистон аз боздошти Зубайдулло Ҳабибуллоев хабар медиҳад, ки дар фурӯши билети ҳарбӣ муттаҳам мешавад

ДУШАНБЕ, 2 июн – Sputnik. Бино ба иттилои дафтари матбуотии ин ниҳод, Зубайдулло Ҳабибуллоев ронандаи Комиссариати ҳарбии ноҳияи Бобоҷон Ғафурови вилояти Суғд дар фурӯши билети ҳарбӣ муттаҳам мешавад.

Солдат пограничник ГКНБ погранслужба
© Официальная страница пресс-службы президента РТ в Facebook.

Ба иттилои манбаъ, номбурда санаи 14 апрели соли 2020 бо роҳи фиреб ва суиистифодаи боварӣ аз шаҳрванд Матазимов А.С. барои ба номи писараш-Матазимов Р.А. омода карда додани билети ҳарбии номуносиб ба хизмати ҳарбӣ, маблағи 10000 сомонӣ талаб кардааст.

Манбаъ мегӯяд, Ҳабибуллоев ин маблағро дар ду маврид гирифта тасарруф намудааст.

Гуфта мешавад, дар ин асос нисбати Ҳабибуллоев З.С. бо моддаи 247 қисми 3 банди “а”  Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакӣ он идома дорад.

Қаблан ҳолатҳои фурӯши билети ҳарбӣ аз сӯи кормандони комиссариятҳои ҳарбӣ ошкор шуда буд, аммо ин нахустин ҳолат аст, ки аз ҷониби ронандаи комсарият сурат мегирад. 

 

101
Барчаспҳо:
боздошт, Оҷонсии мубориза зидди коррупсия, билети ҳарбӣ, Комиссариати ҳарбӣ, ноҳияи Бобоҷон Ғафуров, Тоҷикистон