Город Душанбе, архивное фото

Табиб аз Ӯзбекистон: "Тоҷикистон метавонад дар кӯтоҳтарин муддат бар COVID - 19 ғолиб ояд"

4825
(Таҷдидшуда 13:57 22.05.2020)
Неъматҷон Иброҳимов, роҳбари гурӯҳи табибони Ӯзбекистон, ба таҷриба ва дониши мутахассисони тоҷик дар самти ошкор ва пешгирии бемории коронавирус баҳои баланд дода аз ташаббусҳои Ҳукумат дар ин самт ситоиш кардааст

ДУШАНБЕ, 22 май — Sputnik. Сафари мутахассисони Ӯзбекистон ба Тоҷикистон ба анҷом расид. Дар ин бора маркази матбуоти Вазорати тандурустии Тоҷикистон хабар медиҳад.

Тибқи иттилои манбаъ, зимни мулоқот бо мутахассисони ӯзбекистонӣ муовинони вазири тандурустӣ Саида Умарзода ва Шодихон Ҷамшед аз номи Ҳукумати Тоҷикистон ва роҳбарияти вазорат ба ин табибон, ки тӯли чанд муддат дар Тоҷикистон ба ҳамкасбони хеш  ҷиҳати пешгирии бемории COVID-19 кумак расониданд, изҳори миннатдорӣ кардаанд.

Роҳбари гурӯҳи табибони Ӯзбекистон Неъматҷон Иброҳимов иброз доштааст, ки 20 май мулоқоти президенти Тоҷикистон Эмомалӣ Раҳмонро бо роҳбарону кормандони муассисаҳои тандурустӣ тариқи телевизион тамошо намуд ва аз он  шод шуд, ки сарвари давлати Тоҷикистон ба масъалаи пешгирӣ ва табобати гирифторони бемории COVID-19 таваҷҷуҳи махсус зоҳир менамояд.

"Номбурда аз ташаббусҳои Ҳукумати Ҷумҳурии Тоҷикистон ҷиҳати пешгирӣ ва ба табобат фаро гирифтани беморони коронавируси нави COVID-19 ситоиш намуда, иброз дошт, ки бо чунин омодагиҳо ва  андешидани тадбирҳои қатъӣ Тоҷикистон метавонад дар кӯтоҳтарин муддат ба ин беморӣ ғолиб ояд", - омадааст дар хабарнома.

Ҳамзамон  Неъматҷон Иброҳимов ба таҷриба ва дониши мутахассисони тоҷик дар самти ошкор ва пешгирии бемории коронавирус баҳои баланд дод.

Ёдовар мешавем, ки чанде пеш 8 нафар табибони Ӯзбекистон, бо шумули пулманолог, реаниматолог, эпидемиолог, вирусолог ва ҳамшираи тиб бо мақсади мусоидат намудан  ба ҳамтоёни  тоҷики хеш ҷиҳати пешгирӣ ва табобати  беморони гирифтори бемории коронавируси намуди нави COVID-19 ба Ҷумҳурии Тоҷикистон омада буданд.

4825
Барчаспҳо:
вируси нав, сипосгузорӣ, ҳукумати Ӯзбекистон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (485)

Ҳайати Созмони Ҷаҳонии Беҳдошт ба қарибӣ дубора ба Тоҷикистон меояд

12
Дар нишасти матбуотии Дафтари минтақавии аврупоии Созмони умумиҷаҳонии тандурустӣ бораи сафари такрории ҳайати ин ташкилот ба Тоҷикистон гуфтанд

 

ДУШАНБЕ, 4  июн — Sputnik. Ҳайати Созмони ҷаҳонии беҳдошт  дар ояндаи наздик ба Тоҷикистон дубора меояд. Дар ин бора дар нишасти матбуотӣ аз ҷониби Дафтари минтақаи ТУТ дар Аврупо хабар дода шуд.

Доктор Олег Стороженко, корманди маркази ҳамоҳангсозӣ оид ба вокуниш ба пандемияи COVID-19 ва ҳамзамон узви ҳайати СҶБ, ки ба Тоҷикистон омада буд, дар посух ба суоли Sputnik Тоҷикистон гуфт, мубориза бо коронавирус як равиши хеле ҳамаҷонибаест, ки захираҳои муайянро лозим дорад ва ҳамзамон дар баробари табибон кор бо аҳолиро талаб мекунад.

"Дар ҳолати зарурӣ, ТУТ омода аст шарикони худро барои кӯмак, пешниҳоди таҷрибаи зарурӣ ва таҷҳизоти муҳофизати шахсӣ сафарбар намояд. Мо хуб медонем, ки ҳеҷ кишваре ва ҳеҷ як ташкилот наметавонад танҳо ба пандемия мубориза барад. Мо барои муттаҳидӣ дар ин ҷоем ва агар лозим бошад, дасти худро дароз кунем ", гуфт Стороженко.

Ҳамзамон  Луба Негру, сухангӯи Дафтари минтақавии СУТ дар Аврупо илова намуд, ки ҳайати ташкилот ба наздикӣ боз ба Тоҷикистон ташриф меорад.

“Хеле сахту ногувор буд”: набарди Абдуллоҳи Раҳнамо бо “вируси корона” поён ёфт

 Ёдовар мешавем, сафари охирини гурӯҳи махсуси ТУТ чанде пеш баргузор шуда буд, ки коршиносони он ду ҳафтаи аввали моҳи майро дар Тоҷикистон гузарониданд.

12
Юношеская сборная Таджикистана  (U-16)

Қуръакашии чемпионати футболи Осиё-2020: рақиби мунтахаби кишвар ки хоҳад буд?

30
(Таҷдидшуда 09:45 04.06.2020)
Қуръакашии чемпионати Осиё-2020, ки дар он дастаҳои ҷавонони (U-16) ва ҷавонони (U-19) Тоҷикистон рақибони худро хоҳанд шинохт, рӯзи 18 июн дар қароргоҳи Конфедератсияи футболи Осиё дар Куала-Лумпур баргузор мешавад

ДУШАНБЕ, 4  июн — Sputnik. Тибқи иттилои сомонаи ФФТ, қуръакашии чемпионати Осиё-2020 миёни наврасон соати 17:00 ба вақти Душанбе шуруъ мешавад ва қуръакашӣ барои чемпионати Осиё барои мунтахабҳои ҷавонон соати 19:30 баргузор мешавад.

Конфедератсияи футболи Осиё таркиби сабади  қуръакашӣ барои финали Чемпионати Осиё-2020-ро эълон кард.

Дастаи мунтахаби наврасони Тоҷикистон (U-16) бо тимҳои Баҳрайн, Ҷопон ва Кореяи Ҷанубӣ дар сабади аввал қарор гирифт.

ФФТ мегӯяд,  ин маънои онро дорад, ки мунтахаби мо бешубҳа бо ин дастаҳо дар марҳилаи гурӯҳии чемпионат бозӣ намекунад.

Тибқи тақвими АФК, чемпионати Осиё байни наврасони зери 16-сола аз 16 сентябр то 3 октябр дар Баҳрайн баргузор мешавад.

Манбаъ мегӯяд, дастаи мунтахаби ҷавонони Тоҷикистон (U-19) дар сабқати Чемпионати Осиё-2020 дар якҷоягӣ бо дастаҳои Япония, Австралия ва Индонезия, ки бо онҳо, бешубҳа, дар ин мусобиқот дар ҳамон гурӯҳ бозӣ намекунанд, дар сабади дуввум ҷойгир шуданд.

Зепп Блаттер, собиқ президенти ФИФА гуфт, бо фишори ИМА аз мақомаш рафт

Чемпионати Осиё байни ҷавонон 2020 бояд аз 14 то 31 октябр дар Ӯзбекистон баргузор шавад.

Бояд қайд кард, ки чаҳор дастаи беҳтарини чемпионатҳои наврасон ва ҷавонони Осиё- 2020 ба мусобиқоти  ҷаҳонии соли 2021 роҳхат мегиранд, ки мутаносибан дар Перу (U-17) ва Индонезия (U-20) баргузор мешаванд.

30