Хабари фаврии КДАМ: Шароф, саркардаи гурӯҳи ҷиноӣ дар ВМКБ баъди ҳамлааш дастгир шуд

© Sputnik / Табылды Кадырбеков / Гузариш ба медиабонкРуки в наручниках.
Руки в наручниках. - Sputnik Тоҷикистон
Обуна шудан
Ҳангоми амалиёт Шароф Қобилов бо корд ҳуҷум карда, сардори шӯъбаи ноҳиявӣ Чуянов Самариддинро захмӣ гардондааст. Аммо саранҷом мақомот тавонистанд ӯро дастгир кунанд

ДУШАНБЕ, 22 май – Sputnik. 22 майи соли 2020, соати 09:30 дар деҳаи Баррӯшони ноҳияи Рӯшон шӯъбаи ноҳиявии Раёсати КДАМ амалиёти махсус барои дастгир кардани ҷинояткори хавфнок Шароф Қобилов, соли таваллудаш 1976, зода ва истиқоматкунандаи деҳаи Баррӯшони ноҳияи  Рӯшон гузаронидаст.

Президент Республики Таджикистан Эмомали Рахмон на заседании правительсва - Sputnik Тоҷикистон
Тағйироти кадрӣ: таъйину барканории генералҳо

Дар ин бора дафтари матбуотии КДАМ гузориш медиҳад.

Бино бар иттилои манбаъ, ҳангоми амалиёт Ш.Қобилов бо корд ҳуҷум карда,  сардори шӯъбаи ноҳиявӣ Чуянов Самариддинро  захмӣ гардондаст.

Новобаста аз ин роҳбари шӯъбаи амниятии ноҳия тавонист амалиётро роҳбарӣ ва қочоқчии ашаддӣ, саркардаи гурӯҳи муташаккили ҷиноятиро дастгир намояд, менависад дафтари матбуоти КДАМ.

Таъкид мешавад, ки Шароф Қобилов, ташкилкунанда ва иштирокчии асосии далели қочоқи маводи мухаддир аз Ҷумҳурии Исломии Афғонистон, рӯзи 1 майи соли равон дар мавзеи сарҳадии Баррӯшони ноҳияи Рӯшон мебошад, ки ҳангоми гузаронидани амалиёти дастгиркунӣ тавониста буд аз ҷои ҳодиса фирор кунад.

Председатель Согдийского области навестил Фазлиддина Фозилова, раненного при инцидент в Чоркух - Sputnik Тоҷикистон
Сартабиби Исфара: саломатии Фозилов рӯ ба беҳбуд аст
Дар таърихи зикргардида микдори  махсусан калони маводи мухаддир мусодира ва ду ҳаммаслаки Ш. Қобилов ҳангоми содир намудани ҷиноят дастгир ва ба ҳабс гирифта шуда буданд.

Вобаста ба ҳодисаи мазкур парвандаи ҷиноятӣ оғоз шуд.

Сардори шуъбаи РКДАМ дар ноҳияи Рӯшон дар беморхона бистарӣ гардид. Вазъи саломатиаш қаноатбахш арзёбӣ мегардад.

Раёсати КДАМ дар Вилояти Куҳистони Бадахшон бо қотеият изҳор медорад, ки кормандони Кумитаи давлатии амнияти миллӣ дар минтақа муборизаро ба муқобили гурӯҳҳои муташаккили ҷиноятӣ, махсусан қочоқбарони маводи мухаддир, силоҳ ва муҳимот боз ҳам пурзӯр намуда, тамоми чораҳоро барои таъмини амнияти шаҳрвандон, ҷомеа ва давлат амалӣ хоҳанд кард.

 

Лентаи хабарҳо
0