Самолёт авиакомпании ЮТэйр. Архивное фото

Радди хабарҳо аз сӯи "UtAir": санаи парвоз аз Тоҷикистон ба Русия дақиқ шуд

1957
Ширкати "UtAir" санаи 24-25 май як гурӯҳ шаҳрвандони Русияро аз Тоҷикистон ба ватанашон бармегардонад

ДУШАНБЕ, 22 май — Sputnik. Дафтари марказии "Utair", як ширкати ҳавонавардии русӣ, ба Sputnik Тоҷикистон хабарҳо дар бораи шурӯъи парвозҳои маназзам миёни Тоҷикистону Русияро рад карда, гуфт, парвози навбатӣ аз Тоҷикистон ба Русия санаи 24-25 май дар назар аст.

 “Ин парвоз дар доираи барномаи бозгардонии ҳамватанон ба Русия анҷом дода хоҳад шуд. Парвози ҳавопаймо рӯзи 24-25 май аз Душанбе ба самти Маскав анҷом мешавад. Танҳо шаҳрвандони Русияро аз Душанбе хоҳад овард. Парвоз бо хоҳиши вазорати умури хориҷаи Тоҷикистон сурат мегирад", - таъкид кардааст маркази матбуоти ширкат.

Қаблан расонаҳо хабар дода буданд, ки "Utair" шуруъ аз 1 июл парвозҳои масири Маскав-Душанбе – ро аз сар хоҳад гирифт.

Бино ба ин манобеъ, ки ба “Фурудгоҳи байнулмилалии Душанбе” истинод мекарданд, ҳатто қимати чипта 670 евро муайян шудааст ва далели дучанд шудани онро ҳам тадобири беҳдоштӣ арзёбӣ кардаанд.

Парвози махсуси "Уралские авиалинии" шаҳрвандоин Русияро аз Тоҷикистон берун овард

Дар ҳамин ҳол, Ҷамила Ҳусейнова, сухангӯи “Фурудгоҳи байнулмилалии Душанбе” ба Sputnik Тоҷикистон гуфт, парвозҳои чартерӣ аз Душанбе ба Маскав аслан вуҷуд надоранд ва парвозе, ки рӯзҳои 24 – 25 май анҷом мешавад, тавофуқи миёни кишварҳо аст, на фурудгоҳу ширкати ҳавонавардӣ.

“Ҳозир ба далоили вазъияте, ки дар пайи густариши “вируси корона” пеш омадааст, намешавад дар бораи парвозҳои муназзам суҳбат кард. Мантиқан, ҳеҷ музокироте дар ин бора бо ҷониби Русия надорем. Фурсат ки мусоид шуд, бидуни гуфтугузори зиёд парвозҳо амалӣ мешаванд. Ҳама дар орзуи ин рӯзҳо нишастаем”, - гуфт Ҷамила Ҳусейнова.

Охирин парвоз аз рӯи график миёни Русияву Тоҷикистон 27 марти соли равон анҷом гирифта буд. Пас аз он бо ибтикори ҳукуматҳои ду кишвар парвозҳои хос анҷом мешаванд, ки ба интиқоли афроду дорувориву дигар заруриёт маҳдуд мешавад.

1957
Барчаспҳо:
радди хабарҳо, раддия, фурудгоҳ, парвоз, Русия, ширкат, Тоҷикистон
Свеча

Мусибат дар хонаводаи Мӯъмин Қаноат: набераи 42 - солааш ҷаҳони фониро падруд гуфт

247
(Таҷдидшуда 23:48 06.06.2020)
Баҳрин нахустнабераи шоири зиндаёд Мӯъмин Қаноат дар синни 42 - солагӣ аз олам ҷашм пӯшид. Иллати марги ӯ маризии гурда арзёбӣ мешавад

ДУШАНБЕ, 6 июн – Sputnik. Хабари фавти бармаҳали Баҳрин - нахустнабераи Мӯъмин Қаноат шоири зиндаёдро адиби тоҷик Аҳмадшоҳи Комилзода дар сафҳаи Фейсбукии худ коридаст.

акс аз сафҳаи фейсбукии Комилзода Аҳмадшоҳ
Баҳрин нахустнабераи Мӯъмин Қаноат

Ба навишати Комилзода, набераи устоди зиндаёд Мӯъмин Қаноат ҳамагӣ 42 - сол умр дошта, бар асари бемории шадиди гурда, рӯзи 6 - уми июн аз олам чашм пӯшид. 

"Баҳрин ҷавони донишманд, донанда ва тарҷумони хуби се забон – порсии тоҷикӣ, русӣ ва англисӣ буд, ки бо ин се забон кору тарҷума мекард", - навиштааст Комилзода.

Хезед бобо Дарвоз мерем: арӯси хонаводаи Мӯъмин Қаноат аз вопасин суханҳои шоир нақл кард

Аз марҳум ду фарзанд Суруш ва Мумтоз, ки яке 15 - сола ва дувумӣ 13 - солаанд, ятим монданд.

Дӯстони Баҳрин, даргузашти ӯро ҳамчун шахсияти соҳибхираду соҳибғурур ва нафари ботамкин, як мусибати бузурги ҷуброннопазир арзёбӣ мекунанд.

247
Девушка в наручниках, архивное фото

Боздошти духтари 22 - сола, ки шиносашро нахуст кӯфт ва сипас мӯяшро қайчӣ зад - навор

2313
(Таҷдидшуда 23:13 06.06.2020)
Раёсати умури дохилии Тоҷикистон дар асоси муроҷиати корбарони шабакаҳои иҷтимоӣ муаллифони навори даҳшатборро боздошт карданд

ДУШАНБЕ, 6 июн – Sputnik.Наворе, ки бегоҳи рӯзи 6 - уми июн ба шабакаҳои иҷтимоӣ роҳ ёфт ,аксари корбаронро аз тарзи рафтор ва гуфтори се ҷавондухтар ғазабонӣ кард.

акс аз дафтари матбуоти Раёсати умури дохилӣ дар шаҳри Душанбе
Холиқова Шаҳноза Саидмуродовна гумонбари асосӣ дар латукӯби Ваҳобова Гулнора

Котиботи Раёсати умури дохилӣ дар шаҳри Душанбе менависад,  навори мазкурро корбарон ба идораи пулис таслим намуда, дархост карданд, ки дастандаркорони ин навор дастгир ва ба ҷавобгарӣ кашида шаванд.

Авбошӣ: боздошт гардидани ноболиғ барои латукӯби ҳамсоли худ дар Душанбе

Кормандони РУД дар шаҳри Душанбе тақрибан пас аз 20 дақиқаи ба шабакаҳо роҳ ёфтани навор, муаллифони онро боздошт карданд. Навор аз саҳнаи латукӯб ва ҳақоратҳои гӯшхарош иборат аст.

Бар тибқи иттилои манбаъ, се ҷавонзан: ҷабрдида – Ваҳобова Гулноза, гумонбар – Холиқова Шаҳноза ва наворбардор – Дадахонова Мадина бо ҳам шинос буда, макони содиршавии ҳодиса манзили истиқоматии гумонбар Холиқова Шаҳноза мебошад.

Тибқи пурсиши ҷабрдида, гумонбар ва нафари сеюм, нахуст байни онҳо баҳси лафзӣ сурат гирифта, баъдан дастгиршуда Холиқова ҷабрдидаро мавриди латукӯб ва дашному ҳақорат қарор дода, бо истифода аз қайчӣ мӯи сари ӯро мебурад.

"Дар ин лаҳзаҳои мудҳиши ҷиноӣ шаҳрванд Дадахонова Мадина ба ҷои халос кардан, баръакс ин саҳнаи хушунатро ба навор гирифта, нахуст дар саҳифаи шахсиаш дар Инстаграм гузошта, сипас тавассути дигар шабакаҳо паҳн менамояд", - таъкид мешавад дар хабар.

РВУД дар шаҳри Душанбе мегӯяд, дар асоси далелҳои дар боло овардашуда, айни ҳол нисбати гумонбарон тибқи талаботи моддаи 237 (авбошӣ дар ҳайати гуруҳӣ) Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, гумонбари асосӣ Холиқова Шаҳноза Саидмуродовна дар боздоштгоҳи муваққатии Раёсати ВКД дар шаҳри Душанбе қарор дорад.

2313
Барчаспҳо:
навор, латукӯб, духтар, Раёсати ВКД Душанбе, боздошт