Автобусҳои нав аз Русия ба Хуҷанд ворид шуданд

Ҳаракати автобусҳо дар Суғд қатъ шуд: сабаб вируси корона ё мушкили иқтисодӣ?

1633
(Таҷдидшуда 22:43 22.05.2020)
Дар Хуҷанд ва шаҳру ноҳияҳои атрофи он, ҳудуди 100 автобус барои сокинон хизмат мерасонд, вале як ҳафта ба ин тараф ҳаракати ин автобусҳо қатъ шудааст

ДУШАНБЕ, 22 май – Sputnik. Масъулин мегуянд, дастури манъи фаъолияти автобусҳо муваққатӣ буда, дар ҳоли коҳиш ёфтани шиддати бемории вируси корона ва гаштугузори зиёди одамон, ҳаракати онҳо дубора барқарор хоҳад шуд.

Фарҳод Шарипов, директори Корхонаи давлатии комуналии “Нақлиёти шаҳри Хуҷанд” дар суҳбат ба Sputnik Тоҷикистон гуфт, манъи ҳаракати автобусҳо дар маркази вилоят ва шаҳру навоҳии атрофи он муваққатӣ аст.

 Ӯ гуфт, дар ҳоли коҳиш ёфтани маризии коронавирус ҳаракати автобусҳо аз нав ба роҳ монда мешавад.

 “Нақлиёти ҷамъиятӣ аз ҷумла автобусҳо аз ҷойҳои ҷамъшавии одамон ба ҳисоб мераванд, ки эҳтимоли сироятёбӣ ба вируси корона бештар аст.  Аз ин хотир ҳаракати автобусҳо муваққатӣ боз дошта шудааст”, - гуфт  Шарипов.

 Аммо манобеъи наздик ба идораи нақлиёти Хуҷанд дар суҳбат ба мо гуфтанд, ки манъи ҳаракати автобусҳо ба далели мушкили иқтисодӣ ба вуҷуд омадааст.

Манобеъи Sputnik Тоҷикистон гуфтанд, ки “дар шароити камшавии гаштугузори сокинон дар кӯчаҳои шаҳру ноҳияҳои Суғд, ҳаракати автобусҳо хароҷоти сӯзишвориро намепушонад ва ба ҷуз ин пардохти маоши ронандагону ёрдамчии онҳо боз як харҷи изофии дигар аст”.

Чанде пеш ҳам мавзӯъи мушкили пардохти ронандаҳои автобусҳои Хуҷанд расонаӣ шуда буд. Ронандаҳо иброз медоштанд, ки ҳади ақал ҳаққи хизмати шаш моҳашонро КВДК “Нақлиёти шаҳри Хуҷанд” пардохт накардааст ва дар чунин шароит чандон шавқи коркуниро ҳам надоранд.

Дар ҳамин ҳол, Олим Очилзода, мудири шуъбаи нақлиёт ва комуникатсияи ҳукумати вилояти Суғд дар суҳбат ба Sputnik Тоҷикистон зикр намуд, ки ҳоло ба ҷои автобусҳо дар Хуҷанд, хизматрасонии мусофирбариро микроавтобусҳо ба иҷро мерасонанд.

 Ӯ гуфт, ҳоло ба хотири пешгирӣ аз хуруҷи бемории коронавирус ҳаракати ҳамаи микроавтобусҳои мусофирбар дар хатсайрҳои байнишаҳрӣ дар Суғд боз дошта шуда, танҳо дар дохили Хуҷанд ҳамарӯза 75 микроавтобус ба кор мебароянд.

“Мо ин миқдор ҳаракати микроавтобусҳоро дар Хуҷанд ба он хотир иҷоза додаем, ки аз ҳисоби зиёд будани шумораи нақлиёт ҷамъшавии одамон камтар ба вуҷуд ояд ва хуруҷи сироятёбӣ ба вируси корона ҳам камтар шавад”, - гуфт Очилзода.

Ин дар ҳолест, ки баъди тақрибан бист соли боз мондани ҳаракати автобусу тролейбусҳо, масъулини ҳукумати шаҳри Хуҷанд, дар соли 2018 барои аввалин бор ҳаракати автобусҳои ҷадидро ба роҳ андохтанд.

Барои ворид намудани 100 автобуси 8 ва 12 метраи тамғаи “ЛИАЗ”, Бонки ҷаҳонии таҷдид ва рушд ба ҳукумат кам ё беш аз 16  милион эвро қарзи имтиёздор ҷудо кард.

 Аввалин автобусҳо дар кӯчаҳои Хуҷанд дар рӯзи 1 уми августи соли 2018 ба ҳаракат баромаданд ва он замон роҳбарони ҳукумати Хуҷанд аз таъкид мекарданд, ки “ҳаракати автобусҳо ба шаҳри Хуҷанд ҳусни дигар зам менамояд, зеро дар тамоми шаҳрҳои бузурги олам танҳо автобусҳо ба мусофирон хизмат мерасонанд, на микроавтобусҳо".

Бо зикри ин нукта масъулин ба ронандаҳои микроавтобусҳо, ки бо нақлиёти шахсии худ масъулияти хизматрасониро ба иҷро мерасониданд гушзад намдуа, аз тарҳи худ ба қавле ситоиш мекарданд.

Аммо ҳоло бо гузашти ҳамаги ду сол дида мешавад, ки ин тарҳи ҳукуматӣ чандон самараовар набудааст ва масъулияти мусофирбариро боз ҳам ширкатҳои хусусӣ ба иҷро мерасонанд.

1633
Барчаспҳо:
манъ, иқтисодӣ, вирус, ҳаракат, автобус, шаҳр, Хуҷанд
Мавзуҳо:
Пайомадҳои COVID-19 дар Тоҷикистон ва ҷаҳон (701)
Народный поэт Таджикистана Гулназар Келди

Наздикони Гулназар Келдӣ: вазъаш рӯ ба беҳбуд ва муътадил аст

2100
(Таҷдидшуда 21:57 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон, ки қаблан ба дастгоҳи нафасдиҳии сунъӣ пайваст шуда буд, феълан муътадил мебошад

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст карда буданд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Аммо наздикони шоири халқӣ мегӯянд, вазъаш рӯ ба беҳбуд ва феълан муътадил мебошад. Дориюш Раҷабиён, рӯзноманигори шинохтаи тоҷик ва яке аз наздикони Гулназар Келдӣ дар саҳифааш миннатдории устодро ба ҳамаи онҳое, ки ҷӯёи ҳолашанд, баён дошт.

"Яке-ду рӯзи аввал ба дастгоҳи танаффуси маснӯъӣ ниёз доштанду акнун ҳолашон рӯ ба беҳбуд ва муътадил аст. Орзумандем, ки базудӣ бо такмили давраи муъолиҷаи худ ба оғӯши хонавода баргарданд", - навишт Раҷабиён.

Қаблан шоири халқӣ ва муаллифи суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

2100

Эълони омори тозаи сироят, фавт ва шифоёбӣ аз коронавирус дар Тоҷикистон

415
(Таҷдидшуда 19:34 12.08.2020)
Вазорати тандурустӣ ва ҳифзи иҷтимоии Тоҷикистон омори тозаи гириторӣ, шифо ва фавт аз коронавируси COVID - 19 - ро нашр кард

ДУШАНБЕ, 12 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 93  нафар гумонбарон зери назорати табибон қарор дошта, 43 нафар баъд аз муолиҷа ба хонаҳояшон рухсат дода шуданд.

Гулназар Келдӣ зери дастгоҳи нафасдиҳии сунъӣ гузаронда шуд

Инчунин, дар давоми 24 соати гузашта дар ҷумҳурӣ 41 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба  7912  нафар баробар гардид.

"То санаи  12 август дар мамлакат  6696  (84,6%) нафар аз бемории COVID-19 шифо ёфта,  бар асари он 63  нафар фавтидаанд", - омадааст дар хабарнома.

“Худатонро эҳтиёт кунед!” Насиҳати Гулназар Келдӣ аз шифохонаи “Истиқлол”

Вазорати беҳдошт ёдоварӣ карда, ки айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

415
Барчаспҳо:
вируси нав, омор, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (701)