Работа российских военных врачей в полевом госпитале Бергамо

Ҷаласаи СOVID-19 дар ноҳияи Ашт: 35 шифоёфтаву 2 фавт аз 55 сирояти “илтиҳоби шуш”

797
(Таҷдидшуда 01:15 23.05.2020)
Дар ноҳияи Ашт, то имрӯз 55 ҳодисаи сирояти бемории “илтиҳоби шуш” расман ба қайд гирифта шуда, аз ин шумор 35 нафар шифо ёфта, 2 нафар даргузаштаанд. Айни ҳол 18 нафар дар бемористон таҳти тадовии табибони ноҳия қарор доранд

ДУШАНБЕ, 23 май – Sputnik. Ин рақамҳо зимни баргузории ҷаласаи Ситоди ноҳиявӣ оид ба пешгирӣ ва мубориза бо бемории COVID-19 аз сӯи масъулин ироа шудааст.

Бино ба иттилоъи Таҳмина Мисробӣ, масъули матбуотии ҳукуматии ноҳияи Ашт, ин ҷаласа бегоҳии дирӯз таҳти роҳбарии Зариф Мирдадо, раиси ноҳия баргузор шуда, дар кори он ҳама аъзоёи ҷаласа ба ҳисоби табибон, муовинони раиси ноҳия вазъи беҳдоштии ноҳияро мавриди баррасӣ қарор додаанд.

“Муовини ситоди ноҳиявӣ Аниса Ҷалилӣ вазъи эпидемикии ноҳияро бозгӯ намуда иттилоъ доданд, ки аз рӯзи бақайдгирии бемории мазкур дар кишвар дар ноҳияи Ашт 55 нафар бо ташхиси илтиҳоби шуш ба қайд гирифта шудаанд. Аз ин шумор 35 нафар сиҳат шуда, айни ҳол 18 нафар дар беморхонаи марказӣ таҳти назорати табибон қарор доранд. Ду ҳолати фавт аз беморӣ ба қайд гирифта шудааст”, - иттилоъ медиҳад Мисробӣ.

 Дар ҷаласаи корӣ ҳамчунин омори бистарӣ шудани беморони “илтиҳоби шуш” ба ҳисоби ҷамоату шаҳракҳои ноҳия шарҳ дода шудааст.

Гуфта шудааст, ки то ин замон дар маҷмӯъ дар беморхонаи марказии ноҳия аз ҷамоати шаҳраки Шайдон 18 нафар, Понғоз 12 нафар, Ориён ва Ашт 5 нафарӣ, Ифтихор 4 нафар, Шодоба ва Ошоба 1 нафарӣ, аз Қисми низомии 0216, 3 нафар бо орезаҳои “илтиҳоби шуш” бистарӣ шудаанд. Ба ҷуз ин ҳоло 175 нафари сокинон таҳти назорати табибони оилавӣ дар манзилҳояшон қарор доранд.

 Дар кори ҷаласаи Ситод оид ба пешгирӣ ва мубориза бо бемории COVID-19, раиси ноҳия аз ҷумла дар бораи суст назорат шудани танзими нарх дар бозорҳо ва камфаъолии гурӯҳҳои корӣ дар ҷамоатҳо эрод гирифта, дар бораи таъмин будани ҷамоатҳо бо ҳароратсанҷҳои фосилавӣ, назорати риояи реҷаи ниқобӣ аз ҷониби сокинон ва ба роҳ мондани фаъолияти 24 соатаи корӣ дар марказҳои саломатӣ дастур доааст.

Рақамҳо дар бораи сирояти вируси корона, дар ҷаласаи ситоди шаҳру ноҳияҳо баъд аз он сурат мегирад, ки ахиран раисиҷумҳур Эмомалӣ Раҳмон рӯзи 20 уми май дар як ҷаласаи Ситоди ҷумҳуриявӣ оид ба пешгирӣ ва мубориза бо бемори COVID – 19 иштирок намуд ба роҳбарону масъулини соҳа дастур дод, ки дар ин бора ҳеҷ чизро аз мардум пинҳон накунанд, балки кушоду равшан маълумотро барои аҳолӣ пешкаш намоянд.

“Ин бемориро ҳукумати ҷумҳурӣ насохтааст, балки  дар ҳама ҷо, ҳатто давлатҳои пешрафтаи дунёро ҳам ин маризӣ  сироят кардааст”, - гуфт раисиҷумҳур.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

 Бино ба оморе, ки бегоҳии рӯзи 22 - уми май ин Вазорат эълон кард, теъдоди умумии шифоёфтагон ба 1089 нафар баробар шуда, феълан 2551 бемор дар кишвар зери тадовии табибон қарор доранд.

Вазорати тандурустӣ теъдоди қурбониён аз ин бемориро то ин сана 44 нафар арзёбӣ мекунад.

797
Барчаспҳо:
табибон, бемористон, даргузашт, беморӣ, сироят, Ашт
Мавзуҳо:
Пайомадҳои COVID-19 дар Тоҷикистон ва ҷаҳон (978)
Люди в масках в районе Рудаки, архивное фото

Саркашӣ аз пардохти алимент 243 нафарро ба ҷавобгарии ҷиноятӣ кашид

71
(Таҷдидшуда 16:51 08.03.2021)
Мудири бахши робитаҳои байналмилалии Хадамоти иҷрои Тоҷикистон эълон кардааст, ки дар соли 2020 бинобар бадқасдона саркашии қарздорон аз пардохти маблағи алимент бо пешниҳоди иҷрочиён аз ҷониби мақомоти прокуратура нисбат ба 243 нафар парванда оғоз шудааст

ДУШАНБЕ, 8 март – Sputnik. Ширинов Аюбҷон, мудири бахши робитаҳои байналмилалии Хадамоти иҷрои назди Ҳукумати Тоҷикистон қайд кардааст, ки мутаассифона, таҳлили вазъи истеҳсолоти иҷро вобаста ба ситондани алимент нишон дод, ки воридшавии шумораи ҳуҷҷатҳои иҷро вобаста ба ин намуди санади судӣ сол то сол тамоюли зиёдшавӣ дорад.

Вай афзуд, айни ҳол, дар ҷумҳурӣ зиёда аз 71 ҳазор ҳуҷҷати иҷро вобаста ба ситондани маблағи алимент мавҷуд мебошад, ки ба сарбории ҳар иҷрочӣ бо назардошти дигар санадҳои судӣ зиёда аз 800 то 1200 санади судӣ рост меояд.

“Танҳо дар зарфи як сол, яъне соли 2020 барои иҷрои маҷбурӣ 11 330 ҳуҷҷати иҷро вобаста ба ситондани маблағи алимент ворид гардидааст, ки ситониши доимии давравиро пешбинӣ менамоянд”, - таъкид доштаст удири бахши робитаҳои байналмилалии Хадамоти иҷрои назди Ҳукумати Тоҷикистон.

Ҳамзамон Аюбҷон Ширинов, гуфт, ки соли 2020 бинобар бадқасдона саркашии қарздорон аз пардохти маблағи алимент бо пешниҳоди иҷрочиён аз ҷониби мақомоти прокуратура нисбат ба 243 нафар тибқи талаботи моддаи 177 Кодекси ҷиноятии Ҷумҳурии Тоҷикистон парванда оғоз шудааст.

“Инчунин, дар баъзе мавридҳо новобаста аз татбиқи ҷазои ҷиноятӣ маблағи қарзи алимент пардохт нагардида, ҳангоми адои ҷазо қарзи алимент давра ба давра зам гардида, боиси мушкил ситондани он барои таъминоти фарзандони ноболиғ мегардад”, - гуфт ӯ. 

Ҳатто ҳолатҳое мешаванд, ки волидон аз пардохти алимент бадқасдона саркашӣ намуда, бар зами ин боз даст ба ҷиноят мезананд.

Гуфта мешавад, ки бо мақсади сари вақт ситондани алимент барои фарзандони ноболиғ, болиғи ғайриқобили меҳнат, ҳимояи ҳуқуқҳои модару кӯдак роҳбарияти хадамоти иҷро ва кормандони он тамоми чораҳоро тибқи қонунгузории Тоҷикистон меандешанд.

71
Барчаспҳо:
маблағ, Прокуратура, пардохт, саркашӣ, Тоҷикистон

Симои микроноҳияи 13-и шаҳри Хуҷанд табдил меёбад

194
(Таҷдидшуда 17:22 08.03.2021)
Мақомоти шаҳри Хуҷанд эълон доштааст, ки дар микроноҳияи 13-уми шаҳр маҷмааи хизматрасонӣ бо тарҳи хос бунёд мегардад

ДУШАНБЕ, 8 март – Sputnik.  Бино бар иттилои дафтари матбуоти мақомоти шаҳри Хуҷанд, корҳои ободонӣ бахусус дар дохили хонаҳои баландошёнаи микроноҳияи 13-уми шаҳр вусъат гирифта, қадди роҳ, пайраҳаҳо ба низом дароварда шуда, то ба имрӯз беш аз 30 адад хонаҳои баландошёнаи ин маҳалла аз ҷониби кормандони Корхонаи давлатии “Истифодабарии манзили соҳили рост” рангубор карда шуданд.

Ҳамзамон манбаъ қайд кардааст, ки дар партави ин корҳои ободонию созандагӣ ва бунёдкории шаҳрдорӣ миёни хонаҳои баландошёнаи 17, 37, 38, ва 25-и микроноҳияи 13-уми шаҳри Хуҷанд маҷмааи хизматрасонӣ бо тарҳи хос иборат аз чойхона, дорухона, сехи дӯзандагӣ, нонвойхона, майдончаи бозии футбол, мавзеъи бозии кӯдакона, ҷои истироҳати сокинони биноҳо, танӯрхона ва ошхона бунёд шуда истодааст, ки дар арафаи Наврӯзи байналмилали 2021 мавриди баҳрабардорӣ қарор хоҳад гирифт.

Ҳамзамон таъкид гардидааст, ки барои сарсабзу зебо гардонидани муҳити зист дар ин микроноҳия беш аз 400 бех ниҳолҳои ҳамешасабзи шинонида шуданд, ки ба муҳити атроф накҳати дигар мебахшад.

Зикр шудааст, ки сокинони микроноҳияи 13-ум аз ин иқдоми шаҳрдорӣ истиқбол карданд.

Бояд гуфт, ки дар шаҳри Хуҷанд барои дар сатҳи баланд ҷашн гирифтани 30-солагии Истиқлолияти давлатии Тоҷикистон, силсилаи корҳои бунёдкорӣ сурат гирифта истодааст.

194
Барчаспҳо:
бунёд, хизматрасонӣ, маҷмаа, симо, Хуҷанд, Тоҷикистон
Таджикская певица Манижа, архивное фото

Тоҷикдухтар Манижа Сангин, Русияро дар озмуни Евровидение-2021 намояндагӣ мекунад

440
(Таҷдидшуда 01:05 09.03.2021)
Сарояндаи тоҷики муқими Русия Манижа Сангин Русияро дар озмуни Евровидение-2021 намояндагӣ мекунад

ДУШАНБЕ, 9 мар — Sputnik. Шабакаи якуми телевизиони Русия дар бораи роҳёбии Манижа Сангин ба Евровидение-2021 эълон кард.

Гуфта мешавад, Манижа Сангин Русияро бо таронаи Russian woman. намояндагӣ хоҳад кард.

Қаблан шабака иттилоъ дода буд, ки иштирокчии Евровидение аз кишвар рӯзи душанбе - бо овоздиҳии тамошобинон дар як намоиши махсуси идона муайян карда мешавад.
Довталабон Manizha, #2Маши или Therr Maitz буданд, ки тоҷикдухтар соҳиби роҳхат ба Евровидение-2021 гардид.
Евровидение-2021 рӯзҳои 18-22 май дар шаҳри Роттердами Нидерландия баргузор мешавад ва дар он сарояндагон аз 41 кишвар ширкат хоҳанд кард.

Ба гуфтаи созмондиҳандагон, озмун ба таври муқаррарӣ баргузор мешавад, аммо ҳайатҳо ва шумораи рӯзноманигорон коҳиш дода мешаванд.

Клипи нави Манижа: бо қонунҳои Қуръон дохили калисо-видео

Ҳанӯз маълум нест, ки тамошобинон ба намоишҳо ҳозир мешаванд ё не.

Соли гузашта Евровидение бо сабаби пандемияи коронавирус лағв шуда буд. Мебоист Русияро гурӯҳи Little Big намояндагӣ мекард.

Манижа Сангин, сарояндаи тоҷики муқими Русия соли 1991 дар Душанбе ба дунё омадааст ва ба гуфти худаш замони нооромиҳо бо аҳли оилаашон ба Русия омадааст.

Манижа навозанда, муаллиф ва сарояндаи мустақил аст, ки бо тахаллуси Manizha маъруф аст. Ӯ пас аз нашри видеоиҳои муаллифиаш дар Instagram шӯҳрат пайдо кард.

Манижа Сангин то имрӯз ҳамаи сурудҳояшро ба забонҳои русӣ ва англисӣ сароидааст. Ӯ дар мусоҳибае гуфт қасд дорад аввал ба хотири ҷамъ кардани аудитория ба ин забонҳо бисарояд ва баъд ба забони модарияш хоҳад суруд. Ахиран ӯ намоҳанги худ "Не до славянка"-ро пешкаши мухлисон кард ва дар он бо забони тоҷикӣ "ё бача ту мара гуш кун" хитоб карда, бо забонҳои русию англисӣ сурудро дар мавзӯи муҳоҷирату миллату зиндагӣ давом дод, ки ин тарона мавриди истиқболи коргарон қарор гирифт. 

Манижа Сангин нахустин сафири СММ аз Русия оид ба гурезагон

Номбурда мегӯяд, аз 8-солагӣ ба эҷоди суруд машғул ҳаст ва ҳамаи намоҳангҳои худро худаш монтаж ва омода мекунад.

Ӯ ахиран соли гузашта нахустин сафири ҳусни нияти Русия оид ба гурезагон дар Созмони Миллали Муттаҳид интихоб шуд.

440