Ноуҳдабароии ронандаи 60 - сола ба ҳалокати 4 мусофири ӯ аз Файзобод анҷомид

© Sputnik / Стас ЭтвешМашина скорой помощи в Таджикистане, архивное фото
Машина скорой помощи в Таджикистане, архивное фото - Sputnik Тоҷикистон
Обуна шудан
Вазорати умури дохилии Тоҷикистон аз ҳалокати 4 мусофир, сокинони ноҳияи Файзобод хабар медиҳад, ки дар натиҷаи бархӯрд бо худрави дигар ҷон бохтанд

ДУШАНБЕ, 23 май – Sputnik. Ҳар чаҳор қурбонии ин ҳодисаи нохуш савори автомашинаи "Опел - Астра" таҳти роҳбарии ронандаи 60 - сола, Абдуллоев Раҳматулл, сокини ҷамоати деҳоти Боғи-Мирии ноҳияи Файзобод буданд, хабар медиҳад котиботи Вазорати умури дохилии Тоҷикистон.

Тамбовская областная станция скорой медицинской помощи - Sputnik Тоҷикистон
Шарҳи расмии КҲФ аз садама дар шоҳроҳи Душанбе - Хуҷанд
Ба иттилои манбаъ, ронанда аз самти шаҳри Ваҳдат, дар ҳудуди деҳаи Лолагӣ, ҷамоати деҳоти Вашгирди ноҳияи Файзобод аз уҳдаи идораи воситаи нақлиёт набаромада, дар самти ҳаракати худ бо автомашинаи тамғаи "Шагман", таҳти идораи Ҷобиров Шералии 51 - сола, сокини ҷамоати деҳоти Д.Алии ҳамин ноҳия, ки дар канори роҳ беҳаракат меистод, бархӯрдааст. 

Садама дар шоҳроҳи Душанбе –Хуҷанд: шаш нафар аз доми марг наҷот ёфтанд

Ба тафсири манбаъ, аснои бархӯрд мусофирони автомашинаи тамғаи "Опел-Астра" Қаландаров Шукрулло Раҳматуллоевич, соли таваллудаш 1996, Амирзода Марям, соли таваллудаш 2014, Саидова Зебуниссо Буриевна, соли таваллудаш 1964, Қаландаров Ҷумъахон Раҳматуллоевич, соли таваллудаш 1999, сокинони ҷамоати деҳоти Боғи-Мирӣ ҷароҳатҳои вазнини ҷисмонӣ бардошта, дар беморхона ба ҳалокат расидаанд.

Ронандаи автомашинаи мазкур Абдуллоев Р.Қ. ҷароҳатҳои гуногуни ҷисмонӣ бардошта дар беморхона бистарӣ гардидааст.

ВУД Тоҷикистон мегӯяд, аз рӯи ин ҳодиса таҳқиқот идома дорад.

Лентаи хабарҳо
0