Саидмукаррама Абдулқодирзода. Архивное фото

"Ба дуо бошед": муфтии Тоҷикистон дар бораи гирифториаш ба COVID-19

2226
Вазъи раиси Шӯрои уламои Тоҷикистон Саидмукаррам Абдулқодирзода беҳбуд ёфта, иҷозаи ба берун баромаданро пайдо кардааст.

ДУШАНБЕ, 26 май – Sputnik. Саидмукаррам Абдуқодирзода дар як тамоси телефонӣ ва суҳбати кӯтоҳ ба Sputnik Тоҷикистон вазъи худро хуб арзёбӣ карда, афзуд, дардаш сабук шуда, пизишкон иҷоза додаанд, ки барои ҳавохӯрӣ ба берун барояд.

“Аз онҳое, ки ба саломати банда таваҷҷӯҳ кардаанд, изҳори миннатдорӣ мекунам. Мардуми шарифи Тоҷикистон мутаваҷҷеҳи саломатии худ ва ҳамеша барои маризон ба дуо бошанд. Иншоаллоҳ, ин рӯзҳо мегузарад”, - гуфт муфтии Тоҷикистон.

Хабарнигори Sputnik Тоҷикистон ба хотири эҷод накардани музоҳимат аз раиси Шӯрои уламои Тоҷикистон тафсилоти бештарро тақозо накард, аммо наздикони ӯ гуфтанд, ки мавсуф ҳудуди даҳ рӯз ба ин сӯ аз маризии илтиҳоби шуш бистарӣ шудааст, на “вируси корона” ё COVID-19.

“Он кас дар манзили худ табобат мегиранд. Ҳамин субҳ пизишкон ба муоинаи он кас омада, вазъашонро муътадил арзёбӣ карданд ва иҷоза доданд, ки аз бистар хеста, ҳаракат кунанд”, - гуфт яке аз наздикони ӯ.

Ба қавли наздикон, Саидмукаррам Абдуқодирзода як ҳафта қабл аз иди Рамазон бистарӣ шуда, имкони ширкат дар ҷаласаҳои қабл аз иди Шӯрои уламоро надошт ва азбаски маризиаш шадид набуд, пизишкон маслиҳат доданд, ки дар хона табобат шавад.

Саидмукаррам Абдулқодирзода: эҳтимол дорад дар моҳи Рамазон масҷидҳо баста шаванд

Бино ба иттилои дарёфтӣ, рӯзи 17 май писарамаки муфтӣ Эшони Сайидвалӣ, ки дар ноҳияи Вахш зиндагӣ мекард ва маризии қанд дошт, вафот карда буд.

Саидмукаррам Абдулқодирзода аз моҳи октябри соли 2010 раиси Маркази исломӣ ва раиси Шӯрои уламои Тоҷикистон аст.

2226
Ссора, архивное фото

Давоми шаш моҳ дар Тоҷикистон 5486 оила вайрон шудааст: аз ҳама зиёд дар Суғд

83
(Таҷдидшуда 10:54 13.07.2020)
Вазорати адлияи Тоҷикистон мегӯяд, омори вайроншавии оилаҳо дар шашмоҳаи соли равон нисбат ба ҳамин давраи соли гузашта коҳиш ёфтааст.

ДУШАНБЕ, 13 июл – Sputnik. Саодатбибӣ Сироҷзода, сардори Раёсати сабти асноди ҳолати шаҳрвандӣ Вазорати адлия гфт тайи шаш моҳи соли равон дар кишвар 5486 оила аз ҳам пошидааст.

Номбурда ин нуктаро имрӯз зимн нишасти хабарии вазорат иттилоъ дода гуфт, ин нишондиҳанда нисбат ба ҳамин давраи соли гузашта 570 адад кам мебошад.

Ба иттилои манбаъ аз ин теъдод 3 974 оила бо қарори додгоҳҳои шаҳру навоҳӣ  ва бо аризаи якяҷоя 1490 оила аз ҳам чудо шудаанд.

Манбаъ мегӯяд, дар пайи ин азҳампошии оилаҳо 5356 кӯдакон ба тарбияи яке аз волидон гузаштанд

Номбурда гуфт,  бештари ҷудошавии оилаҳо дар вилояти суғд ба қайд гирифта шудааст, ки он ба 1922 мерасад.

Хатлон 1930

Омори ҷудошавии оилаҳо дар ВМКБ 80,  дар чор навоҳии пойтат 930 ва дар ноҳияҳои теби марказ ба 1323 мерасад, гуфт, Саодатбибӣ Сироҷзода.

Гуфта мешавад, камшавии оилавайроншавӣ танҳо тайи се моҳи охир ба назар мерасад.

Ёдовар мешавем,  бар асоси оморҳои расмӣ давоми як соли гузашта  12 ҳазору 482 оила аз ҳам пошидааст. Ин рақам дар қиёс ба ду соли гузашта 1 ҳазору 469 ҳолат зиёд будааст.

 

83
Хаким Фузайлов. Архивное фото

Ҳаким Фузайлов сармураббии нави "Хуҷанд" таъйин шуд

64
(Таҷдидшуда 10:31 13.07.2020)
Ҳаким Фузайлов, собиқ футбобози машҳур ва мураббии шинохтаи кишвар, сармураббии тими “Хуҷанд”-и Хуҷанд таъйин гардид

ДУШАНБЕ, 13 июл – Sputnik. Тибқи иттилои дафтари матбуотии бошгоҳ, Ҳаким Фузайлов, собиқ сармураббии тими миллии Тоҷикистон  то охири мавсим “Хуҷанд”-ро тамрин хоҳад дод.

Ба иттилои манбаъ, Никол Лазаревич, ки дар аввали сол сармураббии даста таъйин шуда буд, бинобар бастани сарҳадҳои байни кишварҳо бар асари пандемияи ҷаҳонии коронавирус, ба даста кӯмак карда наметавонад.

Манбаъ мегӯяд, Ҳоло Лазаревич дар зодгоҳаш Сербия қарор дорад.

“Мо маҷбур шудем, ки бо сабаби вазъияти ҷаҳонӣ ва алахусус дар тим баамаломада, сари мизи гуфтушунид нишинем. Дар натиҷаи гуфтушунидҳои пурсамар бо ҳайати мураббиёни кунунӣ ва роҳбарияти клуб, ҷонибҳо ба хулосае омаданд, ки даста сармураббии ниёз дорад. Мутаассифона, Никола Лазаревич дар Сербистон аст ва имкони ҳамроҳ шудан ба дастаро бо сабабҳои, ба ҳама маълум, надорад. Мо бо Ҳаким Каюмович ба мувофиқа расидем, ки ӯ дастаро ба мусобиқаҳои дар пешистодаи ватанӣ ва байналмилалӣ омода мекунад ва мӯҳлати шартнома то охири сол эътибор дорад”-гуфт Муроҷон Умаров, директори иҷроияи Хуҷанд.

Фаъолияти мураббигии Фузайлов охири солҳои 90-ум аз роҳбарии бошгоҳи “Бухоро” ва “Динамо”-и Самарқанд оғоз кардааст. Аз соли 2005 то декабри соли 2011 дар “Ростов” ва “Локомотив”-и Маскав мураббии селексионер буд.

Моҳи январи соли 2012 вай ноиби президенти “Локомотив”  Тошканд оид ба масъалаҳои тарбияи бозигарон таъйин карда шуд. Моҳи майи он сол ба ҳайати мураббиён дохил шуд ва баъдан сармураббии даста шуд.

Ӯ ҳамчунин тими миллииТоҷикистон, дасҳои “Истиқлол”, “Куктош” –ро тамрин дода ахиран  аввали моҳи июл ӯ вазифаи сармураббии бошгоҳт “Каганат”-и Қирғизистонро тарк кард.

64