Али Ашраф Муҷтаҳид Шабистарӣ раиси Анҷумани дӯстии Эрон

Паёми ҳамдардии раиси Анҷумани дӯстии Эрону Тоҷикистон ба раиси Академияи илмҳо

681
(Таҷдидшуда 18:06 26.05.2020)
Раиси Анҷумани дӯстии Эрон ва Тоҷикистон аз даргузашти донишманд ва овозхони саршиноси тоҷик Ҷӯрабек Назрӣ сахт андӯҳгин шудааст

ДУШАНБЕ, 26 май – Sputnik. Бино бар иттилои дафтари матбуоти сафорати Эрон дар Тоҷикистон, Алӣ Ашраф Муҷтаҳид Шабистарӣ, раиси Анҷумани дӯстии Эрон ва Тоҷикистон ба унвони раиси Академияи илмҳои Тоҷикистон Фарҳод Раҳимӣ паёми ҳамдардӣ равон кардааст.

 Дар ин паём Алӣ Ашраф Муҷтаҳид Шабистарӣ қайд кардааст, ки худро дар мотами он андешманду ҳунарманди аз даст рафта шарик медонем

“Бадин васила ба камоли таассуфу андӯҳ даргузашти устоди арҷманду донишманд Ҷӯрабек Назриро ба Шумо, аъзои муҳтарами Академия, фарҳехтагон, ҳунармандон ва миллати шарифу ҳамзабон ва ҳамфарҳанги Тоҷикистон тасаллият гуфта ва худро дар мотами он андешманду ҳунарманди аз даст рафта шарик медонем. Худованди бузург саломатӣ ва дилоромии хонадони он марҳуму миллати тоҷикро орзу менамоем”, - қайд кардааст раиси Анҷумани дӯстии Эрон ва Тоҷикистон.

Ёдрас мешавем, чанде пеш сафири Эрон дар Тоҷикистон ба даргузашти чанд нафар аз шахсиятҳои саршиноси ҷумҳурӣ изҳори ҳамдардӣ кард.

Сафири Эрон таъкид доштааст, ки даргузашти Муҳаммадалии Аҷамӣ,  Баҳриддин Камолиддинов, Саидшоҳ Акрамов, Хайрӣ Назарова, Савринисо Сабзалиева, Мунира Ҳакимова, Абӯбакри Зубайдӣ, Хуршед Алидод, Абдуфаттоҳ Ҳотамов ва  ғайра барои фарҳанг ва ҷомеаи Тоҷикистон ва алоқамандони мероси гаронбаҳои порсӣ, дарднок мебошад.

 “Ҳанўз дар ғами аз даст додани ин азизон будем, ки хабардор шудам устоди арҷманд ва ҳунарманди саршиноси мардумӣ  ва раиси собиқи Шўъбаи осори хаттии пажўҳишгоҳи шарқшиносӣ Ҷӯрабек Назрӣ низ даъвати ҳақро лаббайк гуфтанд”, - зикр кард Собирӣ.

Вай ҳамчунин афзуд, ки ин ҳунарманд ва донишманди саршиноси  тоҷик  тамоми умрашро барои рушду тавсиаи ҳунар ва забону адаби муштараки порсӣ сипарӣ кард.

681
Барчаспҳо:
президент, андӯҳ, донишмандон, даргузашт, Эрон, Тоҷикистон
Спичка, архивное фото

Пулро гирифту хонаро оташ зад: боздошти хонандаи синфи 10 дар Истаравшан

60
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

60
Барчаспҳо:
боздошт, ноболиғ, дуздӣ, Истаравшан
Призывники в армию Таджикистана в Бадахшане

Бадахшон аввалин шуда нақшаи даъват ба артишро дар як рӯз иҷро кард

32
(Таҷдидшуда 16:56 01.10.2020)
Вилояти Мухтори Куҳистони Бадахшон аз нахустин манотиқи кишвар аст, ки аввал шуда нақшаи даъват ба артишро иҷро кард.

ДУШАНБЕ, 1 окт – Sputnik. Тибқи иттилои дафтари матбуотии вилоят, дар нахустин рӯзи даъват нақшаро пурра ба анҷом расонидаанд.

Ба иттилои манбаъ, нақшаи сафарбар намудани ҷавонон ба сафи Қувваҳои Мусаллаҳи Ҷумҳури Тоҷикистон дар рузи якум 103 % иҷро намуд.

Президент фармони даъвати тирамоҳӣ ба аскариро имзо кард

Ёдовар мешавем, Вилояти Мухтори Куҳистони Бадахшон дар даъватҳои қаблӣ низ пеш аз дигар минтақаҳо нақшаро нахустин шуда иҷро мекард.

Фармон дар бораи даъвати наваскаронро раисиҷумҳури кишвар 3 сентябр имзо карда буд.

Пешсафии Бадахшон: нақшаи даъвати наваскарон дар вилоят 110 дарсад иҷро шуд

Бар асоси он дар даъвати тирамоҳа шаҳрвандони солҳои таваллуди 1993-2002 ба хизмати ҳарбӣ ҷалб карда мешаванд.

32
Барчаспҳо:
артиш, даъват, Бадахшон, Тоҷикистон