Представитель ВОЗ в Таджикистане Галина Перфильева

Галина Перфилиева аз вазифа барканор шудааст

3668
(Таҷдидшуда 18:21 26.05.2020)
Галина Перфилиева, намояндаи Созмони ҷаҳонии тандурустӣ дар Тоҷикистон, аз вазифа барканор шуда, тарки кишвар кардааст

ДУШАНБЕ, 26 май — Sputnik. Як манбаъ дар Намояндагии Созмони ҷаҳонии тандурустӣ дар Тоҷикистон ба Sputnik Тоҷикистон гуфт, маъмурияти хонум Перфилиева ба анҷом расида, масъулиятҳояшро ба нафари нав вогузор кард.

"Он кас ҳафтаи гузашта тарки Тоҷикистон карда буданд”, - гуфт ин манбаъ.

Бино ба ин манбаъ, Бахтигул Карриева, корманди масоили стратегии Дафтари мудири минтақаии Бюрои аврупоии минтақаии Созмони ҷаҳонии тандурустӣ ҳоло иҷрокунандаи вазифаи намояндагии ин созмон дар Тоҷикистонро ба ӯҳда дорад.

Дар бораи тақаррурии навбатии Галина Перфилиева ҳанӯз иттилое дар даст нест. Аммо гуфтугузорҳо дар бораи барканории ӯ ҳанӯз дар оғози моҳи равон дар пайи эълон шудани аввалин мавориди гирифторӣ ба "вируси корона" пайдо шуда буданд.

Мавсуф он замон ба Sputnik Тоҷикистон гуфта буд, ки ӯ ба таври муваққат дар ин мавқеият қарор дошт, аз ин хотир, аз вазифа барканор намешавад.

"Муддати мадидест, ки дар Созмони ҷаҳонии тандурустӣ (WHO) бознишаста шудаам. Қарордоди ман ҳам ба охир мерасад. WHO талош мекунад то як фарди ҷойгузин вуҷуд дошта бошад, аммо ҳоло чизе дақиқ нест. Ман аз шумо илтимос мекунам, бигузоред мо кор кунем, бо ҳам кор кунем. Ва акнун муҳиммтарин чиз кори маъмурият (миссия) аст ва на мавориде, ки шумо фавран бояд бидонед”, - гуфта буд хонум Галина Перфилева.

Галина Перфилиева дар соли 1978 доктории пизишкиро аз Донишгоҳи давлатии тибии шаҳри Мински Белорус дарёфт кардааст. Пас аз он, ӯ дар соҳаи тандурустии умумӣ ва мудирият омӯзиш дид.

Вай соли 1991 барои пешгомӣ дар умури мудирияти тандурустӣ идрори Келлогаро ба даст овард. Хонум Перфилиева беш аз 25 сол аст, ки дар замина манобеъи инсонии соҳаи тандурустӣ фаъолият мекунад.

Ӯ ба унвони мудири маркази ҳамкории Созмони ҷаҳонии тандурустӣ (WHO) дар умури парасторӣ дар Русия ва мушовири созмонҳои байнулмилалӣ фаъолият доштааст. Вай дар соли 2003 ба дафтари минтақаии Созмони ҷаҳонии тандурустӣ ҷаҳонӣ пайвастааст. Чанд соли ахир намояндаи ин созмон дар Тоҷикистон буд.

3668
Барчаспҳо:
ТУТ, барканорӣ, Тоҷикистон
Ссора, архивное фото

Давоми шаш моҳ дар Тоҷикистон 5486 оила вайрон шудааст: аз ҳама зиёд дар Суғд

79
(Таҷдидшуда 10:54 13.07.2020)
Вазорати адлияи Тоҷикистон мегӯяд, омори вайроншавии оилаҳо дар шашмоҳаи соли равон нисбат ба ҳамин давраи соли гузашта коҳиш ёфтааст.

ДУШАНБЕ, 13 июл – Sputnik. Саодатбибӣ Сироҷзода, сардори Раёсати сабти асноди ҳолати шаҳрвандӣ Вазорати адлия гфт тайи шаш моҳи соли равон дар кишвар 5486 оила аз ҳам пошидааст.

Номбурда ин нуктаро имрӯз зимн нишасти хабарии вазорат иттилоъ дода гуфт, ин нишондиҳанда нисбат ба ҳамин давраи соли гузашта 570 адад кам мебошад.

Ба иттилои манбаъ аз ин теъдод 3 974 оила бо қарори додгоҳҳои шаҳру навоҳӣ  ва бо аризаи якяҷоя 1490 оила аз ҳам чудо шудаанд.

Манбаъ мегӯяд, дар пайи ин азҳампошии оилаҳо 5356 кӯдакон ба тарбияи яке аз волидон гузаштанд

Номбурда гуфт,  бештари ҷудошавии оилаҳо дар вилояти суғд ба қайд гирифта шудааст, ки он ба 1922 мерасад.

Хатлон 1930

Омори ҷудошавии оилаҳо дар ВМКБ 80,  дар чор навоҳии пойтат 930 ва дар ноҳияҳои теби марказ ба 1323 мерасад, гуфт, Саодатбибӣ Сироҷзода.

Гуфта мешавад, камшавии оилавайроншавӣ танҳо тайи се моҳи охир ба назар мерасад.

Ёдовар мешавем,  бар асоси оморҳои расмӣ давоми як соли гузашта  12 ҳазору 482 оила аз ҳам пошидааст. Ин рақам дар қиёс ба ду соли гузашта 1 ҳазору 469 ҳолат зиёд будааст.

 

79
Хаким Фузайлов. Архивное фото

Ҳаким Фузайлов сармураббии нави "Хуҷанд" таъйин шуд

62
(Таҷдидшуда 10:31 13.07.2020)
Ҳаким Фузайлов, собиқ футбобози машҳур ва мураббии шинохтаи кишвар, сармураббии тими “Хуҷанд”-и Хуҷанд таъйин гардид

ДУШАНБЕ, 13 июл – Sputnik. Тибқи иттилои дафтари матбуотии бошгоҳ, Ҳаким Фузайлов, собиқ сармураббии тими миллии Тоҷикистон  то охири мавсим “Хуҷанд”-ро тамрин хоҳад дод.

Ба иттилои манбаъ, Никол Лазаревич, ки дар аввали сол сармураббии даста таъйин шуда буд, бинобар бастани сарҳадҳои байни кишварҳо бар асари пандемияи ҷаҳонии коронавирус, ба даста кӯмак карда наметавонад.

Манбаъ мегӯяд, Ҳоло Лазаревич дар зодгоҳаш Сербия қарор дорад.

“Мо маҷбур шудем, ки бо сабаби вазъияти ҷаҳонӣ ва алахусус дар тим баамаломада, сари мизи гуфтушунид нишинем. Дар натиҷаи гуфтушунидҳои пурсамар бо ҳайати мураббиёни кунунӣ ва роҳбарияти клуб, ҷонибҳо ба хулосае омаданд, ки даста сармураббии ниёз дорад. Мутаассифона, Никола Лазаревич дар Сербистон аст ва имкони ҳамроҳ шудан ба дастаро бо сабабҳои, ба ҳама маълум, надорад. Мо бо Ҳаким Каюмович ба мувофиқа расидем, ки ӯ дастаро ба мусобиқаҳои дар пешистодаи ватанӣ ва байналмилалӣ омода мекунад ва мӯҳлати шартнома то охири сол эътибор дорад”-гуфт Муроҷон Умаров, директори иҷроияи Хуҷанд.

Фаъолияти мураббигии Фузайлов охири солҳои 90-ум аз роҳбарии бошгоҳи “Бухоро” ва “Динамо”-и Самарқанд оғоз кардааст. Аз соли 2005 то декабри соли 2011 дар “Ростов” ва “Локомотив”-и Маскав мураббии селексионер буд.

Моҳи январи соли 2012 вай ноиби президенти “Локомотив”  Тошканд оид ба масъалаҳои тарбияи бозигарон таъйин карда шуд. Моҳи майи он сол ба ҳайати мураббиён дохил шуд ва баъдан сармураббии даста шуд.

Ӯ ҳамчунин тими миллииТоҷикистон, дасҳои “Истиқлол”, “Куктош” –ро тамрин дода ахиран  аввали моҳи июл ӯ вазифаи сармураббии бошгоҳт “Каганат”-и Қирғизистонро тарк кард.

62