Пограничники на кыргызско-таджикском участке государственной границы

Вазъ дар марзи Қирғизистону Тоҷикистон ором: мақомот интизори ҷазои ҷинояткорон аст

826
(Таҷдидшуда 15:24 28.05.2020)
Маққомоти Исфара таъкид доштанд, ки дар ҳоли ҳозир, вазъ дар марзи Тоҷикистону Қирғизистон ором аст. Мақомот гуфт, Шукрона Шарофова, ки ахиран аз сӯи як шаҳрванди Қирғизистон захмӣ шуд, зери назорати пизишкон қарор дорад

ДУШАНБЕ, 28  май — Sputnik. Шукрона Шарофоваро, ки ахиран дар марзи Тоҷикистону Қирғзистон  захмӣ шуда буд, ҳоло дар шӯъбаи эҳёи беморхонаи марказии Исфара таҳти назорати пизишкон қарор дорад, иттилоъ дод ба Sputnik Тоҷикистон сухангӯи шаҳрдори Исфара Иқбол Тешаев.

Вышка на пограничном посту Максат в Лейлекском районе Баткенской области.
© Фото / пресс-служба правительства / Алишер Алиев

Ба иттилои вай, Шукронаи 25 - сола коргарзани бригадаи №14-уми тухмипарварии маҳаллаи Ибод Файзуллоеви Чоркуҳи Исфара аст ва ҳамроҳ бо ҳамкоронаш дар заминҳои ин бригада кор мекард.

Сабаб коронавирус: Қирғизистон тадбирҳои амниятӣ дар марз бо Тоҷикистонро шидидтар кард

Вай гуфт, ба тарафи Шукрона як сокини ҷамоати Оқсойи Қирғизистон тир кушода, ӯро захмӣ кард.

“Вазъи саломатии Шукрона Шарофова вазнин буд ва бояд ӯро дирӯз пизишкон ҷарроҳӣ мекарданд”, - таъкид дошт Тешаев.

Қаблан Сарраёсати марзбонии КДАМ-и Тоҷикистон гуфта буд, ба тарафи Шукрона сокини ҷамоати Оқсойи Қирғизистон Соат Бахтибеков, тир кушодааст.

Дар ҳамин ҳол, неруҳои марзбонии Қирғизистон, ки одатан дар ҳар муноқишаи марзӣ ба таврӣ фаврӣ изҳорот медоданд, пас аз ин муноқишаи марзӣ роҳи хомуширо пеш гирифтанд.

Мақомоти марзбонии Қирғизистон пас аз чанд соат таъкид доштанд, ки дар марз ҳодисае рух надодааст, аммо сипас изҳор доштанд, ки ин хабарро мавриди таҳқиқ қарор хоҳанд дод.

Пас аз муноқишаи марзӣ, ки санаи 24 май рух дод ҷониби Қирғизистон тарафи  Тоҷикистонро дар бе асос доман задан ин вазъ айбдор кард. 

Ёдрас мешавем, ки дар ин муноқиша як сарбози қатории Нреуҳои марзбонии Тоҷикистон Давлатёр Зоирови 19-сола аз пояш захмӣ шуда буд.

Тарафи Тоҷикистон, ба муҷозот шудани сабабгорони муноқишаҳои марзӣ даъват кардааст, дар изҳороти нави худ сарраёсати марзбонии КДАМ-и Тоҷикистон гуфт, ки чунин амалҳо метавонад вокуниши ҷавобиро аз ҷониби сокинони наздисарҳадӣ дар ин минтақаи ҳассос барангезад.

Иқбол Тешаев мегуяд, ки вақте, ки ҳодисаи захми шудани Шукрона Шарофова рух дод мақомоти Тоҷикистон ба таври фаврӣ ба ҷониби Қирғизистон ин маълумотро расонд, аммо то ҳол натиҷае ба даст нарасидааст.   

Ҳамчунин сухангӯи мақомоти Исфара таъкид дошт, вазъи саломатии сарбози қатории Нреуҳои марзбонии Тоҷикистон Давлатёр Зоирови 19-сола беҳтар аст ва ҳоло дар бемористон дар шуъбаи шикасту банд (травмотология) табобат мегирад.

Ёдрас мешавем, ки санаи 24-уми май дар Рӯзи Иди моҳи шарифи Рамазон дар марз тирандозие дар ҳудуди деҳаи Пули Офтобрӯяи ҷамоати Ворух сар зад, ки дар он сарбози қатории нереуҳои марзбонии Тоҷикистон Давлатёр Зоирови 19-сола аз пояш захмӣ шуд.

Пеш аз он, рӯзи 8 май дар натиҷаи муноқиша дар Чоркӯҳ ду шаҳрванди Тоҷикистон ва як шаҳрванди Қирғизистон захмӣ шудаанд.

Тоҷикистону Қирғизистон 976 километр марз доранд, ки то кунун 504 километри он муайян ва аломатгузорӣ шудааст.

Ду кишвар солҳои сол аст, ки наметавонанд  сари ин масъала ба тавофуқ расанд ва ба ин муноқишаҳои марзӣ хотима бахшанд. Ҷанҷолу тирандозӣ дар минтақаҳои марзӣ барои обу замин ва чарогоҳ сурат мегирад ва баъзан ба хунрезӣ мубадал мегардад.

826
Барчаспҳо:
ҷазо, пизишк, назорат, шаҳрванд, мақомот, Қирғизистон, Исфара, Тоҷикистон
График на бирже, архивное фото

Холиқзода гуфт,  ба рушди иқтисоди Тоҷикистон чи омилҳо монеа мешаванд

5
(Таҷдидшуда 17:52 05.07.2020)
Рушди иқтисодии Тоҷикистон аз чӣ вобаста аст, гуфт директори Маркази татбиқи лоиҳаҳои шарикии давлат ва бахши хусусӣ Абдухолик Холиқзода

ДУШАНБЕ, 5 июл — Sputnik.  Коҳиши иқтисодиёти ҷаҳонӣ дар соли 2020 ба рушди иқтисодии Тоҷикистон халал мерасонад, гуфт Абулхолиқ Холиқзода, директори Маркази татбиқи лоиҳаҳои шарикии давлат ва бахши хусусии Кумитаи давлатии сармоягузорӣ ва идораи амволи давлатии Тоҷикистон дар сущбат бо “Ховар”.

“Мушоҳида мегардад, ки бо пайдоиш ва шуруъи бемории сироятии СOVID – 19 дар аксарияти кишварҳои ҷаҳон бинобар таъсироти манфии он ба коҳишёбии маҳсулнокии фаъолият дар натиҷаи беморшавӣ, ҳаҷми маҳсулоти истеҳсолнашуда дар корхонаҳои саноатӣ, маҷмуан паст гардидани даромаднокӣ дар ҳамаи соҳаҳо дар паёмади муваққатан ва ё пурра аз даст додани фаъолнокии корӣ оварда расонид”,- гуфтааст ӯ.

Бо ишора ба пешгӯии таҳлилгарон, Холиқзода қайд кард, ки бӯҳрони иқтисодӣ дар ҷаҳон боиси кам шудани 30-40% сармоягузорӣ мегардад.

Директори марказ диққатро ба он ҷалб кард, ки якчанд омилҳо ба рушди иқтисодии Тоҷикистон таъсир мерасонанд.

Ҳушдори БМТ аз хатарҳои коронавирус ба иқтисод: меъёри бозтамвилро кам кард

“Ба рушди иқтисодиёти Тоҷикистон айни замон таназзули иқтисодиёти ҷаҳонӣ дар соли 2020, пӯшидани сарҳадҳо, сустшавии иқтисодиёти Россия ва Чин ба сифати шарикони асосӣ, кам шудани содироти молҳои ватанӣ, кам шудани интиқоли маблағҳои хориҷӣ ва даромади хонаводаҳо, бефаъолӣ дар соҳаҳои тиҷорат ва сайёҳӣ, кам гардидани савдо ва сайёҳон таъсиргузор хоҳанд буд”,-зикр кард ӯ .

5
Рустам Эмомали председатель города Душанбе

Қарори Рустами Эмомалӣ: баррасии усули нави барқрасонӣ аз сӯи "Авесто гуруҳ" дар Душанбе

160
(Таҷдидшуда 17:20 05.07.2020)
Рустами Эмомалӣ, шаҳрдори Душанбе, бо имзои як қарор рӯзи 15 июл дар пойтахт ҷаласаи вакилони шаҳрро даъват кардааст, ки дар он роҳандозии низоми нави таъминоти барқ баррасӣ мешавад

ДУШАНБЕ, 5 июл — Sputnik. Тибқи иттилои котиботи шаҳрдорӣ, гузаштан ба низоми биллингӣ аз мавзӯъҳои меҳварии ҷаласа дар Душанбе хоҳад буд.

“Яке аз масъалаҳо дар бораи рушди соҳаи энергетика, бахусус ба низоми замонавии билингӣ гузаштани хизмат, таъмини боэътимоди барқ ба сокинон, таҷдиду барқарорсозии зеристгоҳҳои барқӣ ва барқарорсозии қисмати шабака мебошад”, - хабар дод манбаъ.

Низоми биллингӣ  дар Душанбе, ки дар назар барқ тариқи пешпардохт таъмин шавад, бо харҷи наздики 900 миллион сомонӣ дар пойтахт амалӣ мегардад.

Зафар Бурҳонзода, мудири иҷроияи “Авесто гуруҳ”, ки роҳандозии низоми автоматии назорат ва ҳисоби неруи барқ дар шаҳри Душанбе бо харҷи наздики 880 миллион сомониро ба уҳда гирифтаст, қаблан гуфт, насби ҳисобкунакҳо ройгон сурат хоҳад гирифт.

Дар доираи низоми биллингии таҳиякардаи ширкати “Авесто гуруҳ” танҳо дар ноҳияи Сино насби 95 ҳазор дона ҳисобкунак бо харҷи умумии 340 миллион сомонӣ дар назар аст. Дар маҷмуъ дар Душанбе насби 250 ҳазор ҳисобкунак пешбинӣ шуда, арзиши умумии лоиҳа 880 миллион сомонӣ арзёбӣ шуд.

Қаллобӣ: худро коргари идораи барқ гуфта, аз сокинон пул гирифтааст

Барои татбиқи низоми биллингӣ, ки барқ тариқи пешпардохт ироа мешавад, Ҳукумат созишнома бо Консорсиуми сармоягузорон дар ҳайати корхонаҳои “Авесто Гурӯҳ”, “Тоҷикгидроэлектромонтаж” ва ташкилоти қарзии хурди “Душанбе Сити”-ро имзо карда, Маҷлиси намояндагон аввали соли равон ба тасвиб расонд.

Дилрабо Мансурӣ, вакили парлумони Тоҷикистон, зимни муаррифии лоиҳа дар парлумон изҳор дошта буд, ки “Авесто Гурӯҳ” вазъи низоми энергетикии Душанберо дар ҳамкорӣ бо сохторҳои давлатӣ омӯхта, барои татбиқи низоми биллингии миллӣ иқдом гирифтааст.  

Ӯ иттилоъ  дод, “Авесто гуруҳ” азм дорад, бо ҷалби 88 миллион доллари худӣ низоми назорату ҳисоби пули барқро дар Душанбе пурра автоматӣ кунад.

Қаблан иттилоъ дода шуд, ки дар модели пешгирифтаи “Авесто гуруҳ” дар назар гирифта шудааст, ки ҳар сол муштариёни барқ се дарсад ва нархи барқ 5 дарсад афзоиш меёбад. Ин ширкат ният дорад, талафоти неруи барқро дар шабакаҳои пойтахт то 12 дарсад коҳиш диҳаду ҷамъоварии пули барқи истифодашударо дар сатҳи 99 дарсад таъмин созад.

160
Барчаспҳо:
барқ, Тоҷикистон