Спасательный круг. Архивное фото

Худкушӣ дар Суғд: ҷасади духтари 16-сола баъди 5 рӯз пайдо шуд

1014
(Таҷдидшуда 14:08 03.06.2020)
Кумитаи ҳолатҳои фавқулодда хабар додааст, ки ҷасади духтари 16-сола дар вилояти Суғд , ки худро ба дарёи Зарафшон андохта буд, аз наздикии деҳаи Суҷинаи шаҳри Панҷекат пайдо шуд

ДУШАНБЕ, 3 июн – Sputnik.  Бино бар иттилои дафтари матбуоти Кумитаи ҳолатҳои фавқулоддаи Тоҷикистон ҷасади духтари 16-сола, ки дар вилояти Суғд даст ба худкушӣ задааст баъд аз панҷ рӯз пайдо шуд.

Тибқи иттилои манбаъ ҳодисаи мазкур санаи 28-уми майи соли равон, тахминан соати 16:00 рух додааст.

КҲФ хабар додааст, ки як сокини ҷамоати деҳоти Айнии ноҳияи Айнӣ ба қасди худкушӣ худро аз болои пул ба дарёи Зарафшон андохта буд. Ин духтар ҳамагӣ 16 сол дошта буд ва сабаби худкушиаш то ҳол маълум нест. 

“Баъди ҷустуҷӯҳои зиёд ва талошҳои панҷрӯза билохира санаи 1-уми июн  наҷотдиҳандагони ихтиёрии водии Зарафшон ҷасади марҳумро дар деҳаи Суҷинаи шаҳри Панҷекат пайдо ва ба мақомоти дахлдор супурданд”, - қайд намудааст манбаъ.

Инчунин, Раёсати Кумитаи ҳолатҳои фавқулодда ва мудофиаи граждани дар вилояти Суғд хабар дод, ки як сокини 24 - солаи шаҳри Истаравшан дар пойгоҳи обкашии Қизилӣ - 2 ноҳияи Зафаробод ғарқ шуд. 

Мавсуф оиладор ва соҳиби ду фарзанди ноболиғ  буда, муваққатан дар ноҳияи Зафаробод кор мекард. Шоҳидон гуфтаанд, ки вай мехостааст дар оби пойгоҳи обкашӣ дасту рӯй шӯяд ва ногаҳон ба ҳавзи он фурӯ рафтааст.

Бегоҳии дирӯз ҷасади марҳум аз ҷониби сокинони ҷамоати ёдшуда пайдо ва  ба мақомоти ҳифзи ҳуқуқ супурда шуд.

1014
Барчаспҳо:
Панҷакент, Зарафшон, худкушӣ, ҷасад, Суғд, Тоҷикистон
Футболист на поле, архивное фото

Пирӯзии “Навбаҳор” бар “Равшан” и Кӯлоб: ҳисоби бозӣ 5:0

42
(Таҷдидшуда 20:54 26.09.2020)
Бозии даври чаҳоруми чемпионати Тоҷикистон оид ба футбол байни ҷавондухтарон U-17 бо пирӯзии “Навбаҳор” и ноҳияи Мастчоҳ бар “Равшан” и шаҳри Кӯлоб ба охир расид. Дар ин бозӣ соҳибони майдон бо ҳисоби 5:0 пирӯз шудаанд

ДУШАНБЕ, 26 сен – Sputnik. Тавре Аҳлиддин Юнусов, котиби Федератсияи футболи Суғд ба Sputnik Тоҷикистон иттилоъ дод, дар доираи даври чаҳоруми чемпионати футбол инчунин бозӣ миёни дастаҳои “Хатлон” ва “Мактаби махсуси футбол, чавгон ва асп” ё “ММФЧВА” и Суғд доир шуда, бо ҳисоби 3: 2 бо ғалабаи мизбонон тамом шудааст.мяч

Бино ба иттилоъи манбаъ дар чемпионати Тоҷикистон оид ба футбол миёни бонувон шаш даста ба ҳисоби “Навбаҳор” у “Равшан” ва “ММФЧВА” у “Хатлон” барои ба даст овардани Ҷом рақобат мекунанд.

Қарор аст, дар доираи давраи панҷуми бозиҳо “Навбаҳор” дар сафар бо дастаи “Ҳосилот” и Фархор бозӣ анҷом диҳанд.

 “Ҳоло дастаи “Хатлон” дар ҷои аввал ва дастаи “ММФЧВА” дар ҷои дуюм қарор дорад”, - гуфт Юнусов.

Соли гузашта дастаи “ММФЧВА” чемпион шуда буд. Зимнан соли сеюм аст, ки чемпионати футбол миёни бонувон мунтазам доир мегардад.

 Баъзеҳо аз баргузории футболи занона интиқод мекунанд, аммо бисёриҳо бо муҳимияти тарғиби тарзи ҳаёти солим роҳандозии ин намуди варзиш миёни бонувонро тасмими саривақтӣ медонанд. Федератсияи футболи Тоҷикистон ҳам бо мақсади тарғиби тарзи ҳаёти солим роҳандозии чемпионати футбол миёни бонувонро роҳандозӣ намуда, аз сӯи ин ниҳод сафархарҷ, туб ва либоси варзишии дастаҳо таъмин карда мешавад.

42
Барчаспҳо:
Кӯлоб, пирӯзӣ, Мастчоҳ, Футбол, Суғд, Тоҷикистон
Работники морга погружают гроб с погибшим от коронавируса, архивное фото

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

141
(Таҷдидшуда 20:55 26.09.2020)
Шабонарӯзи гузашта аз маризии сироятии коронавирус дар Тоҷикистон боз як нафари дигар ҷон супорид. Вазорат низ хабари фавти маризи коронавирусро тасдиқ кард

ДУШАНБЕ, 25 сен - Sputnik. Вазорати тандурустӣ омори як рӯзи ахири гирифторшавӣ, фавт ва шифоёбӣ аз маризии коронавирусро нашр намуд.

Бино ба иттилои дафтари матбуотии вазорат, шабонарӯзи гузашта аз ин маризӣ боз як нафар ҷон бохта, ҳамзамон 43 мавриди нави гирифторшавӣ ба қайд гирифта шуд.

Манбаъ меафзояд, дар муддати аз 30 апрел то 26 сентябр шумораи гирифторони коронавируси нав ба 9 605 нафар расид.

Зимнан, аз ин беморӣ то кунун 8385  ё худ 87,3 дарсади гирифторон шифо ёфта, 75 нафар фавтиданд.

"Шабонарӯзи охир 97  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд", - таъкид мешавад дар хабари манбаъ.

Феълан Ҳукумати  Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

141
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон