Медицинские носилки, архивное фото

Фавти модару кӯдак ҳангоми таваллуд: падар аз беаҳамиятӣ мегӯяду табибон аз "илтиҳоби шуш"

2980
(Таҷдидшуда 13:55 06.06.2020)
Алишери Тошпӯлод, шавҳари Бахтинисо Ҳошимзода, бо як ҷаҳон орзӯ ҳамсарашро ба таваллудхонаи шаҳри Панҷакент бурд, аммо он ҷо бо фоҷиаи бузурге дучор шуш. Кӯдаки ҳанӯз ба дунё наомаадаш дар вақти ҷарроҳӣ фавтиду ҳамсари ҳаётиаш баъди таваллудкунӣ

ДУШАНБЕ, 6 май – Sputnik. Ин сокини шаҳри Панҷакент иддао дорад, ки ба маҳзи беаҳамиятии табибон тифл ва ҳамсари 21 - солаашро дар вақти таваллудкунӣ аз даст додааст. Аммо масъулини бемористони шаҳри Панҷакент мегӯяд, ҳама талошашон барои наҷоти тифлу модар аз коми марг бенатиҷа анҷомид.

Тошпӯлод, дар шумораи ҳафтаномаи "Фараж" бо нашри як матлаб мусибати дар рӯзгораш омадаро иброз намуда, чи гуна бо ҷисми беҷон ба дунё омадани тифл ва баъд аз як моҳи он ҳам аз даргузашти ҳамсараш дар бемористонро шарҳ додааст.

Ӯ барои қарор гирифтан дар рӯ ба рӯи ин мусибат аз баъзе кормандони таваллудхонаи шаҳри Панҷакент изҳори нигаронӣ кардааст.

Фоҷиае, ки вуқуъяшро на Тошпӯлод ва на табибон интизор доштанд

"Рӯзи 9-уми апрели соли равон бо ҳазор орзую умед ҳамсари 21-солаам Ҳошимзода Бахтиниссоро ба таваллудхонаи шаҳри Панҷакент бурдам. Бояд бигӯям, ки ҳамсарам то ба таваллудхона омадан давраи ҳомиладориро хеле хуб гузаронида буд. Тифл дар батни модар ягон мушкил надошт. Он рӯз ҳам ҳамаи ташхисҳои лозимаро анҷом доданд ва дар модару тифл ягон камбудӣ ошкор нашуд. Фишори хунашро санҷида, тахминан соати дуи шаб ҳамсарамро ба таваллудхона қабул карданд. Чун саҳари рӯзи дигар ба таваллудхона омадем, яке аз ҳамшираҳои шафқат ба наздамон омад ва гуфт, ки вазъи саломатии бемор камтар вазнин, ёрдамчӣ лозим аст, ки ӯро ба ҳуҷраи эҳёгарӣ гузаронем. Ин вақт ҳам мо аз табибон илтимос кардем, ки кӯдакро тариқи ҷарроҳӣ бигиранд ва тайёр будем, ки баёнот ҳам бидиҳем, аммо ба гапамон гӯш накарданд. Баъдан он чӣ ба сарамон омад, ки аз он метарсидем. Ҳангоми таваллуд, пас аз як қисми сари бача, ҳамсарам аз ҳуш меравад. Дарҳол ҷарроҳӣ карданд, аммо тифлро зинда гирифта натавонистанд ва бо ин амалашон ба бачадони бемор зарар расониданд. Ҷисми беҷони тифлро, ки бо умед таваллудашро интизор будем, бароварда ба мо доданд", -  гуфтааст Тошпӯлод.

Муаллифи матлаби ҳафтанома, иброз намудааст, ки дар вақти анҷом додани ҷарроҳӣ (бурриши қайсарӣ) дар бачадони ҳамсараш хунрезӣ ба вуҷуд омада ва боиси ваҳим шудани саломатии бемор гардидааст.

Дар пайи ин ҳолат табибони шаҳри Панҷакент мутахассисони соҳаро аз Хуҷанд даъват карда аз нав ҷарроҳӣ гузаронидаанд, вале барои аз панҷаи марг раҳо додани Бахтинисо комёб нашудаанд.

"Вақте ки ҳолати саломатии ҳамсарам ваҳимтар гардид, табибони шӯъбаи урологиро даъват карданд. Онҳо пас аз ташхиси рентгенӣ муайян карданд, ки найчаи пешобгузари бемор ҳангоми ҷарроҳӣ сӯрох карда шудааст ва ҳамин тавр, давоми зиёда аз 20 рӯз як қисми пешоб ба даруни бадани бемор ҷамъ шуда, ҳамаи узвҳои даруниро заҳролуд кардааст. Дар натиҷа, пас аз 3 рӯзи бистарӣ дар шуъбаи урологӣ, бо хунукназарӣ ва айби табибони беинсофи таваллудхонаи шаҳри Панҷакент ҳамсари ҷавонмаргам Ҳошимзода Бахтиниссо вафот кард", - нигоштааст сокини шаҳри Панҷакент.

"Илтиҳоби шуш"  - и сархӯр

Аммо Раъно Абдуллоева, муовини сартабиби Бемористони марказии шаҳри Панҷакент дар суҳбат ба Sputnik Тоҷикистон иллати ҷон бохтани ҳамсари Тошпӯлодро аз хуруҷи бемории "илтиҳоби шуш" шарҳ дод.

Чӣ қадар занони тоҷик таваллуд дар хона бар таваллудхонаро авлотар медонанд?

Ӯ гуфт, дар рӯзҳое, ки Бахтиниссо дар бемористон амалиёти ҷарроҳиро паси сар мекард, "илтиҳоби шуш" ба ӯ сироят карда, боиси ваҳим шудани вазъи саломатиаш гардидааст.

"Барои барқарор кардани роҳи шошадон мо ӯро ба шӯъбаи урология интиқол додем. Дар вақти амалиёт найчаи пешоброн, ки қаблан сурох шуда буд, аз нав барқарор карда шуд ва аз ин ҷиҳат бемор худро хуб ҳис мекард. Аммо бо гузашти ду се рӯз, ҳолати бемор якбора вазнин шуд. Ташхиси рейтгенӣ муайян намуд, ки бемор ба "илтиҳоби дутарафаи шуш" гирифтор шудааст. Имунитеташ паст шуда буд, ба ин беморӣ то охир мубориза бурда натавонист ва мутаасифона рӯзи 9 - уми Бахтиниссо аз дунё даргузашт", - иброз намуд Абдуллоева.

Муовини сартабиби шаҳри Панҷакент дар бораи роҳандозӣ кардани бурриши қайсарӣ дар вақти таваллуди занҳоро шарҳ дод. Ӯ гуфт, ин усули кор шартҳои худро дорад ва бидуни ҳеҷ асос ҷорӣ кардани он ғайримкон нест, зеро дар акси ҳол ин шеваи кор ба саломатии аксар модарон таъсири манфӣ мегузорад.

"Таваллудкунӣ кори осон нест. Бисёриҳо хоҳиш мекунанд, ки дар вақти таваллудкунии пайвандонашон амалиёти бурриши қайсарӣ гузаронида шавад, аммо фикр намекунанд, ки он паёмадҳои манфӣ дар пай дошта метавонад. Мо кӯшиш мекунем, ки занҳо худашон таваллуд кунанд ва саломатиашон то валодати баъдӣ ҳифз шавад. Агар таваллуд карда натавонанд баъд мо бурриши қайсарӣ мегузаронем. Барои Бахтиниссо ҳам мо ҷиҳатро дар назар доштем, ки бигзор худаш таваллуд кунад ва ба саломатиаш осеб нарасад. Кадом духтур шифоёбии беморашро намехоҳад? Аммо ғайриинтизориӣкор ба нокомӣ анҷомид", - гуфт табиб Абдуллоева.

Раёсати тандурустии вилояти Суғд ба дунболи афзоиши ҳолатҳои маргумири модару кӯдак, чанд сол муқаддам руйхати ягонаи электронии (реестр) занони ҳомила дар қаламрави ин вилоятро ташкил намуда буд.

Дар таваллудхонаи Понғоз аз беморон 50-сомонӣ ҷамъ мекунанд

Он замон гуфта мешуд, ки ин кор имкон хоҳад дод, то вазъи сиҳатии занони ҳомила таҳти муроқибати доимии духтурон қарор гирифта ва дар вақти лозим ҳар кадоме аз онҳо бо даво ва маводи тиббӣ таъмин карда гарданд.

Раёсати тандурустии Суғд ахиран дар як ҷаласа, аз сабти беш аз даҳ ҳолати маргумири модару кӯдакон дар таваллудхонаҳо дар зарфи шаш моҳи соли гузаштаро шарҳ дода, иттилоъ дода буд, ки бештар аз 60 фисади модарон аз иллати бемориҳои ғайригинеталӣ ба мисли бемориҳои сил, дилу гурда, саратон ва ҷоғар дар тавалудхонаҳо фатидаанд.

Аммо бо ин вуҷуд масъулони зоишгоҳҳо дар кишвар то ҳол аз норасоии таҷҳизотҳо аз қабили нафасрасонҳо (шуши сунъӣ) ба навзодон таъкид меварзанд.

Бар пояи омори расмӣ солона дар зоишгоҳҳои вилояти Суғд кам ё бештар аз 10 ҳазор таваллуди кӯдак ба қайд гирифта мешавад. Аз ин шумор то 250 навзод ба далели милоди бармаҳал мефавтанд. Коршиносони умури беҳдоштӣ риояи тарзи ҳаёти солимро як омили муҳим дар роҳи ҳифзи саломатии модарону кӯдакон арзёбӣ мекунанд.

2980
Барчаспҳо:
таваллуд, кӯдак, модар, фавт, Панҷакент
Мавзуҳо:
Пайомадҳои COVID-19 дар Тоҷикистон ва ҷаҳон (700)
Народный поэт Таджикистана Гулназар Келди

Гулназар Келдӣ зери дастгоҳи нафасдиҳии сунъӣ гузаронда шуд

39
(Таҷдидшуда 17:14 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон бадтар шудааст

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст кардаанд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Ахиран шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

39

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

13
Муҳоҷирони меҳнатӣ, ки дар сарҳади Русия ҷамъ омада буданд, берун карда шуданд, аммо мақомоти минтақа барои пешгирии такрори ин ҳолат чораҳо меандешанд

 

ДУШАНБЕ, 12 авг — Sputnik.  Дар маҷмӯъ, то 7 август беш аз ду ҳазор шаҳрванди Узбакистон ва инчунин тақрибан сад шаҳрванди Тоҷикистон аз марзи Русия ва аз вилояти Самара хориҷ карда шуданд.

Дар ин бора ба Sputnik Тоҷикистон хадамоти матбуоти Ваколатдор оид ба ҳуқуқи инсон дар вилояти Самара Олга Галтсова хабар дод.

Ба иттилои манбаъ, бурдани шаҳрвандони хориҷӣ бар асоси марҳилаҳо сурат гирифта, мувофиқи омадани онҳо ба сарҳади Русия амалӣ карда шуд.

Номбурда гуфт, барои онҳое, ки меомаданд, лагери хаймаҳо бо тамоми шароити зарурӣ ташкил карда шуда буд.

Ба гуфти ӯ, шаҳрвандони Тоҷикистонро бо ҳавопаймо рӯзи 28 июл аз Қазон интиқол доданд ва охирин гурӯҳи муҳоҷирони ӯзбекро 7 август ба кишварашон сафарбар кардаанд.

Аммо эҳтимолияти он, ки муҳоҷирон ба доми қаллобон афтода, дубора ба сарҳади Русия биёянд, боқӣ мемонад, афзудааст Олга Галтсова.

Қиссаи бедаракшавии муҳоҷири тоҷик: аз латукӯб то гум шудани хотира-видео

"Бо мақсади пешгирии ҷамъшавии минбаъдаи шаҳрвандони хориҷӣ дар қаламрави ноҳияи Болшечерниговски вилояти Самара ва инчунин ҷилавгирӣ аз кӯшиши воридшавии онҳо ба қаламрави вилояти Оренбург, постгоҳи назоратӣ таъсис дода шуд", гуфтааст манбаъ.

13
Барчаспҳо:
Ӯзбекистон, Тоҷикистон, Қазоқистон, муҳоҷирон, марз, Самара, Русия