Градусник

Боз як "кашфиёт": истифодаи доруи зидди сӯзиши меъда дар мубориза бо коронавирус

531
(Таҷдидшуда 21:05 07.06.2020)
Муҳаққиқони донишгоҳи Ҷон Ҳапкинзи Мэриленд дарёфтанд доруи Фамотидин (Famotidine) муҷиби беҳбуди нишонаҳои бемории КОВИД-19 дар гурӯҳе муташаккил аз 10 бемор шуд

ДУШАНБЕ, 7 июн – Sputnik. Тавре "Парс тудэй" менависад, ба гуфтаи муҳаққиқон, нишонаҳои беморӣ тибқи гузориши худашон, дар  муддати як ё ду рӯз аз масрафи доруи Фамотидин беҳтар шуда буд.

Муҳаққиқон дар ҳоли ҳозир барои пайи бурдан ба таъсири доруи Фамотидин дар муқобила бо бемории КОВИД-19, бар зарурати анҷоми озмоиши болинӣ таъкид доранд.

Доктор  Омиш Адалҷа, сарпарасти тими таҳқиқ,  дар ин бора мегӯяд: Ин мутолиа моҳиятан хеле кӯчак аст аз инрӯ натиҷагирии қатъӣ дар ин маврид сахт аст.  Афрод  бояд  аз масрафи ин дору бидуни машварат  бо пизишк  худдорӣ намоянд.

Доруи Фамотидин як навъ масдудкунандаи H2 аст; навъе доруи зидди сӯзиши меъда, ки бо коҳиши мизони тавлиди асидҳои меъда, амал мекунад.

Ба гуфтаи муҳаққиқон, дар авоили шуйюи коронавирус ҳам пизишкон дар мавриди бисёре аз  афроди солхӯрда дар Ухани Чин дарёфтанд, афроде, ки аз бемории КОВИД-19 ҷони солим ба дар бурда буданд доруҳои зидди сӯзиши меъда  масраф мекарданд.

Дархости роҳбари СҶБ: аз доруҳои таъйидношуда барои табобати коронавирус истифода накунед

Муҳаққиқон мушоҳида карданд мизони марги беморони мубтало ба КОВИД-19, ки доруи зидди сӯзиши меъда масраф  карда буданд  дар муқоиса  бо афроде, ки ин доруро масраф накарда  буданд  14 дарсад дар  муқобили 27 дарсад  буд.

 

531
Раъно Насриддинова, духтараки панҷакентие, ки Президентро бо шеърхонияш дар ҳайрат гузошт

Духтараки панҷакентие, ки Раҳмонро бо шеърхонияш дар ҳайрат гузошт, Шоҳҷоиза гирифт

70
(Таҷдидшуда 17:06 26.09.2020)
Раъно Насриддинова, хонандаи синфи 11 и мактаби № 28 и шаҳри Панҷакент дар озмуни вилоятии “Фурӯғи субҳи доноӣ китоб аст” ғолиби мутлақ гардида, 28 ҳазор сомонӣ ба даст овард. Насриддинова ба даври ҷумҳуриявии ин озмун роҳ ёфт

ДУШАНБЕ, 26 сен – Sputnik. Фирдавс Ашӯрматов, котиби кумитаи тадорукоти даври вилоятии озмуни ҷумҳуриявии “Фурӯғи субҳи доноӣ китоб” дар суҳбат ба Sputnik Тоҷикистон гуфт, озмун дирӯз аз рӯи 5 бахш ё номинатсия дар Мактаби президентӣ воқеъ дар шаҳри Бӯстон ҷамбаст шуд.

“Раъно Насриддинова нахуст дар номинатсияи аз ёд кардану хондани осори адабиёти ҷаҳон иштирок карда ғолиби ҷои аввал дониста шуда, бо гирифтани 8 ҳазор сомонӣ мушарраф шуд. Баъдан бо ҷамъи ғолибони ҷои якуми бахшҳои дигар барои шоҳҷоизаи озмун сабқат намуда пирӯз гардида 20 ҳазор сомонии шоҳҷоизаро низ ба даст овард. Воқеан дониши фаррох дорад ва аз ҷамъи иштирокчиён ин бартариаш барало эҳсос мешуд”, - таъкид намуд Ашӯрматов.

Раъно Насриддинова, хонандаи синфи 11 и мактаби № 28 и шаҳри Панҷакент аст, ки зимни сафари ахири Президент ба шаҳри Панҷакент баромад кард. Раисиҷумҳур Эмомалӣ Раҳмон аз маҳорати баланди шеъру суханварии ин духтараки панҷакентӣ ситоиш карда, ӯро тимсоли “Фарзонаи 2” номид.

Президент Таджикистана Эмомали Рахмон на красной дорожке
© Официальная страница пресс-службы президента РТ в Facebook.

 Шоҳҷоизаро ба Насриддинова, Фарзона, шоири халқии Тоҷикистон тақдим намудааст. Бино ба иттилоъи котиби кумитаи тадорукот дар панҷ номинатсияи озмун: аз ёд кардану хондани осори адибони классикии тоҷик, аз ёд кардану хондани осори адибони муосири тоҷик, аз ёд кардану хондани ашъори бачагона ва афсонаву ривоятҳои халқи тоҷик ва номинатсияи аз ёд кардану хондани осори адабиёти ҷаҳон ва номинатсияи довталабони шоирӣ, теъдоди зиёди хонандагони макотиби Суғд ва намояндагони касбу кори гуногун иштирок варзида ғолибон бо нишон додани маҳорати худ соҳиби диплом ва аз 3 то 8 ҳазор сомонӣ шудаанд.

Аз ҷамъи иштирокдорон 82 нафар барои ба даври чаҳорум ва ё ниҳоии озмун, ки дар шаҳри Душанбе баргузор мегардад роҳ ёфтаанд.

Қарори озмуни ҷумҳуриявии “Фурӯғи субҳи доноӣ китоб аст” моҳи феврали соли 2019 ба истиқболи Ҷашни 30 солагии Истиқлолияти давлатии Ҷумҳурии Тоҷикистон таҳти сарпарастии раисиҷумҳур Эмомалӣ Раҳмон қабул шуда буд.

Ин озмун дар саросари Тоҷикистон дар чаҳор давр ё марҳила, ибтидо дар маркази шаҳрак деҳот, даври дуюм дар маркази шаҳр, ё ноҳия, марҳилаи сеюм дар маркази вилоятҳо ва даври чорум ё ниҳоии он дар шаҳри Душанбе баргузор мешавад.

Ба ғолибони ҷойҳои ифтихории даври ниҳоии озмун аз 15 то 30 ҳазор сомонӣ ва барандаи шоҳҷоиза бо 50 ҳазор сомонӣ қадрдонӣ мешавад.

70
Барчаспҳо:
хонанда, сомонӣ, ғолиб, озмун, Панҷакент, Тоҷикистон
Предприятие Вахдат по производству носков в Таджикистане

Дар Суғд ду корхонаи аз фаъолият бозмонда дубора ба кори худ оғоз каданд

24
(Таҷдидшуда 15:39 26.09.2020)
Дар вилояти Суғд ду корхонаи аз фаъолият бозмонда ба кори худ дубора оғоз намуданд. Мақомот мегуяд зиёда аз 24 корхона ду сол инҷониб фаъолият надоранд

ДУШАНБЕ, 26 сен – Sputnik.  Ду корхонаи аз фаъолият бозмонда дар шаҳри Хуҷанд - “Суғдтекстайлз” дар заминаи корхонаи ресандагии “Тоҷик – Кообл -текстайлз” ва “Суғдиён - С” дар заминаи корхонаи дӯзандагии “Сано” дубора ба кори худ оғоз карданд.

Ба нақл аз рӯзномаи “Ҷумҳурият” ба Иқдоми  ҶСП “Сомонсуғд”, дар оғози тобистон аз тарафи  “Сомонсуғд” аввал корхонаи дӯзандагии “Суғдиён – С” фаъол шуда, ба истеҳсоли  маҳсулоти пахтагии ҷавобгӯй ба меъёрҳои ҷаҳонӣ оғоз кард.

Гуфта шудааст, ки аз моҳи августи соли равон, корхонаи “Суғдтекстайлз” дар заминаи корхонаи як вақтҳо машҳури “Тоҷик – Кообл - текстайлз” дар марҳилаи аввал бо ҷалби қариб 100 коргар ба фаъолият шурӯъ намуд.

Тавре Илҳомҷон Орифов, директори ҶДММ “Суғдтекстайлз” таъкид доштааст, мутаассифона, буҳрони шадиди иқтисодии солҳои 2008 - 2009 ба фаъолияти корхона таъсири манфӣ расонду онро муфлис кард.

Гуфта мешавад, ки ҳоло корхона эҳё ва акнун таҳти номи “Суғдтекстайлз” ба фаъолият оғоз бахшиду  коркарди 300 тонна нахи пахтаро дар як моҳ анҷом медиҳад.

Корхона аллакай барои ҳамкорӣ бо ширкати азими давлатии Чин шартномаи додугирифт ба имзо расондааст.

Ин дар ҳолест, ки тибқи иттилои мақомоти вилояти Суғд то  1 июли соли равон дар вилояти Суғд 24 корхона зиёда аз ду сол инҷониб фаъолият надоранд.

 

24
Барчаспҳо:
фаъолият, аз фаъолият бозмондани нашриёт, корхона, Суғд, Тоҷикистон
Посольство Таджикистана в Москве, архивное фото

Дағалӣ накард: сафорати Тоҷикистон қазияи лат шудани намояндаашро шарҳ дод

0
(Таҷдидшуда 17:49 26.09.2020)
Рӯзи 24 - уми сентябр шаҳрванди 38 - солаи тоҷикистон дар назди бинои сафорати ин кишвар дар Русия ду нафарро мавриди латукӯб қарор дод

ДУШАНБЕ, 26 сен - Sputnik. Зимнан аксар расонаҳои дохиливу хориҷӣ хабар доданд, ки сокини 38 - солаи ВМКБ барои дағалгуфтории намояндаи сафорат, ӯро латукӯб карда, дасту бинияшро шикаст.

Дар ҳамин ҳол, Сафорати Тоҷикистон дар Русия рӯзи 26 - уми сентябр дар сафҳаи торномаи сафорат қазияи лат шудани мутахассиси пешбарашонро шарҳ доданд.

Ҷанҷол дар сафорат: муҳоҷири бекормонда бинию ангушти дипломати тоҷикро шикаст

Бар хабари котиботи сафорати мазкур, нофаҳмӣ сари ба рӯйихат даровардани шаҳрвандони хоҳишманди сафар ба Тоҷикистон, бархост.

"Аз ҷониби намояндаи сафорат ягон дағалгуфторӣ сурат нагирифт", - таъкид мешавад дар хабар.

Намояндагони сафорати Тоҷикистон аз пахши хабарҳои носаҳеҳи расонаҳои дохиливу хориҷӣ изҳори нигаронӣ намуда, дархост карданд, ки минбаъд дар нашри хабарҳои вобаста ба масоили баргаштани шаҳрвандони Тоҷикистон ба ватан, эҳтиёткор бошанд ва танҳо маълумотҳои саҳеҳро пахш намоянд.

Ёдовар мешавем, рӯзи 24 сентябр ба идораи милисаи Пресненский хабар дода шуд, ки шаҳрванди Тоҷикистон дар бинои сафорати ин кишвар дар тангкӯчаи Гранатнийи шаҳри Маскав ду нафарро латукӯб кард.

Нисбати нафари муттаҳам дар ҳамла ба кормандони сафорат, барои нақзи қоидаҳои вуруд ба қаламрави Русия санади маъмурӣ тартиб дода шудааст. Манбаъ афзуд, ки аз рӯи ин ҳодиса тафтишот идома дошта, ба ҷабрдида кумаки тиббӣ расонда мешавад.

Ин дар ҳолест, ки вақтҳои охир ба далели адами парвозҳои мунтазам миёни Тоҷикистону Русия талабот ба чиптаҳо барои парвозҳои чартерӣ зиёд шудааст. Корбарони шабакаҳои иҷтимоӣ аз нархҳои гарони  ин чиптаҳо ва ҷой доштани ҳолатҳои қаллобӣ зимни фурӯши онҳо шикоят карда буданд.

0
Барчаспҳо:
шарҳ, қазия, Русия, Тоҷикистон, сафорат