Музаффар Аҳмадзода, муовини якуми Директори Агентии назорати давлатии молиявӣ ва мубориза бо коррупсияи Тоҷикистон

Аҳмадзода ва Саидшозода, ки ба ҷои ҳамдигар таъйин шуданд, кистанд-акс

9048
(Таҷдидшуда 14:54 08.06.2020)
Ожонси зидди фасоди Тоҷикистон ҳолномаи Музаффар Аҳмадзода ва Ҷамшед Саидшозодаро, ки бо фармони раисиҷумҳур ҳамдигарро дар мақомҳои муовин ва муовини аввали сардори Ожонси зидди фасод иваз карданд, нашр намуд

ДУШАНБЕ, 8 июн — Sputnik. Полковник Аҳмадзода Музаффар Раҷаб, ки муовини аввали сардори Ожонси назорати давлатии молиявӣ ва мубориза бо фасоди Тоҷикистон таъйин шуд, ду донишгоҳу ду академияро хатм кардааст.

Раиси шаҳри Истаравшан Баҳром Иноятзода
Дафтари матбуотии ҳукумати Истаравшан

Тибқи иттилои Ожонси зидди фасод, Аҳмадзода 54 сол дошта, соли 1988 Институти хоҷагии қишлоқи Тоҷикистон, соли 2001 Донишгоҳи давлатии тиҷорат,  соли 2008 Академияи ВКД ва соли 2018 Академияи хоҷагии халқ ва хизмати давлатии назди Президенти Русияро хатм кардааст.

Солҳои 1989 - 1996 - аспиранту корманди илмӣ, солҳои 1996 – 2006 дар вазифаҳои гуногуни Саридораи полиси андози Тоҷикистон кор кардааст.

Сипас дар мақомҳои гуногуни Ожонси зидди фасод, аз ҷумла  солҳои 2011 – 2014 сардори Раёсати Агентии назорати давлатии молиявӣ ва мубориза бо фасод дар шаҳри Душанбе, солҳои 2014 – 2016  сардори Раёсати Агентии зидди коррупсия дар вилояти Суғд, солҳои 2016 – 2019 сардори Сарраёсати пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон кор кардааст.

Солҳои 2019 - 2020  муовини Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон фаъолият кардаст. Аз 15 майи соли 2020  муовини якуми Директори Агентӣ мебошад.

Даргузашти Ҳоҷӣ Зариф, соҳибкоре, ки худро дар Кӯлоб оташ зад

Ҷамшед Саидшозода, ки то ҳол ноиби аввали сардори Ожонси зидди фасод буду бо фармони раисиҷумҳур ба мақоми муовини сардори Ожонс таъйин шуд, 28 феврали соли 1974 дар шаҳри Кӯлоб, таваллуд шудааст.

Ҷамшед Саидшозода, муовини Директори Агентии назорати давлатии молиявӣ ва мубориза бо коррупсияи Тоҷикистон
сомонаи Агентии зидди коррупсияи Тоҷикистон
Ҷамшед Саидшозода, муовини Директори Агентии назорати давлатии молиявӣ ва мубориза бо коррупсияи Тоҷикистон

Тибқи иттилои Ожонси зидди фасод, Саидшозода соли 1996 факултети муносибатҳои иқтисодии байналмилалии Донишкадаи соҳибкорӣ ва хизмат, соли 2015 факултети ҳуқуқшиносии Донигоҳи славянии Русия ва  Тоҷикистонро хатм намудааст.

Ӯ корашро дар Таҷпромбонк оғоз карда, сипас дар мақомҳои гуногун дар Амонатбонк ва Ожонси зидди фасод фаъолият доштааст.

Тибқи ҳолнома, Саидшозода солҳои 2016-2019 сардори Раёсати назорати буҷетҳои маҳаллии Агентии назорати давлатии молиявӣ ва мубориза бо коррупсия, солҳои 2019 – 2020, муовини якуми директори Агентӣ ва аз моҳи майи соли 2020  муовини Директори Агентии назорати давлатии молиявӣ ва мубориза бо коррупсияи Тоҷикистон мебошад.

9048
Барчаспҳо:
Агентии зидди фасоди Тоҷикистон, фармон, тағйироти кадрӣ, Тоҷикистон
Глава МИД РТ провел встречу зам главой МИД РФ Андрейем Руденко

Мулоқоти Русия ва Тоҷикистон дар Душанбе: тарафҳо чӣ масоилро баррасӣ карданд

49
(Таҷдидшуда 01:40 15.08.2020)
Вазири умури хориҷаи Тоҷикистон бо муовини вазири умури хориҷаи Русия дар шаҳри Душанбе дидор ва гуфтугӯ кард

ДУШАНБЕ, 15 авг — Sputnik. Сироҷиддин Муҳриддин, вазири умури хориҷаи Тоҷикистон бо Андрей Руденко муовини вазири умури хориҷаи Русия мулоқот анҷом дод, иттилоъ додааст дафтари матбуоти вазорати умури хориҷаи Тоҷикистон.

Бино бар иттилои манбаъ, дар ин дидор, масоили муҳими ҳамкории Тоҷикистон ва Русия баррасӣ шуд. 

Гуфта шудааст, дар ин вохӯрӣ масъалаҳои мубрами муносибатҳои шарокати Тоҷикистону Русия мавриди баррасӣ қарор гирифтанд. Дар ин замина рушди пойдори ҳамкории ду кишвар дар заминаҳои сиёсӣ, тиҷоративу иқтисодӣ, гуманитарӣ, ҳарбӣ, ҳарбӣ-техникӣ ва ғайра таъкид гардид.

Мусоҳибон инчунин роҷеъ ба пешбурди муколамаи вазоратҳои корҳои хориҷии Тоҷикистону Русия, ба хусус дар заминаи татбиқи муқаррароти Барномаи ҳамкорӣ байни вазоратҳои корҳои хориҷии ду кишвар барои соли 2020 изҳори назар намуданд.

Ду тараф перомуни ҳамкории Душанбе ва Маскав дар чорчӯби қавонини Созмонҳои байналамилалӣ, аз ҷумла Созмони Милали Муттаҳид, ҷомеаи ҳамсуд, Созмон Ҳамкории Шанхай, Созмон паймони амнияти ҷамъӣ ва созмони амният ва ҳамкории Аврупо баҳс ва табодули назар карданд.

49
Барчаспҳо:
вазири умури хориҷаи Тоҷикистон, гуфтугӯ, мулоқот, Душанбе, Русия, Тоҷикистон
Здание парламента Республики Таджикистан

Баррасии ҳамкориҳои парлумонӣ: мулоқоти раиси Маҷлиси намояндагон бо сафири Ҳинд

26
(Таҷдидшуда 01:31 15.08.2020)
Раиси Маҷлиси намояндагони Тоҷикистон бо сафири Ҳинд дар Душанбе дидору мулоқот кард

ДУШАНБЕ, 15 авг — Sputnik.  Ба нақл дафтари матбуоти парлумони Тоҷикистон, Муҳаммадтоҳир Зокирзода, бо Вироҷ Синг сафири Ҳиндустон дар Душнбе дидор ва гуфтугӯ кард.

Муҳаммадато Султонов сухангӯи Маҷлиси намояндагони Тоҷикистон гуфт, дар мулоқот ду тараф дурнмои ҳамкориҳои байни парлумонии Тоҷикистон ва Ҳиндустон баҳс ва баррасӣ шуд. 

Вай афзуд, дар ин мулоқот таъкид шуд, ки Маҷлиси  намояндагони Маҷлиси Олии Тоҷикистон ба тавсеа ва густариши муносибот бо Ҳинд таваҷҷӯҳи  вижа кунад. 

Бояд қайд кард, ки мақомоти Тоҷикистон ва Ҳиндустон аз соли 1991 то кунун 70 тавофуқнома барои ҳамкорӣ дар бахшҳои мухталиф бо якдигар имзо карданд.

Ҳудуди 80 ширкати ҳиндӣ дар Тоҷикстон фаъолият мекунанд.

26
Барчаспҳо:
Душанбе, маҷлис, парлумон, ҳамкорӣ, Ҳинд, Тоҷикистон