Коргарони ширкати муштараки Тоҷикистону Чин гирифтори вируси корона шуданд

421
(Таҷдидшуда 01:58 09.06.2020)
Расонаҳои хабарии Чин аз мубтало шудани 23 коргари як ширкати муштараки Тоҷикистону Чин дар вилояти Суғд ба вируси корона хабар доданд

ДУШАНБЕ, 9 июн — Sputnik. Нашрияи "Фазои Шарқ"-и Чин эълом кардааст, ки 17 нафар аз мубталоён ба вируси корона дар "Ширкати саноати кӯҳии Тоҷикистону Чин" шаҳрвандони чинӣ ва шаш тани дигар тоҷик мебошанд, иттилоъ додааст Садои Хуросон дар истинод ба сомонаи ТопТҶ.

Омори коронавирус дар Тоҷикистон барои як рӯз: 60 дарсади маризон шифо ёфтанд

Бино бар иттилои манбаъ, дар ин корхона сеҳазор нафар фаолият мекунанд, ки як ҳазору 100 тан шаҳрвандони чинӣ ва бақия тоҷик ҳастанд.

Коргарони чинӣ ба далели густариши вируси корона хостори бозгашт ба кишвари хеш шудаанд, аммо ба иллати баста будани марзҳо  дар  ҳоли ҳозир ин амр имконпазир нест.

Хушхабари сартабиби тоҷик аз коҳиши тасфу илтиҳоб дар гармӣ ва ҳушдораш аз бемориҳои дигар

Ширкати ёдшуда дар соли 2007 дар шаҳраки Зарнисор ифтитоҳ шуда аз зарфияти коркарди солона як миллион тонна сурбу рӯҳ бархурдор аст.

421
Барчаспҳо:
вирус, Суғд, муштарак, ширкат, коргарон, Чин, Тоҷикистон
Преступник за решеткой

"Хушхабар"-и Раҳмон: ҷиноятҳои махсус вазнин дар Тоҷикистон кам шудаанд

18
Дар умум нисбат ба нимсолаи соли 2019 дар Тоҷикистон ҷиноят 2 дар сад камтар содир шуда, ҷиноятҳои вазнин ва махсусан вазнин ба маротиб камтар шудаанд

ДУШАНБЕ, 14 июл — Sputnik. Юсуф Раҳмон, додситони кулли Тоҷикистон дар рафти нишасти матбуотӣ дар Душанбе хабар дод, ки хушбахтона нимсолаи аввали соли 2020 нисбат ба ҳамин давраи соли гузашта дар Тоҷикистон содиршавии ҷиноят, аз ҷумла ҷинояти вазнин коҳиш ёфтааст.

"Дар нимаи аввали соли 2020 дар Тоҷикистон 12 293 ҷиноят содир гардид, ки нисбат ба ҳамин давраи соли гузшта 256 ё 2 дар сад кам мебошад", - гуфт вай дар посух ба суоли хабарнигорон.

“Пневмония шуда будам”: Юсуф Раҳмон дар бораи ҷиноятҳои давраи “вируси корона”

Тавре ҷаноби Раҳмон тавзеҳ дод, дар ҳамин ҳол бархе намудҳои ҷиноятҳо афзоиш ёфтаанд, аммо шарҳ надод, ки кадом.

Додситони кулли Тоҷикистон таъкид кард, ки ҷиноятҳои вазнин ва махсусан вазнин дар кишвар ба маротиб камтар шудаанд. Масъалан, ҷинояти "бандитизм", ки соли гузашта 5 ҳолати он ба қайд гирифта шуда буд, имсол ба "сифр" баробар аст.

"Одамкушӣ ва сӯиқасд ба омдамкушӣ, соли гузашта 48 ҳолат буд, имсол 35 ҳолат - 27 фоиз камтар шудааст, ҷинояти қасдан расонидани зарари вазнин 56 адад содир шудааст, соли гузашта 62 адад буд - 9,6 фоиз кам шудааст, хариду фурӯши одамон 10 ҳолат буд ва имсол низ 10 ҳолат, ғоратгарӣ 8, 1 дарсад кам шудаст, қаллобӣ 23,1 фоиз кам шудааст, бандитизм ягон ҳолат содир нашудааст", - афзуд Юсуф Раҳмон.

18
Генпрокурор Таджикистана Юсуф Рахмон

“Пневмония шуда будам”: Юсуф Раҳмон дар бораи ҷиноятҳои давраи “вируси корона”

90
Прокурори генералӣ дар бораи маризии худ дар замони “вируси корона” ва ҷиноятҳое, ки дар ин давра содир шудаанд, иттилоъ дод

ДУШАНБЕ, 14 июл — Sputnik. Юсуф Раҳмон, ки имрӯз, 14 июл, дар нишасти матбуотии Прокуратураи генералӣ суҳбат мекард, гуфт, шахсан бо ташхиси пневмония ба бемористон афтода, як муддат табобат гирифтааст.

“Табобат аз ҷониби пизишкон дар сатҳи зарурӣ ба роҳ монда шуда буд. Шахсан ман қисман доруҳоро худам дастрас кардам ва як қисми дигарашро беморхона ройгон дод. Аксари доруҳое, ки дар беморхонаҳо ройгон дода мешуд, аз сӯи ҳукумат дар ихтиёри беморхонаҳо гузошта шуда буд”, таъкид дошт Юсуф Раҳмон, Прокурори генерали Тоҷикистон.

Прокурори генералии Тоҷикистон дар зимн ба шарҳи гуфтугузорҳо дар бораи сирқат ва фурӯши кӯмакҳои башардӯстона дар замони паҳншавии “вируси корона” пардохта, гуфт, фурӯши доруҳое, ки ройгон ҳамчун кумаки башардӯстона ба кишвар ворид шудаанд, ба қайд гирифта нашудааст ва доруҳо ба беморон ройгон тақсим мешаванд.

Ҳамзамон Юсуф Раҳмон таъкид дошт, ки агарчи мавориди фурӯши доруҳои аз ҳисоби кумаки башардӯстона воридшуда сабт нашудааст, аммо ҳолатҳои бо нархҳои баланд фурӯхтани дору дар дорухонаҳои кишвар ҷой доштанд.

“Масалан нархи доруе, ки 70 сомонӣ буд то 600 сомонӣ фурӯхта шуд. Инхел ҳолатҳо аз ҷониби кормандони прокуратура ошкор шуда буд. Вобаста ба ин беморӣ ба Прокуратураи генералии Тоҷикистон 270 пешниҳод оварда шуда, 231 амр ирсол гардидааст. Ҳамчунин аз ҷониби кормандони прокуратура 478 истеҳсолоти интизомӣ 2190 парвандаҳои ҳуқуқвайронкунии маъмурӣ ва 130 парвандаи ҷиноятӣ боз карда шудааст”, - гуфт Прокурори генералии Тоҷикистон.

Прокурори генерали Тоҷикистон ба сарусадоҳо дар бораи табобати пулакии “вируси корона” дар беморхонаҳои ҷумҳурӣ низ пардохта, гуфт, то имрӯз ягон шикояте аз маризон дар бораи пул гирифтани пизишкон барои табобат нарасидааст.

“Табобати Ковид-19 дар беморхонаҳо ба таври ройгон роҳандозӣ шудааст. Ҳадди ақал дар дасти ман маълумоте нест, ки пизишки ин ё он бемористон пулакӣ хизмат расонда бошад. То имрӯз на ба Прокуратураи генералӣ ва на ба прокуратураҳои минтақавӣ дар бораи фурӯхтани катҳои хоб низ ягон шикоят ворид нашудааст”, - гуфт Прокурори генералии Тоҷикистон.

Қаблан дар шабакаҳои иҷтимоӣ чандин нафар аз хизматрасонии пулакӣ ва фурӯши катҳои хоб дар бемористонҳои Тоҷикистон шикоят карда буданд. Аз ҷумла корбарони интернет шикоят доштанд, ки дар рӯзҳои сангини густариши “вируси корона” пизишкон аз фурсат истифода бурда, пулакӣ ба мардум хиззмат мерасонанд.

Юсуф Раҳмон таъкид дошт, ки аз рӯзҳои аввали пайдоиши «вируси корона» дар Тоҷикистон бо супориши роҳбарияти давлат дар Прокуратураи генералӣ ситоди пешгирии паҳншавии Ковид-19 ташкил ва санҷиши вазорати тандурустӣ ба роҳ монда шуд.

“Дар натиҷаи санҷиш прокуратура чӣ камбудиҳое, ки ошкор намуд, ба вазири тандурустӣ пешниҳод кард ва камбудиҳои ошкоршуда аз ҷониби вазорат бартараф шуданд”, - гуфт Прокурори генералӣ.

 Вай аз дастгирии бевоситаи ҳукумати кишвар ва Президент ёдовар шуда, гуфт, дар беморхонаҳои Тоҷикистон беморон озод ва ройгон қабул ва дар сатҳи зарурӣ ба онҳо ёрии аввалияи тиббӣ расонида мешавад.

“Ҳамин тавр, сатҳи паҳншавии “вируси корона” дар ҷумҳурӣ пешгирӣ карда шуд. Дар Тоҷикистон нисбат ба дигар кишварҳо ҷаҳон марги ношӣ аз «вируси корона» аз ҳама камтарин аст. То имрӯз дар Тоҷикистон омори хеле кам – марги ҳамагӣ 53 нафар аз «вируси корона» ба қайд гирифта шудааст”, -  гуфт Юсуф Раҳмон.

90
Барчаспҳо:
ҷиноят, Прокурори генералӣ, маризии қалб, вирус, Юсуф Раҳмон, Додситони кулл, додситон
Мужчина тянет за волосы женщину, архивное фото

Аввал занашро корд зад, сипас худашро: шарҳи ВУД бистарӣ шудани ду ҷавон дар беморхона

0
(Таҷдидшуда 13:52 14.07.2020)
Ҷавони муттаҳам ба расонидани зарари вазнини ҷисмонӣ соати 1-и шаб, ба манзили падарарӯсаш ба назди ҳамсараш рафта, ҷанҷол намуда, сипас кордкашӣ кардааст

ДУШАНБЕ, 14 июл — Sputnik. Вазорати умури дохилаи Тоҷикистон ҳодисаи кордкашӣ дар ноҳияи Кушониёнро, ки дар пайи онр ду ҷавон - зану шавҳар дар беморхона бистарӣ шудаанд, тавзеҳ додаст.

Бино бар иттилои манбаъ, ҳодиса шаби 13 июл рух додааст.

ВУД менависад, "дар натиҷаи гузаронидани чорабиниҳои оперативӣ-ҷустуҷуӣ аз ҷониби кормандони милитсия муайян карда шуд, ки марди 30-солаи сокини ҷамоати деҳоти Навбаҳори ноҳияи Кушониён шаби 13-уми июли соли 2020, тахминан соати 01:00 ба хонаи падарарусаш рафтааст".

Гуфта мешавад, ӯ бо ҳамсараш, зани 25-солаи сокини ҷамоати шаҳраки Бохтариёни ҳамин ноҳия ҷангу ҷанҷол намуда, бо корди дар дасташ буда, 2-маротиба ба узвҳои муҳими бадани охирон зада, сипас бо корди дар дасташ буда, 2-маротиба ба узвҳои бадани худаш зада ҷароҳати вазнини ҷисмонӣ бардошта, дар беморхонаи ноҳия бистарӣ гардидаанд.

Боздошти сокини ноҳияи Кушониён, ки дар ҳолати мастӣ ҳамсарашро шаш корд зад

Сабаби ин амали ҷвон маълум нест.

Аз руи ин ҳодиса тафтишот идома дорад.

 

0