Сотрудница аптеки разбирает лекарства, архивное фото

Болову поинравии нархи “Арбидол”: суду зиёни харидорону фурӯшандаҳо дар даври коронавирус

739
(Таҷдидшуда 15:40 09.06.2020)
“Арбидол” доруест, ки то як моҳи пеш бо қиммати бетағйир дар бархе аз дорухонаҳо фурӯхта мешуд. Аммо давоми чанд моҳи аҳди “вируси корона” арзиши ин доруи зиддивирусӣ қариб ҳар рӯз дар Тоҷикистон болову поён шуда ба суду зиёни хариддорону фурӯшандаҳо анҷом меёбад

ДУШАНБЕ, 9 июн – Sputnik. Ҳамсуҳбатони мо, масъулини ширкатҳои доруфурӯшӣ дар бораи таъсири тағйирёбии қимати “Арбидол” ба фаъолияти худ таъкид карданд.

Фирдавс як масъули дорухона ё аптека дар ноҳияи Бобоҷон Ғафуров дар суҳбат ба Sputnik Тоҷикистон гуфт, “вируси корона” дар як моҳи охир сабаби то панҷ маротиба қиммат шудани ин дору боис гардида ба ин ҳол таъсири худро ба ҷайби хариддорону доруфӯшон расонид.

“ Доруи “Арбидол“ ибтидо 50 сомонӣ арзиш дошт. Дар нимаҳои аввали моҳи май то ба 250 сомонӣ дакка зад ва хеле камчин шуд. Ҳоло нархи ин дору ба 100 сомонӣ поён шудааст”, - таъкид кард Фирдавс.

Ин ҳамсуҳбати мо иброз намуд, ки дар айни камбудӣ, ин навъ доруро бо нархи 115 сомонӣ ворид кардаанд, то мушкили сершумори мизоҷон рафъ гардад, вале ҳоло бо нархи хариддоришуда ба фурӯш гузоштани он, ночор мондаанд.

“Мо ба маблағи беш аз даҳ ҳазор сомонӣ ин доруро хариддорӣ кардем, онҳое, ки аз гушаву канори ноҳия омада онро мепурсанд дастрас намоем, аммо нарх якбора арзон шуд ва ҳоло қариб ки ҳеҷ кас аз 100 сомонӣ зиёд онро намехрад”, - гуфт ӯ.

Ба ҷузъ “Арбидол”, “Анаферон” ҳам яке аз дорӯҳое буда, ки аз тағйирёбии нархи он бисёриҳо зарари иқтисодӣ дидаанд. Як масъули ширкати Имити Интернешнл дар шаҳри Хуҷанд гуфт, ки арзиши даҳ дона қурс ё таблеткаи “Анаферон” давоми моҳи май аз 35 сомонӣ ба 80 сомонӣ бало рафт ва дар рӯзҳои аввали моҳи июн ба 40 сомонӣ дубора поён шудааст.

“Баъзеҳо фикр мекунанд, ки мо доруфурӯшон аз ин ҳисоб фоида ба даст меорем, ҳол он, ки мо ҳам доруҳоро харида мефурӯшем ва ҷараёни тағйирёбии нарх гоҳе ба зарари мо таом мешавад, на хариддорон”, афзуд доруфурӯш.

“Арбидол” у “Анаферон” аз зумраи доруворие гуфта мешаванд, ки истифодаи онҳо дар мубориза бо вирус тавсия дода мешавад. Аммо дар айни хуруҷи бемории “вируси корона” ин навъ маводи тиббӣ камчин гардида ва ба гарон шудани қиммати он боис гардид.

Ҳоло бо гузашти бештар аз як моҳ аз шуюъи бемории коронавирус дар Тоҷикистон арзиши ин маводи тиббӣ дубора ру поёншавӣ аст. Бо гузашти ним сол аз хуруҷи вируси корона дар ҷаҳон то ҳол ҳеҷ кишвари истеҳсолкунандаи маводи доруворӣ ба дарёфти даво ва ё вокинаи зидди COVID – 19 муваффақ нашудааст.

 То ин муддат доруҳое, ки дар кишваҳои ҷаҳон аз ҷумла “Левилимаб” “Авифавир” дар Русия истеҳсол шудаанд, танҳо характери тавсиявӣ барои мубориза ба ин беморӣ пайдо кардаанд.

Олимони дорусози тоҷик ҳам дар ин муддат “Камолид” у “Седармона” ва “Антиковид -19” истеҳсол карда таъкид намуданд, ки истеъмоли ин қабил доруҳо дар коҳиш ёфтани сирояти бемории коронавирус муфид арзёбӣ намуданд.

 Созмони ҷаҳонии беҳдошт дар омори ахири худ теъдоди умумии беморони коронавирусро ба 5 миллиону 905 ҳазору 415 нафар арзёбӣ намудааст. Бар пояи иттилоъи ин ниҳоди байналмиллалӣ то имрӯз аз ин маризӣ дар кишварҳои дунё 2 миллиону 579 ҳазору 691 кас шифо ёфта, 362 ҳазору 24 нафар фавтидаанд. Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, Амрико(1 768 461 нафар), Бразилия (438 812), Русия (379 051), Испания (284 986), Британияи Кабир (269 127), Италия (231 732), Фаронса (186 238), Олмон (182 452), Ҳиндустон (165 386) ва Туркия (160 979) дохил мешаванд.

Тоҷикистон ҳам яке аз охирин кишварҳои Осиёи Марказӣ аст, ки ахиран дар рӯзи 30-уми апрели соли ҷорӣ аз дарёфти аввалин мавридҳои сапти “вируси корона” хабар дод. Бино ба иттилоъи Вазорати тандурустии ин кишвар, ба ҳолати рӯзи 7-уми июн шумори умумии гирифторони коронавирус ё COVID -19 ба 4529 нафар расида, то ин сана 2673 кас ё 59 дарсади маризон шифо ёфтаанд. Ба иттилои расмӣ давоми бештар аз як моҳ 48 нафар аз ин беморӣ фавтидаанд.

739
Барчаспҳо:
зиён, суд, фурӯхтан, дору, вирус, Тоҷикистон
Рустам Латифзода, раиси ҳизби аграрии Тоҷикистон

Аввалин номзад ба президентии Тоҷикистон маълум шуд

27
Ҳизби аграрии Тоҷикистон номзади худро ба интихоботи президентӣ пешниҳод кард

ДУШАНБЕ, 15 авг — Sputnik. Рустам Латифзода, раиси ҳизби аграрии кишвар аввалин номзад ба президентии Тоҷикистон эълон шуд.

Зайниддин Сафаров, муовини раиси ҳизби аграрии Тоҷикистон ва намояндаи Маҷлиси намояндагон дар анҷумани ғайринавбатии ҳизб номзадии Рустам Латифзода, раиси ин ҳизбро пешниҳод кард

Гуфта мешавад, ӯ бидуни алтернатива ва рақиб танҳо худашро пешниҳод ва бо як овоз дастгирӣ пайдо кард.

Ҳамин тавр Ҳизби аграрии Тоҷикистон номзади худро ба интихоботи президентӣ пешниход кард.

Рустам Латифзода - аввалин номзад ба президентии Точикистон дониста мешавад.

Дар ҳоли ҳозир, дигар ҳизбҳо сиёсии Тоҷикистон номзади худро барои курсии президенти Тоҷикистон пешниҳод накардаанд.

27
Барчаспҳо:
ҳизб, президент, номзад, интихобот, Тоҷикистон
Похороны в Таджикистане, архивное фото

Намозҳои ҷаноза хатар доранд?: мақомоти Суғд аз сокинон хост дар намозҳо эҳтиёт намоянд

7
(Таҷдидшуда 01:49 15.08.2020)
Мақомоти шаҳри Хуҷанд барои пешгирӣ аз бемории коронавирус “Covid-19” бо имомхатибон ва ходимони дини шаҳр мулоқот анҷом дода, дар он таъкид доштанд, ки ҳангоми адои намозҳои ҷаноза эҳтиёт ва қоидаҳои беҳдоштиро риоя намоянд

ДУШАНБЕ, 15 авг — Sputnik. Дар ҷаласа Ситоди шаҳрӣ оид ба пешгирӣ аз паҳншавии бемории коронавирус “Covid-19” бо мақсади ҷилавгирӣ аз мавҷи дуюми ин вирус бо имомхатибон ва ходимони дини шаҳр таъкид шудааст, ки мутаассифона вақтҳои охир ҳангоми адо намудани намози ҷаноза талаботи дастурамали “Тартиби дафни бандаи муъмин”, ки аз ҷониби Маркази исломии Тоҷикистон ва Вазорати тандурустӣ ва ҳифзи иҷтимоии аҳолии Тоҷикистон таҳия ва тасдиқ гардидааст, сарфи назар карда мешавад.

Дар ин бора дафтари матбуоти раиси шаҳри Хуҷанд хабар додааст.

Ба гуфтаи мақомоти шаҳри Хуҷанд намозҳои ҷаноза мисли пештара бо шумораи зиёди одамон, бе риояи қоидаҳои беҳдошт, бидуни пӯшидани ниқоби муҳофизатӣ ва масофагирии ҷисмонӣ анҷом дода мешаванд.

Гуфта шудааст, ки ин ҳолат хатари воқеии сироят ба бемории COVID-19-ро дучанду даҳчанд менамояд. Бо иштирок дар чунин ибодатҳо ҳар кас худ, хешу табор ва атрофиёнро зери хатари ҷиддии сироятёбӣ қарор медиҳад, ки чунин рафтор аз лиҳози дини ислом, хусусан мазҳаби ҳанафӣ қатъиян маҳкум мегардад. Аз чунин амали хатарзо ягон гуна савоб ҳосил намешавад, балки ин гуна ашхос муртакиби гуноҳ мегарданд.

Ҳоҷӣ Ҳусейн Мӯсозода, раиси Шўрои уламои дини вилоят, сархатиби Масҷиди Шайх Маслиҳатдини шаҳри Хуҷанд дар ин ҷаласа аз ҷумла афзуд, ки зимни мулоқот бо мардум ҷиҳати эмин нигоҳ доштани мардум аз сирояти бемории COVID-19 қотеона тақозо менамоем, ки намозҳои ҷаноза бо иштироки шумораи камтарини хешу таборони наздики майит, бо риояи қатъии дастурамали “Тартиби дафни бандаи муъмин” анҷом дода шавад.

“Намози ҷанозаро имом бо риояи талаботи шариат анҷом дода, дар масофаи 2 метр аз тобут дуртар меистад. Имом ва намозхонон бояд масофаро риоя намуда, ҳатман ниқоб пӯшанд. Намозҳои ҷаноза танҳо аз ҷониби мутасаддиён – имомхатибон, имомони масҷидҳои панҷвақта ва шахсоне, ки ба ин кор муваззаф шудаанд, хонда мешаванд”, гуфт Ҳоҷӣ Ҳусейн Мӯсозода.

Дар ҳамин ҳол вай зикр кард, ки Таҳмина Усмонова, сардори Маркази назорати давлатии санитарию эпидемологии шаҳри Хуҷанд афзуд, ки ягона роҳи асосии сироят наёфтан ба бемории короновирус эҳтиёткориро пеша намудан аст. Зеро, омили асосии паҳн гаштани ин беморӣ дар миёни ҷомеа сироятёбӣ аз шахси мубталои беморӣ ба инсони солим мебошад.

Тахмина Усмонова изҳори нигаронӣ намуд, ки мутаассифона, айни ҳол на ҳама сокинони шаҳр чунин талаботи ҳатмиро риоя мекунанд.

“Тавре аз мушоҳидаҳо бармеояд, имрӯзҳо аксар вақт дар ҷойҳои ҷамъиятӣ ва серодам ҳолати бениқоб гаштугузор кардани шаҳрвандон ва риоя накардани фосилаи иҷтимоӣ ба назар мерасад, ки аз беэҳтиётӣ ва нописандӣ дарак медиҳад. Ҳолатҳои бениқоб равуо намудани мардум бе риояи фосилаи муқарраргардида дар кӯчаву хиёбон, бозорҳо, назди банкоматҳо ва нақлиёти ҷамъиятӣ бештар мушоҳида мешавад”, гуфт ӯ.

7
Барчаспҳо:
эҳтиёт, ходимони дин, хатар, ҷаноза, мақомот, Тоҷикистон