Сартабиби шаҳри Истиқлол: омори гирифторӣ ба коронавирус сифр аст

358
Сартабиби бемористони марказии шаҳри Истиқлол омореро ироа кард, ки хуруҷи бемории “вируси корона” ба сифр баробар аст. Хушбахтона то ҳол дар ин шаҳри саноатии вилояти Суғд, ҳеҷ мавриди сироятёбӣ ба COVID – 19 дарёфт нашудааст

ДУШАНБЕ, 9 июн – Sputnik. Валиназар Ғоибов, сартабиби бемористони марказии шаҳри Истиқлол дар суҳбат ба Sputnik Тоҷикистон гуфт, хушбахтона то имрӯз ягон ҳолати сироятёбӣ ба бемории коронавирус ё навъи COVID - 19 сабт нашудааст.

Ба иттилои сартабиб шаш нафар сокиноне, ки то ин муддат ба бемории илтиҳоби шуш гирифтор шуданд, шифо ёфтаанд.

“Бояд бигуям, ки дар шаҳри мо аз рӯзи шурӯъи сабти бемории коронавирус то ба ҳол ягон ҳодисаи сироятёбӣ ба ин беморӣ ба қайд гирифта нашудааст. Танҳо 6 нафар ба илтиҳоби шуш гирифтор шуданд, ки 3 нафари онҳо баъди табобат аз Беморхонаи клиникавии Суғд баргашта, 1 нафари дигар қарор аст, имрӯз то фардо аз ин бемористон мураххас шавад ва 2 нафари дигар зери муроқибати табибони оилавӣ дар хонаҳояшон ба табобат фаро гирифта шудаанд”, гуфт Ғоибов.

Бино ба гуфти сартабиб дар ҳоли ҳозир дар ин шаҳри саноатӣ шаш нафар шаҳрвандони кишвари Хитой ба сар бурда, дар замони шуюъи бемории вируси корона ҳеҷ кадоме аз онҳо ба ҳеҷ манбаъи хатар аз ҷумлаи ба кишвари худ сафар накардаанд.

Бо ин вуҷуд вазъи саломатии онҳо зери назорат гирифта шуда, дар ҳоли ҳозир вазъи беҳдоштии ҳар кадоми онҳо муътадил арзёбӣ мешавад.

Валиназар Ғоибов гуфт, онҳое, ки ба бемории илтиҳоби шуш гирифтор шуданд, марҳилаи хаттарро пушти сар кардаанд ва ба ин ҳол вазъи саломатии сокинон ру ба беҳбуд арзёбӣ мешавад.

“Хушбахтона аз ҳисоби хуруҷи бемории илтиҳоби шуш ҳам ҳодисаи фавт ҷой надорад, балки шаш нафар дар вақти муолиҷа пурра шифо ёфта аз вартаи хатар раҳо шудаанд”, гуфт сартабиб.

Ӯ афзуд, бо вуҷуди набуди бемории коронавирус тибқи реҷа корҳои безараргардонӣ ва доир намудани суҳбату вохуриҳо бо аҳолӣ доир ба мавзӯъи пешгирикунанда аз сирояти ин маризӣ бо иштироки кормандони ташаккули тарзи ҳаёти солим ва масъулини мақомоти милитсия дар кӯчаву хиёбонҳои шаҳр гузаронида мешавад.

Кишвари Тоҷикистон рӯзи 30-уми апрел дарёфти аввалин мавридҳои хуруҷи бемории коронавирус ё COVID-19 ро эълон кард. Аз он замон то ба ҳол Вазорати тандурустӣ ва ҳифзи иҷтимоии аҳолӣ умдатан ҳар бегоҳ омори гирифторони ин беморӣ дар кишварро танҳо ба таври умумӣ эълон мекунанд.

Бино ба иттилоъи эълони Вазорати тандурустӣ, рӯзи 7-уми июн шумори умумии гирифторони коронавирус ё COVID -19 дар Тоҷикистон ба 4529 нафар расида, то ин сана 2673 кас ё 59 % дарсади маризон шифо ёфтаанд. Ба иттилои расмӣ давоми бештар аз як моҳ 48 нафар аз ин беморӣ фавтидаанд.

Ин, ки ба ҳисоби ҳар шаҳру ноҳияи кишвар омори ин беморӣ чи қадар рос меояд, мақомот шарҳ намедиҳанд ва гуфтани он, ки ҳоло ба шумори Истиқлол боз кадоме аз шаҳру ноҳияҳои Тоҷикистон аз сирояти вируси корона ё пандемияи COVID -19 орӣ ҳастанд ғайриимкон аст.

Вазири сахтгир: Абдуллозода гурӯҳи кориро ба санҷиши шароити беморони коронавирус фиристод

Шаҳри Истиқлол (дар гузашта Табошар) аз шаҳрҳои саноатии шимоли Тоҷикистон буда, тибқи маълумотҳои оморӣ ҳоло дар он ҳудуди 18 ҳазор аҳолӣ зиндагӣ мекунад.

358
Рустам Латифзода, раиси ҳизби аграрии Тоҷикистон

Аввалин номзад ба президентии Тоҷикистон маълум шуд

35
Ҳизби аграрии Тоҷикистон номзади худро ба интихоботи президентӣ пешниҳод кард

ДУШАНБЕ, 15 авг — Sputnik. Рустам Латифзода, раиси ҳизби аграрии кишвар аввалин номзад ба президентии Тоҷикистон эълон шуд.

Зайниддин Сафаров, муовини раиси ҳизби аграрии Тоҷикистон ва намояндаи Маҷлиси намояндагон дар анҷумани ғайринавбатии ҳизб номзадии Рустам Латифзода, раиси ин ҳизбро пешниҳод кард

Гуфта мешавад, ӯ бидуни алтернатива ва рақиб танҳо худашро пешниҳод ва бо як овоз дастгирӣ пайдо кард.

Ҳамин тавр Ҳизби аграрии Тоҷикистон номзади худро ба интихоботи президентӣ пешниход кард.

Рустам Латифзода - аввалин номзад ба президентии Точикистон дониста мешавад.

Дар ҳоли ҳозир, дигар ҳизбҳо сиёсии Тоҷикистон номзади худро барои курсии президенти Тоҷикистон пешниҳод накардаанд.

35
Барчаспҳо:
ҳизб, президент, номзад, интихобот, Тоҷикистон
Похороны в Таджикистане, архивное фото

Намозҳои ҷаноза хатар доранд?: мақомоти Суғд аз сокинон хост дар намозҳо эҳтиёт намоянд

7
(Таҷдидшуда 01:49 15.08.2020)
Мақомоти шаҳри Хуҷанд барои пешгирӣ аз бемории коронавирус “Covid-19” бо имомхатибон ва ходимони дини шаҳр мулоқот анҷом дода, дар он таъкид доштанд, ки ҳангоми адои намозҳои ҷаноза эҳтиёт ва қоидаҳои беҳдоштиро риоя намоянд

ДУШАНБЕ, 15 авг — Sputnik. Дар ҷаласа Ситоди шаҳрӣ оид ба пешгирӣ аз паҳншавии бемории коронавирус “Covid-19” бо мақсади ҷилавгирӣ аз мавҷи дуюми ин вирус бо имомхатибон ва ходимони дини шаҳр таъкид шудааст, ки мутаассифона вақтҳои охир ҳангоми адо намудани намози ҷаноза талаботи дастурамали “Тартиби дафни бандаи муъмин”, ки аз ҷониби Маркази исломии Тоҷикистон ва Вазорати тандурустӣ ва ҳифзи иҷтимоии аҳолии Тоҷикистон таҳия ва тасдиқ гардидааст, сарфи назар карда мешавад.

Дар ин бора дафтари матбуоти раиси шаҳри Хуҷанд хабар додааст.

Ба гуфтаи мақомоти шаҳри Хуҷанд намозҳои ҷаноза мисли пештара бо шумораи зиёди одамон, бе риояи қоидаҳои беҳдошт, бидуни пӯшидани ниқоби муҳофизатӣ ва масофагирии ҷисмонӣ анҷом дода мешаванд.

Гуфта шудааст, ки ин ҳолат хатари воқеии сироят ба бемории COVID-19-ро дучанду даҳчанд менамояд. Бо иштирок дар чунин ибодатҳо ҳар кас худ, хешу табор ва атрофиёнро зери хатари ҷиддии сироятёбӣ қарор медиҳад, ки чунин рафтор аз лиҳози дини ислом, хусусан мазҳаби ҳанафӣ қатъиян маҳкум мегардад. Аз чунин амали хатарзо ягон гуна савоб ҳосил намешавад, балки ин гуна ашхос муртакиби гуноҳ мегарданд.

Ҳоҷӣ Ҳусейн Мӯсозода, раиси Шўрои уламои дини вилоят, сархатиби Масҷиди Шайх Маслиҳатдини шаҳри Хуҷанд дар ин ҷаласа аз ҷумла афзуд, ки зимни мулоқот бо мардум ҷиҳати эмин нигоҳ доштани мардум аз сирояти бемории COVID-19 қотеона тақозо менамоем, ки намозҳои ҷаноза бо иштироки шумораи камтарини хешу таборони наздики майит, бо риояи қатъии дастурамали “Тартиби дафни бандаи муъмин” анҷом дода шавад.

“Намози ҷанозаро имом бо риояи талаботи шариат анҷом дода, дар масофаи 2 метр аз тобут дуртар меистад. Имом ва намозхонон бояд масофаро риоя намуда, ҳатман ниқоб пӯшанд. Намозҳои ҷаноза танҳо аз ҷониби мутасаддиён – имомхатибон, имомони масҷидҳои панҷвақта ва шахсоне, ки ба ин кор муваззаф шудаанд, хонда мешаванд”, гуфт Ҳоҷӣ Ҳусейн Мӯсозода.

Дар ҳамин ҳол вай зикр кард, ки Таҳмина Усмонова, сардори Маркази назорати давлатии санитарию эпидемологии шаҳри Хуҷанд афзуд, ки ягона роҳи асосии сироят наёфтан ба бемории короновирус эҳтиёткориро пеша намудан аст. Зеро, омили асосии паҳн гаштани ин беморӣ дар миёни ҷомеа сироятёбӣ аз шахси мубталои беморӣ ба инсони солим мебошад.

Тахмина Усмонова изҳори нигаронӣ намуд, ки мутаассифона, айни ҳол на ҳама сокинони шаҳр чунин талаботи ҳатмиро риоя мекунанд.

“Тавре аз мушоҳидаҳо бармеояд, имрӯзҳо аксар вақт дар ҷойҳои ҷамъиятӣ ва серодам ҳолати бениқоб гаштугузор кардани шаҳрвандон ва риоя накардани фосилаи иҷтимоӣ ба назар мерасад, ки аз беэҳтиётӣ ва нописандӣ дарак медиҳад. Ҳолатҳои бениқоб равуо намудани мардум бе риояи фосилаи муқарраргардида дар кӯчаву хиёбон, бозорҳо, назди банкоматҳо ва нақлиёти ҷамъиятӣ бештар мушоҳида мешавад”, гуфт ӯ.

7
Барчаспҳо:
эҳтиёт, ходимони дин, хатар, ҷаноза, мақомот, Тоҷикистон