Люди на улице в Душанбе в защитных масках

“Маска” надорӣ? Душанбе набиё! тасмими нави шаҳрдории Душанбе

908
Кормандони милиса афроди бидуни ниқобро, ки аз ноҳияҳои гирду атрофи пойтахт вориди Душанбе шудан мехоҳанд, намегузоранд вориди Душанбе шаванд

ДУШАНБЕ, 9 июн — Sputnik. Дасти кам се сокини навоҳии атрофи пойтахти Тоҷикистон ба Sputnik Тоҷикистон гуфтанд, ки кормандони милиса аз вурадашон ба Душанбе ҷилавгирӣ кардаанд.

Илҳом Назаров, сокини шаҳри Ваҳдат мегӯяд, мехост ба Душанбе барои аёдати як хешованди маризаш ба шифохона равад, аммо дар дарвозаи шарқии шаҳр минтақаи мавсум ба “Амоналний” кормандони милиса ӯро аз мусофиркаш поён оварданд.

“Гуфтанд, ки ба пойтахт бидуни ниқоб ворид шудан иҷоза нест. Аввал ниқоб пӯш, баъд ворид шав. Ҳарчанд гуфтам, ки аз наздиктарин дорухона ҳатман ниқоб гирифта, мепӯшам, иҷоза надоданд. Маҷбур ба Ваҳдат баргашта, ниқоб харидам ва дигарбора ба Душанбе омадам. Ин дафъа иҷозаи вуруд доданд”, - гуфт Илҳом Назаров, сокини шаҳри Ваҳдат.

Ҳамин гуна маворид дар даромадгоҳҳои ғарбиву ҷанубӣ ва шимолии пойтахт низ иттифоқоте афтодаанд, ки ҳамсуҳбатони Sputnik Тоҷикистон қисса карданд.

Маркази матбуоти Раёсати вазорати корҳои дохилии Тоҷикистон дар шаҳри Душанбе ҷой доштани ҳамчунин маворидро таъйид карда, мегӯяд, дар пойтахт маъракаи васеъи фаҳмондадиҳӣ ба хотири риоя кардани қавоиди гигиенӣ, аз ҷумла пӯшидани ниқоб, риояи фосилаи иҷтимоӣ ва дастшӯӣ, пиёда шудааст.

“Милисаҳои мо бо иттифоқи кормандони ниҳодҳои ҳукумати шаҳр кӯча ба кӯча гашта, афроди бениқобро боздошт карда, мефаҳмонанд, ки ин корашон на фақат ҷабр ба худ, балки ба дигарон аст. Агар онҳо ниқоб надоранд, ба онҳо ниқоби якмасрафа таслим мекунем. Ҳамчунин назорати риояи фосилаи иҷтимоӣ дар кӯчаҳо низ пурзӯр шудааст. Мо ба сокинон мефаҳмонем, ки ҳангоми ҳаракат фосиларо риоя кунанд”, - гуфтанд дар Маркази матбуоти Раёсати ВКД дар шаҳри Душанбе.

Рӯзи гузашта Рустами Эмомалӣ, шаҳрдори Душанбе, барои пешгирии мавҷи дуюми сирояти коронавирус, COVID-19 бо масъулини шаҳрдорӣ, мақомоти ҳифзи ҳуқуқ ва роҳбарони бозорҳо, марказҳои савдою хизматрасонӣ мулоқот карда, хостори тақвият додани тадобири зидди “вируси корона” шуда буд, ки ҷилавгирӣ аз вуруди сокинони навоҳии атроф яке аз ин тадбирҳост.

Радабандии кишварҳои амн аз коронавирус: Тоҷикистон қариб дар ҷои ниҳоӣ

Дар ин мулоқот ҳамчунин эълон шуд, ки аз 15 июн муассисаҳои хизматрасонӣ ба аҳолӣ дар Душанбе ба фаъолият шурӯъ хоҳанд кард ва то он замон бояд тамоми нуқтаҳо зиддиуфунӣ шаванд.

908
Нож в руке

Ба қафаси синаи бародараш корд зад: боздошти марди 40 сола дар Конибодом

46
Вазорати умури дохилии Тоҷикистон аз боздошти як мардт 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

46
Доллары в конверте, архивное фото

Боздошти афсар барои талаби пора аз бародари сарбоз

160
(Таҷдидшуда 09:39 07.07.2020)
Агентии молиявӣ ва мубориза бо коррупсияи Тоҷикистон аз боздошти афсаре хабар медиҳад, ки аз бародари як сарбоз маблағ талаб кардааст

 

ДУШАНБЕ, 7 июл — Sputnik. Бо иттиҳоми гирифтани пора афсар Ёрмаҳмад Нуров боздошт гаштааст, хабар медиҳад, дафтари матбуотии Агентӣ.

Бино ба иттилои дафтари матбуотии Агентӣ Ёрмаҳмад Нуров барои дар қисмҳои ҳарбии гарнизони Душанбе ҷойгир намудани шаҳрванд “А”, ки барои хизмати ҳарбӣ даъват гардида буд, бо роҳи фиреб ва суиистифодаи боварӣ аз бародараш шаҳрванд “Б” маблағи 1200 доллари ИМА талаб намуд.

Манбаъ мегӯяд, дар натиҷаи гузаронидани чорабиниҳои оперативӣ–тафтишотӣ Нуров Ё.Г. баъди аз шаҳрванд “Б” гирифтани маблағи 1200 доллари ИМА дастгир гардида, маблағи мазкур ҳамчун далели шайъӣ аз ӯ  дарёфт ва гирифта шуд.

Гуфта мешавад, дар ин асос нисбати Нуров Ё.Г. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ ба мақомоти прокуратура ирсол карда шуд.

Дафтари матбуотии Агентӣ дар бораи мақом ва рутбаи афсар иттилоъ надодааст.

160
Барчаспҳо:
Агентии мубориза бо фасоди молӣ, боздошт, пора, сарбоз, Афсар, Тоҷикистон
Пробирки с биоматериалом в лабораторном комплексе

“Ковипир”: Ӯзбекистон тасмим дорад истеҳсоли доруи зидди коронавирусро ба роҳ монад

0
Қайд карда мешавад, ки доруи "Ковипир" пеш аз ҳама барои эҳтиёҷоти Ӯзбекистон истеҳсол карда мешавад

ДУШАНБЕ, 7 июл — Sputnik. Дар Ӯзбекистон тасимим доранд истеҳсоли доруи муассирри зидди коронавирус таҳти унвони “Ковипир” -ро роҳандозӣ кунанд, дар ин бора Kun.uz бо истинод ба мушовири вазири рушди инноватсия Исоҷон Султонов хабар медиҳад.

Ба гуфтаи Султонов, ширкати дорусозии Nobel Pharmsanoat, ки дар Ӯзбекистон фаъолият мекунад, ба қайди давлатӣ гирифтани доруи дорои фавипиравирро оғоз кардааст.

Ба гуфтаи директори сифати ширкат Шамшод Шарипов, патент барои ин дору ба ширкати японии Toyama Chemical тааллуқ дорад.

"Исбот шудааст, ки ин дору дорои доираи васеи зидди вирусҳо мебошад, ки кислотаи рибонуклеиро нигоҳ медорад (зуком, риновирус, вирусҳои роҳи нафас ғайра) ва таъсири мусбати зидди коронавирус дорад. Он аз моҳи феврали соли 2020 дар Ҷопон барои табобати беморони гирифтори коронавирус истифода шудааст. Аз ин моҳ сар карда, ширкати чинии Zhejiang Hisun Pharmaceutical ба истеҳсоли он таҳти бренди "Фавилавир" шурӯъ кард. Дар Русия Авифавирро моҳи майи соли равон аз ҷониби аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда карданд ва барои истеҳсол иҷозат дода шуд",-гуфт Шарипов.

Қайд карда мешавад, ки доруи "Ковипир" пеш аз ҳама барои эҳтиёҷоти Ӯзбекистон истеҳсол карда мешавад.

0