Запись на листе бумаге, архивное фото

Созиши ҳукумати ноҳияи Ашт бо рӯзноманигор баъди додгоҳӣ шудани баҳс сари замин

343
Рӯзноманигор ва соҳибкори ҷавон Ҳаётҷон Нақибҷонов ва ҳукумати ноҳияи Ашт бо ҳам ба созиш расиданд. Қароре, ки то ин вақт дар қабули он кашолкорӣ сурат мегирифт, имзо шуд ва рӯзноманигор шикояташ алайҳи ҳукумати ноҳияро аз суд пас гирифт

ДУШАНБЕ, 10 июн – Sputnik. Ҳаётҷон Нақибҷонов, рӯзноманигори ҷавони маҳаллӣ дар ноҳияи Ашт дар суҳбат ба Sputnik Тоҷикистон аз поёни қазияи судии худ бо масъулини ҳукумати ноҳия хабар дод.

Ӯ гуфт, масъулин имрӯз ба ҳукумат даъват карда ҳуҷҷатҳои ҷудо намудани заминро барояш дуруст кардаанд.

“Як соат пеш намояндагони ҳукумати ноҳия бо мо вохӯрдаанд ва қарори дахлдор сари ҷудо намудани порчаи замин иборат аз 32 метри мураббаъ, ё 0, 3 сотихро ба имзо расониданд. Бо ҳамин мо ва ҳукумат ба созиш расидем ва ҳоло аз якдигар ранҷишу шикоят надорем”, -гуфт Нақибҷонов

Ин сокини ноҳияи Ашт гуфт, бо гирифтани қарори ҷудо шудани қитъаи замин аз суд шикояташ алайҳи ҳукумати ноҳиро пас мегирад.

Мурофиаи судии даъвои рӯзноманигор аз беамалии ҳукумати ноҳия Ашт 9 июн баргузор шуд ва то рӯзи 12-уми июн ба таъхир гузошта шуда буд.

Нақибҷонов дар ҳоле ба суд шикоят кард, ки дар ҳукумати ноҳияи Ашт муроҷати пайдарпайи ӯро, барои сохтмони як мағозаи сабуки фурӯши бозичаҳо барои атфол дар рустои Дӯстӣ ба ҳар баҳона нодида гирифта, аз ҷудо намудани замин барояш парҳез мекунад.

“Барои баровардани қарор чанд моҳ аст, ки ба кашолкорӣ роҳ медиҳанд. Ин ҷо  “беамалӣ” зоҳир мешавад. Аз ин хотир мо дар асоси моддаи 249 КМГ ҶТ (амал ё беамалии шахси мансабдор) ба суд муроҷиат намудем, то масъалаи қабули қарор ва муроҷиати мо қонунӣ баррасӣ гардад”, -  гуфта буд Нақибҷонов.

Ҳаётҷон Нақибҷонов пешаи рӯзноманигорӣ дошта, ҳоло дар ҳафтаномаи ноҳиявии “Шуҳрати Ашт” ва радиои хусусии “Диёр FM” ба сифати хабарнигор кор мекунад. Аммо моҳонаи ками идорӣ, ӯро водор кардааст, ки ба фаъолияти соҳибкорӣ низ машғул шавад, зеро дар шароити кунунӣ бо маоши рӯзноманигорӣ пеш бурдани зиндагӣ душвор аст, мегӯяд ӯ. Ин сокини ноҳия афзуд, бо гирифтани қарор ҳоло ба сохтмони мағозаи фурӯши бозичаҳои баччагона дар рустои худ шурӯъ мекунад ва ба ин васила саҳми худро дар ободии зодгоҳаш мегузорад.

343
Барчаспҳо:
парвоз, Тоҷикистон
Официальный визит президента РФ В. Путина в Таджикистан. День второй

Суҳбати телефонии Раҳмону Путин: кишвардорҳои Тоҷикистону Русия чиро баррасӣ карданд?

13
(Таҷдидшуда 15:56 13.07.2020)
Эмомалӣ Раҳмон ва Владимир Путни як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор дода, масъалаҳои алоҳидаи мубрами минтақавӣ ва байналмилалиро баррасӣ карданд

ДУШАНБЕ, 13 июл – Sputnik. Раисҷумҳури Тоҷикистон Эмомалӣ Раҳмон бо кишвардори Русия Владимир Путин суҳбати телефонӣ анҷом додПрезиденти Федератсияи Россия муҳтарам Владимир Путин суҳбати телефонӣ анҷом дод.

Эмомалӣ Раҳмон бо Владимир Путин телефонӣ суҳбат кард

Ба иттилои котиботи раисҷумҳури Тоҷикистон, дар ҷараёни суҳбат президентҳо як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор додаанд.

"Ҷонибҳо аз вазъи вобаста бо сирояти коронавирус, ки дар миқёси ҷаҳонӣ ҳамоно хеле ҳам муташанниҷ боқӣ мемонад, изҳори нигаронӣ карда, дар хусуси тадбирҳое, ки ҷиҳати паст кардани хатари паҳншавии пандемияи "COVID-19" дар ду кишвар андешида мешаванд, мубодилаи иттилоъ анҷом доданд", - таъкид мешавад дар хабар.

Гуфта мешавад, Эмомалӣ Раҳмон дар рафти суҳбат ба масъалаи суръат бахшидан ба ҳамкориҳои ду кишвар дар соҳаи тандурустӣ таъкид кард.

Ҳамчунин, ҷараёни хуби рушди ҳамдастии Тоҷикистон ва Русия дар дигар арсаҳои ҳамкорӣ, аз ҷумла муносибатҳои тиҷоративу иқтисодӣ, робитаҳои гуманитариву фарҳангӣ ва дар соҳаи таъмини амният қайд карда шуд.

Гузашта аз ин, масоили идомаи шарикии самарабахши ду кишвар дар чорчӯбаи созмонҳои байналмилалӣ ва минтақавӣ низ мавриди таваҷҷуҳи президентҳо қарор гирифтанд.

13
Барчаспҳо:
суҳбати телефонӣ, Владимир Путин, Эмомалӣ Раҳмон
Новорожденный

Вазорат гуфт, дар Тоҷикистон таваллуд каму фавт зиёд шуд

40
Вазорати адлияи Тоҷикистон мегӯяд, тайи шаш моҳи соли ҷорӣ дар Тоҷикистон нисбат ба ҳамин давраи соли гузашта 2540 нафар шаҳрвандон зиёд фавтидаанд

ДУШАНБЕ, 13 июл – Sputnik.  Ин нуктаро Музаффар Ашуриён, вазири адлияи кишвар имрӯз зимни як нишасти хабарӣ ба рӯзноманигорон изҳор дошта гуфт, тайи шаш моҳ дар кишвар 18 ҳазору 777 нафар фавтидаанд.

Ба иттилои манбаъ, ин нишондиҳанда  дар ҳамин давраи соли гузашта ба  16 ҳазору 229 нафар баробар буд.

Музаффар Ашуриён, гуфт шаҳрвандони кишвар ан танҳо аз коронавирус фавтиданд, бал ки аз бемориҳои мисоли қалбу раг ва ғайраҳо.

Тибқи иттилои вазир, давоми шаш моҳи соли ҷорӣ нисбат ба ҳамин давраи соли гузашта 5 ҳазору 274 кӯдак кам таваллуд шудааст.

Ба иттилои манбаъ дар нимсолаи  ҷорӣ дар ҷумҳурӣ 101 ҳазору 141 тифли навзод ба қайд гирифта шуда, ки  ин нишондиҳанда  дар ҳамин давраи соли гузашта - 106 ҳазору 415 нафар баробар буд.

40