Табибони лаҳистонӣ барои табобати бемории вируси корона ба шаҳри Хоруғ сафар караданд

450
(Таҷдидшуда 14:28 12.06.2020)
Гурӯҳи табибони давлати Лаҳистон, ки дар ташхису табобати бемории COVID-19 таҷрибаи зиёд доранд, ба шаҳри Хоруғ сафар карданд

ДУШАНБЕ, 12 июн — Sputnik. Саидбек Давлатбеков, сардухтури беморхонаи вилояти Мухтори Кӯҳистони Бадахшон таъкид кардааст, табибони Лаҳистон, дар ташхису табобати бемороне, ки вазъи саломатиашон хуб нест, ба ҳамтоёни тоҷики худ кумак мерасонанд, иттилоъ додааст АМИТ “Ховар”.

Сардухтури беморхонаи вилояти Мухтори Кӯҳистони Бадахшон қайд кардааст, ки табобони лаҳистонӣ дорои  таҷрибаи беҳтар мебошанд ва дар ихтиёри худ озмоишгоҳҳои муосири сайёр низ доранд.

“Аз рӯзҳои аввали пайдоиши бемории сироятии COVID-19  дар Тоҷикистон то ба имрӯз 940 нафар бо аломатҳои ин беморӣ бистарӣ шуда, имрӯз аксари онҳо пас аз шифо ёфтан ба хонаҳояшон баргаштанд ва 115 нафар зер назорати табибон мебошанд. Дар рӯзҳои аввали “ҳамла”-и ногаҳонии бемории коронавирус  дар ташхису табобат душвориҳо ба чашм расида, беморон  ба табобати табибон бо шубҳа менигаристанд. Ҳоло  табибон аз ин мушкилӣ раҳо ёфтанд. Муҳим он аст, ки беморон ва табибон ба ҳамдигар боварӣ ҳосил намуданд. Ҳоло ки табибони хориҷӣ дар ин ҷо қарор доранд, бо боварӣ метавонам гӯям, ки пас аз мубодилаи таҷриба  дониши назариявию амалии   табибони тоҷик боз ҳам хубтар мегардад”,- зикр намудааст Саидбек Давлатбеков.

Ҳамчунин табибони лаҳистони баён доштанд, ки  дар баробари ташхису табобати беморон, онҳо инчунин ба табибон, ки дар баробари ин беморӣ хеле осебпазиранд, чораҳои муассири муҳофизатиро меомӯзонанд.

Ҳамзамон табибони хориҷӣ ният доранд таҷрибаи пизишкони тоҷикро омӯзанд ва дар оянда ҳангоми сафар ба дигар минтақаи ҷаҳон аз он истифода кунанд.

450
Барчаспҳо:
сафар, Хоруғ, таҷриба, вирус, беморон, Лаҳистон, Тоҷикистон
Президент Таджикистана Эмомали Рахмон

Таассуфи Раҳмон аз даргузашти Гулназар Келдӣ ва изҳори ҳамдардии ӯ ба хонаводаи марҳум

61
(Таҷдидшуда 19:04 13.08.2020)
Кишвардори Тоҷикистон Эмомалӣ Раҳмон бинобар даргузашти шоири маъруфи кишвар Гулназар Келдӣ ба хонаводаи марҳум изҳори ҳамдардӣ намуд

ДУШАНБЕ, 13 авг — Sputnik. Эмомалӣ Раҳмон раисҷумҳури Тоҷикистон аз даргузашти шоири шаҳири тоҷик Гулназар Келдӣ изҳори таассуф намудааст.

Котиботи президенти Тоҷикистон хабар медиҳад. ки Эмомалӣ Раҳмон ба аҳли хонавода ва наздикони марҳум ҳамдардии амиқ баён мекунад.

"Сад дод аз ту, коронавирус": охирон шеъри, ки Гулназар Келдӣ эҷод кард

Ёдовар мешавем, шоири маҳбуби тоҷик, муаллифи Суруди миллии Тоҷикистон, Шоири халқии Тоҷикистон ва дорандаи Ҷоизаи давлатии ба номи Абӯабдуллоҳи Рӯдакӣ Гулназар Келдӣ дар синни 75-солагӣ аз олам даргузашт.

61
Народный поэт Таджикистана Гулназар Келди

Низом Қосим гуфт, ки Гулназар Келдӣ дар куҷо ба хок супурда хоҳад шуд

184
(Таҷдидшуда 18:41 13.08.2020)
 Ҷанозаи Гулназар Келдӣ, Шоири халқӣ ва муаллифи Суруди миллии Тоҷикистон ба хонааш оварда, сипас ба қабристон интиқол ёфт

ДУШАНБЕ, 13 авг — Sputnik. Ба қавли яке аз шоҳидони ин маросим, ҷанозаи Гулназар Келдӣ аз Шифохонаи "Истиқлол" аввал ба манзилаш, воқеъ дар кӯчаи Исмоили Сомонӣ, 10 интиқол ёфт.

"Низом Қосим, раиси Иттиҳоди нависандагон, як нутқи кутоҳе ироа намуда, эълон кард, ки гирдиҳамоии хайрбод бо Шоири халқии Тоҷикистон дар қабристони Лучоб баргузор хоҳад шуд”, - гуфт ӯ.

Бино ба ин иттилои манбаъ, дар маросими видоъ бо Гулназар Келдӣ аз ҷониби мақомоти расмӣ Асадулло Раҳмон, мушовири кадрӣ ва Абдуфаттоҳ Шарифзода, сухангӯи президенти Тоҷикистон, Низом Қосим, раиси Иттифоқи нависандагон, Шариф Самӣ, раиси ноҳияи Исмоили Сомонӣ ва теъдоде аз адибону шоирони номдори кишвар, назири Камол Насрулло, Меҳмон Бахтӣ, Ато Ҳамдам, Салими Зарафшонӣ, Урун Кӯҳзод ва дигарон ширкат хоҳанд кард.

184
Барчаспҳо:
Гулназар Келдӣ, Низом Қосим