Неделя моды в Душанбе. архивное фото

Рақси Фарзонаи Хуршед ва фарзандонаш корбарони интернетро ба ваҷд овард - видео

5436
(Таҷдидшуда 16:55 14.06.2020)
Сарояндаи машҳури эстрадаи тоҷик Фарзонаи Хуршед дар саҳифааш дар Instagram ду видеои нав нашр кардааст

ДУШАНБЕ, 14 июн – Sputnik. Фарзонаи Хуршед - сарояндаи номдор ва духтари примаддонаи саҳнаи тоҷик Сурайё Қосимова дар интернет ду наворе нашр карда, ки дар он ҳамроҳи фарзандонаш Закия ва Муҳаммад рақс мекунад.

Бо нашри ду навор Фарзона аз ҳамвандонаш суол кардааст, ки кадомаш хубтар аст.

Оббозӣ ва рақси Фарзонаю Шабнам дар "Порис" - и Тоҷикистон - аксу видео

Посмотреть эту публикацию в Instagram

1 или 2 ? 😉

Публикация от Фарзонаи Хуршед (@farzonakhurshed)

Дар ҷавон корбарони интернет аз ҳунари фарзандони Фарзона хуб пазироӣ карда ва навиштаанд, ки "Закия хеле хуб мерақсад".

Посмотреть эту публикацию в Instagram

ЗИНДАГИ ЗЕБОСТ АЛҲАМДУЛИЛЛАҲ🙏

Публикация от Фарзонаи Хуршед (@farzonakhurshed)

Корбари дигаре аз модар будани Фарзона тавсиф карда даъват кардааст, ки чунин наворҳоро бештар нашр кунад.

Фарзонаи Хуршед навори намозгузории духтарашро нашр кард - видео

Пештар Фарзона дар саҳифааш дар Instagram навори намозгузории духтарашро нашр карда буд.

"Алҳамдулиллоҳ. Ба ҳар калимаи Аллоҳ гуфтани фарзандам баданам меларзад. Алҳамдулиллоҳ, ки Аллоҳ ин рӯзҳоро насиби ман кардааст", - навишта буд Фарзона.

5436
Барчаспҳо:
пайгирии корбарони интернет, фарзандон, рақс, Фарзонаи Хуршед
Дмитрий Гусев

Коршинос сабабҳои ҷаҳиши  нархи гази моеъ дар Тоҷикистонро гуфт

40
(Таҷдидшуда 16:32 11.07.2020)
Чаро дар Тоҷикистон нархи гази моеъ якбора боло рафт, шарҳ дод Дмитрий Гусев, ноиби президенти Иттифоқи сӯзишвории мустақил, директори генералии ICON Trading

ДУШАНБЕ, 11 июл – Sputnik. Дар Тоҷикистон нархи гази моеъ беш аз 65% боло рафтааст. Дар нимаи моҳи май арзиши сӯзишворӣ барои як литр 2,5 сомонӣ буд ва дар нимаи аввали моҳи июл он ба 3,8-4 сомонӣ боло рафт.

Ноиби президенти Иттиҳоди мустақили сӯзишворӣ, директори генералии ICON Trading Дмитрий Гусев ду сабаби болоравии нархи ин навъи сӯзишвориро номбар кард.

"Гази моеъ маҳсулоти иловагии коркарди гази ба ҳам алоқаманд аст. Ҳам дар Русия ва ҳам Қазоқистон, мувофиқи қарори ОПЕК, ҳаҷми истеҳсол коҳиш ёфт. Мутаносибан, ҳаҷми истеҳсол ва коркарди гази ба ҳам алоқаманд кам карда шуд. <...> Яъне тамоюли умумии ҷаҳонӣ ба самти болоравии нарх ва коҳиш ёфтани ҳаҷми истеҳсолот дар Русия ва Қазоқистон ба чунин баландшавии нархҳо дар самти Осиёи Марказӣ оварда расонд », гуфт коршинос дар мусоҳиба бо Sputnik Тоҷикистон.

Чаро нархи газ дар Тоҷикистон рӯз ба рӯз боло меравад?

Гусев тахмин зад, ки нархи гази моеъ то лаҳзаи ҳал шудани масъалаҳо бо ОПЕК оид ба тағир додани квотаҳои истеҳсолӣ баланд боқӣ хоҳад монд. Ҳамзамон, вай қайд кард, ки гази моеъ, ҳамчун сӯзишвории автомобилӣ, алтернатива надорад.

Тоҷикистон тасмим дорад дар соли равон аз Узбакистон бештар гази табиӣ харад

"Метан мувофиқ аст, аммо он таҷҳизоти алоҳида аст ё бензин, ки қиматтар аст. <...> Дар ҳар сурат, LPG аз бензин ва сӯзишвории дизелӣ арзон аст. Аз ин рӯ, ҳатто бо болоравии нарх, арзиши он аз бензин зиёд нахоҳад буд ва бинобар ин, дар ҳар сурат, ҳатто агар он нарх баланд шуда бошад ҳам, барои аҳолӣ фоидаовар хоҳад буд ", хулоса кард коршинос.

40
Заправочная колонка на автозаправочной станции

Чаро нархи газ дар Тоҷикистон рӯз ба рӯз боло меравад?

107
(Таҷдидшуда 14:43 11.07.2020)
Арзиши гази моеъ умдатарин маводи ҳаракатдиҳандаи воситаи нақлиёт дар Тоҷикистон ба 4 сомонӣ дакка хурдааст, ки ин назар ба як моҳи пеш 45 % баланд гуфта мешавад

ДУШАНБЕ, 11 июл – Sputnik. Тайи як ҳафтаи охир қимати фурӯши гази моеъ дар нуқтаҳои фурӯши сӯзишворӣ дар шаҳру навоҳии Тоҷикистон то ба 4 сомонӣ баробар шудааст. Масъулони нуқтаҳои фурӯши сӯзишворӣ, 50 дарсад гарон шудани нархи газро дақиқан шарҳ намедиҳанд.

Як фурӯшандаи нуқтаи сӯзишворӣ дар ҳудуди ноҳияи Варзоб гуфт, сабаби баланд рафтани нархи газро дақиқан шарҳ дода наметавонад.

"Мо коргари оддӣ ҳастем. Ҳисобу китоби хариди фурӯш дар ихтиёри роҳбарият аст, чи хел нархро муқаррар кунанд, мо аз рӯи ҳамон ба фурӯш мегузорем", -  гуфт ҳамсуҳбати мо.

Корманди як таъмингоҳи маводи сӯзишворӣ дар ноҳияи ба номи Ҷаббор Расулов дар вилояти Суғд таъкид намуд, ки болоравии нархи газ ба ҳаҷми воридоти он вобаста аст.

Ин ҳамсуҳбати мо гуфт, ки ворид намудани газ ба Тоҷикистон кам шуда ва аз ҳамин лиҳоз нархи он баланд рафтааст.

Аммо Усмон Раҳматов, коршиноси умури иқтисодӣ мегӯяд, баланд бардоштани нархи газ дар рӯзҳои охир, ба афзоиши гаштугузори мошинҳо дар роҳу ҷодаҳои Тоҷикистон пас аз замони хатми қарантинаи хонагӣ аст.

Чаро дар нархи нафту газ мувозинат дида намешавад

"Агар нархи навъҳои дигари сӯзишворӣ масъалан бензин ва дизел ҳам дар баробари газ то 50 % боло мерафтанд, гуфтан мумкин буд, ҳаҷми воридоти маводи сӯхт дар Тоҷикистон кам шуда, ин ба болоравии нарх бетаъсир намондааст. Аммо тавре мебинед, танҳо газ боло рафтааст. Ин аз он сабаб, ки ҳоло бештари воситаҳои нақлиёт дар Тоҷикистон бо газ ҳаракат мекунанд", - афзуд коршинос.

Тибқи мушоҳидаҳо ҳоло қимати 1 литр гази моеъ ба 3, 9 то 4 ва дар баъзе ҷойҳо 4, 2 сомонӣ расидааст. Ин дар ҳолест, ки дар моҳҳои май ва июн, арзиши он аз 2, 5 то ба 2, 8 сомонӣ фурӯхта мешуд.

Ронандаҳои таксӣ дар Тоҷикистон мегӯянд, болоравии нархи газ дар замони хуруҷи пандемияи COVID-19 ба ҷайби сокинон таъсир мерасонад.

"Ҳоло барои як нуқтаи сафар 10 сомонӣ муқаррар шуда буд, аз сабаби қимат шудани нархи газ, ҳеҷ ронанда бо ин нарх мусофир намекашонад. Зеро нархи хизматрасонӣ, хароҷоти хариди сӯзишвориро намебарорад", - гуфт як ронандаи таксӣ.

Дар Тоҷикистон маводи сӯхт, аз ҷумлаи гази моеъ ва бензину дизел аз хориҷа, асосан аз кишвари Русия ва Қазоқистон тавассути қаламрави Қирғизистон ворид мешавад.

Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст.

"Фароз”, "Газпром", "Газойл", "Роҳи Сомон" аз бузургтарин ширкатҳои таъминкунандаи сӯзишворӣ дар Тоҷикистон ба ҳисоб мераванд.

107
Барчаспҳо:
қиматшавӣ, газ, нарх, Тоҷикистон
Продавец в магазине считает сдачу

Кумакпулии раиси Суғд ба 77 нафар наврасону донишҷӯён

0
(Таҷдидшуда 16:34 11.07.2020)
Раҷаббой Аҳмадзода, раиси вилояти Суғд ба 77 нафар кӯдакон ва донишҷӯёни дорои имконияташон маҳдуд дар шаҳри Хуҷанд кумакпулӣ ҷудо кардааст

ДУШАНБЕ, 11 июл — Sputnik. Асрор Шарифзода, муовини раиси шаҳри Хуҷанд ба 72 нафар маъюбони навраси синну солашон гуногун ва 5 нафар донишҷӯёни шаҳри Хуҷанд кӯмакпулии яквақта ва туҳфаҳои хотиравӣ дастрас кард. 

Асрор Шарифзода изҳор доштааст, ки парастории маъюбон ва пирони барҷомонда барояшон амали муқаррарӣ буда, ин масъала дар сатҳи давлатӣ ҳалли мусбати худро ёфтааст.

"Ҷорӣ кардани имтиёз ва аёдати ин қабил ашхос дар рӯзҳои иду айём, аз тадбирҳое маҳсуб меёбанд, ки барои дастгирии моддию маънавӣ равона карда шудааст. Дар шаҳр онон бо дастгирии моддию маънавии ҳамаҷонибаи Мақомоти иҷроияи ҳокимияти давлатии вилояти Суғд ва шаҳри Хуҷанд фаро гирифта шудаанд", - омадааст дар иттилоияи котиботи ҳукумати Хуҷанд.

Манбаъ афзуд, ки ба маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷанд барои 62 нафар бошандагон низ кумаки моддӣ ҷудо карда шуда, барои 2 нафар маъюбони шаҳри Хуҷанд аробачаи маъюбӣ дастрас гардид.

Котибот илова намуд, ки тибқи дастури раиси шаҳри Хуҷанд Маъруф Муҳаммадзода 20 нафар шахсони маъюб аёдат карда шуда ба ҳамаи онҳо маводи ниёзи аввал дастрас гардид.

0
Барчаспҳо:
маҳдудият, кумак, Раҷаббой Аҳмадзода, Тоҷикистон