Медицинские работники в госпитале COVID-19

Ёрӣ дар роҳ: ташхисгарони Бритониё, Олмон ва Русия ба Тоҷикистон меоянд

403
(Таҷдидшуда 13:39 14.06.2020)
Рӯзҳои наздик ба Тоҷикистон мутахассисони ташхиси лаборатории Бритониё, Олмон ва Русия омада, ба ҳамтоёни тоҷик дар мубориза бо COVID-19 кумак хоҳанд кард

ДУШАНБЕ, 14 июн – Sputnik. Ба нақл аз рӯзномаи “Ҷумҳурият” сарвари муваққатии намояндагии Созмони ҷаҳонии беҳдошт  дар Тоҷикистон Бахтигул Кориева зимни онлайн-конфронси матбуотӣ дар Женева иттилоъ дод, ки мутахассисони ин се кишвар дар  мубориза бо вируси нав таҷрибаи зиёд дошта, ташрифи корияшон ба Тоҷикистон айни муддао ва судбахш аст.

Ба гуфтаи вай, соҳаи тандурустии Олмон бо мутахассисони варзида, технологияи муосири муолиҷаи бемориҳои гуногун шуҳрати ҷаҳонӣ дорад. Табибони англису рус низ дар олами тиб чеҳраҳои шинохтаанд.

“Чун онҳо ба мубориза бо вируси нав хеле пештар шурӯъ намуда, ҷиҳати пешгирӣ ва табобати он таҷрибаи хуби амалӣ андӯхтаанд, ташрифи корияшон ба Тоҷикистон айни муддао ва судбахш аст. Бо истифода аз таҷрибаи онҳо мутахассисони пажӯҳишгоҳҳои кишвар ташхиси тестии коронавирусро ба таври густурда ба роҳ мемонанд”, - қайд кард хонум Бахтигул Кориева.

Бояд гуфт, ки то имрӯз дар Британия 292 ҳазор, Олмон 187 ҳазор ва Россия беш аз ним миллион ҳодисаи сироят ба коронавирус расман ба қайд гирифта шудааст

Намояндаи ин ниҳоди байналмилалӣ гуфт, ахиран бо мусоидати СҶБ ба Тоҷикистон мутахассисони лаҳистонӣ омаданд. 16 корманди тибби ин кишвар муддати як дар Тоҷикистон бо табобати гирифторони коронавирус ва коҳишдиҳии паҳншавии он машғул мешаванд.

403
Барчаспҳо:
вирус, мубориза, Русия, Олмон, Бритониё, ташхис, тоҷик, Тоҷикистон
Здание администрации города Хорог, архивное фото

Ниқоб пӯшеду фосиларо нигоҳ доред: идомаи корҳои фаҳмондадиҳӣ дар Бадахшон

11
(Таҷдидшуда 15:54 13.07.2020)
"Маркази ҷумҳуриявии ташаккули тарзи ҳаёти солим" барои пешгирӣ аз паҳншавии маризии коронавирус дар Вилояти Мухтори Кӯҳистони Бадахшон корҳои фаҳмондадиҳӣ мегузаронад

ДУШАНБЕ, 13 июл – Sputnik. Бо мақсади пешгирии бемории COVID-19 мутахассисони Муассисаи давлатии “Маркази ҷумҳуриявии ташаккули тарзи ҳаёти солим” дар вилоятҳо ва шаҳру ноҳияҳои кишвар дар байни аҳолӣ  корҳои фаҳмондадиҳиро ба роҳ мондаанд, хабар медиҳад агентии Ховар.

Ба иттилои манбаъ, чунин як чорабинии оммафаҳмонӣ аз ҷониби кормандони ин муассиса дар ВМКБ гузаронида шуд.

Зимни вохурӣ аз сокинони ин вилоят даъват ба амал оварданд, ки аснои сайругашт дар кӯчаҳо ҳатман ниқоби тиббӣ пӯшанд ва ҳамзамон фосилаи иҷтимоиро риоя кунанд.

Дастури президент: Ширин Исматуллозода ба ВМКБ сафар кард

Қобили зикр аст, ки чунин чорабиниҳои оммафаҳмонӣ аз ҷониби мутахассисони марказҳои ҷумҳуриявии ташаккули тарзи ҳаёти солим дар дигар шаҳру ноҳияҳои кишвар низ доир гардида истодаанд.

Ёдрас мешавем, чанде пеш, баҳри пешгирӣ аз паҳншавии бемории сироятии COVID-19 ва табобати он ширкати "Хрустал"  ба  муассисаҳои тандурустии Вилояти Мухтори Кӯҳистони Бадахшон  кумаки навбатӣ расонид, ки он аз  либосҳои бисёркаратаи муҳофизатӣ, ниқобу маҳлулҳои зиддисептикӣ ва доруворӣ иборат мебошад.

Даргузашти шоира Гулнисои Ризвоншо

Сардори раёсати тандурустии  вилоят Фарид Музаффаров гуфт, ки ин ширкат ба муассисаҳои табобатии вилоят 10 ҳазор ниқоб, 179 дона либосҳои бисеркаратаи муҳофизатӣ, маҳлулҳои зиддисептикию доруворӣ  тақдим  намудааст.

Ба изҳори ӯ, ҳамаи ин маводҳо дар анборхона захира карда мешаванд ва дар ҳолати зарурӣ ба муассисаҳои табобатӣ дастрас карда мешаванд.

11
Барчаспҳо:
корҳои фаҳмондадиҳӣ, Бадахшон
Официальный визит президента РФ В. Путина в Таджикистан. День второй

Суҳбати телефонии Раҳмону Путин: кишвардорҳои Тоҷикистону Русия чиро баррасӣ карданд?

231
(Таҷдидшуда 16:16 13.07.2020)
Эмомалӣ Раҳмон ва Владимир Путни як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор дода, масъалаҳои алоҳидаи мубрами минтақавӣ ва байналмилалиро баррасӣ карданд

ДУШАНБЕ, 13 июл – Sputnik. Раисҷумҳури Тоҷикистон Эмомалӣ Раҳмон бо кишвардори Русия Владимир Путин суҳбати телефонӣ анҷом додПрезиденти Федератсияи Россия муҳтарам Владимир Путин суҳбати телефонӣ анҷом дод.

Эмомалӣ Раҳмон бо Владимир Путин телефонӣ суҳбат кард

Ба иттилои котиботи раисҷумҳури Тоҷикистон, дар ҷараёни суҳбат президентҳо як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор додаанд.

"Ҷонибҳо аз вазъи вобаста бо сирояти коронавирус, ки дар миқёси ҷаҳонӣ ҳамоно хеле ҳам муташанниҷ боқӣ мемонад, изҳори нигаронӣ карда, дар хусуси тадбирҳое, ки ҷиҳати паст кардани хатари паҳншавии пандемияи "COVID-19" дар ду кишвар андешида мешаванд, мубодилаи иттилоъ анҷом доданд", - таъкид мешавад дар хабар.

Гуфта мешавад, Эмомалӣ Раҳмон дар рафти суҳбат ба масъалаи суръат бахшидан ба ҳамкориҳои ду кишвар дар соҳаи тандурустӣ таъкид кард.

Ҳамчунин, ҷараёни хуби рушди ҳамдастии Тоҷикистон ва Русия дар дигар арсаҳои ҳамкорӣ, аз ҷумла муносибатҳои тиҷоративу иқтисодӣ, робитаҳои гуманитариву фарҳангӣ ва дар соҳаи таъмини амният қайд карда шуд.

Гузашта аз ин, масоили идомаи шарикии самарабахши ду кишвар дар чорчӯбаи созмонҳои байналмилалӣ ва минтақавӣ низ мавриди таваҷҷуҳи президентҳо қарор гирифтанд.

231
Барчаспҳо:
суҳбати телефонӣ, Владимир Путин, Эмомалӣ Раҳмон