Милиционеры на дороге, архивное фото

Навори "сӯиқасд ба кӯдакдуздиву" ҳангома дар интернет: чаро Хушов кӯдакро пайгирӣ кард

2068
(Таҷдидшуда 18:18 16.06.2020)
Ду рӯз қабл ба шабакаҳои иҷтимоӣ наворе роҳ ёфт, ки дар он гӯё автомашинаи сабукрав як ноболиғеро дар роҳ пайгирӣ намуда, сӯиқасд ба дуздидани ӯ намуд

ДУШАНБЕ, 16 июн — Sputnik. Навори мазкур боис ба баланд шудани ҳаргуна сару садоҳо миёни корбарони шабакаҳои иҷтимоӣ дар мавриди сӯиқасд ба кӯдакдуздӣ дар роҳи мошингарди Душанбе гардид.

Аз хулосабарории корбарон чунин бармеояд, ки автомашинаи сабукрав кӯдакро таъқиб намуда, мусофирони дохили он аз пайи дуздидани ӯ буданд.

Зимнан, навори мазкур ба дасти кормандони Раёсати умури дохилӣ дар шаҳри Душанбе расид ва корбарон аз мақомоти ҳифзи ҳуқуқ дархост намуданд, ки ба қазияи мазкур рушанӣ андозанд.

Ҳамин тариқ, мақомоти милитсияи шаҳри Душанбе, автомашинаи дар навор инъикосгардидаро  муайян намуданд, ки ронандаи он Хушов Сайдалӣ Муҳидович соли таваллудаш 1957, истиқоматкунандаи шаҳри Душанбе, маҳаллаи Қазоқон мебошад.

Навраси 13 солаи Хоруғ дар руди Ғунд афтиду нопадид шуд

Зимни санҷиш муайян карда шуд, ки Хушов Сайдалӣ бо ҳамроҳии ҳамсар ва як нафар устои таъмири телевизион ҳангоми ба хонаи духтараш, ки дар кӯчаи Занаббибӣ қарор дорад, сафар намудан, бо мақсади харидорӣ намудани ноқили (кабел) телевизионӣ ба мағоза медароянд.
Дар ҳамин ҳол писарбачаи 11 - сола Азизов Мансур, ки ӯ низ барои харидани шакар ба мағоза ворид гардида буд, баъди харидорӣ намудан ба манзили истиқоматиашон бармегардад. 

Хонаи духтараш дар ҳамсоягии ҷавонписари хурдсол дар кӯчаи Зайнаббибӣ қарор доштааст.

Ҳангоми бозгашт ҷавонписари хурдсол фикр мекунад, ки автомашинаи мазкур ӯро ба хотири рабудан дунболагирӣ мекунад.

Бо чунин гумон, писарбача гирёну давон роҳи манзили зисташро пеша мекунад. Ҳолати мазкурро ронандаи автомашина Хушов Сайдалӣ дида, фикр мекунад, ки ӯро ягон нафар мавриди ҳамла ва латукуб қарор додааст. Бо ин мақсад ронанда Хушов автомашинаашро манъ карда, ба писарбача ёри доданӣ мешавад, ки ҷавонписари хурдсол ба ӯ гуш накарда, гирён ба хонааш медавад.

Манбаъ меафзояд, барои боз ҳам рушантар намудани асли воқеа ба идораи пулис Азизов Мансур, падараш Азизов Азим, ронандаи автомашина Хушов Сайдалӣ ва дигар нафарон даъват карда шуданд.

Пас аз равшан шудани ҳолати воқеии ҳодиса ва аз байн рафтани ҳамдигарнофаҳмии бавуҷудомада, ҷонибҳо ба хонаҳои худ баргаштанд.

2068
Барчаспҳо:
кӯдак, рабудан, қазия, Душанбе, пулис
Здание администрации города Хорог, архивное фото

Ниқоб пӯшеду фосиларо нигоҳ доред: идомаи корҳои фаҳмондадиҳӣ дар Бадахшон

22
(Таҷдидшуда 15:54 13.07.2020)
"Маркази ҷумҳуриявии ташаккули тарзи ҳаёти солим" барои пешгирӣ аз паҳншавии маризии коронавирус дар Вилояти Мухтори Кӯҳистони Бадахшон корҳои фаҳмондадиҳӣ мегузаронад

ДУШАНБЕ, 13 июл – Sputnik. Бо мақсади пешгирии бемории COVID-19 мутахассисони Муассисаи давлатии “Маркази ҷумҳуриявии ташаккули тарзи ҳаёти солим” дар вилоятҳо ва шаҳру ноҳияҳои кишвар дар байни аҳолӣ  корҳои фаҳмондадиҳиро ба роҳ мондаанд, хабар медиҳад агентии Ховар.

Ба иттилои манбаъ, чунин як чорабинии оммафаҳмонӣ аз ҷониби кормандони ин муассиса дар ВМКБ гузаронида шуд.

Зимни вохурӣ аз сокинони ин вилоят даъват ба амал оварданд, ки аснои сайругашт дар кӯчаҳо ҳатман ниқоби тиббӣ пӯшанд ва ҳамзамон фосилаи иҷтимоиро риоя кунанд.

Дастури президент: Ширин Исматуллозода ба ВМКБ сафар кард

Қобили зикр аст, ки чунин чорабиниҳои оммафаҳмонӣ аз ҷониби мутахассисони марказҳои ҷумҳуриявии ташаккули тарзи ҳаёти солим дар дигар шаҳру ноҳияҳои кишвар низ доир гардида истодаанд.

Ёдрас мешавем, чанде пеш, баҳри пешгирӣ аз паҳншавии бемории сироятии COVID-19 ва табобати он ширкати "Хрустал"  ба  муассисаҳои тандурустии Вилояти Мухтори Кӯҳистони Бадахшон  кумаки навбатӣ расонид, ки он аз  либосҳои бисёркаратаи муҳофизатӣ, ниқобу маҳлулҳои зиддисептикӣ ва доруворӣ иборат мебошад.

Даргузашти шоира Гулнисои Ризвоншо

Сардори раёсати тандурустии  вилоят Фарид Музаффаров гуфт, ки ин ширкат ба муассисаҳои табобатии вилоят 10 ҳазор ниқоб, 179 дона либосҳои бисеркаратаи муҳофизатӣ, маҳлулҳои зиддисептикию доруворӣ  тақдим  намудааст.

Ба изҳори ӯ, ҳамаи ин маводҳо дар анборхона захира карда мешаванд ва дар ҳолати зарурӣ ба муассисаҳои табобатӣ дастрас карда мешаванд.

22
Барчаспҳо:
корҳои фаҳмондадиҳӣ, Бадахшон
Официальный визит президента РФ В. Путина в Таджикистан. День второй

Суҳбати телефонии Раҳмону Путин: кишвардорҳои Тоҷикистону Русия чиро баррасӣ карданд?

308
(Таҷдидшуда 16:16 13.07.2020)
Эмомалӣ Раҳмон ва Владимир Путни як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор дода, масъалаҳои алоҳидаи мубрами минтақавӣ ва байналмилалиро баррасӣ карданд

ДУШАНБЕ, 13 июл – Sputnik. Раисҷумҳури Тоҷикистон Эмомалӣ Раҳмон бо кишвардори Русия Владимир Путин суҳбати телефонӣ анҷом додПрезиденти Федератсияи Россия муҳтарам Владимир Путин суҳбати телефонӣ анҷом дод.

Эмомалӣ Раҳмон бо Владимир Путин телефонӣ суҳбат кард

Ба иттилои котиботи раисҷумҳури Тоҷикистон, дар ҷараёни суҳбат президентҳо як қатор масъалаҳои ҷории муносибатҳои шарикии стратегии Тоҷикистону Русияро мавриди муҳокима қарор додаанд.

"Ҷонибҳо аз вазъи вобаста бо сирояти коронавирус, ки дар миқёси ҷаҳонӣ ҳамоно хеле ҳам муташанниҷ боқӣ мемонад, изҳори нигаронӣ карда, дар хусуси тадбирҳое, ки ҷиҳати паст кардани хатари паҳншавии пандемияи "COVID-19" дар ду кишвар андешида мешаванд, мубодилаи иттилоъ анҷом доданд", - таъкид мешавад дар хабар.

Гуфта мешавад, Эмомалӣ Раҳмон дар рафти суҳбат ба масъалаи суръат бахшидан ба ҳамкориҳои ду кишвар дар соҳаи тандурустӣ таъкид кард.

Ҳамчунин, ҷараёни хуби рушди ҳамдастии Тоҷикистон ва Русия дар дигар арсаҳои ҳамкорӣ, аз ҷумла муносибатҳои тиҷоративу иқтисодӣ, робитаҳои гуманитариву фарҳангӣ ва дар соҳаи таъмини амният қайд карда шуд.

Гузашта аз ин, масоили идомаи шарикии самарабахши ду кишвар дар чорчӯбаи созмонҳои байналмилалӣ ва минтақавӣ низ мавриди таваҷҷуҳи президентҳо қарор гирифтанд.

308
Барчаспҳо:
суҳбати телефонӣ, Владимир Путин, Эмомалӣ Раҳмон
Журналисты, архивное фото

Додситонии кул ба рӯзноманигорон ҳисобот медиҳад

0
(Таҷдидшуда 16:14 13.07.2020)
Рӯзи 14 июл чор ниҳоди давлатӣ дар доираи иҷрои амри раисиҷумҳури Тоҷикистон ба хабарнигорон дар бораи фаъолияташон дар 6 моҳи гузашта иҷозат медиҳанд

ДУШАНБЕ, 13 июл — Sputnik. Додситонии кул, Кумитаи рушди маҳали назди Президент, Кумитаи ҳифзи муҳити зист ва  Хадамоти назорати давлатии бехатарии корҳо дар саноат ва соҳаи кӯҳкории Тоҷикистон аз ҷамъбасти фаъолияташон дар нимсолаи аввали соли 2020 нишасти матбуотӣ баргузор мекунанд.

 

"Роҳбарияти Прокуратураи генералӣ соати 09:00 дар маҷлисгоҳи Прокуратураи генералӣ ва Кумитаи ҳифзи муҳити зист соати 11:00 дар Кумитаи мазкур ба суолҳои намояндагони воситаҳои ахбори омма посух медиҳанд", - хабар дод Ховар.

Манбаъ афзуд, нишастҳои матбуотии Кумитаи рушди маҳал соати 09:00 ва  Хадамоти назорати давлатии бехатарии корҳо дар саноат ва соҳаи кӯҳкорӣ соати 11:00 дар Маркази матбуоти ҷумҳуривии "Ховар" баргузор мешаванд.

Таъкид шудааст, ки бо назардошти аз байн нарафтани хавфи мубталошавӣ ба коронавирус, ба диққати масъулин ва иштирокчиёни нишастҳои матбуотӣ расонида мешавад, ки талаботи муайяннамудаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19-ро қатъиян риоя намоянд.

Нишастҳои матбуотии роҳбарони идораҳои давлатӣ соле ду бор дар доираи дастури Эмомалӣ Раҳмон, раисиҷумҳури Тоҷикистон баргузор мешаванд.

0
Барчаспҳо:
рӯзноманигорон, амри президент, нишасти хабарӣ, Тоҷикистон