Здание администрации города Хорог, архивное фото

Мақомоти Бадахшон хабари таҷаммӯи эътирозгарон дар шаҳри Хоруғро бепоя хонданд

1725
(Таҷдидшуда 20:17 17.06.2020)
Мақомоти иҷроияи ҳокимияти давлатии ВМКБ овозаҳо дар мавриди баргузории митинг дар шаҳри Хоруғро бепоя хонд

ДУШАНБЕ, 17 июн — Sputnik. Сухангӯи раиси Вилояти Мухтори Кӯҳистони Бадахшон, Ғолиб Ниятбеков ба Sputnik Тоҷикистон гуфт, дар маркази вилоят ягон гирдиҳамоӣ сурат нагирифтаст.

Хабари таҷаммӯъи сокинон дар маркази Бадахшонро чанде қабл хабаргузории "Ахбор" нашр намуд буд.

Ҳисоботи мақомоти ВМКБ аз маблағи харҷкардаашон алайҳи COVID - 19

Бар хабари манбаъ, гӯё рӯзи 17 - уми июн даҳҳо нафар сокинон дар майдони марказии шаҳри Хоруғ як тазоҳуроти эътирозиро баргузор намуданд.

"Сокинон дар Хоруғ ба нишони пуштибонӣ аз эътирозгарони Рӯшон ҷамъ шудаанд ва аз мақомот талаб доранд, ки таъқиби дастикам 4 сокини Рӯшон, бо шумули фармондеҳи собиқи оппозитсия Ёдгор Ғуломҳайдаровро бас кунанд", - таъкид мешавад дар хабари сомонаи "Ахбор".

Аммо сухангӯи раиси вилоят ин иттилоъро дур аз ҳақиқат хонда, изҳор дошт, ки дар маркази вилоят ягон гирдиҳамоӣ вобаста ба вазъияти Рӯшон сурат нагирифтааст.

Ниятбеков барои собит намудани носаҳеҳии ин хабар дар сафҳаи худ, навор аз майдони марказии шаҳри Хоруғро нашр намуд.

Дар навори нашршуда, майдони марказии шаҳр аз одамон холӣ буда, ягон нишон аз баргузор шудани тазоҳуроти эътирозӣ мушоҳида намешавад.

1725
Нож в руке

Ба қафаси синаи бародараш корд зад: боздошти марди 40 сола дар Конибодом

40
Вазорати умури дохилии Тоҷикистон аз боздошти як мардт 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

40
Доллары в конверте, архивное фото

Боздошти афсар барои талаби пора аз бародари сарбоз

143
(Таҷдидшуда 09:39 07.07.2020)
Агентии молиявӣ ва мубориза бо коррупсияи Тоҷикистон аз боздошти афсаре хабар медиҳад, ки аз бародари як сарбоз маблағ талаб кардааст

 

ДУШАНБЕ, 7 июл — Sputnik. Бо иттиҳоми гирифтани пора афсар Ёрмаҳмад Нуров боздошт гаштааст, хабар медиҳад, дафтари матбуотии Агентӣ.

Бино ба иттилои дафтари матбуотии Агентӣ Ёрмаҳмад Нуров барои дар қисмҳои ҳарбии гарнизони Душанбе ҷойгир намудани шаҳрванд “А”, ки барои хизмати ҳарбӣ даъват гардида буд, бо роҳи фиреб ва суиистифодаи боварӣ аз бародараш шаҳрванд “Б” маблағи 1200 доллари ИМА талаб намуд.

Манбаъ мегӯяд, дар натиҷаи гузаронидани чорабиниҳои оперативӣ–тафтишотӣ Нуров Ё.Г. баъди аз шаҳрванд “Б” гирифтани маблағи 1200 доллари ИМА дастгир гардида, маблағи мазкур ҳамчун далели шайъӣ аз ӯ  дарёфт ва гирифта шуд.

Гуфта мешавад, дар ин асос нисбати Нуров Ё.Г. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ ба мақомоти прокуратура ирсол карда шуд.

Дафтари матбуотии Агентӣ дар бораи мақом ва рутбаи афсар иттилоъ надодааст.

143
Барчаспҳо:
Агентии мубориза бо фасоди молӣ, боздошт, пора, сарбоз, Афсар, Тоҷикистон