Российской военно-транспортной авиации 89 лет

Фоҷиаи хонаводаи Баҳриддини Сабур: аз вафоти модар дар тӯйи хоҳар то марги падар - видео

1882
(Таҷдидшуда 13:56 18.06.2020)
Баҳриддини Сабур - рӯзноманигор ва продюсери тоҷик дар бораи фоҷиаи хонавоаи худ - вафоти модар дар рӯзи туйи хоҳар ва марги нобаҳангоми падар нақл кард

ДУШАНБЕ, 18 июн – Sputnik. Баҳриддини Сабур продюсер ва рӯзноманигори тоҷик дар барномаи "Ногуфтаҳо" - и журналист Орзу Исоев дар бораи фоҷиаи зиндагиаш гуфт.

Модари Баҳриддин соли 2016 дар синни 56-солагӣ аз бемории ҷигар даргузаштааст, ва он ҳам дар рӯзи тӯйи духтараш. 

"Дар рӯзи тӯйи хоҳарчаам ҳамин кор шуд ва шодиву ғам ба ҳам печид", - гуфт Баҳриддин.

Баҳриддин аз он афсӯс мехӯрад, ки модараш фарзанди ӯро надида аз олам даргузашт ва вақт имкон надод то бештар ба модараш хизмат кунад.

"Мо панҷ сол фарзанд наёфтем ва кӯдаки нахустинамонро пас аз ду рӯзи таваллуд аз даст додем. Боз баъди ду сол фарзанддор шудем вале модарам набераро надиду вафот кард. Ӯ дар фироқи бефарзандии ман бисёр азоб кашид", - гуфт Баҳриддин ва афзуд, ки хами абрӯи писараш ба модараш бисёр монанд аст.

Падари Баҳриддин нобаҳангом, моҳи апрели ҳамин сол аз олам чашм пӯшид. Пизишкон гуфтаанд, ки ӯ дар паи сактаи қалб вафот кардааст, вале Баҳриддин мегӯяд падараш сиҳату саломат буд.

"Ростӣ ба хонаводаи мо ҳамин вабои аср роҳ наёфт. Мо нисфирӯзӣ дар хона нишаста будем, як ду меҳмон аз рафиқони падарам буданд. Падарам дӯстонашро гусел кард ва ба намози пешин омодагӣ медидем. Як замон модарандарам - (падарам пас аз вафоти модарам хонадор шуд), ба ҳуҷраи ман ворид шуд ва гуфт, биё ки падарат чӣ коре кардаст. Мерам, ки аллакай ҷон ба ҷонофарин супоридааст", - нақл мекунад Баҳриддин бо ашки чашмон.

Ӯ мегӯяд пас аз вафоти волидонаш худро хеле оҷизу танҳо эҳсос кард. Ӯ падару модарашро чун ду қаноташ тасвир мекунад.

"Ман пас аз ин ҳама фоҷиа фаҳмидам, ки ҷӣ қадар инсон дар назди марг оҷиз аст. Ту намедонӣ фардо чӣ мешавад", - мегӯяд Баҳриддин ва даъват мекунад, ки ҳар инсон нисбати наздиконаш меҳрубон бошад, чун ин дунё барои бадбинию хушунат намеарзад.

Баҳриддини Сабур ба ҳамаи онҳое, ки қиблагоҳашон дар барашон ҳастанд маслиҳат медиҳад, ки ҳар дақиқаю сония дар хизмати волидон бошанд, ҳамеша ба сӯяшон табассум кунанд ва ҳеҷ гоҳ онҳоро наёзоранд ва ҳар дам барояшон бигӯянд, ки "модарҷон, падарҷон ман шуморо дӯст медорам".

Барномаи "Ногуфтаҳо" дар назди Мақбараи Султон Увайси Қаранӣ воқеъ дар ноҳияи Ховалинги вилояти Хатлон ба навор гирифта шудааст.

Дар охир Орзу Исоев ва Баҳриддини Сабур аз он гуфтанд, ки ситораҳои санъат ва ҳунармандон низ дар дил дардҳои зиёде доранд, ки паси наворҳо дида намешавад.

1882
Барчаспҳо:
фоҷиа, хоҳар, падар, модар, марг, Тоҷикистон
Мужчина пьет холодный напиток в жару, архивное фото

Ҳаво дар Бадахшон то 30 дараҷа гарм мешавад: пешгӯии дақиқи обуҳаво дар Тоҷикистон

13
Агентии обуҳавошиносии Тоҷикистон дамои ҳаво дар ҷумҳуриро камабру бебориш арзёбӣ мекунад. Дар ғарби ВМКБ то 30 дараҷа гармшавии ҳаво дар назар аст

ДУШАНБЕ, 7 июл — Sputnik. Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво камабр  шуда, эҳтимоли боришоти сусти марҳилавӣ дар назар аст, хабар медиҳад агентии "Ховар" бо такя ба маълумоти Ожонси обуҳавошиносӣ.

Ҳаво дар ғарби вилоят шабона 10+15 ва рӯзона 25+30 дараҷа гарм  мешавад. Дар  шарқи вилоят  ҳаво шабона аз 0+5 дараҷа гарм ва рӯзона 13+18 дараҷа гарм мешавад.

Ҳаво дар вилояти Суғд камабр ва тағирёбанда  мешавад.Ҳаво  дар водиҳо шабона 17+22 ва рӯзона 34+39  дараҷа гарм  мешавад. Дар ноҳияҳои кӯҳӣ ҳаво шабона 6+11  ва рӯзона 23+28 дараҷа гарм мешавад.

Обу ҳаво: имрӯз дар Тоҷикистон то 41дараҷа гарм мешавад

Дар вилояти Хатлон ҳаво камабри бебориш мешавад. Ҳаво дар водиҳо шабона 18+23 ва рӯзона 36+41 дараҷа гарм мешавад. Дар доманакӯҳҳо ҳаво шабона 15+20 ва рӯзона 28+33 дараҷа гарм мешавад.

Дар шаҳру ноҳияҳои тобеи марказ ҳаво камабри бебориш мешавад. Ҳаво  дар водиҳо шабона 14+19 ва рӯзона 34+39 дараҷа гарм мешавад. Дар ноҳияҳои кӯҳӣ ҳаво шабона 10+15 ва рӯзона 28+33 дараҷа  гарм мешавад.

Дар шаҳри Душанбе ҳаво камабри бебориш мешавад. Ҳаво шабона 16+18 ва рӯзона 36+38 дараҷа гарм мешавад.

13
Барчаспҳо:
пешгӯӣ, гармӣ, Ожонси обуҳавошиносӣ
Нож в руке

Ба қафаси синаи бародараш корд зад: боздошти марди 40 сола дар Конибодом

73
(Таҷдидшуда 11:38 07.07.2020)
Вазорати умури дохилии Тоҷикистон аз боздошти як марди 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

73

Ташрифи ҳайати СҶБ ба Туркманистон, кишваре, ки худро озод аз COVID-19 медонад

0
(Таҷдидшуда 11:44 07.07.2020)
Ҳайати Созмони ҷаҳонии беҳдошт оилд ба масоили коронавирус рӯзи гузашта вориди Туркманистон гардид Ханс Клюге, раҳбари Дафтари минтақавии СҶТ дар Аврупо дар Твиттераш дар ин бора хабар додааст

ДУШАНБЕ, 7 июл — Sputnik. Ду рӯз пеш Катерине Смоллвуд,  намояндаи Дафтари минтақавии СҶТ дар Аврупо оид ба ҳолатҳои фавқулодда гуфт, ки ҳайати созмон баҳри ҳамкорӣ бо мақомоти маҳаллӣ дар робита ба омодагӣ ва пешгирии коронавирус Туркманистон мераванд.

Ба иттилои манбаъ, намояндагони СҶБ тули 10 рӯз дар ин кишвар хоҳанд монд.

Гуфта мешавад ин муддат, намояндагони ТУТ бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ менамояд.

Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятӣ ва шаҳрӣ ва нуқтаҳои даромадгоҳӣ дидан хоҳанд кад.

Қаблан вазири умури хориҷаи Туркманистон Рашид Мередов дар рафти нишасти матбуотие изҳор дошт, ки ҷумҳурӣ омода аст ҳайати СУТ-ро аввалҳои моҳи июл пешвоз гирад.

СҶБ ба ваксинаи Русия алайҳи коронавирус эътимод дорад ва пешниҳоди ҳамкорӣ намуд

Мередов дар ҳамин нишасти матбуотӣ таъкид кард, ки то ҳол Туркманистон ба кишварҳое шомил мешавад, ки бо коронавирус рӯ ба рӯ нашудааст.

Ӯ далоили набудани коронаро на  саривақт бастани марз, балки рушди низоми тандурустӣ гуфтааст. 

 

 

0