Рахматилло Зойиров. Архивное фото

Вокуниши ВКД ба таҷовузи духтари 12 сола дар Ҳисор: рӯйпӯшӣ ва фишор нест

6397
Вазорати корҳои дохилии Тоҷикистон иттиҳомот дар бораи рӯйпӯш шудани таҷовузи як духтари 12 – сола дар ноҳияи Ҳисор аз сӯи тафтишотро рад кард

ДУШАНБЕ, 18 июн — Sputnik. Нусратулло Маҳмадзода, сухангӯи ВКД ба Sputnik Тоҷикистон гуфт, парвандаи ҷиноӣ дар прокуратураи шаҳри Ҳисор боз шуда, тафтишот идома дорад ва мавориди рӯйпӯшву фишори касе ба касе эҳтимоле беш нестанд.

Вай афзуд, азбаски ин ҳодиса соли 2019 иттифоқ афтода, аммо аз ин ҳисоб, ки ҳомила будан ё набудани духтар маълум набудааст, тарафи ҷабрдида ба мақомот муроҷиат накардааст.

 “Вақте ки аломатҳои ҳомиладор будани духтар пайдо мешавад, он гоҳ пайвандонаш ба мақомот муроҷиат кардаанд. Пас аз таваллуди тифл духтар нишондод медиҳад, ки аз Ҳусниддин Абдуллоев ҳомила шудааст. Тафтишот идома дорад, аммо гумонбари асосӣ маълум нест. Эҳтимоли ширкати дигар афрод дар ин ҷиноят низ вуҷуд дорад. Ҳоло натиҷаҳои ташхисҳои зарурӣ маълум шавад, гунаҳкор низ рӯи об хоҳад баромад”, - гуфт Нусратулло Маҳмадзода.

Рӯзи гузашта, 17 июн, Раҳматулло Зоиров, вакили дифоъи як духтари 13 – сола, ки муддаӣ аст, нафари таҳти ҳимояташ таҷовуз шудааст, ба прокурори генералӣ ва вазири корҳои дохилии Тоҷикистон нома навишта, хабар дод, ки прокуратура ва мақомоти корҳои дохилии шаҳри Ҳисор ин ҷиноятро рӯйпӯш ва ба хешовандони ҷабрдида таҳдид мекунанд.

 Бино ба навиштаи Раҳматулло Зоиров, ин ҳодиса дар ҷамоати деҳоти Сомон, участкаи Кӯчабоғи паҳлӯи варзишгоҳи навбунёди Ҳисор, иттифоқ афтода, як фарди 42 – сола ба номи Ҳусниддин Абдуллоев соли 2019 духтари 12 – солаи ҳамсояаш Хайруддин Зарипов, корманди корхонаи асфалт ба номи Сумая Хайриддинова, мутаваллиди 2007 – ро дар говхона таҷовуз кардаст.

 “Илова бар ин, зимни таҳдид ва суиистифода аз нотавонии духтар, ӯ беш аз як бор ба ин духтар таҷовуз кардааст. Ниҳоят ин духтар маҷбур шуд ба волидайни худ бигӯяд, ки чӣ иттифоқе барои ӯ меафтад ва Ҳусниддин Абдуллоев бо ӯ чӣ мекунад”, - омадааст дар мактуби вакили дифоъ, ки дар сафҳаи фейсбукиаш нашр шуд.

Бино ба навиштаи ӯ, вақте волидайн аз ҳодиса огоҳ мешаванд, Абдуллоев бо таҳдид ба духтар ва волидайнаш онҳоро нагузоштааст, ки ба мақомот ариза нависанд, аммо пас аз гузаштани муҳлати муайян ин духтар бордор шуд ва волидайнаш ба прокуратураву мақомоти корҳои дохила шикоят бурданд.

“Онҳо аризаро нагирифтанд. Илова бар ин, муттаҳамро пуштибонӣ карда, бо паёмадҳои вахим таҳдид карданд”, - навиштааст Раҳматулло Зоиров.

Вай навиштааст, ду моҳ аст, ки духтар таваллуд кардааст ва дар ин муддат мақомот аризаро қабул накарда, сари духтару волидайнаш фишор меоранд, то ҳама корро ба таври мусолиматомез ва бидуни оқибат ҳал кунанд.

 “Акнун духтар 13-сола аст, кӯдак думоҳа. Ва кӯдак дар вазъияти ҷиддӣ қарор дорад. Авзоъ ба ҳадде печида аст, ки кӯдак метавонад бимирад ва пас аз он, кормандони додситонӣ ва мақомоти корҳои дохилӣ ба ҳамроҳии муттаҳам ин мавқеъро мегиранд, ки таҷовуз умуман вуҷуд надоштааст, ӯ кӯдакро аз куҷое ҳосил кардааст ва акнун Ҳусниддин Абдуллоевро муттаҳам мекунад”, - менависад Раҳматулло Зоиров.

Мавсуф аз Юсуф Раҳмон, прокурори генералӣ ва Рамазон Раҳимзода, вазири умури дохили Тоҷикистон хостааст, ки ин қазияро таҳти назорати худ гиранд, зеро ин аввалин мавриди таҷовуз ба афроди зери синни қонунӣ нест ва аксар вақт аз тариқи ошнову бастагон, додани ришва ва ғайра, муттаҳамон ба таҷовузи ҷинсӣ аз масъулияти қонунӣ фирор мекунанд.

6397
Барчаспҳо:
тафтишот, Ҳисор, духтар, таҷовуз, иттиҳом, Вазорати корҳои дохила, Тоҷикистон
Военные учения России и Таджикистана

“Ҷанг бо артиши номаръӣ”: гирифтории афсарони сарбозони тоҷик ба “вируси корона”

6
(Таҷдидшуда 14:56 14.07.2020)
Сарпрокуратураи ҳарбии Тоҷикистон мавориди гирифтории афсарону сарбозони тоҷик ба “вируси корона” – ро эътироф кард

ДУШАНБЕ, 14 июл — Sputnik. Икром Зоирзода, муовини прокурори генералӣ ва сарпрокурори ҳарбии Тоҷикистон зимни нишасти матбуотӣ дар ҷамъи хабарнигорон гуфт, пандемияи “вируси корона” ба қисмҳои низомии артиши Тоҷикистон низ расида, иддаеро мубтало кард.

“Мо аз 30 апрел, рӯзе, ки аввалин мавориди гирифторӣ ба “вируси корона” дар кишвар эълон шуд, ба хотири ҷилавгирӣ аз паҳншавии он дар ҷузъу томҳои низомии Тоҷикистон мулоқоти наздикону пайвандон бо ҳайати шахсиро маҳдуд кардем. Ин то ҷое пеши паҳншавиро гирифт. Дар миёни хизматчиёни ҳарбӣ, албатта, ҳолатҳои сироятёбӣ, аз ҷумла миёни афсарон сабт шудааст. Хушбахтона, ҳолати фавт вуҷуд надорад”, - гуфт Икром Зоирзода.

Сарпрокурори ҳарбии Тоҷикистон дар ин маврид рақами мушаххасеро ироа накард, аммо гуфт, ҳамаи маризон дар шифохонаҳои ҳарбӣ таҳти тадовӣ гирифта шуда, то ба ҳол ҳар ҳафта на кам аз ду маротиба қисмҳои ҳарбӣ тамиз карда мешаванд.

Тибқи иттилои вазорати тандурустӣ ва ҳифзи иҷтимоии Тоҷикистон, аз 30 апрел то бегоҳи 13 июли соли равон дар кишвар 6595 мавриди гирифторӣ ба “вируси корона” сабт шуда, аз ин теъдод 5278 нафар ё худ 80% шифо ёфта, 55 нафар ҳам ҷонҳои худро аз даст додаанд.

6
Барчаспҳо:
эътироф, тоҷик, сарбоз, афсарон, Прокуратура, Тоҷикистон
Раиси шаҳри Истаравшан Баҳром Иноятзода

Додситони кулл: раиси пешини шаҳри Кӯлоб барои ҷиноятҳои марбут ба замин боздошт шуд

23
(Таҷдидшуда 14:45 14.07.2020)
Имрӯз зимни нишасти матбуотӣ додситони кулли Тоҷикистон таъкид дошт, ки парвандаи собиқ раиси шаҳри Кӯлоб дар ҳолли баррасӣ аст

ДУШАНБЕ, 14 июл – Sputnik. Юсуф Раҳмон, додситони кулли Тоҷикистон, имрӯз дар шаҳри Душанбе  зимни нишасти матбуотӣ таъкид дошт, ки Баҳром Иноятзода, раиси пешини шаҳри Кӯлоб барои ҷиноятҳои марбут ба замин боздошт шудааст.

“Баҳром Иноятзода, собиқ раиси шаҳри Кӯлоб барои дағалона вайрон кардани ҷиноятҳои марбут ба замин ба ҷавобгарӣ кашида шудааст”, - қайд кардааст Юсуф Раҳмон.

Дар ҳамин ҳол, прокурори генералӣ овозаҳои бо дастури Иноятзода ба фурӯш гузошта шудани кумаки башардӯстонаи ба шаҳр воридшуда, аз ҷумла маҳсулоти хӯрокворӣ ва маводи тиббиро рад кард.

Моҳи гузашта нирӯҳои амниятии Тоҷикистон Баҳром Иноятзода, собиқ раиси шаҳри Кӯлобро бо гумони "фасодкорӣ" дастгир карданд.

Рӯзи 8-уми июн Кумитаи давлатии амнияти миллии Тоҷикистон эълон кард, ки маъмуронаш Баҳром Иноятзода, раиси шаҳри Кӯлобро бо иттиҳоми "фасодкорӣ" дастгир карданд.

КДАМ хабар дода буд, ки 27-уми майи соли 2020 ронандаи автомашинаи хизматии Баҳром Иноятзода – Хуррамов Хурсандалӣ Пардаевич ва  3 июни соли 2020 мудири қабулгоҳи Раиси шаҳри Кӯлоб Қурбонов Фирӯз Давлатхоҷаевич бо ҷурми қаллобӣ ба ҳабс гирифта шуданд.

Ба иттилои манбаъ, дар рафти тафтишоти пешакӣ Хуррамов Хурсандалӣ ва Қурбонов Фирӯз нишондод пешниҳод карданд, ки онҳо ин кирдорҳояшонро бо супориши раиси шаҳри содир намудаанд.

"Ҳамчунин, аз сокинони шаҳри Кӯлоб якчанд ариза доир ба амалҳои коррупсионии раиси шаҳр Б. Иноятзода ворид гардид. Ҳангоми санҷиш далелҳои дар аризаҳо овардашудаи ҷабрдидагон тасдиқи худро ёфтанд",- хабар дода буд КДАМ Тоҷикистон.

Ҳамзамон, додситони кулли Тоҷикистон гуфт, дар шаш моҳи аввали соли ҷорӣ 513 парвандаи ҷиноӣ вобаста ба замин ва заминфурушӣ оғоз шуда, садҳо нафар барои қонуншиканӣ ба ҷавобгарӣ кашида шудаанд.

Юсуф Раҳмон, афзуд, 3248 нафар барои қонуншиканӣ ба ҷавобгарии интизомию маъмурӣ кашида шуда ва беш аз 6286 гектар қитъаи замин ба ҳолати аввал баргардонида шудааст. Зарари расида аз ин ҷиноятҳо 1,6 млн сомонӣ барқарор карда шуд.

23
Барчаспҳо:
замин, ҷиноят, баррасӣ, шаҳри Кӯлоб, парванда, додситони кулл, Тоҷикистон